بوابة الثانوية العامة المصرية - كلها شهرين ونرتااااح

بوابة الثانوية العامة المصرية (https://www.thanwya.com/vb/index.php)

- اجتماعيات طالب (https://www.thanwya.com/vb/forumdisplay.php?f=112)

- - كلها شهرين ونرتااااح (https://www.thanwya.com/vb/showthread.php?t=413815)

انا حاسس ان انا مش هرتاح الا ما اخلص تعليم خالص ... انا عندى وسواس فى المذاكره معذبنى والله العظيم ... السنه اللى فاتت فضلت اعيد فى كتاب الكميا لغايه اما وصلت لدرجه انى كنت بسمعه زى القران
بس للاسف نقصت فى الكمياhttp://1.1.1.5/bmi/thanwya.com/vb/im...milies/sad.gif

ربنا يسترها معانا السنه دى

اقتباس:

طب اسنان طنطا

اخيرا حد من الطنطاويه جه هنا المنتدى ..... انا كمان من طنطا http://1.1.1.3/bmi/thanwya.com/vb/im...es/biggrin.gif

اقتباس:

المشاركة الأصلية كتبت بواسطة بقايا قلب (المشاركة 4390875)

والله انا كمان عندى حكاية الوسواس دى بس خير ده بيبقى من خوفنا بس مش اكتر وعلى فكرة انا من المنوفية يعنى جيران بردو وطنطا اقرب حاجة لينا طبعا فى الكليات اسنان او صيدلة فادعيلى اجى عندكو اسنان . ومتخفش من حكاية الوسواس دى بس حاول متضيعش وقتك عموما . بالتوفيق.

اجدع ناس المنوفيه ... وان شاء الله تلحقى اسنان طنطا ..

وربنا يوفقنا جميعا

اقتباس:

المشاركة الأصلية كتبت بواسطة بقايا قلب (المشاركة 4390941)

اجدع ناس المنوفيه ... وان شاء الله تلحقى اسنان طنطا ..

وربنا يوفقنا جميعا

شكرا . وربنا يسمع منك وكل واحد يدخل اللى هو عاوزه.

كلام جميل جدا

بس انا عايز اعلق على حكاية الكلية و المذاكرة فيها

يعنى انا بدخل الكلية مش عشان الاسم بتاعها و ان الناس تنادينى يباش مهندس او يا دكتور لا انا داخل عشان اتعلم لان التعليم الصح بيبدا منها لانه بيكون التعليم المهم اللى انت هشتغل بيهو هخدم بيه دينى و مجتمعى ان شاء الله

فانا مش متصور انى ادخل الكلية بعد تعب الثانوية و العذاب ده و مذكرش فيها و اجى اخر شهر يا فرحتى اذاكر و اكون عايز اجيب تقدير حتى لو جبت تقدير هتكون فاهم حاجة !!!!!!!
و لا هتتطلع من الكلية باللقب بس و بنفس دماغ الثانوية !!!!!!!!!!!!

باختصار _عشان منتصدمش _ محدش يخلى حلمه و هدفه قصير و قاصر و يكون هو انه ينط من فوق سور الثانوية و يخش كلية محترمة و خلاص و يفتكر ان وقتها خلاص هيرتاح بالعكس ده وقتها بدات المذاكرة الجد و الدراسة الصح

فانا مثلا مش هدفى اجيب مجموع لانى مقرر من جوايا ان اكيد ربنا مختارلى كلية تناسبنى ايا كانت الكلية و ايا كان اسمها فانا مبرمج نفسى من دلوقتى وواخد قرار انى اتفوق و انجح فى اى كلية هتجيلى
بس طبعا ده ميمنعنيش من المذاكرة بالعكس ده بيكون حافز ليا لانى عايز اطلع من الثانوية بمجهود مش بمجموع و خلاص

فيا ريت نصحح مفهومنا شوية و نعرف ان الثانوية مش نهاية المطاف ( كمذاكرة و مجهود او كفشل لقدر الله )
و نحدد هدفنا الصح من دلوقتى و نتعود عليه عشان منتصدمش و نواجه مشاكل فى المستقبل احنا فى غنى عنها حتى لو كانت بسيطة

و اسف لانى طولت بس الكلام ده كنت حاسس انه مهم و لازم يتقال و يا رب اكون وفقت فيه

ياريت الشهرين دوول يعدوا بقى الواحد زهق

شكرا على النصايح الجميلة دى
وربنا يوفقنا كلنا

جزاك الله خيرا

انا بقى لسه شهرين وادخل فى موسوعة التوتر

تسلم ايدك ع النصايح يادكتورة ;)
بالتوفيق ان شاء الله

اقتباس:

المشاركة الأصلية كتبت بواسطة صدى الدمعة (المشاركة 4393541)

تسلم ايدك ع النصايح يادكتورة ;)
بالتوفيق ان شاء الله

تسلمى يارب وشكرا على مرورك الجميل. بالتوفيــــــــــــــق.