المشاركة الأصلية كتبت بواسطة the coder (المشاركة 4643623)

ماشي يا استاذ خالد
تعليقي بداية علي تعليقك الاول:
عايز تتعلم صح مينفعش تاخد السلم نط مرة واحدة....الموضوع البسيط ده في ناس مفهمتوش برضه
عايز تتعلم في طرق واساليب ولازم تتبع فيها الاسلوب المنطقي
يعني مثلاً علاقتي كاردان وفيراري لا يمكن اشرحهم لحد او اجيبهم في كتاب الا كمعلومة زايدة واتحداك ان جبت رياضي بيميل لاستعمالهم
لان عندك نمريات اسهل زي نظرية العامل وطريقة نيوتن رافسون وطرق عددية تانية اسهل
ثم انتا حاولت تعرض منهج قد اختلف معاك فيه لان كل واحدة من دول تحتاج اني اقنع الطالب بيها بدءاً من حساب المثلثات جه منين نهايةً بالمتسلسلات المثلثية .... ده لو حابب تتعلم صح
لما تطلع تالتة ثانوي في الاعداد المركبة هتلاقيه جايبلك الثابت e من غير مايعرفك ايه هو ويقولك سبق دراسته في الصف الثاني واحنا مدرسناهوش (في صيغة اويلر للاعداد المركبة) وهي اجمل نظرية رياضية
ان شاء الله انا بجهز لمشروع ان شاء الله انتا نفسك تستفيد منه علي المنتدي ان شاء الله اعلم من خلاله الطلاب صح ويكون مبسط بالشكل الكافي
واشكرك لتفاعلك يا خالد

المشاركة الأصلية كتبت بواسطة einstien (المشاركة 4643073)

يا جماعه احنا عاوزين نتعلم صح مرة واحدة فى حياتنا والله التعليم مش فاشل احنا فاشلين ولازم نعترف بكدة ومننكرش الحقيقه دى اللى جايب 100% فاشل اذا لم يكن متعلم بجد يعنى مش حافظله كلمتين الكتاب وبس فين النت ؟ فين معلومات النت؟ فيه مواقع رياضه ملياااااااانه معلومات وللاسف معظم المدرسين بيخافوا يدخلوا عليها احسن ميعرفوش يحلوا ولا حاجة احنا عندنا قران اخر اسمه كتاب الوزارة دايما بنعبد كتاب الوزارة كانه كتاب سماوى نزل من عند الله عمرنا ما فكرنا ان اللى عمله بشر مانحاول نتعلم اللى فى الكتاب دة ونحاول نتعلم حاجات تانيه لانفسنا انا اتمنى ننفذ اللى بقوله هنا واللى اخرة ثانوى عام ميبقاش اخرة ثانوى عام عشان بس الطلبه اللى بتدخل طب وبتفشل فيه واللى بتدخل هندسه وبتجيب مقبول طب ماهو دة من انهم اخرهم اعدادى كمان مش ثانوى عام مش لازم اللى يطلع من الثانوية يجيب 100% مايجيب 97 ويبقى فاهم اللى بيدرسه يبقى فاهم يعنى ايه نهاية داله مثلا يعنى ايه الكلمه دى بدل مانحل مسائل وبس فى الررياضه واحنا اصلا مش فاهمين المعنى الفلسفى للموضوع الرياضى دة والله يا باش مهندس جرب بس واللى مش فاهم ولا كلمه يعد يسال لحد مايفهم وهيفهم ان شاء الله