|
اقتباس:
شكرا لمرورك يا قمر؟ |
بصى يا حبيبى يلا نحسب انتى جبتى 90% .... يعنى انتى داخلة 3 بمجموع 95% ازااااااااااااااااااااااى؟؟؟ احنا عارفين ان فى 2 كل درجتين ... ب1 % وفى 3 كل 4 درجات ب 1 % يعنى انتى دلوقتى جايبة 95% من المجموع الكلى لو منقصتيش اااااى درجات فى 3 وكمان بالمستوى... وبردو لو منقصتيش اى درجات يبقى انتى جايبة 96.1 % والحد الادنى لهندسة بيكون فى حدود 92 او 93 بس من غير السنادى عشان التنسيق كان ناااااااااااااااااااااااار ييعنى حاولى ماتزيديش عن 12 درجة تخسريهم وبصى يا حبيبى والله العظيم اللى هيجيلك هو احسن حاجة ليكى ربنا مش بيعمل حاجة وحشة ابدا لحد مايستاهلش الشر لو مجاتلكيش هندسة الله اعلم كان ممكن ايه وحش تشوفيه فيها وربنا معاكى يا رب و توصليلها :) |
اقتباس:
|
السلاام عليكم
مش تحبطى او اى حاجه انتى شدى حيلك جامد جداً لسسنادى وعلى فكره 2 اصعب من 3 فانتى شدى حيلك عشان السنادى تيجيبى 100 ولو حتى بالمستوى هيبقى كده جايبه 95 وان شاء الله تدخلى بيها اللى عايزاه ومتبصوش انك هتنقصى 4 او 5 فركزى على انك متنقصيش ولا درجه وربنا هيوفقك وبعدين متبصوش للى بيغش والكلام دا استحاله ربنا يساويكم سبحانه انه العدل والله هيجى عليهم يوم وهيكشفو فيه ومش هيقدر يفيدهم الغش |
اقتباس:
بجد انتي فرحتيني اوي شكرا لمرورك الجميل |
اقتباس:
شكرا لمرورك الجميل |
بصى واللة العظيم انا زيك بالظبط جبت 90% فى تانية واتظلمت وهكمل علمى رياضة وناس كتير قالولى حول ادبى بس انا شايف انى شاطر الحمد للة فالواحد يعمل اللى علية ويذاكر ويبقى انسان كويس ويسيب الباقى على ربنا فا انتى اعملى كدة وملكيش دعوة بكلام حد لان دا مستقبلك وانتى اللى هتقررى هتعملى اية مش الناس فالمفروض تشوفى اللى هيريحك وتعملية وانا عن نفسى الحمد للة اخدت قرارى وهكمل علمى رياضة
|
شكرا لمرورك الجميل
وربنا معانا بقي ويوفقنا |
صاحبي ف تانيه جاب 94.1
ف تالته 100% المتوسط 97.1% ودخل هندسه برجل على رجل عشان عنده اصرار خلص الكلام |
يا حبيبتى كملى رياضة والله هى لذيذة ومتسمعيش لكلام الناس والله سهل جدا انك تجيبى 100%
بس اهم حاجة انك تذاكرى والرياضة كل متحلى فيها هتلاقى مستواكى العلمى اتحسن اكتر ونصيحة منى انتى وبتذاكرى ابدائى بالرياضة واعلمى ان الخيرة فى ما اختاره الله يارب ذى النهارده تكونى فى كلية الهندسة وتكونى اكبر مهندسة ربنا يوفقك |
اقتباس:
اقتباس:
يارب اميين ادعيلي انتي بس |
في الاول وفي الاخر لازم تقولي الحمدلله لان ربنا هو اللي مقدر كل شئ بس أهم حاجة اوعي تسمعي لكلام الناس والله مفيش حاجة بتنزل الانسان لتحت غير كده..لما تاخدي قرار لازم تبقي واثقة من نفسك ولا تحطي في بالك اصلي الناس هيقولوا كذا... انتي بتعملي مستقبل لنفسك مش ليهم ومحدش هينفعك غير نفسك وبس وكملي رياضة وان شاء الله نشوفك أكبر مهندسة وربنا معاكي ويوفقك |
اقتباس:
يارب امين ادعيلي بقي |
السلام عليكم أولا أنا مقرتش ولا كلمه فى التوبيك ده ولا أعرف دموع الفرح كاتبه فيه إيه ولا شفت ولا كومنت والله بس حابب أقول ل دموع الفرح كلمه إكتبى يا بشمهندسه جمله " هندسه ..... " على حسب محافظتك يعنى وحطيها على المكتب بتاعك ، كمان علقيها ممكن على باب أوضتك ، الحركه دى حتفرق معاكى كتير ، لأنك أول ما حتيجى تذاكرى حتشوفى هدفك حتتحمسى حتذاكرى عن حب ، حتحاولى تبذلى قصارى جهدك السنادى عشان تحققى إللى مكتوب على مكتبك وكمان إللى مكتوب على باب أوضتك أوعى تستهيفى بحاجه زى دى أنا كنت فى يوم من الأيام جايب فى 2 ثانوى 98 % وكان نفسى أدخل هندسه بترول وتعدين السويس كانت عاملالى لخبطه فى دماغى المهم كتبت ورقه عليها البشمهندس خالد ( بترول وتعدين السويس ) وحطيتها بقوا بيضحكوا عليا فى البيت على فكره وأنا ولا هامنى إن شالله يعملوا إيه جيت فى تالته 99 % طبعا ملحتقاش بس كان الفرق بينى وبينها درجتين مع إن محدش كان يتوقع أجوب المجموع ده ساعتها والكل إندهش بس الحمد لله أنا حددت هدفى سعيت ليه ربنا ما رادهوش ليا للأسف بس أنا عملت إللى عليا ودى البوينت إللى بكلمك فيها إنك تعملى إللى عليكى والباقى على ربنا لو ربنا رايدلك الهندسه حتدخليها ولو العكس يبقى مش حتدخليها أهم حاجه إجتهادك وتحديدك لهدفك والسعى وراءه أسف للإطاله يا بشمهندسه |
اقتباس:
انا مبسوطه اوي من كلامك ده وانا اوعدك اني هعمل كده بس يارب تجيب نتيجه ويارب اكون اللي باش مهندسه زي ما بتقول يارب شكرا لمرورك الجميل والله فرحني اوي نورت الموضوع وحيات ربنا |
| جميع الأوقات بتوقيت GMT +2. الساعة الآن 07:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.