بصوا ياجماعة احنا لازم نقرب للواقع اكتر المشكلة مش فى الشبكة بس لان معلش يعنى فى ناس معينة ماينفعش يجيلها اى شبكة لما واحد مثلا يروح يخطب واحدة ماينفعش ينقى واحدة امكانياتها اعلى منه لان دى بقية عيلتها بيبقى جايلها شبكة غالية ومش هينفع تبقى اقل من حد منهم وحتى لو هى وافقت اهلها هيضغطوا عليها وهتحس بالغيرة وبعدين دى هتبقى متعودة انها هتاكل كل يوم اكل غالى وبتشترى لبس غالى واللى مش هيقدر بامكانياته يجيبلها شبكة غالية مش هيقدر يحققلها الكلام ده ومافيش بنت هتقبل انها تعيش اقل مما كانت عايشة انا عن نفسى لما اكبر مش هوافق على اى حياة مادية تكون اقل من اللى انا عايشاها

لا انا مش مع ان الاهل هم اللى يحددوا تمن الشبكة وموافقة حضرتك انها هدية ولازم العريس هو اللى يحدد تمنها بس اللى انا اقصده مش زى المثال ده انا اقصد ان لو حد مش هيقدر على انه يجيب لها شبكة زى باقى عيلتها مش هيقدر يعيشها عيشة زى اللى كانت عايشاها وده فعلا حصل لبنت خالتى وافقت على تمن شبكة قليل وده ماكانش صح بعد كده بقى يتهاون فى الماديات ومش عايز يدفع اى فلوس فى مصاريف البيت وهى مش متعودة انها تصرف على الاكل مصاريف بسيطة هى كمان اللى كانت بتدفعها من معاها ومااستحملتش كده وفى طريقهم للطلاق خلاص لكن لو زى ماحضرتك بتقول كده هو مرتاح ماديا وكمان يعنى انا مش شايفة انه كان هيجيب شبكة شوية ولاحاجة فدى اهلها غلطانين جدا اذا هو كان انسان محترم

تمام فهمت هو من ناحية الشبكة فى حد ذاتها فانا شايفة انها مش ضرورى تكون غالية وخصوصا ان البنات معظمهم اساسا بيكون عندهم دهب من غير حاجة فيفضل تكون هدية بسيطة وخلاص لان الدهب الكتير مالوش اى اهمية

اما موضوع الماديات فاكيد هو مش اساس الزواج لكن ركن اساسى فيه والحاجات دى لما الناس بيهملوها بتحصل مشاكل بعد كده وانا لسه بقول عن بنت خالتى اللى وافقت بحد مرتبه اقل من مرتبها وكمان مستواه المادى اقل من اللى هى كانت عايشة فيه هى افتكرت ان ده عادى واهلها مااشترطوش اى ماديات غير شبكة معتادة وشقة برده عادية وحاجات عادية جدا ورغم ذلك بعد كده مااستحملتش يعنى ماينفعش نهمل الماديات ابدا

اه وعلى فكرة ياجماعة برده ممكن تكونوا ظلمتوا الناس اللى حضرتك بتتكلم عنهم انا اعتقد طالما هم قالوا كلام وغيروه ممكن تكون بنتهم هى اللى رجعت فى كلامها ومش مرتاحة لاستكمال الموضوع فهم ماحبوش يقولوا كده فحاولوا يفركشوا الموضوع بطريقة تانية

walahy ya ostaz ahmed ana etkalemt m3 ahly fe elmodo3 da we 2aloly eno akeed hytlobo mno 7aga zy eh sha2a tb3n bs m4 lazem fe mkan high class we ykon moratabo n2dr n3ee4 beh we ykon ahlo nas kweysa y3ny ahly m4 bytlobo 7agat t3geezya we da ana kman moqtn3a beh

walahy ana asfa asl elwindows bta3y mnazlah mn cd mn america fm4 by3ml 8eir blenglish ana asfa walahy we
we ana walahy m4 wa5da elmwdoo3 b7sasia 3ady

ok we kol sana we 7adretak tayeb we kol elnas taybeen