الحصة الثالثة
بسم الله الرحمن الرحيم
السلام عليكم ورحمة الله وبركاته توقفنا في الحصة السابقة عند رمز المعالجة وسوف نبدء في رمز القرار وعلى بركة الله نبدء
قبل كل شئ احب ان أخبركم ان رمز المعالجة يمكن أن يحتوي على أكثر من عملية كما تلاحظ في الصورة التالية
http://www.mediafire.com/conv/3d7150...9d9af0926g.jpg
الرمز الرابع رمز القرار أو المقارنة أو التفريع أو التشعب
http://www.mediafire.com/conv/4f0a54...1d0e43096g.jpg
الرمز دا بقى يستخدم لاتخاذ قرار بناء على قرار معين مثلاً
قبل كل دا في حد يعرف معاملات المقارنة يا ولاد طبعا العباقره كتير عندنا ... ولا واحد حيرد
تروح تقولهم معاملات المقارنة أهي
= يساوي
< اكبر من ( تلاقي واحد عبقري يقولك دا اصغر من يا استاذ ترد تقوله بص يا جنيس حقولك كمان شويه )
> اصغر من ( يطلعك الواد نفسه الجنيس ويقولك دا هو اللي اكبر من مش اللي فات )
بص يا جماعه معاملات المقارنة دي ملهاش نطق محدد الا من خلالها معناها واستخدامها
يعني مثلاً
a < b دي معناها ايه يا ولاد
يرد واحد ويقولك
الـ b أكبر من الـ a يا استاذ
تقولك طيب ماتنفعشي الـ a أصغر من الـ b
https://encrypted-tbn0.gstatic.com/i...p_hdqovncjyaft
تصدق صح يا استاذ
=< دي أكبر من أو يساوي
=> دي اصغر من او يساوي
<> لا تساوي
يقولك يا استاذ احنا مش بنخدها كده ...... ترد وتقوله يا حبيبي اللي انت درستهم دول رموز رياضية وصح ودول برضه صح بس الكمبيوتر ميعرفشي يفهم اللي انت درستهم علشان كده عملوا الرموز دي للكمبيوتر .... فهمت
نكمل رمز القرار دا بقدر من خلاله اتخذ قرار بوصول قيمة متغير الى قيمة معين
مثلا أسأله هل وصلت n ودا متغير الى القيمة 3 مثلا
أو نقارن متغير بمتغير آخر زي مثلاً a < b وهكذا وفي أمثلة كتير على الموضوع دا
المهم مثلاً أنا لما بقارن متغير بمتغير آخر رمز القرار دا بيديني احتمالين وممكن أكتر ....
مش فاهم يا أستاذ حاجه خالص
ابسطهالك
http://i.ytimg.com/vi/jf4anhbga0s/0.jpg
بص يا محمد
انت مثلا لما مامه تقولك روح هات كيس صلصا بمناسبة ارتفاع سعر الطماطم من ماركت النور اللي تحتنا لو ملقتشي عنده هات من ماركت الحرية والعدالة اللي بعده ...
انت تروح لمين الاول
يرد ويقولك مش رايح لحد خالص يا استاذ
تقوله طيب حتلاقي الشبشب طاير في وشك وحتروح ورجلك فوق رقبتك......
http://www.elhawanem.com/images/posts/724_large.jpg
المهم انت نزلت بعد تلك القصفه الجوية اللي فاتت
اول ما تنزل تجيب تروح لمين الاول
الطبيعي انك تروح لماركت النور وتسأله عندك صلصلة قال أه تجيب ...
لو قال لا .... تعمل ايه ها قول يا شاطر
علطول تروح لماركت الحرية والعدالة وتسألة عندك صلصلة قالك أه تجيب ..... لو قالك لأ يبقى انت كان عندك احتمالين مشيت مع ااول اما منفعشي لورحت للتاني منعشي لو في تالته روح مفيش ... يبقى تروح وخلاص
ايه اللي ان رمو القرار دا بيدني احتمالين او اكتر وانا بدي للكمبيوتر انه يختار اي احتمال بناء على الشرط اللي جوه القرار اذا كان صح اعمل الاحتمال بتتاع الاختيار الصح
أما لو كان خطأ يبقى اعمل الاحتمال بتاع الاختيارالخطأ
يعني لازم يكون في احتمالين موجودين علشان يقدر ينفذ الاحتمال اللي الشرط تحقق عليه
فهمتوا ولا لأ
قالوا نعم فبها ونعمة وكفا الله المؤمنين شر القتال ...
قالوا لأ
تعمل ايه
تعمل الحركة دي
قوم اي واحد من مكانه ووقفه وأسأله
هل أسمك محمد ؟
...... وقوله متردش دلوقتي ...
لو اسمك محمد فعلا اقعد ...
لو غير كده خليك واقف ......
...... وتقولهم انا دلوقتي اديت اختيارين ...
هو حينفذ واحد منهما دلوقتي بناء على ايه يرد واحد ويقولك
بناء على ان اسمه محمد ولا مش محمد
تقولهم تمام هو الموضوع كد بالضبط .... القرار بيعمل كده
لو فهموا بها ونعمه مفهموش روح ارمي نفسك من الشباك وريح نفسك....
طبعا انا ممكن اديك امثلة بس دي الاامثلة الي حضره في ذهني دلوقتي .....
ممكن لو عيال غبيه شويه تتعبك حاول ان تبسطهالهم اكتر من كده
الرمز الخامس : خط الاتجاه
http://www.mediafire.com/conv/f2ab1c...af69634c6g.jpg
دا بقى يستخدم ويرسم بين كل رمز من الرموز السابقة
بكده تنتهي الحصة التالته .....
وجاري اعداد الحصة الرابعه ......
عايز رأيكم يا جماعه .....
