|
المفروض كلنا نعملو زى ابنوته الحلوه
ديه صح ولا |
السلام عليكم..
احب اشكرك ع الموضوع لانه بصراحة موضوع مهم .. انا كان نفسى حد يفهمنى ايه اللى بيحصل بالظبط كتير بشوف بنات زمايلى محترمة جداا ومفيش اى حد يشوفهم غير يقول انهم محترمين وف نفس الوقت اسمع انهم بيكلموا ولاد كتير ع الفيس ولما بسمع الكلام بتصدم بجد مش ببقى مصدق ان البنت دى هى اللى بتتكلم مع الاولاد ومفيش حدود وهزار وحكايات !!! ليه الفيس بوك خلى مفيش حدود بين البنت والولد بعكس الواقع ان مفيش اختلاط بينهم؟!! لحد ماقربت فكره ف دماغى ان البنت اللى بتبقى محترمة ف الشارع ممكن تلاقيها عكس كده ع الفيس بوك !!! مش عارف اشيل الفكرة دى من دماغى من كتر اللى سمعته |
اقتباس:
ربنا يبركلها ويجزيك كل خير لو كل البنات اتصرفوا زى ما هى اتصرفت تخيل منظر الدنيا هيكون ايه ربنا يهدينا ويهدى شباب المسلمين |
ربنا يثبتها
|
ربنا يهدى بناتنا للاسف البنات اخلاقهم اتغيرت بطريقة واضحة ومعدش فى حياء ولادين
|
عندي كلامي كتير مش عارفه أبدأ منين .. هبدأ بموقف معين حصل معايا ف أولي جامعه أنا وصحبتي ونعرف بعض من إبتدائي وأصحاب جداً البنت محترمه وأنا أعرف باباها وممتها وهي كمان تعرف أسرتي .. أنا مش فاكره الموقف بالظبط بس هحكي الموضوع وهدفي من حكايه الموضوع إن اللي بيعمل حاجه غلط بيبقا عارف بس بيأجل ف مراجعه نفسه أو بيبقا محتاج زقه توعيه مش أكتر .. المهم رايحين الجامعه مع بعض وهنفطر ف الكافتيريا ريحين تمام أشترت وكل حاجه بعد كدا هتمشي قالتلها سها هتفطري فين قالتلي مع صحابي قالتها تمام مين هما ما بين الأسماء البنات اللي قالتهم أسماء شباب .. أنا نزلت عليا صاعقه بس أمتلكت نفسي قدمها .. دي كانت بدايت الغلط كلمه مع ضحكه مع فطار إلخ .. مرت الأيام سها متغيره قعدين مع بعض ومش قعدين الموبيل والمسجات ومش فضيالي .. فاض بيا إتكلمت معها مرضتش أقولها دا غلط ودا عيب وميصحش بطريقه مباشره قلتلها ممتك وباباكي عارفين قالتي لأ .. فجاءه لقيتها بتقولي دي حاجه عاديه جداً ف الجامعه يا ماما إحنا مش ف مدرسه ذى زمان وإنتِ لما تكوني ف تلته او رابعه كليه هتكلمي وتقعدي عادي ! قالتها وإيه الفرق قالتلي يعني اولي وكدا وانتِ لسه لخمه .. مرضتش أعقب كتير لأنها مش هتتقبل كلامي ف الوقت دا رد فعلي بعدها مكنش بالكلام .. أتجنبتها مره ف مره قالتلي أنا حاسه إنك مش عايزه تمشي معايا .. مبقتش أرد وأتناقش معاها ذى الأول خصوصاً بعد ما ماما قالتلي مش عايزه أشوفك معاها تاني .. بس جوا نفسي لا نظرات إحتقار ليها ولا أي حاجه لأني عارفه أصلها مرت الأيام .. والاقي سها إنقلبت راساً ع عقب .. رجعت لأصلها .. البنت الراقيه المحترمه والسبب مجرد توعيه من مجموعه بنات محترمين بس توعيه بشكل مكبر شويه ... أما الجروبات بالنسبه ليا جروب الدفعه مش بدخله نهائي .. لأن عليه حاجات المفروض إنها غلط ممكن يتكلمو مع بعض يا جميل ويا عسل شباب وبنات وعادي جداً .. بس أنا مازلت مش ببص للبنات دي نظرات إحتقار والله البنات دي محتاجه توعيه ورقابه لأن البنات دي محترمه .. بس الوضع بيبقا جديد عليهم ف بينجرفوا .. لكن الضحك والهزار وموني والكلام دا غلط بالتأكيد يدوب البنت لو عايزه حاجه تدخل تقضيها وشكراً لكن غير كدا ميصحش خصوصاً إننا ف مجتمع شرقي موضوع أرفع لك القبعه شكراً عليه .. ربنا يصلح حالنا |
اقتباس:
فعلا عندك حق انا دخلت انهارده عل الجروب طحت فيهم قلتلهم كل اللى فى نفسى وكلمتهم ووعتهم ونصحتهم وقلتلهم انا مقبلش اقعد ف جروب كله دلع ومسخره من النوع ده وسالت سؤال " هل تقبل تبقى قاعد جنب اختك وتلاقى حد بيدلعها " محدش رد عليا من الشباب قلتلهم شكرا وسبت الجروب بس عملت اللى عليا ونصحت وهما احرار ربنا يهدى شكرا ع المرور |
اقتباس:
وياتري رد فعل البنات إيه .. ؟ موقف محرج بالنسبالهم بصراحه |
اقتباس:
انا اللى غاظنى وخلانى شوطت فيهم ان واحده امبارح منزلها الجدول بتاع الميد تيرم راحت راده عليا قايلالى ربنا يخليك ا خالوده وميحرمنيش منك ابدا من قلبى يعنى ده رد مصدقت جيت من الكليه رحت طالع فيهم وقلت للشباب احنا ف الكليه مع بعض عادى وسيبتلهم الجروب وطلعت ويخبطوا دماغهم ف الحيط بقى انا عملت الصح ف نظرى لان لو كان عندى اخت مكنتش حسيبها تقول الكلام ده لشاب او اشوف حد بيدلعها باسمها |
اقتباس:
دي أفوره جامد منها :d ربنا يهدي :blush: |
اقتباس:
فعلا والله بقى فيه من ده كتير نظام الجروبات المختلطه هو اللى عمل كده ويا ريت الجروبات دى بفايده لا والله دى جروبات معموله للهذار والترفيه بدافع الخروج من جو المذاكره ولو تقول نعمل جروب للشباب وجروب للبنات الكلام ميعجبهمش واضح اننا بقينا دقه قديمه فى نظرهم نورت التوبيك |
اقتباس:
يخربيت كلمه اخويا واختى اللى موديانا فى داهيه يكلموا بعض وتقولك زى اخويا يهذروا وبرده اخويا يدلعوا بعض تحت مبدأ أخويا يقابلوا بعض فى الكليه وبرده اخويا انا مش فاهم والله بيتخذوا الكلمه دى لتحليل الحرام وبرده اخويا واختى ما زالت موجوده لتحليل اى شئ عايزين يعملوه ربنا يهدى وشكرا على المرور |
الكلام ده صح 100%
بارك الله فيها لكن اقتباس:
افتكر ان فى فتوى اتكتبت هنا قبل كدة وتم الاستهزاء بها اللى هو التساهل فى التعامل هدانا الله واياكم |
اقتباس:
الواحد ما بيتعلمش غير لما يتقرص ده الواقع اللى بنعيشه شايفين كل حاجه سهله وحلوه لما بنشوفها من بعيد لكن لما الحاجه دى تحصلنا احنا شخصيا بنفوق من الغيبوبه اللى كنا فيها ونرجع لقواعدنا واصولنا واياكم ان شاء الله |
كــــــلام كتـــير فى موضوع البنات والانتـــــرنت مش ليـــــة اى لازمــــة
لان زى ما بيقـــــــولو ان الى ميشوفشى من الغـــــــربال يبقـــــى اعمـــــــــــى |
| جميع الأوقات بتوقيت GMT +2. الساعة الآن 01:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.