لية ما كل طريق ماشى فيه مسدود بالمقاومات و لازم هايعدى عليهم كلهم
التيار الماشى فى 4 أوم هايتجزء جزئين .. جزء يعدى على المربع .. و جزء على 3 أوم
لازم نخلص من المربع الغريب دة الأول .. 5 و 7 دول كل واحد فيهم متوصل توالى .. يبقوا 12 أوم و 12 أوم متوصلين على التوازى .. يبقوا كلهم 6 أوم
بالاستيكة بتاعتى آجى و امسح المربع دة و احط بداله مقاومة عادية 6 أوم .. هانلاقى إنها متوصلة توازى مع 3 .. يبقى كلهم 2 أوم بالقوانين العادية .. نمسحهم كلهم و نكتب 2 أوم بدالهم
فاضلنا أية بقى ؟! 4 و 4و 2 أوم كلهم متوصلين توالى .. تبقى المقاومة المكافئة 4 + 4 + 2 = 10 أوم

مفيش فايدة يا amothman بحاول اطبق ده على باقى المقاومات مش عارفه كل مرة بتطلع غلط .. مع انى فاهمة اللى انت بتعمله ..

انا اسفه على تعبك ومتشكرة مرة تانيه ربنا يجازيك خير :(

آسف كنت بعمل حاجة و جيت
اية الى مش مفهوم طيب ؟! رقم ب مثلاً
التيار هايمشى لحد ما يوصل لمفترق طرق .. طريق يعدى على الـ 1 و التانى على 15 ..و الطريق الى معدى على الـ 1 أوم نفسه هايتقاطع مرة أخرى .. مرة عند الـ 3 و التانى عند 6 .. و كلهم هايتقابلوا فى الآخر
هابدأ من آخر المسألة خالص .. 6 و 3 دول متوصلين على التوازى لأن التيار المار فى 1 أوم تجزء جزئين .. جزء مر بـ 6 و الآخر بـ 3 .. المجموع 2 أوم
نقوم ننقل الدائرة فى ورقة خارجية بقلم رصاص و اجيب الأستيكة و امسح الـ 6 و الـ 3 دول و ارسم بدلهم مقاومة 2 أوم
بتتبع مسار التيار بوضع أسهم نجد إن التيار المار فى 1 اوم هو نفسه المار فى 2 أوم .. يبقوا كلهم 3 أوم ..
كدة التيار تقاطع مرتين .. مرة على 3 و التانى على 15 ثم تجمعوا مرة أخرى .. يبقوا توازى
المجموع هايبقى 3*15 / 3 + 15 = 2.5 أوم
خدى بس كل أثنين على حدة ماتخديش كله فى بعض
المثال على مرور التيار فى سلك بلا أى مقاومة هو المسألة رقم 21 صفحة 250 .. الجزئية ج

6 و 3 دول متوصلين على التوازى


هى دى المشكله بقى مش عارفة ابدا منين ؟؟؟ انا لما حاولت احلها بدات بان 15 و 3 توازى و عشان كدة مطلعتش .. اعمل ايه بقى ؟؟

أبدأى من آخر نقطة خالص حصل فيها انقسام للتيار
و هى هنا انقسام التيار المار فى 1 أوم إلى جزئين .. جزء عن 3 و الآخر عند 6

طيب يا amothman هو اللى انا فيه ده كدة طبيعي ولا انا مش فاهمة الدرس ولا غبيه ولا ايه ؟؟

و الله العظيم انا اتعقدت .. اصعب حاجة بالنسبالى كانت ارشميدس .. اتحلت مشكلته و الخامس والسادس والسابع والتامن زى الفل مفيش مشكله .. جيت هنا الدنيا زرجنت زى ما انت شايف .. تفتكر دة عادى ولا فى مشكله ؟؟

عاااااااااادى خالص و أصلاً الفصل التاسع دة جننى فى الأول و اتعذبت فيه على ما فهمت لعبته
و أول ما اتفهمت بقى كل حاجة مية مية و قفلت عليه 3 كتب
و أنا ماشى فى العاشر دلوقتى و بدايته ظريفة الحمدلله
هو بس عايز حل كتيررررررررر و حاولى تشوفي مسائل محلولة جاهزة الأول

طب فين المسائل المحلولة دى .. قلبت الكتب كلها مش لاقياها .. انا معايا الامتحان والوسام الاحمر والاصفر كلهم جايبين القوانين الاول و بعدين داخلين ف المسائل مش عارفه احلها ازاى ..

كويس انك طمنتنى من العاشر لانى هبدا ان شاء الله فيه الاسبوع ده .. و مش ناقصة اى صدمات تانى

ربنا يستر ويعديهالنا على خير

مسائل الكتب نفسها شوفيها بيحلها أزاى فى كتاب الحلول
أو مدرسك يحللك كام مسألة فحسب بالورقة و القلم
معلش أصل مشكلة الفيزياء اللف و الدوران الى بيحصل فى المسائل بس بتييجى من كتر الحل

طيب المساله 23 ف ص 251
مش الفروض احنا هنقول ان 5 و 10 دول توصيل توازى تبقى المقاومة بتاعتهم 10/3 و بعدين نمسحهم ونحط الناتج مكانهم
فنلاقيها توالى مع 8 نجمع تطلع 34/4

و نجيب فرق الجهد ف الاول من شدة التيار * المقاومة يطلع 30 .. فنجيب بقى شدة التيار من النواتج دى ؟؟

ليه بقى مش طالعة مظبوطة ؟؟

المسألة هنا تختلف و لا تحتاج المقاومة الكلية إلا إذا طلبها
لأن الأميتر هنا مابيقرأش التيار كله .. دة بيقرأ التيار المار فى 5 أوم فقط

المقاومة تتناسب عكسياً مع شدة التيار إذا تجزء
يبقى r1 على r2 تساوى I2 على I 1
يعنى 5 / 10
=
3 / ؟

طرفين فى وسطيين و نجيب الناتج على طول = 6 أميتر
و تبقى شدة التيار الكلي 6 + 3 = 9 أميتر و هو المار فى المقاومة 8 أوم
و تصبح قراءة الفولتميتر = المقاومة * شدة التيار = 8 * 9 =72 فولت