بوابة الثانوية العامة المصرية - امتحان التاريخ خش وحل

الامتحان من مصدر موثوق

خد بالك ان الورقه متراقبه وممنوع منعا باتا استخدام

عقلك وفي هذه الحاله سيكون استمحانك ملغي

السؤال الأول:اختار من بين الأقواس الكلام الصح الصح (جبنه بريزدون)

1_اللي بنى هرم خوفو..............(طلعت مصطفى - المقاولون العرب - مقاول عادي – خوفو)

2_ رئيس مصر القادم السيد ................................. (جمال مبارك _جمال مبارك _جمال مبارك _كل ماسبق)

3 _ من معجزات مصر الحديثه .................................( تغير وزاري _الحصول علي رغيف عيش_انخفاض الاسعار)

4_اللي خرب مصر كان في الاصل من ....................(الملوخيه _الباميه _الفاصوليا الخضرا _مجهول المصدر )

3_يحكم مصرنظام........................................... .(ملكي _جمهوري _الاتنين مع بعض مضروبين في خلاط_ كيكا علي عالي كيكا علي واطي )

5_البرنامج اللي بيجي كل يوم الساعه 7 الصبح ومحدش بيتفرج عليه اسمه صباخ الخير يا..............

(ماما _بابا _ ياريس _خالو )

السؤال الثاني:أكمل الجمل الآتية بكلام م الآخر(لخص)

1_انا بشتغل في حديد ................................................

2_اسم والد اللاعب وائل جمعه الحاج ...................................

3_الحكومه اللي بيتها من سيراميك متحدفش الناس بالل.........................

4_الضرائب العقاريه مصلحتك..................................

5_افوترك ولا .................................................. .............

6_من خلال تجاربك السابقه البامبرز استيك من ........................

السؤال الثالث في ضوء العباره اجب عن الاسئله

ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها
"

وضح علي لسان من وردت هذه العباره؟

بعد رغبة قائله العباره فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها ؟

( المسيسبى - الأمازون – يونج يانج)

صاحبه هذه العباره من انصارالحزب الوطنى والدليل وجود اسم مهم من قيادات الحزب فى العباره.استخرج الاسم..وبوسه ورجَّعُه مكانه

قوبلت صاحبه العباره بانتقادات بسبب بعدها عن الواقع..وضح من العباره ما يتفق مع القول المأثور "اطبخى ياجارية .. الأنبوبة فاضية يا سيدي

السؤال الرابع اكتب 17 نقطه من النقط اللي انت منقوطها في احد االاحداث التاليه علي ان تقوم بتوضيح اهميتها في تاريخ مصر الحديث :

1_نظرا لجهود ماما سوزي المضنيه بالتعاون مع منظمات حمايه حقوق الطفل لم يجد الطفل غيرالشارع ملجأ وذلك نظرا لحاله البلد الهباب فاتجه الي السرقه والكله واشارات المرور خير دليل علي ذلك احنا مش بنفتري علي حد

2_شهدت بلدنا الحبيبه طفره في مجال التشيد والبناء خاصه بعد زياده سعر الحديد 6500 جنيه للطن اكتب مايمليه عليك ضميرك مع مراعاه شعور عز باشا اوعي تغلط فيه ليجيب موافقه مجلس الشعب باعدامك في ميدان عام وبالاجماع

3_في ظل انتشار ظاهره اكل الحوم الحمير والكلاب تكلم عن الظاهره من وجه نظر حمار موضحا من المتسبب فيها واوعي تغلط في حد عشان احنا شعب متربي مبنحبش قله الادب

السؤال الخامس

أ_ مستعينا بخيالك المريض عرف كل من المصطلحات الاتيه او حدد علي الاقل اقرب معني لها
اللحمه
الديمقراطيه او الرز بلبن فكلاهما واحد
الانتخابات النظيفه وعلاقتها بدقدوق
الشفافيه وعلاقتها بورق الزبده
ب ـ

اعقد مقارنه موضحا اوجه الاختلاف والشبه بين مجلس الشعب وشعبان عبد الرحيم

وايه ايه ايييييييييييييييييييييييييييييييه

نتمني لكم حظ اوفر في استمحان الدور التاني