مستر محمد لو سمحت ممكن تجاوبلى على الاسئلة دى
اختر:
الالكترون المفرد الموجود فى الاوربيتال 3d يكون ........ الالكترون المفرد فى 4S
1-اقل ثباتا من
2-له نفس الطاقة
3-اعلى فى الطاقة من
4- 1و3 معا
هنا ليه الاجابة 1و3 معا انا مش فاهمة ليه الالكترون بيكون اقل ثباتا ممكن توضحهالى
اكبر وحدة كتلية للنيتروجين هى كتلة ......
1-مول واحد
2-جرام واحد
3-ذرة واحدة
4-جزئ واحد
ليه مش ممكن نختار جزئ واحد ياريت توضحلى ليه تبقى مول واحد لان الجزئ الواحد يساوى 28 والمول الواحد يساوى 28 ايه الفرق
مسالة : احسب التركيز المولارى للكاتيونات والانيونات الموجودة فى محلول مائى من نترات الكالسيوم قوته 4.1 جم/لتر (Ca=40 N=14 O=16
اختر:
المشابه الجزيئى لاستر اسيتات الايثيل هو........
1-حمض الاسيتك
2-اسيتات كالسيوم
3- ايثانوات ميثيل
4-فورمات ايثيل
مستر هوا الاختيارات هنا مش موجود فيها اى اجابة صح ولا ايه
علل
يمكننا التمييز بين حمض الخليك المخفف والنقى
وضح بالمعادلات :
ايثوكسيد الصوديو من اسيتات الصوديوم
الاسيتاميد من الاسيتالدهيد

تسلم يا مستر بارك الله فيك

مستر محمد ممكن تجاوبلى على الاسئلة دى كمان معلش بس حضرتك عارف ان الامتحان قرب فياريت تجاوبلى عليهم وتستحملنى شوية
اختر :
حمض الاسيتك يغلى عند درجة .... (16 م-100م-78.5م-118م)
وظيفة الصودا الكاوية فى عملية التصبن هو ........ (التفاعل مع الحمض الناتج -التتفاعل مع الكحول الناتج -جميع ما سبق )ممكن حضرتك تجاوبلى مع التوضيح
علل :
الكحول الايثيلى يقبل الاكسدة والاحماض الكربوكسيلية لا تقبل الاكسدة مع ان كلاهما يحتوى على مجموعة الهيدروكسيل
حمض البنزويك له نوع واحد من الاملاح
تضاف الصودا الكاوية عند التحلل المائى للاسترات
يستخدم حمض الاسيتيك الثلجى عند تحضير اسيتات الايثيل ولا يستخدم الحمض المخفف
اكتب الصيغة البنائية :
3و5 ثنائى كلورو فينيل ميثانويك
كيف تثبت مع التوضيح بالمعادلات وشروط التفاعل :
حمض البنزويك يحتوى على حلقة بنزين
كيف تحصل على (بالمعادلات وشروط التفاعل):
ميتا كلورو نيترو تولوين من الفينول
ثلاثى نترات الجلسرول من زيت او دهن
بنزوات الايثيل من الفورمالدهيد
اورثو وبارا وميتا نيترو كلورو بنزين من كربيد الكالسيوم
قارن بين كل من :
تاثير كل من الميثانول وحمض الاسيتيك على الفينول مع التعليل
علل:
من البولى استرات ما يستخدم فى صناعة الاقمشة
اكتب المعادلات التى توضح:
الحصول على حمض بنزين سلفونيك من الهبتان العادى
حضرتك انا عملت اعادة تشكل للهبتان العادى لان فى اسئلة الكتاب كان جايب سؤال عن اعادة التشكل للهبتان فانا عملتله اعادة تشكل حصلت على الطولوين ومن الطولوين حصلت على حمض البنزويك وبعدين ضفتله الصودا الكاوية حصلت على بنزوات صوديوم وبعدها صفتله الصودا الكاوية حصلت على البنزين وبعدين ضفت للبنزين حمض الكبريتيك طبعا كل دا بالمعادلات وشروط التفاعل ياريت حضرتك توضح كدة انا ماشية صح ولا فى حاجة غلط
معلش الاسئلة كتيرة بس ياريت حضرتك مش تزهق منى استحملنى الايام دى وبوجه تحية لحضرتك على طريقة توضيحك للاسئلة اللى سالتها لحضرتك امبارح بجد طريقة رائعة تسلم وربنا يجازيك كل خير

فعلا البولي استرات منها ما يستخدم في صناعة الأقمشة ولكن غير مقرر بالمنهج وليس له علاقة بنسيج الداكرون (واضع السؤال تخيل أن قماش الداكرون يصنع من نسيج الداكرون ولكن هذا خطأ (

برافو عليك أكثر من ممتازة ولاتوجد إجابة أخرى

اسئلي في أي وقت وأي نوع من الأسئلة واعلمي أنه لاتوجد اسئلة صعبة في مادة الكيمياء

السلام عليكم

ازاي يا مستر الصفه الحامضيه تزداد في الدورات الافقيه بزيادة العدد الذري
اذا كنا بنقول انخ بزيادة العدد الذري يقل نصف القطر فيزيداد جذب العنصر لذرة الهيدروجين فيصعب تحررها المفروض يقل بقى ص والا غلط ؟؟؟؟؟؟

السلام عليكم
مستر سؤال
هو ازاي الصفه الحامضيه تزيد في الدورات الافقيه بزيادة العدد الذري
انا لو قلت ان العدد الذري زاد يبقى نصف القطر قل اذا يزداد جذب العنصر للهيدروجين اكيد يصعب تحررا لهيدروجين فتقل الصفح الحامضيه والا غلط ؟

بعد إذن المستر انا هجاوب الاجابة اللى انا اعرفها والمستر يدخل يقولنا هيا صح ولا لا
احنا ف الدورة الافقية بتبدا بقلوى قوى ثم تقل الصفة القلوية وتظهر المترددة ثم تبدا الصفة الحامضية فى الظهور حتى نصل لاقوى الاحماض ف المجموعة 7a (الهالوجينات) وذلك يرجع لقلة الصفة الفلزية وزيادة الصفة اللافلزية بزيادة العدد الذرى

بعد إذن المستر انا هجاوبك الاجابة اللى انا عرفاها
ف الدورة بتبدا بقلوى قوى وتقل الصفة القاعدية تدريجيا وتظهر المترددة ثم تظهر الصفة الحمضية حتى نصل لاقوى الاحماض فى نهاية الدورة وذلك تبعا لقلة الصفة الفلزية وزيادة الصفة اللافلزية تدريجيا بزيادة العدد الذرى والمستر يدخل ويقولنا ان كان دا صح او لا

كلما اتجهنا يمينا بزيادة العدد الذري تزداد الخاصية الحامضية للأكسيد وبالتالي تزداد الصفة الحامضية للأحماض الأكسجينية لزيادة الصفة اللافلزية للعنصر
أما كلما قل نق تقل الحامضية هذه العبارة تخص الأحماض الغير أكسجينية وهي صحيحة
ملحوظة في المجموعة 7a
كلما اتجهنا لأسفل تقل الصفة الحامضية للأحماض الأكسجينية وتزداد الصفة الحامضية للأحماض الهالوجينية ( الغير أكسجينية)