انا مش عايز احبطك بس كل سنه بنسمع ان الوزير بيشدد على اللى بيراجعوا الورق وانهم يحرصوا على مصلحه الطلبه وحقهم والكلام العسل ده

بس ان شاء الله لو ناقص درجات فى اسئله مش متعلمه او غلطه فى المرايه او غلطه فى التجميع حتاخد درجات بنسبه عاليه اوى ان شاء الله

يا رب اصل انا خايف بقول لاصحابي ان عندي اسئلة ماتصححتش و مجاوبها صح يقولولي اني مش هاخد اكتر من نص الدرجه بس يعني لو السؤال بتلاته اخد درجه و نص عشان مايبينوش فساد المنظمة التعليمية و كلام كتيير كده
بس عندي سؤال تاني انا لما قلت لاستاذ الفلسفة بتاعي على السؤال اللي متصححش قالي لو مخدتش الدرجه قلي عشان اقولك تعمل ايه بعد كده و انا سكت ..... هو في خطوة تانية غير القضايا عشان اخد حقي؟؟؟

لا انا اللى اعرفه ان لو ماخدتش حاجه فى التظلم وانت فعلا مظلوم بترفع قضيه غير كده معرفش

وانما الحته بتاعه نص الدرجه دى كلام مش صح لو فعلا سؤال من 3 درجات مش متصحح بيتصحح وتاخد درجته كامله

السلام عليكم اخي الفاضل .. انا جايب 85.7% و عايز سياسة و اقتصاد القاهرة و في التنسيق ظاهرلي سياسة و اقتصاد بني سويف ,, ينفع ادخلها و في التحويل الالكتروني او الورقي اروح القاهرة .. علما بان انا من اسماعيلية .........سؤال تاني ...بالنسبة لحقوق انجليزي القاهرة عايز ادخلها بس مضطر ادخل الزقازيق علشان التوزيع الجغرافي .. ينفع برضه اروح القاهرة من الزقازيق و انا من اسماعيلية ؟

طالما جايبه مجموع الكليه عادى تحول ان شاء الله
التحويل بيبقى على موقع وزاره التربيه والتعليم الخدمات الالكترونيه بس لسه متفتحش يا ريت تتابع على الموقع بتاع الوزاره وكمان انا كنت فاكر ان السنه اللى فاتت كان اليوم السابع منزل التحويل الالكترونى وملهوش خطوات خالص مجرد بتكتب الرغبه اللى جاتلها والرغبه اللى هى عايزاها
اما بالنسبه للسؤال عن الكليه نفسها فانا الحقيقه معرفش

لو مجموعك يجيب سياسه واقتصاد القاهره تحول عادى ان شاء الله قبل ما تدخل الدراسه بس لازم تكون جايب مجموعها خصوصا انها مش بلدك وان بلدك الاسماعيليه

وبرده بالنسبه للحقوق لازم تكون جايب مجموع القاهره عشان تعرف تحول عشان القاهره مش بلدك يعنى مش تقليل اغتراب

لا مجموعي مش جايب القاهرة ,, اه ان شاء الله مجموعي هيجيب القاهرة بس حضرتك متاكد ان التحويل من الزقازيق للقاهرة ينفع ؟؟ انا بالنسبة ليا الزقازيق (ب) و القاهرة (ج) و مفيش أ

بص انت ينفع تحول لاى كليه فى الكوكب كله والكواكب المجاوره طالما مجموعك جايب الكليه دى
وينفع تدخل كليه بلدك حتى لو مش جايب مجموعها

طيب انا الحمد لله جالي طب اسنان المنيا بس عايز درجه و نص بس و اخش طب بشري ... لو عملت تقليل اغتراب دلوقتي و رحت طب اسنان المنصورة لو جالي درجه و نص .هل ورقي هيتحول على طب المنصورة على طول و لا الكلية اللي مجموعي يجيبها؟؟؟
عشان انا محتار اقدم تقليل اغتراب دلوقتي ولا بعد ما نتيجة التظلم تظهر

مبدأيا انت من محاقظه ايه ؟
ثانيا تقليل الاغتراب بيقولوا انه بعد نتيجه المرحله التانيه عنى حوالى 10 ايام
قولى محافظه ايه عشان نقدر نتكلم

الدقهلية.........

إمشى فى ال 2 مع بعض
خليك ماشى فى التظلم وشوف حترسى على ايه ولما يفتح تقليل الاغتراب اكتب اسنان المنصوره وكده يبقى رجعت بلدك
جالك درجات من التظلم غيرت وضعك ساعتها حول ورقى

طب بالنسبة لموضوع :
-إثبات سكن أصلي مضى عليه 6 شهور او اكثر " وصل ميه او كهربا او غاز طبيعي او تليفون" يكون بإسم الطالب او إسم الوالد او اسم الوالده ولا يقبل غير هذا

انا من الاسكندرية وجالى صيدلة الاسماعيلية هل ينفع احول الاسكندرية على العلم انها اعلى من الاسماعيلية بدرجة

طب وبالنسبة لموضوع وصل نور او ميه او تليفون
دا نعمل فيه إيه