بوابة الثانوية العامة المصرية - محتاج لحد يسمعنى / ياترى هستمعونى ؟!

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - محتاج لحد يسمعنى / ياترى هستمعونى ؟! (https://www.thanwya.com/vb/showthread.php?t=55078)

اقتباس:

المشاركة الأصلية كتبت بواسطة MohammeD el_SadaT (المشاركة 569103)

بسم الله الرحمن الرحيم

السلام عليكم ورحمه الله وبركاته

بصراحه أنا مش عارف أبدأ منين الحكايه بس أنا بجد فعلاً مضايق ومخنوق من نفسى
بيتهيألى لو بدأت الحكايه من الأول هيكون أفضل

أعرفكم بنفس فى البدايه

الإسم
محمد هاشم محمد السادات
السن
19 سنه
الدراسه
كليه تجاره جامعه أسيوط
المكان
قريه البندره مركز السنطه محافظه الغربيه

و
دلوقتى بعد ما عرفتونى تعالو نبتدى الحكايه

الحكايه بتبدأ من وأنا فى 2 إعدادى فى الوقت ده كانت أول قصه حب فى حياتى أول مره قلبى دق فيها وحسيت إنى متعلق بواحده كانت زملتى معايا فى درس التاريخ كنت بحس بحاجه غريبه لما أشوفها بحس إن قلبى بيتنفض ووشى بيحمر ومش قادر أمشى ولا عارف أجمع كلامى وكنت حاسس إنها نفس الحكايه بتحبنى بس هى كانت جريئه جدااااً عنى أنا كنت بحبس نفسى فى كسوفى لكن هى كانت بتيجى تكلمنى بتحاول تحركنى عاوزه تقولى بحبك لكن كان نفسها تيجى منى لكن للأسف عمرى ما قولتها ولا هى قالتها بس كان كل صحابى وصاحبتها عارفين إننا بنحب بعض كان باين علينا على نفس النظام ده لحد
أولى ثانويه عامه
وهنه بدأت حاجه غريبه تحصل بدأت واحده من صاحبتها تكلمنى وتتقرب منى بطريقه غريبه وفجأه قابلتنى وقالتلى محمد إنت رقم تليفونك ...... قولتلها آه قالتلى طب ممكن أكلمك عليه بكره الساعه 10 قولتلها وانا مستغرب أوك مفيش مانع بس خير ياترى إيه السبب قالتلى هقولك لما نتكلم قولتلها حاضر ومشيت وأنا دماغى عماله تودى وتجيب ياترى عاوزانى ليه خير وفى الآخر قررت أريح دماغى وأستنى تيلفونها وفعلاً تانى يوم الساعه 10 التليفون رن قومت رفعت السماعه وقولت ألو مين معايا
قالتلى أنا ..... قولتك خير ياترى عاوزانى ليه قالتلى مفيش كنت عاوزه أخدر رأيك فى حاجه قولتلها عادى مفيش مانع إتفضلى
قالتلى إنت تعرف شريف صح قولتها آه شريف صديقى قالتلى أنا بحبه أو بمعنى أصح كنت بحبه وحصلت إمبارح مشكله بينا وراح ضاربنى بالألم قدام زميلنا قولتلها ليه إيه السبب ؟ إيه خلاه يعمل حاجه زى دى ومقدرتش أمسك نفسى أسمع السبب وقلت كلام مش لطيف خالص لإنى أكره فى حياتى حد يمد إيده على واحده
المهم بسبب الكلام اللى أنا قولته نسيت أسألها تانى عن السبب
ودخلت هى على طول فى سبب المكالمه وهى عاوزانى أعرف من شريف إن كان هو فعلاً بيحبها ولا لاء ؟!
فى الأول رفضت وبعد حوار طويل بينا قولتلها حاضر هشوف
وفعلاً قابلت شريف بليل وقعدت معاه وبدأنا نتجاذب مع بعض أطراف الحديث ونتكلم فى كل حاجه وفى وسط الكلام رحت جايب سرتها وسأله إنت بتحبها فعلاً ياشريف ؟؟
وهنه كانت المفجأه الرد اللى خلانى كرهت شريف وإضايقت منه جدااااً
إنت عبيط يا محمد أنا أحب دى يبقى إنت لسه متعرفش شريف أنا بتسلى بيها خبيت غيظى ودقتى منه فى إبتسامه عريضه إتولدت وماتت فى نفس اللحظه على شفايفى

ده كل ده وانتو ف 2 ع تانى يوم
الساعه 10 والتليفون بيرن وأنا متردد أقوم أرد أكلمها ولا لاء طب أنا هقولها إيه هقوها الحقيقه ولا أقولها مكلمتهوش ياترى إيه اللى هيحصل
المهم رفعت السماعه وقبل ما أقول ألو
لقيت السؤال
؟
ها يا محمد عملت إيه قالك إيه
؟!
مدتنيش فرصه أفكر فى الرد لقيت نفسى بقولها دا إنسان (................ ) إبعدى عنه أفضل لأنه مبيحبكيش
وهنه كانت تانى مفجأه إنها قالت أنا كنت كنت عارفه كده بس كنت بكذب نفسى
شكراً يا محمد تعبتك معايا وبجد مش عارفه أقولك إيه أنت فعلاً ريحتنى من عذاب الشك ربما يخليك ليا
أنا طبعاً مش عارف أرد أقول إيه قولتها إنتى زى أختى وفى أى وقت تحتاجى أى حاجه أنا تحت أمرك قالتلى ربنا يخليكى بجد أنا كان نفسى يبقى ليا أخ من زمان يلا بقى عشان مش أعطلك عن المذاكره سلام قولتلها سلام

تانى يوم فى نفس المعاد
التلفون بيرن قمت رديت وبدأنا نتكلم مع بعض يومياً فى البدايه كان الكلام عادى عن الدراسه والحياه وإنها مش كانت بطقنى فى الأول عشان كنت بغلس عليها وكده وبعد ما عرفتنى إحترمتنى أوووى وعرفت أد إيه هى فعلاً كانت ظلمانى وبدأنا نتلكم عن الإنسانه اللى أنا بحبها اللى هى زملتها وقعد تقولى أد إيه هى بتحبنى بس نفسها إننا اللى أخد الخطوه الأوله
وبدأنا نتكلم يومياً وكل يوم مده المكالمه تزيد عن اليوم اللى قبله لحد ما بقى مينفعش اليوم يعدى من غير ما نتكلم مع بعض وبدأت أدخل فى حياتها الشخصيه كانت إنسانه متحرره بطريقه غريبه وتصرفتها مجنونه جداااً فبدأت أعترض على طريقه لبسها تصرفتها وأنتقدها فى كل حاجه والغريب إنها كانت بتنفذ كلامى بالحرف الواحد ومش بتكسرلى كلمه وبدأت هى كمان تتدخل فى حياتى بنفس النظام
وعرفتنى على أختها اللى هى كانت أكبر مننا بسنه أختها دى بقه لوحدها حكايه إنسانه محترمه فوق ما تتصور مكنتش بتكلم بشر الناس كلها كان مسمينها عقد فى الأول كانت معترضه وبعد كده لما كلمتنى وعرفت إننا بحاول فعلاً أصلح من أختها وإن أختها بتسمع كلامى بقت كل ما تحب تخليها تعمل حاجه تقولى أقولهلها وبدأت تتقرب منى أكتر كنت يمكن أنا الولد الوحيد اللى تقابله تضحك فى وشه أو تقولى إزيك كان كل الناس مستغربه من كده .

نرجع تانى لموضوعنا
طبعاً بنتكلم كل يوم وبدأ الموضوع يطور ونبقى شىء أساسى إحنا الإتنين فى حياة بعض يعنى دروسنا مع بعض المدرسه مع بعض على طول فى وش بعض نروح جرى على التلفون نتكلم كل ده وأنا مش واخد بالى إنى وقعت فى حبها وفجأه لقتها بتقولى محمد ممكن أصراحك بحاجه بس توعدنى حتى لو رفضت نفضل أصدقاء قولتلها قولى
قالتلى أنا بحبك لقت نفسى رد تلقائى وأنا كمان بحبك طبعاً إحنا اللى الإتنين مكناش مصدقين إننا فعلاً صارحنا بعض

و
بدأت علاقه حب

كفايه لحد هنه النهارده ونكمل بكره عشان بجد أنا تعبت وعلى ما إنتو كمان تقرأو عشان مش تملو من القراءه

كمل بقى ..............

اقتباس:

المشاركة الأصلية كتبت بواسطة صوت الحق (المشاركة 569129)

الآن فى حالة نفسية سيئة للغاية ولن افيدك انتظر لما اروق وسوف ارد عليك

وأنا منتظر رد حضرتك يا أستاذ عصام

اقتباس:

المشاركة الأصلية كتبت بواسطة Charismatic (المشاركة 569133)

موضوع جميل يا استاذ محمد بجد
حقيقي انا بحب المواضيع العاطفية جداااااا
وبعدين من اللي انت حكيته انا حسيت ان انت مشاعرك فياضة وانت مش بتقدر تخبيها

هو الانسان عامة في مرحلة المراهقة بتبقي مشاعره فياضة جدا
وفي ناس بتقدر تخبيها وفي ناس لازم تطلعها

أنا من الناس اللى لازم تطلعها

وانا مستني باقي الحكاية

بكره إن شاء الله التكمله

I am waiting the second part of

مش عارفه ليه حاسه انكم اخدين الموضوع قصه بتتحكي وخلاص
موضوع سهل اكانه بيتنقل من منتدي لمنتدي ومستنين باقي الحلقات
الموضوع مش كده خالص
واضح ان محمد عنده مشكله ومحدش بيتعامل مع حد بيحكليه كده كمل فين الباقي
ده بيكتب حياته ومشكلته يعني بيمر عليه كل حاجه قدام عنيه
بيمر الوحش قبل الحلو
محمد وقت ميكمل حيكمل بس الموضوع مش حيجي كده
انا اعرف لما يكون حد عنده مشكله بنسمع كل حاجه يقولها وبعدين احنا نعلق

تقبل مروري

I am waiting the second part of of the story

اقتباس:

المشاركة الأصلية كتبت بواسطة _.Mona._ (المشاركة 569135)

انا قريت
وان شاء الله هاستنى الباقى :)
ويا رب لو فيه مشكلة نقدر نساعدك او نخفف عنك شوية :rolleyes:

إن شاء الله

اقتباس:

المشاركة الأصلية كتبت بواسطة eyes_smile (المشاركة 569138)

اوك يا محمد كمل قصتك

وربنا يكرمنى واقدر اساعدك

انا مش هقدر اقول اى حاجه دلوقتى غير لما اقرا القصه كلها علشان اقدر احكم واشوف مين صح ومين غلط

إنتظر حد نهايتها وإن شاء الله هتفهم كل حاجه
يمكن تقدرو تفدونى

اقتباس:

المشاركة الأصلية كتبت بواسطة واحـد من النــاس (المشاركة 569139)

اوك لحد كده تمام يابو حميد ..

مش عارف فيه مشكلة في الآخر ولا ايه .. بس هاستنى وان شاء الله نقدر نساعدك ونوصل لحل لو فيه حاجة محيراك :)

لو صبر القاتل على المقتول دقيقه كان مات لوحده

اقتباس:

المشاركة الأصلية كتبت بواسطة Bosy 2 (المشاركة 569146)

بجد انا وانتا بتحكى افتكرت حاجات كتير اووووووووووووى
مستنينك بقا يا محمد علشان تكمل:)

بكره إن شاء الله

اقتباس:

المشاركة الأصلية كتبت بواسطة ملك اليمين (المشاركة 569151)

ياجماعة واضح انه تعبان نفسيا فبلاش هزار يعنى
راعوا شعور الناس شوية

جزاك الله خيراً على شعورك الجميل
يا نسمه

على فكره يا محمد
انا بصرحه اغلب قصص الحب دى بتحسسنى بالملل
لكن انت قصتك جميله جدا بصراحه
انا متابع معاك ان شاء الله للاخر

واضح ان معظم الاعضاء ليهم ماضى
انا الحمد لله(لانج_نضيف_ابيض يا ورد)
احب استفيد من خبراتك
ما تتأخرش علينا بقى

محتاج لحد يسمعني / ياترى هتسمعوني ؟!

أكيد سامعينك يا محمد وهنتابعك
فعلا قصتك باين عليها جميلة أوي
وانتا باين عليك متعذب جداً ربنا معاك
انتا تستاهل كل خير إن شاء الله ربنا هيقف معاك
في إنتظار بقية القصة وربنا يقدرنا ونقدر نساعدك يااااارب

في رعاية الله :)

كمل يا محمد الكلام
وان شاء الله نسمعك
ونساعدك

اقتباس:

المشاركة الأصلية كتبت بواسطة dr.saeed (المشاركة 569456)

باين عليها من الاول قصة غريبة
وقبل ما تتكلم ممكن اقولك شىء
الانسان يا اخى محمد فى هذا السن الى بيعتبروه سن المراهقة بتكون عواطفه غير محددة
ممكن يحب واحدة او البنت ممكن تحب واحد يادوبك بمجرد انهم يتكلموا وكل وشخص يعرف تقريبا شخصية التانى
انا عن نفسى حسيت كدة مع واحدة انا ماشوفتهاش اصلا
بس بمجرد حديثنا مع بعض
ولكن!
دايما الحب الاول مش بيتنسى
دايما بيفضل محفور فى القلب
ولو شفت الى اول واحدة حبيتها
بتحس بحاجة غريبة بردة يمكن اغرب من الاول
على لعموم مش عاوز اسبق بالاحداث وانتظر الرد
بس كلمة اخيرة
الحب الى بيجى بسبب الكلام عمره ابدا ما بيكون الحب من النظرة

الا قولى يا سعيد
هو حضرتك عندك كام سنه بالظبط؟
علشان انت محيرنى بصراحه