بوابة الثانوية العامة المصرية

اقتباس:

المشاركة الأصلية كتبت بواسطة dr.mai (المشاركة 616275)

لكل الطلبه المقبلين علي الدراسه الجامعيه
ارجو الاجابه علي هذه الاسئله بصراحه
لمن تهدي نجاحك؟
لاسرتي واساتذتي
ايه سر نجاحك؟
توفيق ربنا طبعا ودا لوحده كفايه اوي
علاقتك بربنا كانت عامله ايه؟
الحمد لله كانت كويسه
بس في بدايه السنه مش اوي
ولكن بعد كده والي الان الحمد لله
ايه رايك في النظام بتاع الدراسه؟
انا عكس كل الناس بحب نظام الثانويه
ومن جوايا نفسي كل السنين تبقي ثانوية لان ليها جو خاص
وتحس ان كل الناس مهتمه بيك
ايه احسن تانيه ولا تالته؟
انا كان عندي تالته احسن
الحمد لله جبت فيها مجموع كبير بمذاكره شهر بس يمكن
كنت بتسهر كتير؟
في الاخر بس يعني اخر شهر مثلا
غير كده بقا كانت مذاكره خفيفه
البيت كان في جو من القلق والتوتر بالذات في الامتحانات ولا عادي يعني؟
يعني الي حد ما لاني مكنتش بذاكر وبخرج كتير وبتاع
بس في الاخر الحمد لله جبت اكتر ما هما كانو عايزين
مين تعب معاك اكتر؟
والدي ووالدتي عملو معايا مجهود كبير وساعدوني جدا
كنت بتذاكر ليه؟
عشان اول حاجه احقق الهدف اللي ربنا خلقنا من اجله بعد عبادته
وهو ان احنا نكون عباد صالحين ونافعين لغيرنا
وعشان اكون ابن كويس واهلي يفتخرو بيا
كان ايه هدفك؟
اني اكون مهندس عموما في اي مجال
لكن خصوصا هندسه البترول لاني كنت جبت مجموع كبير في
تانيه ( 98.3 % )
حققته؟
الحمد لله دخلت هندسه المنصوره ومقدرتش اوصل للبترول
وجبت السنه دي 98.7 % فرقت معايا .3 تقريبا
ايه هدفك الحالي؟
اني اكون طالب متميز في كليه الهندسه
ازاي هاتحققه؟
اكيد بالمذاكره والاجتهاد والتعب
وانا ناوي ان شاء الله ان الكليه تكون حاجه تانيه غير الثانويه
واعمل كل اللي اقدر عليه عشان احقق هدفي
أخيراً..........
أتمني لكم ولنا التوفيق من كل قلبي
جزاكم الله خيرا

احب اشكرك ع الموضوع والائله الجميله