ودة الى احنا بنقول عليه من الاول
اعتقد ان رايى فى الموضوع دة رأى واحد فقط لا ثانى له عشان تقول يا اسلام ناس غريبة او الكلام دة
ثانيا
الترشيح مفروض يكون بعد فرز من الادارة
مش اى حد يقول اترشح يبقى هو المطلوب
والدليل
التناقض بين المشرفين
يعنى واحد يحذف
التانى ينقل
التالت ينقل تانى لقسم تانى
الرابع ينقل
الخماس يثبت فى القسم الاول خالص!!!!!!!
ودة الى حصل معايا
دة مالوش غير معنى واحد بس
ان فيه مشرفين مش عارفين اقسامهم اصلا كويس
والى اتعين بعضهم من الادارة وبعضهم من الانتخابات
اظن كلامى واضح
استقالة اى مشرف هنا من عدمه اعتقد انه مش يفرق معايا وخاصة لما يكون القسم دة اصلا انا ما بدخلوش غير كل شهر مرة ولا حاجة
حتى اظن ان فى رد حضرتك تردى على كلام طويل عريض بكلمتين وخلاص!
عموما انا الى استقالتى قريب لان المشرف هنا (المشرف الىفى مرتبتى يعنى)

مفروض يبقى عامل زى (الدمية)

طب طالما جينا لموضوع المشرفين
ازاى
مشرف واحد على خمس اقسام!
وهو اصلا مش بيدخل غير كل اسبوعين مرة ولا حاجة ينشر مذهبه ويمشى؟
وكل ما اكلم ادارى فى الموضوع دة
يقولى معلشى انا عامل معاه مشاكل فمش هاتكلم عشان الناس هاتفكر غلط!
(مع العلم يا شيرين
ان اساس كلامى
على حاجات بتحصل فى اقسام تانية
اما جرس الفسحة
انا مش بشوفه غير زى ما قلت)
فى امان الله

علي حسب معلوماتي ان الموضوع مش بتاع المشرفات بتوع جرس الفسحه وبس لان دا كان قرار من ضمن القرارت اللي كانت في الاجتماع وتم الاتفاق عليه وعلي تنفيذه يبقي الموضوع المفروض الاستاذ عصام يتدخل فيه ومش المشرفات بس هما اللي يشيلوا الليله


حاجه كمان يا سعيد بس ياريت متزعلش مني

نفسي يا سعيد اشوفلك رد متذكرش فيه كلمة استقاله او انك هتسيب المنتدي او ما شابه ذلك

انا هسالك سؤال بالله عليك انت بتفكر تستقيل فعلا ولا دا تهويش؟ انا حلفتك بالله

علي فكره والله انا مش قصدي اضايقك ولا حاجه بس اصلي شايف ان الكلمه دي كترت اوي في ردودك

وعلي فكره مش انت لوحدك اغلب المشرفين والمشرفين الاداريين كمان في منهم كتير بيقولوا كدا ومن شهور بيقولوا كدا وماشاء الله زي ما هما قاعدين

انا مش عايز حد يزعل من بس بلاش برضو نزود في موضوع الاستقاله وسيبان المنتدي يعني انا عن نفسي مش فارق معايا ان شالله الاعضاء كلهم يتيعنوا او يتشالوا والله ما فرقه معايا في حاجه رحم الله امرء عرف قدر نفسه

وياريت محدش يزعل من كلامي

لا فعلا
.

السلام عليكم ورحمة الله وبركاته

انا باقول ياجماعة كفاية كده

وياريت نقفل الموضوع حتى لا يحدث تطور

وبالنسبة لك يا اخت شيرين

طبعا انا لا اقبل ابدا انك تتأسفيلى

والعفو ياستى بس انا عايزك تحطى نفسك مكانى

لما كل شوية الاقى رسائل تبشرنى بنقل وحزف موضوعات ليه

انتى تعرفى .....

ساعات فى احد الموضوعات الى بتعجبنى ممكن الرد فيها بس ممكن يعدى الساعة

صحيح والله فى بعض الاحيان الرد الواحد يستغرق اكتر من ساعة

حقيقى مجهود مش مجرد ردود

وبعدين فى الآخر الاقى الموضوع بيتحزف على سلة المهملات

طبعا شيئ محزن جدا

وبعدين انا لو كنت فى الاجتماع كنت رفضت طبعا القرار ده

لكن للأسف طبيعة عملى مش باقدر اخلص شغلى قبل 2 بعد نص اليل وفى ملحوظة كمان
ان الموضوعات المهملة هاترجع لواحدها للخلف بدون اى مجهود ولا بحث
الشيئ الى انا موافق جدا عليه هو نقل الموضوع او حذفة فى الحالات التالية

هو ان يكون مكررا
او يكون فى غير مكانه الطبيعة
او اشياء مخالفة لقواعد المنتدى وللآداب العامة
غير كده يعتبر تذمت نحن جميعا نرفضة
على العموم يا اخت شيرين حصل خير وياريت تفكرى فى كلامى كويس

شكرا لكم جميعا

زى ما حضرتك تشوف
عموما
الرسالة خلاص وصلت للاعضاء والمشرفين
فى امان الله