|
اقتباس:
و الحلقة الجاية قلمى مش هيكتب حاجة الحلقة الجاية كلها على لسان الطاقم و الركاب بس |
حلقة ( 4 ) حوار ما قبل الموت
صوت القبطان : ممكن تشوف فيه "سكعة" ( معناها ميل فى المركب ) جاية من جنب يمين زيادة.. وصلنا 18 درجة صوت القبطان : شوف كده هل فيه حاجة في الجنب يمين بتدخل مية لحظات سكون مع صوت صفارة في الخلفية صوت لاسلكي : لا مفيش حاجة يا قبطان مفيش حاجة في الجنب يمين صوت القبطان : طيب أومال إيه ؟ ده ده الطرمبة شغاله والـ واااا و"المـَـلص" بيتملي ومعملتش أي حاجة "السكعة" بتزيد صوت مساعد القبطان : ....... المية في الصراف اليمين .... حد يشوف ..... صوت القبطان : طيب شوف هل المية بتزيد في جنب يمين ولا إيه ؟ صوت لاسلكي : بنحاول لحظات سكون مع صوت صفارة في الخلفية صوت مساعد القبطان : مفيش حاجة إسمها بتحاولوا مفيش حاجة إسمها هنشوف صوت القبطان : حاولوا طب تشوفوا "المـَـلص" احنا نزلنا عشرين درجة دلوقتي يا جماعة.. المركب هتقلب صوت مساعد القبطان : كل واحد مكانه في مكانه واحد بيتكلم يرد علينا بيريحنا !! لحظات سكون مع صوت صفارة في الخلفية صوت القبطان : أرجوك يااا يا شيفـ يااا فيرست شوفلنا حاجة للمية لحسن المركب "بتسكع" 20 درجة دلوقتي صوت القبطان : تعالي علي اليمين كده واحدة واحدة صوت مساعد القبطان : هنروح فين يمين ....... يرد بصوت ضعيف غير مسموع صوت القبطان : أنا عايز أقول يمكن صوت مساعد القبطان : لأ .............. يكمل الرد بصوت غير مسموع صوت القبطان : أصل الريح في اليمين يعني بدل ما هو ... جايز هو مقصر معانا.. لو نيجي بعلو شوية صوت مساعد القبطان : خطر يا قبطان صوت مساعد القبطان : لازم يا قبطان تستحملوا شوية يبدأ الرعب في المركب والألم للمستمع لهذا الملف، يبدأ الضحايا في الصراخ وفي التخبيط علي القبطان صوت مساعد القبطان : هدي الناس.. هدي الناس.. هدي الناااااس صوت القبطان : كلمولنا الـ ... يعني مش عارفين يعملوا "المـَـلص" أنا مش قادر أفهم برضه يعني صوت أشياء تسقط نتيجة للميل الكبير في المركب صوت مساعد 2 : السكعة دلوقتي 25 يا قبطان تبدأ اصوات الصفارات المتقطعة في البدء منبهة إن هناك خطر صوت مساعد 2 : الوضع خطر جداً يا قبطان دلوقتي صوت القبطان : أطلب "دومان" أطلب "دومان" أطلب "دومان" أطلب "دومان" "دومان" (معناها عجله دائريه يستخدمها شخص ليقاوم ميل المركب يدويا ) تستمر الأشياء في السقوط وتتعالي أصوات الضحايا والصراخ يملئ المكان صوت مساعد 2 : المركب بتغرق يا قبطان صوت القبطان : أطلب "دومان" صوت مساعد 2 : الناس صوت القبطان : كله شمال صوت مساعد 2 : كله شمال صوت مساعد 2 : المركب بتغرق.. المركب بتغرق يا قبطان صوت القبطان : أطلب "دومان" صوت مساعد 2 : الناس صوت القبطان : كله شمال صوت مساعد 2 : كله شمال صوت مساعد 2 : المركب بتغرق يا قبطان صوت القبطان : كله شمال صوت القبطان : كله شمال صوت القبطان : كله شمال صوت مساعد 2 : المركب غـًرقت يا قبطان (بلهجة بورسعيدي) صوت الضحايا يظهر من الخارج لا حول ولا قوة الإ بالله.. لا حول ولا قوة الإ بالله صوت مساعد 3 : أشهد أن لا إله الإ الله ... وأشهد أن محمداً رسول الله صوت مساعد 2 : المركب غـًرقت يا قبطان صوت القبطان : إستنونا بس يا جماعة صوت مساعد 2 : إستنونا إيه يا قبطان المركب غـًرقت صوت مساعد 2 : مفيش لايف جاكيت هنا يا جماعة... أي لايف جاكيت صوت القبطان : هاتوا لنا .... و نستكمل الحلقة القادمة رواية شهود العيان يصفوا كيف جاءهم الموت ............................... |
حلقة ( 5 )
حلقة ( 5 ) هؤلاء شاهدوا الموت
يحكي قذافي عبد المنعم (26 سنة) وهو مصري ايضا من بين الناجين الذين نقلوا إلى مستشفى الغردقة العام «لقد تعلقت ببرميل فارغ فلم تكن هناك زوارق للجميع». ويضيف «لقد كان كابوسا، النيران والدخان والناس التي تصعد على سطح السفينة». ويؤكد فهد وهو سعودي في الثالثة والعشرين من عمره انه رأى النيران تندلع في العبارة قبل ان يدفعه الركاب إلى سطحها. ويقول كامل محمد العسكري (48 سنة) بحسرة ان افراد الطاقم «ظلوا يؤكدون انهم سيسيطرون على الحريق». ويتابع الرجل وهو مصري ايضا «قالوا انه تسرب بسيط في الوقود وانهم سيتمكنون من التعامل مع الموقف». وقال الناجون ان الحريق اندلع قرابة الساعة 21,30 (قرابة 19,30 ت ج ) بعد ساعتين من ابحار العبارة السلام-98 من ميناء ضبا. وغرقت العبارة قرابة الساعة الثالثة بالتوقيت المحلي (الساعة الواحدة ت.ج.). وبعد ذلك بدأت رحلة الانتظار الطويل في قوارب النجاة بالنسبة للبعض وفي المياه بالنسبة لآخرين. ويقول عبد الرحيم احمد (49 سنة) «بقيت ما يقرب من اربع ساعات في المياه مرتديا سترة النجاة قبل ان يتم انتشالي على متن زورق انقاذ». ويؤكد ان الكثير من الاطفال والنساء كانوا على متن السفينة. ووصل اول الناجين ومعظمهم من الرجال إلى مستشفى الغردقة العام بعد اربع وعشرين ساعة من وقوع الكارثة وهم حفاة ومتلحفون بأغطية صوفية. وكان الاطباء في استقبالهم وقدموا لهم على الفور العصير والشوكولاته. وخارج المستشفى، كان الاهالي متجمعين في انتظار اي معلومات عن ذويهم ولكن طوقا امنيا فرض لمنع وصول اي شخص إلى الناجين. وفقا للناجين اكد بعضهم انهم رأوه يسقط من الزورق الذي صعد اليه. وتؤكد شركة السلام للنقل البحري المصرية المالكة للعبارة ان السفينة كانت مطابقة لمعايير السلامة والامان. ولكن شركة «لويدز ريجستر» قالت في نشرتها اليومية الجمعة ان السفينة «السلام-98 في خريف عمرها» ولا تستوفي شروط السلامة المطبقة في الاتحاد الاووربي ما جعلها ممنوعة من الملاحة في البحار الاوروبية. يذكر ان شركة رينا الايطالية التي اصدرت شهادة استيفاء معايير السلامة للعبارة المصرية السلام-98، كانت مكلفة الكشف على حاملة النفط المالطية «اريكا» التي انشقت إلى اثنين قبل ست سنوات متسببة بمد اسود هائل اجتاح السواحل الفرنسية. وشركة رينا ملاحقة في هذه القضية لاصدارها شهادة سلامة لناقلة النفط «بدون التحقق من ان هيكل السفينة ومواردها وبنيتها تؤهلها للحصول عليه». و نستكمل الحلقة القادمة تاريخ شركة السلام و مالكها ............... |
حلقة ( 6 )
حلقة ( 6 ) من هو 'ممدوح اسماعيل'؟
'ممدوح اسماعيل' صاحب عبارة الموت هو عضو في مجلس الشوري تم تعيينه وفقا لمؤهلات يمتلكها .. لم يسمع عنها شيئا ابناء الشعب المصري .. الذين لم يعودوا يتوقفون كثيرا امام تلك الدلالات .. والتي تحوي اشارات واضحة لكل صاحب عينين حول اصحاب الملايين الذين اصبحوا يمثلون الشعب المصري رغما عنه .. ودون استشارته .. او تقديم الحجج والمبررات لتنصيب هذا او ذاك في موقع ما. وهو بالمناسبة كان يدرس في الاكاديمية البحرية بالاسكندرية بالقسم الهندسي .. وحين تخرج فيها عمل علي المراكب التي يملكها السعودي 'العري' والذي كان واحدا من اكبر ملاك المراكب في البحر الاحمر ومن بين ممتلكاته المراكب 'مكة التالودي الطايف'. كانت الوظيفة الاولي ل'ممدوح اسماعيل' مهندس ثان .. وسرعان ما بدأ نجمه في الظهور حين عمل ممثلا لملاك العبارة 'القمر السعودي 1' والتي كان يمتلكها 'رشاد فرعون' مستشار الملك 'فيصل' رحمة الله عليه ونجله 'غيث فرعون' . كانت تلك الانطلاقة الاولي للرجل الذي راح يتعرف علي العديد من علية القوم خاصة انه ابن شقيقة مسئول امني كبير راحل.. بدأ النشاط الفعلي ل'ممدوح اسماعيل' من خلال العبارة السلام 89 والتي حظيت باهتمام ورعاية عدد من كبار المسئولين السابقين ومن بينهم مسئول كبير تولي موقع رئيس وزراء مصر بعد ان شغل منصب الوزير في وزارتين سياديتين في عهد الرئيس الراحل 'انور السادات'. تم تعيينه في موقع المستشار لموانيء البحر الاحمر في بداية التسعينيات .. الامر الذي منحه حصانة قوية .. واصبح يمتلك نفوذا في التعامل مع الموانئ المصرية.. وقد بدأ صاحب شركة السلام في الانطلاق نحو القمة من خلال الشركة التي راحت تحمل اسماء 'السلام للاستثمار السلام للنقل البحري السلام للسياحة' وغير ذلك من مسميات بعثت بالعديد من التساؤلات حول اسباب تبدلها.. وهكذا راحت الامور تندفع بقوة نحو فرض 'ممدوح اسماعيل' سيطرته علي كافة موانئ البحر الاحمر وراح يشتري البحارة للعمل لديه بعد ان وضع المقربين منه في المواقع القيادية لدرجة انه عين ابن شقيقته 'عوني' مفتشا هندسيا لعبارات الشركة.. وهو الذي كان يعمل مساحا علي 'القمر السعودي 1' في الثمانينيات ثم اصبح كبير مهندسي الشركة. |
ياااااااااااااااه
بجد مهزلة مهزلة يعني ظريف والله تطور ممدوح اسماعيل ده ....سبحان المعز المذل بس ده بنا ما اعزوش خالص ولا ذله انما هو الي ذل نفسه وان كان خد براءة اتحدى ان اولاده الي هما اقرب الناس ليه يكونوا مقتنعين بيها حسبنا الله ونعم الوكيل اشكرك يا بندق على مجهودك العظيم ده |
ميرسى يا هنا على تعليقك على الموضوع
و فعلا " حسبنا الله و نعم الوكيل " |
| جميع الأوقات بتوقيت GMT +2. الساعة الآن 08:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.