ياحبيبى وانا قولت حاجه غلط

انا قولت ان من 66 ال 69 دوول ضمنين انهم يخشوا حقوق ودار العلوم انتسابات ولا انا كلامى غلط

وانتا اكدت على كلامى

وقولت ان الانتسابات حتنزل من 67 الى نازل ياعنى مثلا ل 65

صح كلامى ولا

لو كلامى فى اى غلط قولى ياباشا

لا ياحبى الخبر مش صحيح

الاماكن الفاضيه وزى ما قالت جريده الوسيط والاخبار

ان الاماكن المتبقيه لطلاب العلمى

9 الاف مكان وللادبى 18 الف مكان

وطبعا دى مش نسبه عاليه

بس هيه كويسه جدا لانها اول مره تحصل على مر الثانويه العامه اننا نلاقى اللى جايب 66 عنده امل انوا يخش انتساب فى كليه حقوق او دار العلوم

ودى بحد ذاتها حلوه جدا

ولكن هما بالظبط 18 الف اللى حيقدروا يخشوا حقوق ودار علوم والباقى بقى معاهد وربنا معاهم يارب

صباح الفل يا باشا ازيك انا فاهم قصدك ان فى ايه 18 الف مكان لادبى بس ده لحقوق وخدمه اجتماعيه ودار علوم مش لحقوق بس

انا عارف ياباشا

بس انا عايز أسأل انتا قصدك انتساب حقوق حتأخد اقل من 67 ولا دى انتساب وانتظام

فهمنى بس

السلام عليكم


بالنسبة للأخ اللى عايز ايميلى


ايميلى thelove_ah2010@yahoo.com




أما يا أخ محمد بالنسبة للكليات

كليات الانتظام سواء بقى حقوق او دار علوم او خدمة اجتماعية

لحد مجموع 275

اما الانتساب هينزل لحد 262 فى حقوق وخدمة اجتماعية ودار علووووم


وعلى فكرة يا جماعة فيه كليات تربية رياضية وموسيقية بس دول للى عاملين اختبارات وقدرات بس

انا بس حبيت اقول يعنى




وكان ليا سؤالين يا ريت حد يرد عليا

السؤال الاول

هو ينفع فى بعد نتيجة المرحلة الثالثة اللى يجيله فى حتة بعيد حقوق مثلا يحول هنا حسب التوزيع الجغرافى ولا لا


السؤال الثانى

انا عرفت ان نتيجة الدور الثانى 3 سبتمر وبعدين هيقعدوا يسجلوا فى الرغبات كمان 7 ايام ولسة النتيجة لما تظهر ممكن أعرف هى النتيجة هتكون وقتيه بتاعت المرحلة الثالثة .... انا سمعت انها هتبان يوم 19 سبتمر والدراسة يوم 20 يبقى ازاى بقى هنلحق نقدم وقتيه ........ ممكن حد يرد عليا ويقولى وقتيه نتيجة المرحلة الثالثة

بصوا انا جيبلوا خبر بمليون جنيه


بصوا بقى

انا لسة عارف الخبر ده دلوقتى اهو ومش من اى حد بقى

واللى مش مصدق يسأل

الخبر بقى

فى حدث مفاجئ وغير متوقع وغير منتظر....

قام طلاب المرحلة الثالثة يوم الاثنين بتسجيل رغباتهم فى المعاهد الخاصة والمعاهد العليا والمتوسطة دون النظر لكليات الحقوق باعتقادهم بأنهم مجموعهم لا يناسب هذه الكليات رغم ان مجموعهم فعلا يتناسب مع هذه الكليات او رغبة بعض الطلاب فى الالتحاق بهذه المعاهد ....... ومن المتوقع


بل الحقيقة انه توجد أماكن خالية فى كليات الحقوق كبيرة جدا خصوصا الانتساب وكلية ايضا دار العلوم ولذلك


..... انخفضت الحد الادنى لكليات الانتظام الى 66.1 بمجموع 269.5

......... وانخفاض فى الانتساب الى مجموع 63.4 بجموع 260 تقريبا

ولذلك ففرصة كبيرة للطلاب فى الالتحاق بالكليات مع العلم بأنه يوجد أماكن بكليات الانتظام حتى الان تقريبا 50% والانتساب 70%



وربنا يوفق الجميع

انتا بتتكلم جد ده خبر بمليونين جنيه

وياريت اى حاجه جديده تقولى عالطول

ازيك يا باشا الكلام ده من مصدر تبعك ولا موقع ولا جرنان ولا ايه

ياجماعه انا قريت فى كل جرايد النهاردة ان اللقبول بالجامعات
هيوصل ل 67 % فقط مش اقل وكمان انتساب
ده بالنسبة للادبى
يعنى انا شايفه كل الكلام اللى فوق ده مش فاهمه
هو مصدره منين ارجو التوضيح من ناحية الاخبار اللى فوق
وايه مصدرها عشان كلنا نطمأن عشان الناس بتاعت التعليم العالى
دى كل يوم بقرار ورأى وكل يوم بحد ادنى جديد عن اليوم اللى قبله
والنبى حد يوضحلى لان انا قريت عكس الكلام اللى فوق فى الجرايد القوميه
ارجو التوضيح وشكرا

يا جماعة والنبي حد يقولي هي حقوق بتقبل من كام في علمي رياضة انتساب وانتظام برده فيدوني انا لسه في تانية بس عاوز اعرف عشان اعمل حسابي برده

والله يا جماعة انا ليا واحد قريبى فى التربية والتعليم هو اللى قالى كده

بس برده هتأكد وهقولكوا

أتأكد ياحماده وبلغ الناس ياعسل علشان الناس تطمن

يا جماعة هو الخبر متقلش لان لسة فيه بتوع الدور التانى


بس برده مش عارف


بس اللى انا واثق منه بقى انى فيه ناس كتير كاتبة خدمة اجتماعية ومعاهد

ومش كتبين حقوق ودول عددهم على الاقل3 الاف واحد فهيبقى فيه اماكن كتيرة اوى للحقوق

طب ياحبى متنساش اى حاجه جديده تجبهلنا عالطول

وتسلم على الشغل الجامد ده

السلام عليكم انا محمد من الاقصر وجايب 67ونص في الميه وكتبت اول حاجه حقوق انتساب اسيوط ممكن اعرف ينفع اعدل الرغبات واكتب اول حاجه انتظام الزقازيق
يارت ترودو عليا