بارك الله في يا اخ احمد على ما بذلتة في شرح مهارات اللغة العربية

وبعدين يا احمد باشا الكل اختلف على معانى كلمات وبعض الاعراب وشوية همزات وكل واحد الى حد ما معتقد انه صح وبعدين القطع دى تنفع موضواعات تعبير ابداعى او مقالات ادبيه عالية المستوى خاصة قطعة النيل و من هو العظيم والله العظيم انا عربى تخصص وتهت فى القطع دى امال اللى مش تخصص عربى عمل ايه



حسبى الله ونعم الوكيل ما كانوا قالوا مفيش فلوس وخلاص من غير المسرحية المهينة دى هما اذا كان كسبو ا شوية فلوس طبعا اللى وفروها الا انهم خسروا جهد المعلم المصرى وانه سوف يصبح بوقا لفضح واضعى سياسات هذا البلد المسكين

الأستاذ الفاضل /على كلامك مضبوط جدا , فعلى سبيل المثال لقد اخترت فى قطعة البحر إجابة وهى
الفكرة الرئيسية في النص السابق هي :
أ - شرح موسم الربيع المائي
ب - الموازنة بين البحر والأرض .
جـ - العلاقة بين الإنسان والبحر .
د - عرض مظاهر عظمة البحر .
وأحب أن أسألك رأيك فى سؤال :
وضح ما لا ينطبق على فاعل نعم وبئس
1- فاعلهما معرف بأل. 2- فاعلهما مضاف للمعرف بأل . 3- فاعلهما يتقدم عليهما . 4- يمكن أن يأتى الفعل كلمة ما أو من .
ما رأيك ؟ وأعلمك أننى اخترت الجملة التى تحتها خط

أستاذ / أحمد الله ينور عليك ويكرمك على فكرة انا امتحانى بكره الصبح وبدعليلك ربنا معاك ومعانا
مسعد أيوب - مدرس كهرباء - تعليم فنى

يا حاج أحمد أقسم لك بالله إننى أخذت مذكرة اللغة العربية الخاصة بك لمدرسى مدرستى من الإخوة التجاريين وكلهم صوروها ووصلوها لمدرسين كتير فى مدارس أخرى يكفيك دعوات هؤلاء الناس هذا ما أعرفه وقد وضعت نسخة فى مكتب تصوير وأصبح ( إللى رايح وإلى جاى يصورها ويذاكر منها وعليها اسمك طبعا) إلى اليوم 27/8 وأنت تعلم أن امتحان التجاريين يوم 28/8 فيكفيك دعوات الناس بالخير
لم أقصد والله أعلم أن أجعللك مخطئا -لاسمح الله - فكلمة (يقرءون) مكتوبة فى الوسام 3ثانوى فى قاعدة الهمزات
خالص تقدير واحترامى وجزاك الله خير الجزاء

الف شكر على هذه الامتحانات يعوضك خير ان شاء الله

وأنا ظللت ساطع

فاعلهما يتقدم عليهما الإجابة الصحيحة وهى إجابتى أنا أيضاً
ولكن هناك خطأ مطبعى فى الاختيار الرابع فبدلاً من ( يمكن أن يأتى الفعل كلمة ما أو من )
- يمكن أن يأتى الفاعل كلمة ما أو من .

وبالنسبة لقطعة البحر القطعة طويلة جداً ههههههههه
ولذلك لم أقم بقرأتها عشان مكنش فيه وقت
وأخذت الإجابات من زميلى علطول هههههه
بس تعرف إن ممكن كذا اختيار يعنى مثلا القطعة تتحدث كثيراً عن ( شرح موسم الربيع المائى )
فعلا امتحان هلامى
أما احنا مدرسو اللغة العربية محتارين أُمال الأخوة المغلوبين على أمرهم غير المتخصصين يعملوا ايه ربنا ينتقم من اللى كان السبب
أخوك / أحمد حجازى

من بقك لباب السما
 

يارب يا سيدى تكون زى ما أنت بتقول لأنى اخترتها فى الامتحان ( ساطع )
ولكنى اقتنعت بوجهة نظر بعض الزملاء بقولهم : الشمس ساطعة والقمر منير
وتعرف إن معظم اللى طلعوا أخطاء فى إجاباتى اللى أنا مقدمها للحميع اختاروا الإجابات التى قمت بالفعل بإجابتها
لحاجة من اتنين هما ذكروا ملزمة العربى بتعتى كويس فبقينا دماغ واحدة فالصح والخطأ
يا أما حلى صحيح فى الامتحان والمدرسين زميلنا هما اللى غلط

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااا[B][/B]

شكرا يا استاذ احمد بس ياخساره لم اقراء هذه الاسئله الا بعد اختباري عموما انت فخر لكل البورسعيديه لاني مثلك بورسعيدي

على كل حال يقرءون او يقرؤون ساطع او منير ... فأنت رجل كريم وذو خلق ولا وذا خلق ؟ اصل انا مش متخخص سورى

يا أخى بفضل الله الملزمة تباع فى جميع أنحاء الجمهورية والله جالى تليفونات على ما أظن من كافة محافظات مصر
وفيه مواقع كثيرة أخذتها من هذا المنتدى العظيم
وتعرف إن دعوة واحدة من الأخوة المحترمين الذين يدخلون هذا المنتدى
عندى بالدنيا كلها هو احنا مشيين الا بدعاء ورضا الوالدين ودعاء الصالحين
وهذا كان هدفى من تنزيل الملزمة على النت فوالله ربنا كرمنى أخر كرم بفضل دعائكم
واتمنى الا ينتهى تواصلنا بمرور يوم يوم الخميس 29 /8
أخر يوم فى امتحانات الكادر
وعلى فكرة ياريت يكون كلامك صحيح بالنسبة لكلمة يقرءون لأنى هو ده اختيارى فى الامتحان
بس بعد ما خلصنا مدرسين كتير اتفقوا على يقرؤون

وذو خلق ( صح )
لأن ذو من الأسماء الستة
وحالات إعرابها حرف الــ Y
أى ( واى ) ترفع بالواو , وتنصب بالألف وتجر بالياء
وذو : هنا معطوفة على رجل ( ورجل خبر مرفوع ) إذن هى مرفوعة أيضاً بالواو لأنها من الأسماء الخمسة
أو الستة لو حبينا ندخل فى التخصص