ايوة صح
معلش مش وخدة بالى

بس برده اكيد فى نفس الوقت تقريبا يعنى

لولولولولولولولولولولى


الحمد لله الحمد لله التحويل اتقبل خلاص

ماما راحت سالت فى ادارة الجامعة اللى فى الشاطبى قالولها كل التحويلات اللى ب 100 جنيه دى اتقبلت والاسامى حتروح للكليات اللى اتحولنا ليها الاسبوع الجاى ان شاء الله

بجد و الله؟؟
ده خبر جامد اوي...
يعني حولو المناظر و الغير مناظر و كله...
طب يعني اروح الكلية امتى اقدم .. أو اتأكد عشان اسحب ملفي من الكلية المحول منها و اقدمه في اسكندرية؟

هما قالو ع الاسبوع الجاى ان شاء الله

انا رايحة بكرة باذن الله كلية العلوم واشوف الاخبار

أنا كنت هروح النهادرة بس قولت ممكن يكونوا بياخدوا السبت اجازة..
حضرتك روحتي ولا ايه؟

يارب خير واسمع خبر خير
 

والنبى يا جماعه بجد لو الموضوع انهم قبلو كل التحويلات دى صح ردو عليا
والمفروض انه النتيجه تطلع امته والنبى رودو عليا
واسال فين عشان اعرف انا اتقبلت ولا لا؟؟؟؟؟؟؟؟؟؟؟؟؟؟؟؟؟؟؟
يااااااااااااااااااااااااااااااااااااااارب يستجيب دعوتنا كلنا وكلنا نيجى ونقبل ف التحويل ده كل واحد يدعى وان شاء الله ربنا يقبل مننا كلنا ومن كل واحد وواحده مش قدمها الا الفرصه دى
يا رب بحق الايام المفترجه دى ف شهر الخير شهر رمضان يا رب يا رب يا رب.

السلام عليكم..
في ادارة جامعة اسكندرية في الشاطبي .. قالو ان جميع التحويلات قبلت ما عدا تحويلات كلية الطب
و ان الاسماء هتنزل في الكليات يوم الاربعاء .. و في احتمال ان الكليات المحول اليها هي اللي تتولى عملية نقل الملف من الكلية المحول منها.
الحمد لله رب العالمين و يا رب تكمل على خير
و لطلبة كليه الطب اللي كانو عايزين يحولو "قدر الله وما شاء فعل"
لو حد عندوا تصحيح لأي معلومة او اضافة يا ريت يفيدنا بيها
السلام عليكم..

ارجوك متاكد من الاخبار دى
روحت سالت يعنى
و اروح انا بكرة و لا يوم الاربعاء

اتصلت انهاردة بالتنسيق المركزى بطنطا وقالوا ظهور نتيجة التحويل بكرة يوم9/15
بس فى تأخير جامد كدا موش حيكون فى وقت كافى لنقل ورق التقديم وخصوصا لو إنة المسافة بعيدة
ربنا يستر

اخر الاخبار إن مكتب الوزير قال النتيجة كمان يومين كدا يعنى على يوم الجمعة
حسبى الله ونعم الوكيل

والله العظيم ربنا يرحمنا فى البلد دى

انا روحت النهاردة كلية علوم عشان اقدم اهو النهاردة الاربعاء زى ما قالو

قالولنا لا لسة الاسامى ماجتش تعالو اسالو على يوم الاحد يعنى كمان ممكن تكوت لسة مجتش

لا وايه تدفع 1200جنيه دول كدة من غير مصاؤيف ولا اى حاجة


حسبى الله ونعم الوكيل بجد حسبى الله ونعم الوكيل

انا مش عارفة بجد الناس دى مش خايفة من ربنا

ربنا ينتقم منهم دنيا واخرة يارب

قولو امين

امييييييييييييين
1200؟؟؟؟؟؟ التحويل مقابل 100 جنية

ايه اللى 1200 جنيه انا مش فهمة
و كمان انتوا هتعملوا ايه
انا على فكرة كنت بتصل كل يوم و يقولوا كمان اسبوعين ده الكلام ده من يومين تلاتة
يعنى هما كدابين

هو انتوا حتعملو ايه لو النتيجه موش ظهرت ح تروحو كلياتكم اللى اترشحتلو لها من الاول ولا الكليه اللى ح تتحولو ليها ولا موش ح تروحو خالص ولا ايه النظام ؟؟؟؟؟؟؟؟؟؟؟؟؟؟؟

يا جماعة انا اول مرة اسمع منكم موضوع الـ1200 جنيه ده؟
لا ده كده يبقى داخلين على طمع جامد .. شوف اصلا الـ100 جنيه جابوا منها قد ايه؟
ده لو 1200 جنيه يبقى هيعملو ملايين.. دي سرقة علني.. بس انا اول مرة اسمع عن الموضوع ده.
أنا عن نفسي يا جماعة أعتقد ان لو لا قدر الله الموضوع طول او حصلت اي حاجة .. مش هروح الكلية اللي اترشحت ليها على الاقل لغاية العيد و بعدين اشوف هعمل ايه..
و أنا روحت الكلية و قالولي ان النتيجة ممكن بكورة او الاسبوع الجاي يعني يوم السبت.
و خدت نمرهم عشان بدل ما اروح كل يوم بس حاسس ان في التيليفون بيقولو اي كلام لازم الواحد يروحلوهم و يزعقلهم عشان يتكلموا بجد.
و ربنا يستر عشان احنا تعبنا بقى.
و يا جماعة اللي عندو اي جديد يقوله و يا ريت كلنا نسأل في الكلية كل شوية عشان نروشهم و يحسوا ان في ناس كتير يهمها الموضوع ده و نخليهم ينجزوا في موضوع الكشوفات ده.
ربنا معانا.
السلام عليكم..