انتو ركنتو الموضوع ولا ايــه :confused::confused::confused:

فين بقية طلبة الكليه ؟؟

استخبو فين ؟؟؟!!

انا اهو :d
انا هتخصص فيزيا طبية او احصا وحاسب او فيزيا وحاااسب ان شاء الله :)

انا في علوم اسكندرية

وحدخل بيولوجي
ثم

بيو كمسترى او ميكروبيولوجي (مش عرفة ايه الأحسن و لسا مش عرفة أقرر)

المهم استقريتى الاول على بيولوجى الحمدلله

والتخصص فى القسم دا بعدين

وعلى حسب ما بسمع ان بيو كمسترى افضل

وبيقولو من ناحية الشغل ان اى حاجه فيها كيميا ممكن تلاقيلها شغل كتير

مرسى للمعلومة دى انا فعلا مستريحة اكتر للبيو كمسترى و الله الموفق ان شاء الله

و شكرا عالموضوع الرائع زى صحبته ده

ياااااااه اخيرا لقيت حد عايز يدخل بيو كمستري

انا كمان يانوجة عايزة ادخل القسم دة مع اني اخدت تريقة أد كدة
علشات القسم ده لكن هقول اية محدش عارف حاجة

يعني أنا مش لقيت حد هيدخل بيولوجي جامعه الزقازيق ليه؟ إيه السر ورا كده؟؟

ليه اتريقوا عليكى :confused::confused::confused:

انتى عرفة ان القسم ده ممكن تطلعى منه دكتورة تحاليل؟ او تفتحى معمل. و طبعا متاح ليكى مجال التدريس:rolleyes:

يا بنتى انا اتريقوا عليا علشان كنت حطة فى دماغى من زمان كلية العلوم و لما جتلى بردو اتريقوا عليا "و مش كان احسنلك صيدلة يعنى حتطلعى فى الآخر ايه ؟ انتى متخلفة الخ الخ الخ" :d

فقررت انى اسيب كلام الناس و اتبع قلبى;)
و ادينى سمعت كلامه :d:p;)

هما بيتريقوا علي دكتورة تحاليل دي ...... فاكرين اني بدور علي اللقب وبس ;)... لكن انا شايفة ان القسم ده ليه فايدة كبيرة لمجتمعنا
انا الاول كنت عايزة ادخل قسم فيزيا...... لكن لقيت ان القسم ده احسن ..... وان شاء الله هدخله .....لكن مش حكاية لقب ولا حاجة :d.......لأ انا ليا هدف خير ( انما الاعمال بالنيات) وانا الحمد لله نيتي خير باذن الله
انا كمان كنت عايزة ادخل الكلية دي من زمان وبرضو اخدت تريقة :d لكن الحمد لله دخلتها ..............
والحمد لله انا مبيهمنيش كلام الناس واللي في دماغي بنفذه لاني عارفة اني بعمل حاجة مش غلط
والعلم مش عيب ولاحرام يبقي هسمع كلام الناس ليه :)

انا شكلى كمان هستقر على شعبة العلوم الفيزيائيه وربنا يستر ...

وبعدين بقا نشوف هكمل فى مشوار الكيميا ولا الحاسب الآلى ...

شكرا يا جماعه وربنا يوفقنا جميعا للخير :)

جامدة

و الله برافو عليكى انتى جدعة فعلا ^_^

مرسي يانوجة ...يارب انتي كمان يكون لكي هدف خير
ربنا يوفقك

و الله حبيبتى انا نفسى اكون دكتورة تحاليل علشان اساعد الغلابة اللى ملهمش حقوق فى البلد دى و لا حول و لا قوة الا بالله

نفسى اساعد الفئة المطحونة دى
و احلل بنفسى كل حاجة اعرف هى صالحة و اللا لأ بدل ما بيضحك علينا

انا عرفة انى شكلى فى الآخر حيتقبض عليا بس كله بثوابه بقى
هههههههههههههه