بوابة الثانوية العامة المصرية - كلية التجارة جامعة المنوفية

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - كلية التجارة جامعة المنوفية (https://www.thanwya.com/vb/showthread.php?t=70066)

عملت اية النهاردة في كلية التجارة شبين او السادات

عملت اية النهاردة في كلية التجارة شبين او السادات؟؟؟؟؟؟؟؟؟؟؟؟

السلام عليكم و رحمه الله و بركاته ..

بالنسبه لسؤال محمد يسرى خالد ..

المواد اللى هتدرسها فى اولى الترم الاول ..

محاسبه ماليه .. و دى سهله اوى .. و لو احتجت اى حاجه انا تحت امرك .. ممكن اقولك تاخد كورس فيها فين و كده ..

رياضه تطبيقيه .. برده دى ماده لذيذه جداً .. انا اه كنت شيلاها بس كانت حلوه اوى .. :d .. و برده لو عايز تاخد فيها كورس ممكن اقولك تاخد عند مين و كده ..

اقتصاد جزئى .. تحس انه اقتصاد من بتاع الثانويه العامه .. يعنى من ماده الاقتصاد و الاحصاء و لو كنت اخدتها هتبقى الماده زى الفل معاك ان شاء الله ..

اداره اعمال .. معظم مواد الاداره بيحبوا الرغى الكتير .. يعنى فى الامتحان زرق اكبر مساحه ممكنه من ورقه الامتحان .. :d ..

اقتصاديات موارد و تطور .. مش فاكره الماده دى خالص .. :( :huh: ..

رياضه بحته .. طبعاً لو كنت ادبى .. و دى ماده فى اللذيذ كده .. و ثانويه يعنى لو لا قدر الله شيلتها .. مش بتأثر على نتيجتك .. بتاخدها كل سنه لحد ما تعدى فيها ..

مدخل قانون .. كانت ماده تقيله على قلبى بس الامتحان بتاعها جه جامد جداً .. 3 اسئله و نختار منهم اتنين .. كان جميل اوى .. معظم دفعه انجلش بيشيلوها .. مش عارفه ليه .. :huh: ..

نصيحه يعنى .. سنه اولى سهل اوى اوى انك تجيب فيها تقدير .. متضيعهاش من ايدك الفرصه دى ..

احضر المحاضرات و بلاش تنفيض .. انا الترم الاول فى اولى .. كنت بحضر بس مش بذاكر .. دخلت الامتحان عندى معلومات عن المواد لانى حضرت قبل كده و فاكره حاجات .. الترم التانى محضرتش و دخلت الامتحان بقيت عامله زى الجاهله اللى مش عارفه تعمل ايه فى الامتحان ..

فــ بلاش تحط نفسك فى الموقف ده .. و احضر من الاول و اكتب المحاضرات .. و ركز مع الدكاتره ..

المواد بتاعت اولى دمها خفيف .. بس حسب الدكتور اللى بيديك .. مقدرش افيدك فيهم اوى ..

و ربنا يوفقك ان شاء الله .. و يوفقكوا كلكوا ..

تجاره شبين

انا معاكوا
انا في سنه تالته
اهتحبوا الكليه اوي اوي

بس محدش يدخل المدرج مش لزيز خالص

متنزلوش الابعد العيد استوني لحد ما اجيلكو

;)

مع احترامي ليكي sweetheart
noooooooooooooooooooo way
الاقتصاد صعب وسهير بتصعبه اكتر وعايزه كرفات اكتر
انا شلته في الترم الاول من اولي
وشلته في تانيه الترم الاول والترم التاني كمااااان
مش فاهم مع دفعتنا سهير بتطلع معانا كل سنه
انا مش متفائل
وربنا يستر

السلام عليكم و رحمه الله و بركاته ..

على فكره انا كمان شيلت اقتصاد فى اولى بس الترم التانى ..

و اقتصاد فى تانيه الترم الاول ..

و الترم التانى انا كنت مذاكره الاقتصاد كويس اوى .. و كانت د - سهير اللى بتدينا .. و جبت جيد فيها ..

و هى بتحب المنحنيات اوى ..

انا فاكره فى امتحان الاقتصاد الجزئى بتاعها فى اولى .. رسمت ما لا يقل عن 27 منحنى فى الامتحان .. :d :d ..

بس تحس ان مواد الاقتصاد مش بتتغير هو هو نفس الكلام بس زياده شويه .. كل ترم عن اللى قبله ..

اقتباس:

معظم دفعه انجلش بيشيلوها .. مش عارفه ليه .. :huh: ..

هههههههههه

عيب كده انا انجليزى ولسة سنة اولى

من اولها

صوبااااااااع الغير ياجدعان

انا النهاردة على مادخلت المجمع كانت الساعة عشرة ونص وفاتتنى محاضرة د/سهير

وهى قالت للعيال ان اللى يغيبلها 4 محاضرات بتسقطه فى مادته .. ايه سفنى ايه

وسمعت انها هزأت كام واحد كده .. كمسح زور ^_^

بس احنا عندنا مش بيدونا انجليزى الناس ولاد التيت دول

يعنى هنخش نندب فى حاجات اول مرة ناخودها وبلغة مختلفة

بس احلى حاجة انى كنت علمى رياضة وواخد اقتصاد واحصاء .. فأعتقد ممكن ربنا يسهلها ان شاء الله

بس بجد ياجدعان .. النهاردة فى دفعتى كان عندنا مهرجان ازياء الدفعة بتاع 150 واحد وتلتهم صبيان والباقى بنات ..يعنى فلة الواحد كان هيفطر

والدكاترة بتوعنا كلهم شكلهم كدهو يفتح الله .. هيسقطونا

يعنى د/ (سهير- شبل - محمد مطاوع - محمد ابراهيم )

يااارب ..

يا شباب انا سنة اولى معاكم فى السادات
ياريت اتعرف على الناس اللى معايا وانا ايميلى

هيشو انت بتاع الكورة اللى بتبقى فى الملعب بتاع الكلية على طول صح
انا عارفك على فكرة ...........................
عايزين نظبط دورات كورة يا معلم

انا فعلا ببقي ورا في الملعب بس مش بلعب كووره خالص
انتا عارف ليه
لاني مش بحبها ومش بعرف امسكها اصلا
ههههههههههههههه

انا فاشل

متقلقشي هتلعب كوره كتير
انتا صحيح انتا قلت انك تعرفني ؟

منين بقي
هههههههههههههههههههههههههههههه
;););)

sweetheart
ياستي اصلا الماده دي نحس
انا اشتهرت بالاقتصاد
انا كان قبل الاسبوع بتاع امتحان الدكتوره سهير كنت بصعب علي صحابي وبيتصلوا بيا يدوني الورق
ده انا زهقت
اعمل ايه ياارب بس
اسيب تجاره بسببها
هههه
والمشكله ان الجدول نزل
انا منزلتش الجامعه بس شوفته علي الانترنت
لقيت سهر بتديني الاقتصاد بتاع تانيه يانهااااااااااااار اسود مش بقولكوا مش متفائل
بس ود/سيد وشبل السنادي معانا
يلا اهوه اي حاجه
ياااااااااارب ننجح ونخرج علي خير

وانتوا ياجماعه الجداد اللي داخلين تفائلو.............. اوي اوي
انزل كليتك علي 11.5
وايااااااااااك تحضر هتكره نفسك
والعب وهزر مع صحااابك
وشكرا
اشط عليكوا ياجماعه
we all in the same boat
loooooooooooooooooooooooooooooooool

بتوع تجارة السادات الدراسة يوم التلات ياريت اللى يروح ويجيب الجدول يديهولنا هنا
الفرقة الاولى

اقتباس:

المشاركة الأصلية كتبت بواسطة * sweetheart * (المشاركة 770199)

السلام عليكم و رحمه الله و بركاته ..

انا تجاره شبين يا جماعه ..

بس تجاره عربى ..

و رايحه تالته ان شاء الله ..

و بالنسبه لوصفك للدكاتره ..

فــ د - سيد طه .. انا بحترمه جداً .. اى نعم شيلنى مادته فى اولى .. بس عادى .. :d ..

و د - عبد الحليم القاضى .. دايماً بشيل الماده اللى بيديهالى ..

فى اولى شلت مادته .. و فى تانيه كانت رفع و نزلت .. :d ..

د - سهير .. بموت فى محاضراتها .. المحاضره بتاعتها بيبقى دمها خفيف .. يمكن علشان بتهزأ الكل .. :d ..

د - ثناء .. اللى يحضرلها مش هيفهم منها حاجه .. بس كــ امتحانات و كــ تصحيح .. فــ هى كويسه ..

د - احمد اللحلح .. دايماً بجيب فى مواده جيد .. مع انى مش ببقى عارفه فيها اى حاجه .. :d ..

د - حاتم الشعراوى .. كويس جداً و امتحاناته كويسه .. و متهيألى مش بيسقط حد ..

د - مصطفى مظهر .. بقلق من امتحاناته و تصحيحه ..

د - شبل البرى .. دكتور تمام اوى الحمد لله .. الامتحانات بتاعته بتيجى كويسه و فى مستوى الطالب اللى مش فاحت .. :d .. زيى يعنى .. :) ..

لو حد ادانى تانى و افتكرته .. هبقى اقولكوا ..

بس يا ريت كل واحد يقول هو فرقه كام ..

وجمال الدين :d
بقى التوب بتاع الجامعه دكتورها الاول :d
والله انتم ميه ميه
عندنا الشوا همشى السنه الجاية وبلاش اكمل
:d

السلام عليكم و رحمه الله و بركاته ..

متقلقش يا ميدو هو معظم دفعه انجلش بتشيل المواد العربى اللى بياخدوها .. :d ..

بس ان شاء الله خير ..

هيشو انت رايح تالته ان شاء الله .. ؟؟ ..

انا فى اللجان الاخيره اوى .. :d .. انا قبل لجان المتبقين للاعاده .. :d :d ..

مصطفى باشا .. انت فى فرقه كام .. ؟؟ ..

و محمد يسرى خالد فى الفرقه الاولى عربى .. و ميدو الفرقه الاولى انجلش ..

مين تانى يا شباب و فى فرقه كام .. ؟؟ ..

اقتباس:

مصطفى باشا .. انت فى فرقه كام .. ؟؟

انا اتاخرت سنه يلا منه لله اللى كان السبب
فرقة اولى بس مش تجارة بل حقوق ههه

اها انا رايح تالته مظبوط كده
وبمتحن في الدور الخامس حقوق
وربنا ميطلعكوا الصالات اللي فوق دي
هوه انتي اسمك اكيد بيبدا بحرف اخير
صح ؟