الجداول غلط واعتذرنا

الجدول لسه منزلش وفيه اخطاء
وهينزل على بدايه الدراسه

سورى ماخدتش بالى ان الجداول مضروبة

اه فعلا الجداول مضروبة وملعوب فيها جامد !!

بس عادي .. استنوا كدا اسبوع ولا حاجة على بال ما الرؤيا تبان ..

قدر الله ما شاء فعل

بطلوا كسل ورحوا هاتوها من الجامعه :p

ياااااااااااااه بقي ..

بقي انتي عايزه تقنعيني اني انزل في عز الحر .. وانا صايم .. ومش عارف اساسا الجداول نزلت ولا لأ ..

عشان جمال عيونكوا ؟! .. لييييييييييييييييييييييه

ان شا الله عنها ماتجابت !!

بس برده الجداول غلط .. ائا ائا .. :p

بسم الله الرحمن الرحيم

السلام عليكم ورحمه الله وبركاته

ياجماعه مش عارف انتو مستعجلين على الجداول ليه
يعنى احنا هانشوف الامله:d
المهم عايزين الجدول الصح انزل الجامعه :rolleyes:
لو لقيتيه متعلق خيط وبكره:d
المهم الجدول ممكن ينزل ويتعدل فى اى لحظه
ممكن يتعدل بعد دخول الدراسه :eek: ايوه ماتتخضش بتحصل
لو لقيتيه مش متعلق يبقى كل الحاجات دى افتكاسات
طبعا فى ناس بتكسل تنزل الجامعه(دول ليهم عزرهم):huh:
المهم ان شاء الله تكون سنه سعيده واهم حااااااااجه ان الواحد يطلع صافى
الى عايز يجتهد ويجيب تقدير دا بقى يحاول على قد ما يقدر يلم المواد كلها
والسلام عليكم

اهلا .. تجاري جديد انضمنلنا ..

كلام سليم وميه ميه يا درش ..

طب انتا تعرف ان السنة اللي فاتت في مجموعة (و) اللي هيا (ز)حاليا

احلي اختراع اتعمل مجموعة (ز) دا وربنا !! .. ناقصة ابتكارات هيا ..

اني واي .. السنة الي فاتت في اولي (ز) في الترم التاني.. بعد مرور شهر كااااااامل من الدراسة

اتغير دكتور المحاسبة بتاع المجموعة .. وجيه واحد تاني ..

شوفتوا الأبهة اللي احنا فيها ؟! ..

وفي الترم الاول في نفس المجموعة برده .. الدكتور اللي كان بيدي سلوك انساني ..

خلع في اخر شهر وراح يحج !! .. ولبس الامتحان للمجموعة كلها من غير مايقول حتى ايه اللي اتحذف !

عماااااااار يا مصر !

الا صحيح يا درش .. انتا في سنة كام ولا مجموعة ايه ؟

اهلا بيك يا فامبير
اولا ارد على سؤالك انا كنت معاك فى سنه اولى (و) السنه الى فاتت
عندك حق فى الى قولتو
فى دكاتره مش بيحسو بينا
وبعدين المفروض ماكنوش غيرو مجموعتنا ويخلوها (ز)
وعايز اقولكو كمان على ظلم التصحيح
انا كنت المفروض انى اشيل الموارد لانى مألف فيها ومش كاتب حاجه صح
والحمد لله نجحت:blink:
اما بقى الاداره انا حالل فيها كويس يعنى ماشيلهاش .. كنت ممكن اجيب فيها 12 .. 13 بس مش 6
كليتنا دى فيها اكتر عدد من الطلاب ومع ذلك النتيجه بتطلع قبل كليات تانيه فيها طلاب قليلين!!!!!!!!!
عظيمه يامصر يا أم الدنيا
لما تزاكر جامد ومتنجحش يبقي انت اكيد في مصر
ولما تتخرج ومتشتغلش يبقي انت اكيد في مصر
ولما تشتغل ومتكسبش يبقي انت اكيد في مصر
ولما تحب وتفشل يبقي انت اكيد اكيد في مصر
ولما تخطب ومتتجوزش يبقي انت اكيد في مصر
عظيمه يا مصر يا ام الدنيا:d

ههههههههههههههههههههههه

جامد اوي الحتتين الاخرنيين دول ..

بس غريبة .. بقي انتا كنت معايا بجد ؟!

احمدك يااااااااااااااارب .. لاقيت واحد معايا في المنتدي يابني ادمين معايا !!

وفي مجموعتي كمااااااان ؟! .. لالا مش مصدق نفسي بجد ..

اخيرا لاقيت حد واقف جنبيا في المنتدي اللي كله بنات دا ..

اتغاظي يا wanda .. اتغاظي يا 3ola .. اتغاظي يا rinad .. اتغاظي يا nada ..

اتغاظوا كللللللللكوا .. لاقيت واحد معايا في مجموعتي .. احمدك واشكر فضلك يارب

بص يادرش .. احنا نأنتم معا بعض بقي من دلوقتي ..

طبعا انتا مش فاهم حاجة من اللي انا قولته .. اللي عايزك تعرفه ان فيه ناس هنا حقوديين عليا

عشان انا الوحيد اللي ولد هنا تقريبا ..

ممكن يكون فيه ناس تانية .. بس مش متابعين .. المهم ..

عايزك تعمل معايا حلف مشترك ضدهم ..

ومن النهارده مافيش حكومة ..

هههه قال يعني فيه اصلا !! .. بالا نيلة

ههههههههههههههههههههههه
هما عملين عليك كمين ولا ايه
احنا هنا اهو ومعاك فى اى حاجه
وان شاء الله مع اول الدراسه ابقى اتعرف عليك واشوفك فى مجموعتنا ان شاء الله
المهم البنات دول لو مدايقينك فى اى حاجه احنا موجودين هنا اهو
وهابقى متابع معاك ومتقلقش

حرام عليك يا فامباير

ده انا زى ما بقولك كدا احنا ملاك

طب ما انا و ندى مأنتمين برده

يعنى كنا عاملين حزب عليك

وبرده مش هتقدر تغيظنا يا فامباير

وجرى ايه يا مصطفى هو حد يقدر يضايق فامباير

اى خدمة اهو يا فامباير

وموت انت بغيظك بقى

ههههههههههههههه .

ايوا .. خشي عليا بحنيتك وطيابتك يا علا ..

قال ملاك قال ..

يابنتي حرام عليكي .. دانتوا لولاكوا كنا دخلنا الجنة من اوسع ابوابها ..

بقولك ايه .. انسي قعدة الشبابيك لغاية مايعدي رمضان ..

عشان انا لو قعدت على الشبابيك في رمضان .. صومي كله هايضيع ..

وهايبقي بسببكوا .. بسبب الملايكة !!

ههههههههههههههههه
الله ينور عليك يا فامبير
انت كده فاهمها صح
وخلينا مع بعض قدامهم
اتغاظى ياعلا

يعنى يا جماعة الكلام النهائى ايه عشان نشوف شغلنا احنا كمان :d

الجداول دى غلط غلط ؟
جواب نهائى يعنى ؟؟
:d