السلام عليكم ورحمة الله وبركاته

أنا جاوبت المسألة كده (بس مش عارفة صح ولا لأ )

أولا: نحسب زمن سماع صوت البندقية

بما أن الرجل يقف على بعد 170 متر
و البندقية على بعد 34 متر

إذن x = 170 - 34 = 136 m

بما أن v = x / t

إذن 340 = 136 / t

إذن
(زمن سماع صوت البندقية)
t = 0.4 sec

ثانيا : نحسب زمن سماع صدى صوت البندقية:

x = 170 + 34 = 204 m

v = x / t

340 = 204 / t

t = 0.6 sec

إذن الفاصل الزمني بين سماع صوت البندقية وصدى الصوت

= 0.6 - 0.4 = sec 0.2

ماهى النتائج المترتبة على كل من مع ذكر السبب
1- سقوط موجات صوتية على سطح الماء
2- انتقال الصوت من وسط اكبر الى اقل كثافة
3- اصطدام الصوت بسطح عاكس كبير ويبعد مسافة كبيرة

شكرا ً ع الأسئله

l.loay
معلش هاسألك سؤال
أنت ولد ولا بنت
أصلي حاسس أني متلخبط و الله و مش عارف أظبط الضماير

انا بنت
Leila Loay
وشكرا ليكم اتمنى اننا نفيد بعضنا ونستفيد كلنا

شكرا ً
و إن شاء الله تتم الإستفاده لو كل واحد حط أسئلته هنا
و إن شاء الله ربع ساعه ولا حاجه و أجيب مسأله

المسأله أهي ( معلش الربع ساعه زادت شويه أصلي إتورطت ف مشوار عيش للسحور )
إذا كان الطول الموجي الصادر في الهواء من وتر مشدود عشر سرعة الصوت في الهواء و هو يصدر نغمته الفوقيه الثالثة إحسب سرعة إهتزاز الونر إذا كان طوله 2 متر

هي طلعت 10 بس ما اعرفش طلعت معايا ازاي .. !!

طب ايه رأيكو في المسألة دي .. هي مش جامدة أوي يعني ..

إذا زيدت قوة شد سلك بمقدار 60kgwt فزاد تردد النغمة الأساسية إلى الضعف .. فكم تكون قوة الشد في الحالتين ..؟؟

أنا عن نفسي حليتها بالرياضة .. و طلعت ..!!

طبعا ً صح أنا أقدر أقول حاجه

لو إجابة مسألتك 20 و 80 يبقي أنزل الحل
لو غير كده يبقي بلاش أوريكم الفضايح
و حل المسأله اللي فوق هانزله دلوقتي إن شاء الله

الحل أهو
.................................................. .................................................. ..........


يا رب تكون الفكره وصلت

في إستفسار بس

هو مش الطول الموجي الصادر في الهواء غير الطول الموجي للوتر صح ؟؟

والسرعة عبارة عن الطول الموجي ف التردد

يبقى أكيد السرعة ف الوتر غير السرعة ف الهوا صح؟؟

معلش أصل أنا فهمي بطيء شوية

إزاي بأه جبنا سرعة إهتزاز الوتر
من علاقة الطول الموجي ف الهوا وسرعة الصوت ف الهوا برضه

أنا حليتها وف النهاية طلع معايا الناتج صح بس حل طويييل عريييض.. حد بأه يفهمني الحل ده وجزاكم الله كل خييير

معلش أنا مش هانفعك في الموضوع ده
أصل أنا ساعات مش بافهم أسئلتي أنا نفسي اللي باسألها لحد علشان أفهم حاجه

يا رب افيدك يا اروى بس انا فعلا سالت في حاجة زي دي

و على ما اعتقد اولا فعلا السرعة في الوتر غير الهواء عشان حسب الباب الاول تعتبر الموجة انتقلت بين وسطين مختلفين بس التردد ثابت الطول الموجي حيتغير

و ححاول اجيب الحل دلوقتي

السؤال الأول اجابته {180}ان شاء الله