ألف مبروك ليكي يا إيمان ...
أنا ليا ابن خالي مر بنفس التجربة و هو من السعودية .. لكن اضطر إنه يدخل معهد بنها العالي ..
و ربنا بيحط الواحد في المكان المناسب له ..
أنا الحمدلله ، جتلي هندسة منوف و مسافر مصر يوم 5/10 لأني مقيم في الإمارات ..
ربنا يستر و متكنش فاتت عليا محاضرات كتيير ، البركة في الزملاء اللي هيمدونا بالمحاضرات و الإرشادات اللازمة ..
أنا سعيد بتواجدي معاكم هنا وكل سنة وانتو طيبين

Ahmed Nassar
توصل بالسلامة ان شاء الله

الله يبارك فيك وعلي فكرة أنا بحمد ربنا جدا ومش زعلانه إني دخلتها خالص دا أنا من بعد ما جالي إستنفاذ كان كل همي ألحق كلية من كليات القمة يعني أنا دلوقت راضية وسعيدة جدا وعلي رأيك ربنا بيحط الواحد في المكان المناسب له ومتخافش مفيش كتير فاتك أنا حضرت محاضرتين ومخدناش حاجات مهمه اوي يعني وبعدين إن شاء الله لو حاجه فاتتك إخواتك في الكليه كلهم هيساعدوك متخافش
أنا أصلا روحت الكلية من قبل ما أعرف إنها جاتلي بيومين ومن بعد ما جاتلي ما روحتش ولا مرة معرفش ليه هههههههههههه جنان بقي بس بصراحه حبيتها من أول نظرة حب بجد ونويت بإذن الله إني أثبت نفسي فيها وأخليها تحبني بالزوق بالعافيه هتحبني
وربنا يجيبك من الإمارات بالسلامه ومصر هتنور بوجودك يا أحمد وربنا يوفقك في الكلية يارب وفي كل حياتك بإذن الله عايزين نثبت للي قدنا في مصر إننا مش قله زي ما هما فاكرين لأنهم بجد بيستقلوا بينا بس بإذن الله هنثبتلهم العكس

http://www.kollyaonline.net/forum/
ده يا جماعه رابط للمنتدي بتاع الكلية هو لسه في بدايته بس هيجمع شملنا كلنا يا ريت تشتركوا فيه علشان نقدر نساعد بعض في الكلية ونبقي علي تواصل دايما وربنا يوفقنا جميعا إن شاء الله

ربنا يوفقك ..
بس مين بيسقل بمين ، اللي من مصر بيستقلوا باللي جايين من بره !!
ليييييييييييه يعني ؟ هو صح الدراسة بره أسهل و أحلى ، لكن برضه بندرس
مواضيع في الرضيات و الفيزيا هو ما درسوها ..
هو انتي من بره برضه ؟

طيب ، إيه أقل مجموع عندكم يدخل هندسة ؟

ليه إيه الفرق ؟

أقولك بيستقولوا بينا ليه ومن ناحية إيه
بيستقولوا بينا لأنهم فاكرين إننا هناك في الخليج بناخد المناهج بالمعلقة كل يوم الصبح يعني بمنتهي السهولة وبنمتحن وإحنا نايمين ومش مقتنعين إننا بنذاكر وبنتعب زيهم يمكن مش بنعب زيهم بالظبط بس بنتعب أوي برده
يعني من الأخر أنا سمعت من ناس كتير جايين من بره زيي إن زملاتهم في الكلية كانوا بيبصولهم علي إنهم جايين من بره
يعني دماغ فاضي وجيب مليان وييحالوا بقي يستغلوا فيك علي قد ما يقدروا بس أكيد مش كل الناس طبعا في ناس ولاد ناس ومحترمين وعنيهم مليانه
ههههههههههههه والله بيحسسونا إننا كنا بنبيع بترول هناك بالدولار مش للدرجادي يا جماعه إحنا مش مليارديرات يعني ويا ريت بقي تسيبونا في حالنا لحسن تعبنا من الحسد إرحمونا إتقوا الله فينا
وربنا يوفق الجميع

عالعموم يا جماعة ..
اللي يقدر يفيدني في المحاضرات اللي فاتت يتواصل معايا عالإيميل ..
me_ahn90@hotmail.com

و الله مقدرش أزيد عالكلام بتاعك حرف ..
فعلاً .. كلامك منطقي و لازم نثبت نفسنا و نغير الصورة ..

لأ ، احنا الأولاد و البنات نفس الحاجة ..
بياخدوا عربي و تربية اسلامية و رياضيات و انجليزي و فيزيا و أحياء و كمياء و جولوجيا و حاسب آلي ..
في طالب ثانوية مصرية بياخد المواد دي كلها ، لا و عندي الأدبي أكتر ( تاريخ و جغرافيا و علم نفس واقتصاد .. + مواد العلمي باستثناء الجيولوجيا )