بوابة الثانوية العامة المصرية - الجنية ونص جنية الفضة؟؟!!

صفحة 3 من 7

Last »

عرض 50 مشاركات من هذا الموضوع لكل صفحة

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - الجنية ونص جنية الفضة؟؟!! (https://www.thanwya.com/vb/showthread.php?t=82163)

Sharp Nails

26-10-2008 08:04 AM

اقتباس:

المشاركة الأصلية كتبت بواسطة همس (المشاركة 846971)

موضوع حلو اوي يا نسوووم

انا كرهت حاجة اسمها عملة

والي يحرق الدم

ان في الباصات بيرجعوا الباقي ليكي مثلا جنيه او نص جنيه فضة

بآخدهم وبسكت لاني بكون طالعة من الكلية قرفانة من الدنيا اصلا
دة الى بيحصل وكمان يعنى هتقفى فى وسط الزحمة تقوليله غيرلى دول
هيرميكى مالشباك

وعقبال ما الواحد دعوته تستجاب

ويلاقي رجالة عندهم نخوة ودم ومش يزاحموا البنات عند ابواب الباصات

بجد بجد مهزلة وقمة المهزلة

الطبيعي والي بيحصل اصلا دلوقتي

ان البنات عند الباصات بتتحول الى ذكور
ياساتر ازاى:(

وتلاقيهم بيزقوا ويضربوا زي الرجالة بالظبط

انا صراحة مش قادرة اكون كدا

بقعد استنى لحد ما خلق الله كلهم يروحوا وبعدين بركب انا واصحابي
اية الحجة دية

الي خلتهم يقفوا معايا وينسوا الهمجية الي الناس بتتعامل بيها دي

المهم طولت عليكي وقرفتك بالباصات

الي بيحصل انهم بيرجعوا الباقي ليكي جنيهات وانصاص فصة عادي

جيت مرة بقى ادفع الاجرة للراجل جنيه فضة

قالي لاااااااااااااا يا اببببببببلة دا مش بيرووووووووووووووح اليومييييييين دووووووووول
علشان بيقع منه زى حالاتى:av4056bb7jp3:
قولتله والله ؟؟؟؟

امال بيروح منكم لينا ازاي ؟؟

دا انا أخدته منكم

وبعدين البريزة والشلن بيروحوا والجنيه والنص مش بيروحوا ؟؟؟؟؟

قلت اشتري دماغك يا بت يا هند وطلعت جنيه ورق

ونزلت وانا بجد قرفانة من البلد ومن الحال الي وصلنا ليه

الله المستعااااااااان

صدعتك انا معلش

بس قلت اطلع الشحنات الي جوايا

هههههههههههههه

ياعينى ياهند انتى شكلك استويتى
انا لو منك كنت قولت للراجل مفيش غير دة تخده ولا تاخده
كان هيخده

Sharp Nails

26-10-2008 08:08 AM

اقتباس:

المشاركة الأصلية كتبت بواسطة emoo (المشاركة 847028)

ايه ده
هوا الموضوع ده اللى مضايقك يا نسمه و مضايق الناس؟:d
طب ايه رأيكو على فكره ان عملة اليورو شكلها نفس الشكل
و مش دولة طويله عريضه
قاره كاملة بتتعامل بالشكل ده
مع اختلاف التصميم بين كل دوله و دوله فى الوجه التانى بس
لكن الوجه اللى هوريه ليكو ثابت فى كل دول اوروبا و بنفس حجم الجنيه و النص جنيه الفضه

استنو اوريكو

http://www8.0zz0.com/2008/10/25/21/567085973.gif

2 يورو

http://www8.0zz0.com/2008/10/25/21/783096303.gif

1 يورو

http://www8.0zz0.com/2008/10/25/21/629881567.gif

50 سنت

http://www8.0zz0.com/2008/10/25/21/234150646.gif

20 سنت

http://www8.0zz0.com/2008/10/25/21/805185218.gif

10 سنت

http://www8.0zz0.com/2008/10/25/21/191556802.gif

5 سنت

http://www8.0zz0.com/2008/10/25/21/375182860.gif

2 سنت

http://www8.0zz0.com/2008/10/25/21/939662319.gif

1 سنت

اى خدمه مدلعكو اهو

انا مالى ومال اليورو
طب اليورو لية اسمه فالعالم
مين بقى الجنية دة
هو اصلا مش عالخريطة يقوموا يصغروا اكتر

شكرا ايمن لمرورك

Sharp Nails

26-10-2008 08:13 AM

اقتباس:

المشاركة الأصلية كتبت بواسطة أ/ عثمان ربيع (المشاركة 847050)

في رايي ان المفروض العملة المعدنية الجديدة ( الجنية - النص ) يتعملوا فيهم ثقب زي الربع جنية

علي الاقل ممكن الواحد يعمل مدلية يحطهم فيها وهنحافظ عليهم من الضياع

شكرا علي الموضوع

واحدة تقولى لعبة لبنت خالتى
وواحد يقولى حطهم فالشراب
وحضرتك تقولى مدلية

الحاجة ام الاختراع
والله افكار زى الفل
اهوه تغير برضه لاستخدمات الفلوس

Sharp Nails

26-10-2008 08:15 AM

اقتباس:

المشاركة الأصلية كتبت بواسطة hazem_ayman (المشاركة 847082)

المشكلة انك لو جيت تدفعهم فى المواصلات مبيرضوش يخدوها

والله حاجة تنرفززززززززززززززززززززززز
يعنى يدونا الفلوس وميرضوش يخدوها تانى
:slap1qk6:

Hamset_Etab

26-10-2008 08:18 AM

حلو الموضوع اوى
بس انا مش بتفرق معايا عادى يعنى بس اللى يحرق الدم لما اكون قاعده فى عربيه وادى السواق الجنيه ده يقولى ( والنبى يا ابله شوفى غير ده الا ده بحس انه مقلول بركته) طب انا مالى مش دى بقت عمله النهارده مالى انا ببركته
انا زهقت من الجنيهات دى
والله احنا فى البيت عندنا يجى اكتر من خمسين جنيه من الشكل ده ولا حد راضى يخدهم

Sharp Nails

26-10-2008 08:25 AM

اقتباس:

المشاركة الأصلية كتبت بواسطة عبقرينومان (المشاركة 847316)

انا ليا تعليق صغير بس

هي تذكرة المترو بقت بنص جنية ولا ايه ولا محسوبية تعطي للراجل 10 جنية يعطيك تسعة ونص ليه

مفيش قانون

ههههههههههههههههههههه
لا انا قصدى انه ادانى جنهات وانصاص
مش عارفة اوصلها ازاى
يعنى ادانى مخلط
جنهات على نص جنهات
وصلت؟؟؟؟؟؟؟

التعليق الثاني (العملة المعدنية بتكون اقوى وبتعيش اكثر من العملة الورقية لان البنك المركزي كل فترة بيعدم كمية كمبيرة بالملايين من العملة الورقة التالفة فلهذا تنصح الحكومة باستخدام العملات النقدية كما في الدول الكبيرة

بس برضوا عايز اعرف حكاية ثمن التذكرة

ماهى اها معمرة بس مش بتتصرف
ولا حضرتك شايف اية ؟؟؟؟؟؟؟
كل الناس عماله تقول مش بتتصرف

** MR.SmilE **

26-10-2008 01:26 PM

العالم كله بيتجه نحو التصغير .... اشمعني احنا:):)

كل حاجة ف البلد بقت بتقل ( ما عدا الفلوس المعدن )

مش بعيد تصحي الصبح متلاقيش محلات!!!!

بصراحة النص جنيه و الجنيه بقي شكلهم مستفز جدا
و مش داخل دماغي حكاية الجنيه المعدن دي
و كمان كتروا اوي اوي في مصر

مش عارف راح فين النص و الربع الورق؟؟؟

ما علينا

شكرا ع الموضوع

emoo	26-10-2008 02:45 PM

انا عن نفسى
عمرى ما جيت فى مره استخدمه
و متصرفش
كل الناس بترضى تاخده منى
و المواصلات و كله
:)

the black rose

26-10-2008 03:10 PM

هيكون عاجبنا ازاى يعنى يا نسوم
اساسا فى ناس مش بترضى تاخده
احنا عندنا مستر قبض المرتب بتاعه جنيهات من دى
طبعا ولا حاسس بقيمتهم
راح فى الدرس كل سؤال عليه جنيه و وزعهم علينا
و كمان فى بريزة دلوقتى اصغر من المليم بتاع زمان
بجد صغنونة اوى يعنى خلاص النص جنيه بقى بدل الشلن
و الجنيه بقى بريزة حتى فى قيمتهم مبقوش يجيبوا حاجة
المشكلة فى الاقتصاد كله مش فى منظر الجنيه

EnG.BeLaL

26-10-2008 03:20 PM

انا كل لما اخد واحد يقع مني
هشيل بعد كده سرة من الدنانير هههههههههه

the black rose

26-10-2008 03:32 PM

اقتباس:

المشاركة الأصلية كتبت بواسطة Alias&Buffy (المشاركة 847371)

الى هيكلمنى على انى ولد تانى مش هرد عليه

ادينى قولت
وهيبقى فى كلام تانى

هههههههههههههه
نعملك ايه انتى اللى غيرتى اسمك
و بعدين ده مش شكل بنت خالص :p

_GUIDE_

26-10-2008 03:42 PM

ماله الجنيه الفضه :slap1qk6:
ده حتى كله نحاس وحاجة تقيلة كده تمله الايد
مش احسن من الجنيه الورق اللى بيبوش فى الجيب
اهو الجنيه الفضى ده لو اتغسل واتكوه جوه البنطلون هتلقيه زى ما هو
انما الورق شوية عرق فى الجيب بيخله عامل زى المنديل اللى فيه ............... بلا قرف :D

همس	26-10-2008 06:36 PM

اقتباس:

المشاركة الأصلية كتبت بواسطة _GUIDE_ (المشاركة 847809)

ماله الجنيه الفضه :slap1qk6:

ده حتى كله نحاس وحاجة تقيلة كده تمله الايد
مش احسن من الجنيه الورق اللى بيبوش فى الجيب
اهو الجنيه الفضى ده لو اتغسل واتكوه جوه البنطلون هتلقيه زى ما هو
انما الورق شوية عرق فى الجيب بيخله عامل زى المنديل اللى فيه ............... بلا قرف :D

ايييييييييييه دااااااا يا اسلاااااااااااااااااااااام

انت مش عارف ان الناس بتتغدى في الوقت دا ؟؟؟؟؟؟؟:slap1qk6:

المهم انك بتغني وترد على نفسك وبتقول بلا قرف :lol:

صحيييييييح هو الجيب بيعرق ؟؟:confused::confused:

اول مرة اعرف الموضوع دا

على فكرة لما تغسل الفلوس ولا حاجة بالغلط

اكويها هتبقى زي الفل

واسأل مجرب

حصلت مرة

اهل البيت كلهم طلبوا مني اكوي فلوسهم كلها :lol::lol:
هههههههههههه

انا بتكلم بجد والله

يلا يا نسمة في واحد اهو من محبي اكياس الدنانير

Travel

26-10-2008 06:58 PM

اقتباس:

المشاركة الأصلية كتبت بواسطة _GUIDE_ (المشاركة 847809)

ماله الجنيه الفضه :slap1qk6:

ده حتى كله نحاس وحاجة تقيلة كده تمله الايد
مش احسن من الجنيه الورق اللى بيبوش فى الجيب
اهو الجنيه الفضى ده لو اتغسل واتكوه جوه البنطلون هتلقيه زى ما هو
انما الورق شوية عرق فى الجيب بيخله عامل زى المنديل اللى فيه ............... بلا قرف :D

ايه يا اسلام اللى انت كاتبه ده
طب والله فعلا انا باكل وانا بتجول فى المنتدى:slap1qk6:

اقتباس:

بلا قرف

:slap1qk6:

اقتباس:

المشاركة الأصلية كتبت بواسطة همس (المشاركة 848072)

على فكرة لما تغسل الفلوس ولا حاجة بالغلط

اكويها هتبقى زي الفل

واسأل مجرب

حصلت مرة

اهل البيت كلهم طلبوا مني اكوي فلوسهم كلها :lol::lol:
هههههههههههه

انا بتكلم بجد والله

يكوى ايه
الفلوس:huh:
!!

لا اقولك على حل اسهل
ابقى انشريها مع الهدوم على الحبل او المنشر:d

biob	26-10-2008 07:32 PM

طيبتصدقوا بقى انه مش راضى يمشى فى بلدنا
ومش ماشى فى الموصلات كمان
ومحدش بيرضى ياخده

جميع الأوقات بتوقيت GMT +2. الساعة الآن 11:59 PM.

صفحة 3 من 7

Last »

عرض 50 مشاركات من هذا الموضوع لكل صفحة