|
اقتباس:
دا أنت قلبك أسود قوي يا جدع |
ياريت ياجماعة نلتزم بقوانين القسم
اقتباس:
|
هههههههههه حلو الموضوع ده
مع اني بنت بس المهم اولا اسلوب الكتابه مش حلو وفيه تقليل من شان البنت بس ده مش معناه اني مع دخول البنات الجيش ثانيا الموضوع ده طبعا مش ممكن مش معني ان البنات قدرت تعمل حاجات كتير انها تدخل الجيش كل حاجه ليها اخر وحدود لو البنت عايزه تفيد بلدها في اكتر من طريقه غير الجيش انا بابا وجدو كانوا بيحكولي طبعا صعب جدا علي البنت ده اذا استحملت يوم اصلا ومش معني اني بنت ان كل الحاجات اللي بتقولها البنات صح وعجباني |
ميشال أليو ماري (وزيرة الدخلية فى فرنسا ) وكانت من قبل وزيرة للدفاع
كارمي تشاكون (وزيرة الدفاع الاسبانية) جريت شتروم (وزيرة الدفاع فى النرويج ) اعتقد ان النوع هنا مكنش الفيصل على قد ما كانت الخبرة والكفاة انا مع ان المراة تدخل الجيش لكن فى الاعمال والمهام الادارية فقط وليس فى الاعمال القتالية مع العلم ان الجيش المصرى اصبح هش وضعيف جدااا نظرا لعدم دخوله فى اى معارك واقتصار الامر على التدريبات فقط |
والله العظيم ده اخر استعباط
البنات اتجنوا فى عقلهم (انا بنت بس لسا متجنتش) والله شكلهم فاضيين الواحد هيقول ايه بس انا رافضة الفكرة ديه نهائيا وتقبل رايى |
قالت السيده عائشه للنبى صلى الله عليه وسلم الجهاد للرجال فما جهاد المرأه , قال لها طاعتك جوزك و خدمتك فى بيتك و تربيتك أبنائك يعدل الجهاد فى سبيل الله
|
والله ماكدبش عليك حكاية جيش البنت دى فكرت فيها قبل كده وقولت ليه لا ويكون تطوعى يعنى مش شرط ان البنت تدخل بس بعد كده فكرت فيها من جوانب تانية لقيتها مش راكبة خالص اولا من الناحية الدينية ابسط حاجه ممكن نقولها حكم لبس المرأه للبنطلون لانها طبعا مش هتحارب ولا تدرب فى جيب يعنى ثانيا بقى البنت ايه اللى بيميزها العفة والرقة والانوثة فين دول لما تدخل الجيش وتحارب هتبقى البلد كلها رجالة وممكن تتفاجأ بالشويش عطية فى بيتكوا وتطلع ف الاخر اختك من الاخر الفكرة مش منطقية خالص ودخول الفكرة دى مجرد محاكاة للمرأة الاوروبيه |
انا اول ماقريت اسم الموضوع .. افتكرت اسماعيل ياسين وهوا بيقول بورروم !!
هوا دا فعلا اللي هايحصل .. سيبكوا من التريقة وسيبكوا من الكلام اللي مالوش لازمة ونتكلم بالعقل .. اول خط الجيش مش بيبدأ بشيل السلاح .. لأ دا بيبدأ بإجراءات التجنيد .. اقسم بالله العظيم انا ابن خالتي ايام ماكان بيقدم في التجنيد كان بيرجع مفرهد .. معا العلم ان ابن خالتي دا جسمه ماشاء الله .. لو كان قدم في حربية كان اتقبل من اول اختبار ! تاني خط في الجيش .. 45 يوم من الذل .. واحد بيحكيلي بيقولي انتا في الـ 45 يوم دول كرامتك بتتمسح في الارض .. بمعني اصح .. سيب كرامتك على الباب .. ولو الظابط قالك اقلع قدام الجيش كله هاتقلع !! تالت خط في الجيش .. التوزيع بعد فترة الـ 45 يوم على الوحدات والكتايب .. صحيان من الصبح .. طابور .. حلاقة دقن .. مافيش فرصة حتى تاخد شاور .. عايزكوا بقي يابنات تطبقوا الكلام دا عليكوا انتوا .. عندكوا استعداد تروحوا الهايكستب بتاع التجنيد وتعملوا الكشف الطبي الغير آدمي ؟! عندكوا استعداد تقعدوا في مركز التدريب 45 يوم تعموا حاجات عمركوا ماعملتوها ولا هاتعملوها في حياتكوا ؟! عندكوا استعداد تتهانوا وتتشتموا وتتهزقوا من الظباط اللي فوقيكوا وماتتكلموش وماتنطقوش بنص كلمة ؟! عندكوا استعداد تصحوا من الساعة 6 الصبح .. وفي ظرف 5 دقايق تكونوا جاهزين للطابور ؟! عندكوا استعداد تستحموا بالمايه الساقعة في عز الشتا ؟! سيكولوجياً وعقلياً ماعتقدش ان فيه بنت تقدر تتحمل الأعباء دي .. اذا كان الراجل ساعات مابيقدرش .. بقي البنات اللي هاتقدر ؟!!! طب افترضوا ان فيه حرب قامت .. عايزين تقنعوني ان فيه واحده فيكوا هاتعرف تحارب ؟! دا هاتعقد تعيط .. داحنا في الايام العادية اما الراجل بيزعق في البنت .. البنت بتقعد تعيط .. امال في الحرب هاتعملوا ايه؟! دا فيه رجااااااااالة بيجيلهم حالات نفسية من اللي بيشوفوه في الحرب .. دا كفاية صوت الطيارة معدية من فوق دماغك .. انا من 4 او 5 شهور كان فيه تقريباً الطيارين بيتدربوا .. وطيارة منهم عدت من فوق العمارة عندنا .. وانا ساعتها كنت نايم .. اقسم بالله العظيم انا قومت اتنفضت من صوتها !! .. معا العلم انهم كانوا طايرين فوق السحاب .. مابالك بالحرب اللي الطيران فيها بيبقي على ارتفاع منخفض ... هوا والله زي ما مسيو احمد شلبي قال اقتباس:
|
اقتباس:
مفروض ان الدخول يبقى اختيارى يعنى ان البنت تنقى السلاح اللى هى عيزاه |
اقتباس:
سلاح اية الى هنختاره دة انا بشيل كتابين وايدى بتفقد الاحساس آليا:mellow: |
اقتباس:
كلام منطقى وعاقل جدا انما اللى المفروض يحصل ان فكرة الجيش للبنات مش هتبقى بالاسلوب ده خااااااااااالص لان اذا الفكرة دى اتنفذت صح وبالعقل والمنطق هيبقى فى سمات تانيه للجيش اللى هتدخله البنات ولو كلمة جيش دى هى اللى قالبه الدنيا بلاش نسميه جيش سموه اى حاجة تانية انما زى قولت قبل كده الحرب مش هتفرق بين بنت وولد وادينا شايفين اللى بيحصل فى فلسطين وفى العراق مفيش حرمة للبنات وبيتعمل فيهم كل شئ ممكن نتخيلوا:( يبقى احنا نقعد نستنى دورنا بقى ولا نحاول نجهز نفسنا للايام السودا دى |
ههههههههههههههههههههه.. ايه بتقولو ايه؟
يا جماعة البنات مالهم في المؤسسات العسكرية غير مكان واحد و هو التمريض العسكري او الطب العسكري و ده يا اما عن طريق دخول المعهد الفني للتمريض للاناث التابع للقوات المسلحة او التطوع في اوقات الحرب.
البنات اللي قالوا اسمعنا بنات فرنسا و امريكا. يا جماعة دول ثقافة مختلفة .. يعني الرجال في الغرب معندهمش الغيرة زي الرجل المصري. و بعدين ماهو الجيش الامريكي في كتير اوي من شبابه شواذ. و كمان .. لو فرضنا ان بنت دخلت الجيش و خدوها اسيرة ..و تم تعذيبها عشان تدلي بمعلومات سرية تخص الجيش .. اظن يعني مع اول قلم هتقول كل حاجة. و هل البنت في حالة الحرب تقدر تتحمل مناظر القتلى و تقدر تدخل في اشتباك بدني مع جندي من العدو. هل البنت هيكون عندها الشجاعة في انها تضرب نار على جندي..طب دي ممكن سهلة. هل ممكن البنت قصدي ( الجندية) لو خلصت الذخيرة او كان فيجندي قريب منها هل تقدر انها تقتله بالسمكي (السكينة اللي بتبقى في مقدمةالبندقية). المجندات الغربيات و الامريكيات بيقدروا يعملوا ده. لكن في مقابل ان الرجل المصري و العربي اقوى و اخشن من الرجل الغربي. في المقابل المرأة المصرية و العربية ارق و اضعف من المرأة الغربية. تعرفوا ان فرنسا عندها وزيرة دفاع مش عارف ساركوزي شالها ولا لأ بس قبل ساركوزي ما يجي كان فيه وزيرة دفاع. هل ده ينفع عندنا .. طبعا مستحيل. هتقولوا ماهو كان في نساء مجاهدات ايام الرسول .. هقولكم دول كانوا قليلين جدا اللي بيحاربوا .. ده غير ان النظام دلوقتي اتغير تماما. و بعدين شوفوا الامريكان بيعملوا ايه في اسرى سجن ابو غريب اومال بقى لو الاسرى دول بنات. يا جماعة بلاش كلام فاضي. على رأي احد المحاميين ( تقريبا نبيل الوحش): جمعيات حقوق المرأة دي اصبحت سبوبة .. اي سيدة جوزها راجل مشهور عايزة تعمل زيه و تعمل جمعيات و تدخل نادي روتاري .. عشان تبقى سيدة مجمتع. و كمان في نقطة مهمة جدا .. الدول اللي بتجند البنات دي دول قليلة جدا. امريكا .. طبعا دول مع نفسهم ثقافة مختلفة 180 درجة. فرنسا بتجند البنات بس قليل جدا.. و بيحطوهم في حاجات غير القوات العاملة. اسرائيل دول طبعا معذورين لانهم اصلا عددهم صغير فمش لاقيين خالص. لكن بقى عندك جيوش زي روسيا و الصين .. و دي دول قوية جدا. مش بيجندوا البنات. و كلمة بقى اخيرة للبنات اللي اخترعوا الفكرة الهدامة و المخربة و الجنونية و كمان للبنات اللي موافقين على كده. شوفوا اي حاجة تانية تخربوها .. بس سيبوا الجيش لان دي منطقة حساسة .. شكلنا اصلا داخلين على نكسة جديدة لو استمرينا كده .. و احب اذكركم بان اللي حصل في الستينات ممكن يتكرر لو مش هنفوق. و حلوة يا حازم الحتة الكوميدي .. الصول يصحي البنات .. و يشوف ذقنهم طويلة ولا لأ .. و يكدر اللي حاطة ميكاب. و يعملها حلقة ميري.. و يلبسوا البيادة بس معلش دي كعبها واطي.. و يشيلو السلاح اللي ممكن يبقى اتقل منهم .. و يا سلام بقى في ضرب المدفع .. ممكن واحدة يغمى عليها .. و كمان بالليل بقى و هم قاعدين خدمة يشغلوا الراديو على نجوم اف ام.. تامر حسني و هيثم شاكر ( اللي هم اصلا هربوا من الجيش).. الموضوع ده ينفع فيلم كوميدي .. اه صح تقريبا كان في فيلم اسمه (ايه النظام) بتاع نشوى مصطفى .. انا مشوفتهوش بس كان باين ان قصته بتحكي عن بنتين عملوا نفسهم ولاد و دخلوا الجيش. كان نفسي حد يجي يسأل في جامعة اسكندرية عشان اقول كل الحاجات دي. مع احترامي في النهاية لكل البنات العاقلين اللي رفضوا الفكرة دي .. آٍسف على الرغي ده و انا عارف انا محدش هيقرأه .. بس اهو بطلع غيظي. |
ههههههههههههههه
لا حول ولا قوة الا بالله العلى العظيم البنت تبقى عسكرى يا لهوى يا انا لو بقى معاها بكالوريوس تبقى ظابط احتياطى او ملازم اول وازاى يعرفوا يستخدموا المياه الساقعة فة عز الثلج نصيحة اخويه من العبد الفقير بلاش احسن دى بنات فاضية ورايقة وعلى راى المثل بوظة يا بنت يلا نهلس |
اقتباس:
بعدين اه التوليع دانتى مشرفة و المفروض تبقى معانا مش معاهم :d بعدين الجيش للى شايفة نفسها تقدر يعنى مش اجبارى:bosyht9: |
هههههههههههههههههه
بجد البنات اساسا اتجننوا من زمان من ايام ماتيجي البنيه وتحضنلك تامر حسني في حفلته وتبقي هتموت من العياط وهتموت عليه ياعيني مش عارفه ليه اينعم انا بنت بس لما بشيل كتابين وانا ماشيه في الشارع ايديا بيجيلها شلل اساسا هشيل سلاح طب الاول اروح اشوف ماما عايزة مني ايه ولا عيالي عايزين ايه المرأة دي اساسا المفروض يعني كائن رقيق وحساس مش عم الظابط وبعدين يعني مش هو المفروض الرجالة ليهم الادوار دي وزي ماهم ليهم ادوار مخصصة بتاعتهم بس واحنا مينفعش نعملها احنا برده لينا ادوار بتاعتنا بس وهم مينفعش يعملوها جيش ايه اللي احنا عايزين ندخله ده انا عن نفسي برفض الموضوع ده بتاتا كل واحد يشوف هو عليه ايه ويعمله ولا احنا خلاص من كتر مااحنا معليناش مسئوليات فاضيين بقي شكرا علي التوبيك |
| جميع الأوقات بتوقيت GMT +2. الساعة الآن 01:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.