أنا رأيى أن المحفظ يقرأ الخمس آيات فى الغرف الصوتيه أو عن طريق البريد الإلكترونى وكل حد هيحفظ عند اللى كان حافظه مش يبدأ من الأول وكمان نسمع بالصوت علشان أحكام التجويد ونطق الكلام يكون صحيح

يعنى مثلاً المحفظ فلان هيحفظ جزء الأحقاف والعضو فلان والعضوة فلانه حافظين الأجزاء اللى سبقت جزء الأحقاف فالثلاثة يتفقوا على ميعاد مناسب ليهم ويتجمعوا فيه على الإيميل أو الغرف الصوتيه حسب إتفاقهم برضو

وعلشان مش يبقى فى لخبطة يتعمل 2 موضوع

واحد علشان المحفظ يكتب الجزء اللى عاوز يقوم بتحفيظه والمواعيد اللى ممكن يحفظ فيها ويفضل البريد الإلكترونى ولا الغرف الصوتيه

والتانى علشان العضو يكتب الجزء اللى عاوز يحفظه والمواعيد اللى ممكن يحفظ فيها ويفضل البريد الإلكترونى ولا الغرف الصوتيه

واللى يشوف أن المحفظ ده مواعيده هى مواعيده وبيحفظ الجزء اللى عاوز يحفظه يتراسلوا ويتفقوا ويقوموا بإخطار :

المجاهد فى سبيل الله

ده رأيى وأرجو أن ينال إعجابكم