|
ان تنصروا الله ينصركم و يثبت اقدامكم
انا عايزة اقول حاجة يا جماعة ...
احنا طبعا كلنا عايزين نعمل حاجة لاخواتنا و مش عايزين نعد نتفرج عليهم بيموتوا و خلاص .. و بتاخدنا الحماسة و عايزين نجاهد ... بس الجهاد ده مش حاجة سهلة و مش اي حد ربنا بيديله شرف الجهاد .. يعني الواحد مننا اللي مش عارف يجاهد نفسه و شيطانه .. هيقدر يقف فوش واحد جاي مخصوص ينهي حياته !!! بجد لازم كل واحد يصلح نفسه الأول ... أبسط ما فيها ... احنا لما بنسمع ( الصلاة خير من النوم ) .. بنقوم من تحت البطانية و بننزل نصلي !! احنا بنحسبها ازاي ... احنا شايفين ان النوم و الدفا احسن بكتير من النزول للجامع فعز البرد .. يعني من جوانا ما فيش قناعة و تصديق لكلام ربنا و رسوله ( الصلاة خير من النوم ) ... تفتكروا احنا جاهزين نجاهد ... طب عملنا ايه عشان ربنا يدينا شرف الجهاد و الشهادة ... ربنا بيصطفي الشهداء من عباده .. اللي بيموتوا كل شوية دول ربنا بيحبهم و اصطفاهم للشهادة في سبيله ... بجد يا بختـــــــــــــــــــــــهم ... ( و ليعلم الله الذين آمنوا منكم و يتخذ منكم شهداء ) آل عمران 140 حاجات كتير لازم نعملها و نجهز نفسنا الاول قبل ما نجاهد و أكيد ربنا خلى ده يحصل عشان نقف مع نفسنا و نصحى ( تأتي المنحة من قلب المحنة ) و النصر اكيد جاي بس على إيد مين ؟؟ لازم ننصر الله و نعلي راية الإسلام في نفوسنا الأول .. .. عارفين المجاهدين هناك بيقولوا ايه ... بيقولوا ان أرواحهم بتطير شوقا للموت و الشهادة .. مستعدين فكل لحظة و داخلين بايعيين الدنيا و شاريين الجنة ... أتمنى يكون فينا حد زيهم .. و نحاول فعلا نجهز نفسنا للجهاد .. لأن اكيد هييجي يوم ربنا يختبرنا فيه ... شكرا على فتح الموضوع .. معلش انا طولت عليكو .. اللهم اجعلنا أهلا للجهاد في سبيلك ... و اجعلنا أهلا للشهادة في سبيلك ... و اجعلنا أهلا لنصرة دينك .. اللهم فرح نبينا بنا يوم القيامة ... اللهم اجعل الإسلام يوم القيامة يقول ( يارب هذا / هذة نصرتني ) اعوذ بك ان يقول ( يارب هذا / هذة خذلتني ) و هئ لنا من أمرنا رشدا اللهم آمـــــــــــــــــــــــــــين !!! |
جهاد إيه بس خلينا ماشيين بالعقل نفرض إننا هنروح نجاهد .. هنضرب فى مين بالظبط ؟؟ أكيد إسرائيل .. طيب وحماس وفتح دول لازمتهم إيه لما هما شغلتهم هناك يضربوا فى بعض وسايبين الدنيا تضرب تقلب .. لما مصر تروح تحارب إيه اللى هيضمنلنا إن فتح أو حماس مايغدروش بينا ويضربونا فى ضهرنا لما يصفوا مشاكلهم مع بعض يبقى نفكر نروح نحارب ده أول سبب سبب تانى اللى بيروح يحارب بيكون عنده كفاية ذاتية طيب ،،إحنا تقريباً إسمنا مصر .. يعنى فى حوالى 30 مليون مصرى مش لاقى لقمة عيش .. ودى حقيقة ويمكن أنا مش عارفة أوضحها كمان .. بقى عندنا نص الشعب مستواه تحت الحديدة ونروح نحارب !! طيب إزاى؟!!!! السبب التالت مصر لواحدها مش هتقدر تدخل تحارب .. وماتنسوش إن إسرائيل حبيبة أمريكا السبب الرابع إنتصارنا فى 73 ماكنش إنتصار كامل .. هتقولولى لأ طبعاً إنتصار كامل .. هقولكم لأ بنود المعاهدة بينا وبين اليهود كانت فى صالحهم .. و أقلها إننا ماندخلش فى حروب ضد إسرائيل السبب الخامس تشتت العرب .. كله هيخاف يحارب .. مهو برده دى أمريكا وإسرائيل .. مش هنروح جهجهونى كده ونضرب أى حاجة وخلاص طيب هننقذ غزة إزاى ؟؟!!! الإخوة اللى إتهموا مصر بالخيانة والإتهامات المقززة بتاعتهم بتهيقلى مصر الوحيدة اللى بتساعد غزة مساعدة كبيرة جداًً من نقل دم ل تبرعات عينية ل علاج الجرحى وده أكبر شىء نقدر نقدمه ليهم بعد الدعاء طبعاً و على رأى المثل على قد لحافك مد رجليك و طبعاً كلهم هتعارضونى .. دا جهاد فى سبيل الله .. انتى خايفة انتى... مش خوف ولا أى حاجة وكلنا بالتأكيد نفسنا نمسك ولو حجارة ونحارب بيها بس ربنا ميز الانسان بالعقل والحكمة هتقولوا إحنا بنقول من غير تورط أى حكومات هقولكم هتبقى الحكاية طبعاً من غير نظام ولا شكل ولا أى حاجة فا بالتالى يبقى ماعملناش أى حاجة لذلك فإنى لا أؤيد فتح باب الجهاد إلى غزة الآن |
ما تنسوش يا جماعة .. ان المسلمين عمرهم ما انتصروا بالعدد او العدة ..
بحاجة واحدة بس.. ( يا آيها الذين آمنوا ان تنصروا الله ينصركم و يثبت أقدامكم ) يعني الأول نحقق الإيمان بشروطه و أركانه و نحقق نصرة الله و بعدين ندور على تأييد الله ( إن ينصركم الله فلا غالب لكم و ان يخذلكم فمن ذا الذي ينصركم من بعده ) هل احنا نستاهل ربنا ينصرنا و لو حتى على المستوى الشخصي ؟؟ هل احنا نصرنا الله عشان ينصرنا !!!! |
اقتباس:
كلام كتير من اللى قولتيه صح , بس سؤال واحد : ايه الحكمة إننا نستنى ؟ هل انتى حاسة إن الإنتظار هيفيدنا ....... و إن مكناش هناجاهد دلوقتى يبقى فى رأيك امتى تيجى الفرصة ...... لما تبقى كل حاجة حلوة و جميلة و معانا فلوس ...... طب ما طبعا لو كل حاجة خلوة و جميلة مكناش هنجاهد اصلا ....... |
اقتباس:
شكرا على مرورك الكريم . |
اقتباس:
ممكن توضح رأيك أكتر ... |
اقتباس:
إزاى لما تكون كل حاجة كويسة مكناش هنجاهد ؟؟ أستاذى الفاضل .. أولاً العرب لا إتحاد لهم إلا يوم القيامة .. و إلا يبقى القرآن خاطىء!!! ثانياً حضرتك تقدر تقولى إزاى هنجاهد ؟؟!! .. كل واحد رايح كده لواحده !! مفيش قائد ! مفيش نظام! مفيش إمكانية! .. هنحارب بإيه؟؟؟؟؟!!!!!!! .. غزوات الرسول والصحابة كانت على أساس عسكرى و أساس منظم .. مش جهجهونى!!! لا عقل ولا دين يقولوا إن كل واحد يروح كده مع نفسه ويحارب أقوى بلدين فى العالم .. هتقولى ربنا أكبر من أى حد .. بس ربنا مابيساعدش إلا الطائع المخلص له .. وبتهيقلى حالنا لا يسر عدو ولا حبيب و قيام حرب بين العرب واليهود عايز معجزة ربانية للنصر .. وما بأيدينا إلا الدعاء فى رعاية الله |
اوفق على الجهاد بس يكون باسم الجيش المصرى تحت راية الجيش لانهم فيهم قادة يفهمو شئون الحرب وانا احب المكر والدهاء فى الحرب مع اسرئيل توجد مظلة طيران تحمينا
|
أى جهاد الذى تتحدث عنه يا بنى،، خليك فى دراستك أحسن وفكر فى بلدك وأهلك والفقر الذى نعيش فيه،،،،،والله ثم والله لو عاملت الشعب الفلسطينى عن قرب كما عاملناه لتراجعت عن أفكارك وندمت على ما قلت وعلى ما فعلت وفر حماسك لناس تستاهل،،، ولا تغرك المشاهد التليفزيونية التى تقطع القلب ؟؟؟؟؟؟؟؟؟؟؟؟؟؟
|
اقتباس:
شكرا على مرورك :) |
اقتباس:
ياريت , ولكن للأسف لن يتجرأ أى من أحد قادة العرب فعل هذا و إن تجرأ واحدا سيخونه الآخرون ....... |
ya rab
walahi nefsy aro7 |
اقتباس:
شكرا لمرور حضرتك , و مقدر لرأيك. |
اقتباس:
|
اقتباس:
يا عينى!!!:blink: من غير حلفان:huh: واضح جداً انك عايز تروح !!!:bosyht9: :::::::: أنا بس مش عايزة أبوظ الموضوع بكلامى الكتير اللى وافقوا على الجهاد مجرد هزة عواطف منهم مش أكتر .. و جايز يكون فى ناس مستعدة فعلاً بس الإنتصار مش هيجى إلا بالعقل برده .. علشان ننتصر لازم يحصل الآتى: الإيمان القوى + الإصرار على الجهاد + إتحاد زعماء وقادة العرب جميعهم بلا إستثناء + وضع خطط جيدة لمواجهة العدو + إتحاد حماس وفتح و إنضمامهم للعرب + تجهيز الجيوش على أعلى مستوى + مقاطعة أمريكا وإسرائيل والناس الحلوة اللى بتساعدهم كمان تقريباً كده إحنا مش معانا حاجة من كل ده :unsure: إلا شوية إيمان و المقاطعة إلى حد ما .. يبقى نستعد ونجهز كل ده وبعدين نقول حرب آسفة جداً على تدخلى مرة تالتة .. و شكراً على الموضوع:078111rg3: |
| جميع الأوقات بتوقيت GMT +2. الساعة الآن 09:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.