|
<div class='quotetop'>إقتباس(zizo2_2 @ Jul 29 2006, 10:40 PM) [snapback]173622[/snapback]</div>
اقتباس:
انا لا ادعو للكذب بالطبع ولكن مش معقول هايقول لزوجته الاولى انه رايح يتجوز بس اكيد ناوى يعرفها بس بعدين ... يعنى بعد الزواج من الثانية يضع الاولى امام الامر الواقع مثلا اذن هو بطبعة ليس كذابا ولكن لا اظن انه من السهل ان يعرف زوجته ماينوى القيام به قبل بدأ العملية لانتحارية واسف على تاخيرى فى الرد عليك لان النت فصل بعد ردى على الاخت مهرة مباشرة ولم يسعفنى الوقت ان ارد عليك يا فيلسوف ثم انت مش محتاج رد ..... ده البيت بيتك <div class='quotetop'>إقتباس(محمد مصطفى احمد ابو النور @ Jul 30 2006, 02:10 AM) [snapback]174049[/snapback]</div> اقتباس:
فينك من زمان وحشتنى جدا والله الحلقة الجديدة حالا (11) فى اليوم التالى ودعت اسرتى و أنا احرص ألا انظر فى عيون احد منهم ووضعت الحقيبة فى السيارة الى جوار الحقيبة الأخرى المخفية وتوجهت إلى منزل شهرزاد . كان خالها وبضعة أفراد من عائلتها وصديقى صلاح و أمه و المأذون فى إنتظارى . جلست لعقد القران ولكن كان بانتظار مفاجأة صغيرة لقد إشترطت شهرزاد أن يكون حق تطليق نفسها بيدها !!! الواقع أن الأمر فاجئنى وضايقنى لحد بعيد ولكننى كنت فى موقف لا أستطيع التراجع بعده ، قبلت على مضض وتم عقد القران أخيرا نسيت الأمر بعد دقائق فقد كانت شهرزاد متألقة بالأناقة والجمال الناضج قضينا حوالى الساعة وسط عبارات التهنئة من الجميع ثم قمنا لنلحق برحلتنا إلى تلك المدينة الساحلية الجميلة صافحت المدعوين وكان أخرهم صلاح الذى همس فى أذنى ..... يالا يا أسد شرفنا و إرفع راسنا !!! بعد ساعه كنا فى مقعدينا بالطائرة فى الطريق الى القرية السياحية التى أشتهرت بأنها جنة العرسان كان وقت الرحلة بالطائرة رائعا فقد أخت يد شهرزاد فى يدى و انا أروى لها بعضا من أحداث حياتى واعرفها على نفسى أكثر و أكثر وصلنا القرية الرائعة وبعد دقائق كنا فى ذلك الشاليه البديع المطل على البحر مباشرة صلينا ركعتين و سألنا الله البركة ، طلبت منى شهرزاد أن أقف بالشرفة قليلا ، تفهمت الوضع وخرجت وبقيت عشر دقائق حتى سمعت صوتها العذب يدعونى للدخول .... فى صباح اليوم التالى كانت شهرزاد لاتزال تسبح فى بحور اسعد الأحلام بينما كنت اجلس فى شرفة الشاليه متمددا على الشيزلونج أتناول كاسا من عصير الفواكه طلبته كمكافأة لنفسى . كنت أهز راسى معجبا بنفسى وأنا أقول ( إييييييه والله زمان يا سلاحى ..... أهو كده أهو كده ) ;) عندما نادانى صوت شهرزاد ممزوجا بغنج النوم اللذيذ قلت ...... صباح الخير يا جميل ..... صباح النور ..... يلا قومى علشان نفطر قالت بدلال ...... لأ مش عايزه ..... ليه .... لسه بدرى إنت ايه اللى صحاك بدرى كده ..... أنا متعود على الصحيان بدرى ...... طب تعالى ...... تعالى أوريك حاجه بعد ساعه – بعد أن شفت الحاجه – كنا فى طريقنا للمطعم لتناول الإفطار ، والحق أننى كنت جائعا بشكل رهيب ولذا انقضضت على الطعام كمن قدم لتوه من رحلة بالصومال كانت شهرزاد سعيدة للغاية وكنت سعيدا ايضا ونحن نخرج من المطعم ممسكا بيدها وأنا اخذها يسارا فقالت ..... إنت رايح فين .... تعالى نقعد على البيسين شويه .... لا تعالى نرجع الشاليه ......مش عايزه تتفرجى على القرية ....... لأ مش دلوقتى تعالى نروح الشاليه ..... عايزه أوريك حاجه حان وقت صلاة العصر فقمت من نومى للصلاه وبعد ذلك خرجنا الى الغذاء وأنا اشعر بأننى لا أزال بحاجة للنوم كان الغذاء رائعا و تناولت كمية معتبرة من الجمبرى والاستاكوزا وشوربة ثمار البحر كانت شهرزاد سعيدة للغاية وكنت سعيدا ايضا ونحن نخرج من المطعم ممسكا بيدها وأنا اخذها يسارا فقالت ..... إنت رايح فين .... تعالى نقعد على البيسين شويه .... لا تعالى نرجع الشاليه .......مش عايزه تتفرجى على القرية ........لأ مش دلوقتى تعالى نروح الشاليه ..... عايزه أوريك حاجه حان وقت صلاة المغرب فقمت للصلاة و أنا أحس ان 10 اكياس رمل معلقة بجسدى ... ، بعد الصلاة تمددت على الشيزلونج والنوم يداعب أجفانى عندما قالت شهرزاد .... فى فيلم جميل أوى على قناة الافلام الأجنبية تعالى اتفرج معايا دخلت الغرفة وتمددت على السرير أمام التلفزيون ، لم أكد أندمج مع الفيلم حتى تناولت شهرزاد الريموت واغلقت التلفاز !!! نظرت إليها مستغربا وقلت ..... طفيتى التلفزيون ليه ...... ده فيلم مش حلو ......الفيلم لسه فى اوله وشكل الاحداث حتسخن ...... ِأصلى عايزه أوريك حاجه كانت الساعة العاشرة مساء ونحن نتناول العشاء الجميل على اضواء الشموع وكانت شهرزاد فى منتهى السعاده بينما كان الشعور الوحيد الذى أستطيع التعرف عليه هو آلام عضليه مبرحه لم تنجح حبتى المسكن القوى - الذى جلبته معى إحتياطا لمعاناتى أحيانا من آلام عضلات الظهر- فى القضاء عليها كانت شهرزاد سعيدة للغاية وكنت سعيدا ايضا ونحن نخرج من المطعم ممسكا بيدها وأنا اخذها يسارا فقالت ..... إنت رايح فين .... تعالى نقعد على البيسين شويه .... لا تعالى نرجع الشاليه قلت بحده ....... شاليه !!!!! مش معقوله كده ....... إيه اللى مش معقول تنبهت إلى حدتى فقلت بتطلف ...... مش معقوله يا حبيبتى نسيب الجو الرائع ده وندخل على طول أنا بقول نشم شوية هوا ..... ماشى شويه صغيرين علشان ضرورى أوريك حاجه ( يتبع ) |
كل دى حاجات وانا مش عارف حاجة) ( يتبع )</span> [/quote] تمام يا باشا الصراحة هو يستاهل على الاقل مشاكل البيت مش بتتعب بالطريقة دى والحاجة ام الاختراع تعالى اوريك حاجة :lol: فى انتظار البقية |
ما اجملها ايام شهر العسل وخاصة عندما يكون هدف الزوجين المتعة..والمتعة فقط منتظرين البقية |
يارب نخلص على خير
|
يا ابو النور
حاجات ومحتاجات تعالى لما اقولك فى ودنك قرب يا جدع شويه هات ودنك ................... :D متقولش لحد بأه ;) مهرة <div class='quotetop'>إقتباس</div> اقتباس:
فعلا يا مهرة اكيد ايام لا تنسى خصوصا انه بتكون اول ايام فى الحياة المستقلة الجديدة وبيكون كل شيئ فيها جديد الاثات ,, الوضع الاجتماعة ,, اسرة جديدة ,, ولكنها المفروض مش تكون قاصرة على المتعة فقط خصوصا وان العريسين مش اول مرة يتزوجوا بس نقول ايه بقا ......... الحبكة تحكم رحمة <div class='quotetop'>إقتباس</div> اقتباس:
مالك خايفة كده ليه ؟؟؟ ههههههههه شرفنى واسعدنى وجودكم معى |
اين باقى اليوميات استاذ بورسعيدى |
غداً ان شاء الله
شكرا على سؤالك واهتمامك |
ربنا يعينه
لا تعليق |
:lol: فين البقية
استاذ بورسعيدى نفسى اشوف المرحوم اللى هيكتبوا على قبره حاجات بتجيب حاجات :lol: |
يعنى كنت انزل البقية فين؟؟
ماهو انتم عارفين ان المنتدى كان بعافية شوية تحياتى لكم وبعد قليل الحلقة الجديدة ابقوا معنا |
فى الانتظار يا قاهر
|
حلقات جميلة
جدا بس يا خوفى تتطلع الست دى مراته :P :P :P :P :P وبانتظار الباقى |
<div class='quotetop'>إقتباس(محمد مصطفى احمد ابو النور @ Aug 2 2006, 01:07 AM) [snapback]176874[/snapback]</div>
اقتباس:
حالا يا ابو النور <div class='quotetop'>إقتباس(خالدالجن @ Aug 2 2006, 01:27 AM) [snapback]176906[/snapback]</div> اقتباس:
هو مش متخلف للدرجة دى (12) فتحت عينى بصعوبة وضوء شمس ساطع يغمرنى ، كان باب الشرفة مفتوحا وشهرزاد تجلس مسترخية على الشيزلونج تشرب كوبا من العصير (لابد أنها تكافئ نفسها أيضا ) حاولت أن ارفع جسدى فأحسست أننى أجذبه من تحت عربة قطار مزدحم بالبضائع وعانيت الأمرين كى أنجح فى الجلوس فقط تنبهت شهرزاد فاقبلت فرحة وقالت ..... صباح الخير إيه النوم ده كله ، إنت مش بتقول بتصحى بدرى ..... أصحى !!! مش لما أنام الأول أنا منمتش لحد الشمس ما طلعت ..... آه صحيح هو ايه اللى نيمك فجأه كده امبارح ؟ دا أنا يادوب سيبتك دقيقه وقمت أظبط مكياجى ببص لقيتك رحت فى النوم ومعرفتش اصحيك تانى ..... إيه ؟ وكنتى بتظبطى مكياجك ليه تانى بعد الفجر !!!! ..... هههههههههههه الله مش عروسه ولازم تكون جاهزه دايما ( جاهزه !!! ؟ جاهزه إيه اكثر من كده ) ..... اصلى الظاهر كنت تعبان شويه قلت كفايه وبارك الله فيما رزق و أنام بأه ..... طيب ما نطلب الأفطار هنا أحسن ؟ ...... لا لا الجو فى المطعم بيكون أحلى قلت ذلك وانا اتحامل على نفسى و أغادر السرير مسرعا قبل اى تطورات غير محمودة العواقب او تكون عايزة تورينى حاجه تانى ......... تبقا مصيبة ;) ......... ...... بارك الله بك يا سالم إبن بردقوش قلت ذلك وأنا اسحب لفافة البردقوش المخفية بعناية من الحقيبة و أدسها فى جيب الشورت قبل أن نتوجه للإفطار على مائدة الإفطار كانت توجد مكعبات الزبدة الصغيرة المغلفة تناولت إثنتين منها مستغلا ذهاب شهرزاد الى البوفيه المفتوح ، قمت من مكانى و اشرت لها أننى متوجه للحمام ، فى الحمام وضعت قالبى الزبد فى فمى ثم أفرغت نصف محتويات الكيس فوقهما و اخذت امضغ ..... يا للداهيه ما أبشع هذا... إختلطت الأعشاب بالزبد وكونا كتلة بشعة الطعم صعبة البلع أخذت الوكها بصعوبة حتى كادت تخنقنى إبتلعت الخليط البشع بصعوبة وأخذت أحاول أنظف اسنانى بالكثير من الماء حتى لا تلحظ شهرزاد اخذت اعزى نفسى قائلا أنا لا أحتاج هذه الأشياء طبعا ولكن هذا فقط للظروف القهرية الحاليه ، فانا حاليا أعتبر فى ظروف حرب وفى زمن الحروب يجوز إستخدام كل الوسائل لتحقيق النصر عدت إلى مائدة الافطار و اخذت أحدث شهرزاد عن جمال البحر فى المنطقة http://www.haridy.com/ib/images/smilies/shrk.gif وعن الرحلة البحرية التى تنطلق بعد ساعه من القرية الى جزيرة فى وسط البحر وذلك لمشاهدة الغروب والعودة تحت ضوء القمر واخبرتها أننى سمعت أنهارحلة اسطوريه ويجب الا نفوتها لم تبد شهرزاد حماسا كبيرا لأن الرحلة ستدوم معظم اليوم ولن نستطيع أن نكون وحدنا وبالتالى لن تتمكن من حونها تورينى حاجه قلت ..... أنا نفسى نفضل لوحدنا على طول بس برضه الرحله دى حنفتكرها دايما لأنها رحلة شاعريه جميله وافقت شهرزاد على القيام بالرحلة وإنتهينا من الافطار وقمنا للعوده إلى الشاليه وأنا ألمح بأن الوقت ضيق ويجب أن نستعد سرعه بعد بضعة خطوات إلتفت إلى شهرزاد و أنا أكاد اصرخ ..... إدينى مفتاح الشاليه بسرعه ... بسرعه ..... ليه ما إحنا رايحين مع بعض !!! ...... بقولك بسرعه .... بسرعه ناولتنى المفتاح مدهوشه وتركتها فاغرة فاها واخذت أعدو بأقصى سرعة فى القرية وسط دهشة النزلاء وصلت إلى الشالية ففتحت الباب و أندفعت إلى الحمام بجنون ............... ........... |
هههههههههههههههههه اكيد اكيد سر الخلطة طلع عليه ههههههههههه
معلش يا استاذ مجدى عن انقطاعى بس حقيقى كنت مخنوقة وحلقاتك دى لازم الواحد يتابعها بمزاج عالى والحمد لله قريتها كلها والراجل ده جاب لنفسه داهية وربنا يستر عليه بقى :rolleyes: وادى دقنى اما لطم زى عبد المنعم مدبولى فى احد الافلام العربية وقال ( انا اللى جبت ده كلو لنفسى ) بجد هايل يا اسد المنتدى ومنتظرة البقية اللى اكيد هتكون فى الحمام او عند دكتور هههههههه :P |
هل تتذكر استاذ بورسعيدى اقتراحى بان الزوج لابد من ان يذهب مع زوجته فى نزهة بدون الاولاد .... ما يشعر به هذا العريس من لذة لعدم وجود اطفال يعكرون صفو الحديث بين الزوجين يخرجوا ويدخلوا بدون اى تحمل مسؤليه .......... وهذا لا يعنى ان الاطفال يعكرون صفو الحياة بل هم زينة الحياة الدنيا .... ولكن يعنى انه لابد للزوجين من ان يكون لهم عالمهم الخاص بعض الوقت بعيدا عن الاولاد ... وها نحن منتظرين شهريار كى يكمل لنا ما فعلته شهرزاد .. وشكرا لك اسد المنتدى على ما تتحفنا به من يوميات رااائعة ... |
انت ليه مش بتكمل يا عم انت
ليه بتسيبنا كدة يوووووووووووووووووووووه عموما هستنى وامري لله |
<div class='quotetop'>إقتباس(نغم البحر @ Aug 2 2006, 09:52 AM) [snapback]177205[/snapback]</div>
اقتباس:
فينك من زمان ؟ ربنا يروق بالك نتمنى دائما نشوفك على خير وانه ليسعدنى تواجدك ومتابعتك لليوميات <div class='quotetop'>إقتباس(مهرة @ Aug 2 2006, 05:20 PM) [snapback]177683[/snapback]</div> اقتباس:
لان كما ذكرتى انهم زينة الحياة الدنيا لكن دعينى اصحح لك معلومة .... على الاقل تجربتى الشخصية انا لا استمتع باى فسحة او مصيف او ..او بدون اولادى ...فلو حصل انى وزوجتى خرجنا بدون الاولاد اظل طول القوت مشغول عليهم ولا اشعر بحلاوة الفسحة او النزهة ابدا بدونهم فإعلمى ان قرار النزهة كان من اجل اولادى وليس من اجلى انا او زوجتى فالاولاد هم قرة العين والذى اكرمة الله باولاد لا يفكر فى نفسة ابدا ويظل تفكيرة فى حياة اولاده وحالهم ومذاكرتهم وملبسهم ومأكلهم الخ الخ واعتقد ان هذه هى المتعة الحقيقة حينما قال الله تعالى المال والبنون زينة الحياة الدنيا <div class='quotetop'>إقتباس(zizo2_2 @ Aug 3 2006, 02:30 AM) [snapback]178183[/snapback]</div> اقتباس:
ههههههههههههههههههه مش انته الى سيبتنى وسافرت الاسكندرية ؟؟؟ وكان المفروض انك تيجى على بورسعيد ؟ طيب استنى بقااااا خلى اليكس تنفعك ههههههههههههههه |
فين باقى اليوميات استاذ بورسعيد لا تتركنا هكذا كثيرا ............ |
مشاركتك رقم 118 وردى هذا 119 والرد القادم 120 فلو سمحتى تردى على الان برقم 120 حتى تنزل الحلقة الجديدة فى صفحة جديدة
|
حاضر يافندم يلا بقى نزل الحلقة الجديدة احسن نعمل مظاهرة ............. |
(13)
كنت نائما فى السرير والمغص يكاد يقطع أمعائى عندما قالت شهرزاد .... إيه الحكاية إحنا أكلنا مع بعض ، ايه اللى تعب معدتك كده .... أكيد أخذت برد فى معدتى ( لأقطعنك أوصالا يا سالم بردقوش ) .... برد !!! من إيه ؟ ..... حيكون من إيه يعنى ، ما أنا قاعد طرزان طول اليوم قدام التكييف لازم اتجمد طبعا ..... طيب معلش ، عموما الدوا اللى إديتهولك حيخليك زى الحصان ..... خلاص أنا حنام شويه لأنى حاسس إنى هبطان ....... .... بعد ساعتين فتحت عينى وأنا أحمد الله أننى ما زلت على قيد الحياة ، لم أجد شهرزاد بالشاليه. تناولت الموبايل لأتصل بها ولكن تذكرت أننى لم أتصل بزوجتى منذ قدومى ووجدتها فرصة للاتصال جاء صوتها فرحا ..... اهلا يا حبيبى إنت فين عماله اضرب عليك طول اليوم والموبايل مقفول ...... لأ ده المنطقة الإرسال فيها ضعيف ، إزيك إنتى والولاد وحشتونى جدا ..... و إنت كمان مش عارفه ليه المره دى قلقانه على طول ، وشفتك مرتين فى الحلم تعبان أوى ...... هه .. آه ...ايوه ... الحقيقة الشغل متعب أوى أوى ، تقريبا طول اليوم فى المنجم إدعيلى ربنا يقونى ..... بدعيلك على طول ، خذ طارق عايز يكلمك جاء صوت طفلى الصغير ذو الأربع سنوات ..... إزيك يا بابا إنت مش تيجى ليه ..... حاضر يا طروقه يومين وآجى وحجيب حاجه حلوه كلمت ابنى الأكبر و إبنتى و أحسست أننى مشتاق جدا لهم جميعا أنهيت المكالمة و أنا أستشعر رعشة داخليه ، كلماتهم تفيض بالصدق و أنا أكذب عليهم تماما ، ماذا سيحدث لو علموا جميعا أننى أحدثهم من سرير زوجة جديده يا للمصيبة سافقد إحترامى تماما لديهم ، سأوصم بأننى كاذب ولن يغفروا لى أبدا ضاق صدرى لتلك الافكار وحاولت أن أطردها من عقلى فأتصلت بشهرزاد على الموبايل .... أهلا يا حبيبى ... ها عامل إيه دلوقتى .... كويس إنتى فين .....أنا فى البرجولا عارفها اللى قدام البحر على اللسان تعالى أقعد معايا دى حلوه اوى .... طيب انا جاى توضأت وصليت الظهر وغيرت ملابسى وخرجت ووجهتى البرجولا وصلت البرجولا فوجدتها قهوة على الطراز الشعبى وجاءنى صوت شهرزاد مناديا من خلفى ..... أنا هنا إلتفت لأجد مشهدا مروعا كاد أن يجمد الدم فى عروقى كانت شهرزاد جالسة على أريكة من الخوص وبين يديها خرطوم الشيشه !!!!! لبثت متسمرا من الذهول للحظات قبل أن اسرع ناحيتها و أنا أحس أن الكل يتفرجون على وقلت لها ..... إيه اللى إنتى عاملاه ده يا ست إنتى ..... ست إنتى !!!! مالك بتتكلم كده ليه ..... إرمى الهبابه دى من إيدك ..... هبابه !!!! لو سمحت إتكلم كويس ..... إسمعى أنا مش حناقشك هنا ...... إلتفت و أشرت لأحد العاملين لأحضار الشيك ووقعته وطلبت منها الذهاب للشاليه فقامت ووجها يكاد ينفجر بالغضب ما أن دخلنا الشاليه حتى صاحت بصوت ذكرنى بالايام الخوالى .... ممكن أفهم ايه التصرف ده ، إنت فاكر نفسك إيه ..... أنا جوزك يا ست هانم ، جوزك اللى سايباه نايم وقاعده تشربى شيشه ، فى ست محترمه تشرب شيشه .... أنا محترمه غصبن عنك ، و أنا ست عاقله وعارفه أتصرف إزاى ومش مستنياك تعلمنى الصح من الغلط .... يعنى تشربى شيشه وقدام الناس وتقوليلى صح ..... آآه إظهر على حقيقتك ، يعنى إنت يهمك الناس ، يعنى لو بعمل الغلط من وراك حتنبسط المهم انك ما تعرفش .... اسمعى حاسبى على كلامك واعرفى بتقولى ايه ..... انتم كده يا رجاله عايزين ست تامروا وتنهوا فيها ، لا يا حبيبى كنت اتجوز شغاله ( قطع الله السنتكن أيتها الزوجات !!! هو مفيش راجل يكلم مراته الا لما تقوله روح إتجوز شغاله ، انا نفسى اعرف اللى متجوزين شغالات بيتقالهم إيه ) .... إسمعى أنا لا يمكن أقبل مراتى تشرب شيشه ، أنا نفسى مش بدخن ، تقومى إنتى تشربى شيشه !!!!!!! .... آآآآآآآآه قول كده ، إنت فاكر إنك عايش فى الحرملك ، و إنك متجوز الست أمينه ولا إيه، أنا ست حره و مش إنت اللى يعرفنى أعمل إيه ، دى حريتى الشخصيه ..... حريتك الشخصية !!!! وايه حدود حرية سعادتك إن شاء الله ..... هى نفس حدود حريتك بالضبط ، انا ممكن اعمل اى حاجه زيك بالضبط ..... اسمعى..... من الآخر كده .... مفيش حاجه زى دى تحصل تانى ولو حصلت مش حيحصلك طيب ..... نعععععععم ما تضربنى كمان ، طيب إيه ر أيك إنى حعمل اللى أنا عايزاه ..... إسمعى ما تخربيش على نفسك انا خلاص مش شايف قدامى ..... لأ خوفتنى حترمى تحت رجليك أهوه و اقولك أوعى تقولها لا يا شاطر قديمه أنا اللى حقولهالك ، أنا شارطه فى العقد وفاهمه الشرع كويس أنا بطلق نفسى منك من اللحظه دى ، يلا أخرج من الشاليه لحد ما ألم هدومى ، انت راجل غريب ما يتقفلش علينا باب وقفت مذهولا وانا أحس ان راسى يكاد ينفجر بينما توجهت شهزاد ( عفوا فتكات ) لتفتح الباب وتشير لى بأصبعها لأخرج هاااااااا ايه رأيكم؟؟؟ اكمل ولا كفايه ؟؟؟ |
لا حول ولا قوة الا بالله ده نتيجة التسرع طبعا تكمل..هو ايه اللى كفاية منتظرين ياريت متتاخرش زى كل يوم وتسهرنا معاك |
أنا آسفة لأنى مش كنت متابعة اليوميات من الأول
بس أنا قرأتها كلها ميرسى قوى عليها علشان هى بجد تجنن يلا كمل بقى أنا مستنية |
يا خبر ابيض ايه الست دى شيشة وكمان بتزعق فى جوزها والله ده فعلا نوع ستات حقير
لا والادهى انها بترمى علية اليمين ههههههههههههههه يللا خليه يتعلم وادى اخرة التسرع والاستعجال شكرا يا استاذ مجدى ولااااااااااااااااااااااااااااااازم تكمل انا اصلا وقفت نشاطى فى المنتدى واعتزلت كتابة الشعر خلاص لكن ان شاء الله هتابع يومياتك كلها وارد عليها يا اسد المنتدى ربنا يوفقك دايما ويكرمك فى مازن ويوسف وتشوفهم احسن ناس يللا بسرعة باقى الحلقات. |
شكرا استاذ بورسعيدى
فى انتظار البقية نفسى اشوف وشه لما شهرزاد تبعت له ورقته :lol: |
عشنا وشوفنا
ناقصة تجيب معسل وتديها فعلا سوء الاختيار و التكبر على النعمة ربنابيعاقب عليه من حيث لاندرى وننتظر الحلقة التالية بفارغ الصبر :rolleyes: |
يااااااااااااااااااااااااااااااااه ده انا متأخر أوي أوي أوي أوي أوي أوي أوي أوي أوي أوي أوي أوي أوي أوي أوي أوي أوي أوي أوي أوي أوي أوي أوي أوي أوي
يلااا بقي معلش انا النهارده جبت الموضوع من اوله وقرأته كله وطبعا مش منتظر رأيي لانه معروف شكرا يا استاذ بورسعيدي |
<div class='quotetop'>إقتباس(مهرة @ Aug 3 2006, 05:16 AM) [snapback]178296[/snapback]</div>
اقتباس:
حقيقى انا سعيد جدا باهتمامك بالمسلسل ويارب دائما تنورينا بهلتك البهية :P |
جزاك الله خيرا يا استاذ بور سعيدي
مازلت عند راي و يا استاذ بور سعيدي كمل بس اسرع شوية |
<div class='quotetop'>إقتباس(maioy @ Aug 3 2006, 05:35 AM) [snapback]178305[/snapback]</div>
اقتباس:
انتى مستعجلة كده ليه انتى قراتي معظم الاحداث فى سهرة واحده الله يكون فى اخوتى الاعضاء الكرام منتظرين اكثر من شهر على العموم حالا الحلقة الجديدة <div class='quotetop'>إقتباس(نغم البحر @ Aug 3 2006, 10:07 AM) [snapback]178440[/snapback]</div> اقتباس:
العفو يا نغم وشكرا لتشريفك المسلسل تعالى هنا لما اقول لك ............... ايه حكاية وقفت نشاطى دى ؟؟؟ اكيد طبعا بتهزرى هو احنا نقدر نستغنى عن نشاطك والا ايه ؟؟ دعائك لاولادى ادخل السرور الى قلبى وانا اطمع فى مزيد من السرور وفرحتنا تكمل بإلغائك قرار ( اعتزلت كتابة الشعر ووقفت نشاطى ) فهذا الكلام غير مقبول من عضوة متميزة مثلك ولن نتكلم فى هذا الموضوع مرة اخرى ( مفهوم) ؟ :angry: <div class='quotetop'>إقتباس(محمد مصطفى احمد ابو النور @ Aug 3 2006, 02:43 PM) [snapback]178693[/snapback]</div> اقتباس:
متخافش مش هاتبعت الورقة وهذا ما سنشاهدة فى الحلقة القادمة احنا مش عندنا رجالة تستلم ورقتها مش كده والا ايه؟ اوعدك انه راح يكسر دماغها فى الحلقة القادمة ;) |
<div class='quotetop'>إقتباس</div>
اقتباس:
عايز تفهمى انه لو كان مكون علاقه معاها من سنين طويلة مش كان هايحصل مشاكل ؟؟ بالطبع المشاكل موجوده موجوده لا غنى عنها ولا فرار منها شكرا لك يا جن على متابعتك <div class='quotetop'>إقتباس</div> اقتباس:
ان تأتى متأخراً افضل من ان لا تاتى ابدا اسعدنى تواجدك معى واتمنى ان لا تتأخر تانى عن المنتدى كل مش على موضوعاتى فقط <div class='quotetop'>إقتباس</div> اقتباس:
وحالا الحلقة الجديدة معذرة هو اسم حضرتك ايه ؟؟ r.m.h (14) خرجت من الشاليه وتوجهت إلى الشاطئ لأخلو إلى نفسى قليلا ، لابد من إعادة تقييم للموقف ، إن التهاون فى بداية الحياة الزوجية أمر جد خطير . الزوجات عادة ما يطلقن بالونات الإختبار فى بداية الزواج لتحديد إستيراتجة التعامل ، مع كل تنازل من الزوج تضغط الزوجة للحصول على تنازلات جديدة لينتهى الأمر بالزوج إلى أن يصبح قيمة مهملة فى بيته حتى لا يكاد يلاحظ وجوده أحد. الحقيقة أن الزوجات يغيرن اسالبيهن بصورة اسرع مما يغير فيروس الإنفلونزا تركيبته الجينية ، ولهذا فشلت كل الطرق فى القضاء على كل منهما ( الانفلونزا والزوجات ) أخذت أسترجع الطريقة التى إتبعتها زوجتى فى بداية الزواج للسيطرة على الأمور وقد كنت فى تلك المرحلة غرا ساذجا ليس لى بالحياة خبرة تحمينى من ألاعيب الزوجات . إستغلت زوجتى حبى الجارف لها أسوء الإستغلال فقد أخذت تحدثنى عن حاجة الأنثى دوما لأن تحس أن رجلها يخاف عليها ويعتبرها جوهرته المكنونه و إنها إذا أحست بغير ذلك فقدت روحها و أصيب قلبها فى مقتل !!!! صدقت هذا الكلام - الذى أكتشفت متأخرا أن زوجتى حفظته من تلك المجلات والكتب التافهة التى تلقن الفتيات هذه السموم – فبذلت كل الجهد لإظهار خوفى عليها بإعتبارها جوهرة مكنونة . وأتذكر عندما عدت يوما فوجدت إصبعها الصغير ملفوفا بالشاش !!! فصرخت هلعا وفرقا وأنا أسألها مرتعشا عما أصابها فقالت ..... المكواه لسعت صباعى أصلى مش متعوده أكوى خالص عندها وقعت فى خطا تاريخى لازلت أدفع ثمنه حتى اليوم عندما قلت ..... وتكوى ليه ؟ أنا أصلى بعرف أكوى كويس والحياة تعاون والرسول الكريم صلى الله عليه وسلم كان فى حاجة أهله ، أنا اللى حكوى لبسى ولبسك . وحتى يومنا هذا لم استطع التحلل من هذا الوعد وقد اضيف الى ملابسنا ملابس ثلاثة أطفال لن أنسى رد فعلها ( المدروس ) فقد طفرت عينيها بالدموع وهى تقول .... فعلا معاك بحس بالأمان و............ الباقى معروف وعندما خرجت الممرضه وهى تطلب الحلاوة بمناسبة أن التحليل موجب كان خطأى التاريخى السابع عشر عندما صرخت – متأثرا بتلك الأفلام العبيطه ..... إنتى ما تعمليش حاجه أبدا إنتى ترتاحى وبس كلفنى هذا الخطأ كثيرا جدا فقد كانت فترة تمرين رائعة لى على مختلف أنواع أعمال البيت وتدريب لزوجتى على أساليب الأمر والنهى فى التعامل معى أفقت من تلك الذكريات على واقعى الجديد فشهرزاد لها إستراتيجية مختلفة عن إستراتيجية الأفاعى الناعمة ، فهى تنتهج إستراتيجية التصادم القوى منذ البداية فلو تهاونت وأنكسرت شوكتى فسيصبح هذا تسليما كاملا لزمام العلاقة بيننا إليها تفعل به ما تشاء إذا لامجال للنعومة والنقاش والإقناع لسبب بسيط وهو أن التصعيد مقصود من جانبها وهى تختبر صلابتى وقوة تحملى ولن تصيخ السمع لأى حوار إذا لأريها قوة شكيمتى منذ الأن فلا مجال للتراجع أو الاستسلام ( مع خالص الشكر للكابتن فان دام ) عدت إلى الشاليه وحاولت الدخول فوجدت الباب مغلقا من الداخل ، ضربت الباب بقدمى مرتين بعنف وأنا اصيح ..... إفتحى الباب وبسرعه بدل ما الناس تسمعنا بعد لحظات فتحت شهرزاد الباب و أعطتنى ظهرها ، أقفلت الباب خلفى فاستدارت وهى تصيح ..... أنا مش قلتلك إنه ما يتقفلش علينا باب نظرت إليها نظرة مقصودة يتطاير منها الشرر وأنا صامت وابذل كل جهدى أن اظهر قدرا هائلا من تعبيرات الغضب قالت بصوت فقد الكثير من حدته .... إنت بتبصلى كده ليه لم أرد وظللت أصليها بتلك النظرات فقالت بصوت خفيض .... مش بتتكلم ليه هنا فلت بصوت حرصت ان يكون هادئا ولكن به قدرا هائلا من التصميم .... إسمعى أنا لا أكرر كلمة مرتين ما حدث اليوم لن يتكرر ثانية ، ما أطلبه ستنفذيه وبالحرف الواحد أنا من سيقود حياتنا الزوجية ولن أقبل اى شئ غير هذا ..... بس انا مش موافقه وحعمل اللى فى دماغى .... وأنا ممكن أكسر دماغك ودماغ اهلك صمتت ذاهلة قليلا قبل ان يحدث تحول عجيب ، فوجئت بها تقول بصوت مبحوح كله سعاده .... تكسر دماغى....... تعرف إنى كان نفسى أتجوز حد يكسر دماغى ،كان نفسى فى راجل له شخصية مش واحد مهزوز ومش فارق معاه أنا بعمل إيه ، تصدق أنا اتنرفزت فى الأول بس بقيت طايره من الفرحه إنك بتغير عليه ..... يعنى فهمتى إن ده خوف عليكى .... أيوه فاهمه ، أنا أصلى متعقده من جوزى الأولانى ، عمره ما حسسنى إنى ست ممكن يتخاف عليها ، كان بيعاملنى كأنى واحد صاحبه قاعد معاه كان نفسى فى مره يزعق فيه ويحسسنى إنى مراته مش مجرد واحده مش فارقه معاه فى أى حاجه ..... ده راجل خيخه و أنا مش ممكن أكون زيه ( خيخة) ..... لا إنت راجل وسيد الرجاله ، كل الستات بتحب الراجل اللى ممكن يكسر دماغها ، ...... معقول ....... أيوه معقول ، إحنا الستات نموت فى الراجل اللى يكسر دماغنا كدت أنا اقول شيئا ولكنها أسرعت تضع يدها على فمى وهى تقول ..... لا متقولش حاجه ........ تعالى يلا.... كسرلى دماغى رجالة وطول عمر ولادك يا بلدنا رجاله راجل بصحيح مش اى كلام؟ شوفتوا الستات ؟؟ ياترى ايه الى هايحصل فى الحلقة الجديدة ؟؟؟؟ تابعونا بعد الفاصل |
هههههههههههههههههه ماهى دى اتلحقيقة يا استاذ مجدى الستات بيحبوا الراجل اللى دمه حامى
انا بنت اهه وبعترف انى احب كده محبش الراجل الخيخة بس برضو بالتفاهم والاحترام مش شتيمة وضرب وكلام من ده بعدين الرجل عادة لما بيعمل كده فهو على حق يعنى ازاى يقبل ان زوجته تشرب شيشة والا تتصرف تصرف غير لائق يحسب على رجولته لالالالالالالالا بس هو كده ميه ميه ;) ويللا بسرعة الحلقة الجاية يا اسد المنتدى بالنسبة بقى لتوقيف نشاطى فمعلش يا استاذ مجدى انا لسه مصممة عليه هو ان شاء الله فى مفاوضات بينى وبين الاستاذ عبقرينو بس فى الغالب هتنتهى يا اما اسيب المنتدى يا اما هفضل اشارك بردود ع الناس المحترمة بس اعزرنى يا استاذ مجدى عشان بجد قرفت وبالنسبة لسرور حضرتك ربنا يديك الصحة والعافية انت والمدام والاولاد ويخليكم جميعا لبعض ويكلل حياتكم بهدوء السر وراحة البال ويحفظ اولادك من كل شر اى خدمة انا موجودة .. |
فعلا النهاية مش زى ما انا توقعت
بدلا من ان تعطى له ورقة الطلاق اعطى هو له ورقة تحمل اسلوب حياته وانه راجل مش........ توقيع الحمش :lol: وفى النهاية اهو دخل يكسر دماغها ;) شكرا استاذ بورسعيدى وفى انتظار البقية |
شهريار فى هذا الموقف عنده كل الحق فيما يفعله لمثل هذه المرأة ولكن ليس كل مراة كهذه وننتظر المزيد |
نغم البحر
<div class='quotetop'>إقتباس</div> اقتباس:
وانا اتفق معاكى ان تصرفة كان مظبوط تمام وكان لابد ان يريها من شكيمته ما يجعلة ان يسيطر على مجريات الامور وكمان يفرض رجولتة حتى يرضى نفسة كرجل اولا وان يثبت لها ذلك ثانيا وكما شاهدتى لقد استجابتك من ناحية ولكنها سرعان ماحولت تلك النقطة فى صالحها فى عملية تكسير الدماغ الكبرى موضوع مفواوضاتك مع العبقرى ان انك تتركى المنتدى من عدمة اقول لكى تفاوضى كما يحلو لكى لكن المهم فى النهاية موضوع تيسبى المنتدى ده مرفوض واعتبرى كلامى ده امر تكليف لا يحتمل الرفض اتفقنا طبعا ... <div class='quotetop'>إقتباس</div> اقتباس:
هو الى اعطاها كارت انزار والبقية ستكون بين يديك حالا |
<div class='quotetop'>إقتباس(بورسعيدى @ Aug 4 2006, 05:04 AM) [snapback]179485[/snapback]</div>
اقتباس:
ربنا يسهل <div class='quotetop'>إقتباس(بورسعيدى @ Aug 4 2006, 05:04 AM) [snapback]179485[/snapback]</div> اقتباس:
هو مين بيكوي بالظبط ؟؟؟؟ بس ما علينا الاول عايز بقي اشكر حضرتك علي المسلسل الرهيب ده ثانيا بقي عايز اقول ان من خلال خبرتي الضعيفه جدا في عالم النساء هن فعلا عايزين رااااااااجل يكسر دماغهم هههههههههه منتظر البقيه استاذي |
ههههههههههههههه
يا سلام هى دى الرجالة و لا بلاش شكرا يا أستاذ بورسعيدى فى انتظار الباقى |
اولا احب اشكر حضرتك يا استاذ بورسعيدى على الموضوع فعلا رائع
ثانيا الراجل ده صعبان عليا عايز يحافظ على بيته ومش عايز يزعل مراته فى حاجة بجد غلبان بس شوشو ( الشيطان يعنى ) لعب بدماغه خالص عيشه فى حلمه اللى نفسه يحلمه بس فى نفس الوقت هيعمل ايه؟ لو اتجوز شهرازاد هيحصله حاجة من الاتنين يا اما نقرا عليه الفاتحة يا اما اقل واجب هيروح العباسية :blink: بجد الله يكون فى عونه عنده حق لو اتجوز انا تخيلك منظرها( وهى ترفع حاجبا يضارع قوس النصر شموخا ) يا حفيظ يا رب :huh: منتظرين الباقى :) انا قراءت جزء من اليومين وده كان تعليقى وعند انتهائى منها واكيد هيا رائعه هقول رايى شكرا استاذ بورسعيدى |
شكراً لك أستاذي يرجى المتابعة
بانتظار البقية |
حلقة رائعة يا استاذ مجدى
فعلا يجب الا نرخى الحبل على الآخر فلا استجابة كاملة ولا عنف كامل فخير الامور الوسط وبانتظر الجديد يا استاذ مجدى وشكرا جزيلا :rolleyes: |
آسفة انى جيت متاخر
بس انا قريتالحلقات كلها لغايت ما عينى وجعتنى من القراءة ههههههههه على العموم شكراااااااا |
فى انتظار البقية
|
<div class='quotetop'>إقتباس(مهرة @ Aug 5 2006, 01:14 AM) [snapback]180666[/snapback]</div>
اقتباس:
اذا كان الموضوع كده انا ممكن اخليك يريها شكيمته كل ساعة هههههههههههه شكرا يا مهرة على متابعتك الجميلة <div class='quotetop'>إقتباس(msamido @ Aug 5 2006, 01:50 AM) [snapback]180707[/snapback]</div> اقتباس:
اقتباس:
ربنا يسهل <div class='quotetop'>إقتباس(بورسعيدى @ Aug 4 2006, 05:04 AM) [snapback]179485[/snapback]</div> اقتباس:
شكرا يا مايو ( انا مش عارف الاسم كده صح والا غلط) <div class='quotetop'>إقتباس(خالدالجن @ Aug 5 2006, 05:49 PM) [snapback]181387[/snapback]</div> اقتباس:
والحلقة الجديدة بعد الرد على المشاركات حالا <div class='quotetop'>إقتباس(TEMON @ Aug 6 2006, 02:52 AM) [snapback]182206[/snapback]</div> اقتباس:
ان تأتى متأخراً افضلا من ان لا تأتى ابدا سلامة عينك يا تيمون معنى كده ان الاحداث جذبت انتباهك ؟ طيب الحمد لله شكرا على مراروك الكريم |
( 15 )
مضى اليوم فى سعادة وهدوء ، ما أجمل الزوجة المروضه ، عندما يتسلم الرجل القيادة تستقيم الأمور وترفرف السعادة على الحياة الزوجية . هكذا كنت أحدث نفسى وأنا جالس أراقب قرص الشمس الشاحب يغوص فى زرقة البحر الفاتنه ، عندما داعب أنفى عطر شهرزاد المقترب وسمعت همستها المحببة وهى تأخذ مجلسها إلى جوارى ..... سرحان فى إيه يا حبيبى لا أدرى لماذا إنقبضت أمعائى للسؤال فمن خبراتى – و التى لا تختلف عن خبرات جميع الأزواج بالطبع – فإن هذا النوع من الأسئلة يكون ذا غرض خبيث يحاول تأكيد نوع من الشكوك أشد خبثا ، فالزوجات يعتقدن أن الزوج ينبغى الا يفكر بأى شئ فى الحياة و أن يتفرغ تماما لمطالعة وجه زوجته الحبيبة أناء الليل و أطراف النهار فلا يتحول بصره عنها قيد أنملة و إلا لأصبح هذا نذير وجود أخرى بحياته مرت هذه الأفكار بسرعة البرق بذهنى قبل ان أجيب إجابة محسوبة قائلا .... حفكر فى إيه غير السعاده اللى أنا فيها .... بجد ؟ .... طبعا بجد وجد الجد كمان .... يعنى معقول ما فكرتش فى مراتك القديمة من يوم ما جينا إنها لحظة أخرى تحتاج حسما ووضوحا ، تنحنحت وقلت .... أكيد إفتكرت اسرتى طبعا ، يعنى مش معقول أنساهم خالص وإلا أكون معنديش أصل ..... يا سلام يعنى حتى فى شهر العسل تفكر فيها .... بقولك إيه أنا محبش أكذب على مراتى أبدا ( ما أكبر هذه الكذبة ).. ثم إنك عارفة إنى متجوز .... آه عارفه بس كنت فاكرة إنك مشغول بيا عن الدنيا بحالها قلت لأحول مجرى الحديث .... طيب بقولك إيه ما تيجى نروح نقعد على البيسين شويه ..... آه صحيح أنا ملاحظه إن الهوت بيكينى البرتقانى اللى كان جنبنا على البيسين الصبح كان عاجبك أوى قلت بحده ..... مايوه إيه كان فين ده ما أخذتش بالى ( الحقيقة أنه كان مايوها ساخنا جدا ترتديه مجرمة فاتنه فى العشرين من عمرها ذات لون خمرى وقوام ملئ بالمتفجرات ) .... أمال كنت بتبص على إيه بجنب عينك من تحت النظارة .... وكمان شايفه عنيه من تحت النظارة الشمس ؟ يا حبيتى دى تهيؤات و إن بعض الظن إثم قالت بلهجة ممطوطة ذات مغزى .... طيب يمكن يا للداهية يبدو أن النساء نسخ مكررة ، إن أكثر ما يخنق الرجل تلك الرقابة المفروضة عليه من زوجته والتى تحاصر الأفكار قبل أن تحاصر التصرفات وتذكرت ذلك البيت الشعرى الخالد الذى نطق به شاعر فحل _ يبدو أن الله قد من عليه بالتخلص من زوجته _ وحدثه البعض بالزواج مرة أخرى فصاح يصف حاله إبان زواجه قالوا تزوج قلت كلا ثم كلا ثم كلا ثم كلا قد كنت حوتا فى قاع بحر فأصبحت حوتا فى قعر حله نعم يا رحمك الله نحن الرجال حيتان محصوره فى قيعان الحلل بلا شك ، تحاصرنا الزوجات بالحساب على كل كلمة أو نظرة أو حتى إستغراق فى تفكير . والحقيقة أن أكثر ما يضحكنى هو تلك الرسائل التى تنشرها الصحف والمجلات لنساء يشتكين من حالة الخرس التى تصيب الأزواج مصحوبة بتركيز النظر فى التلفاز دو أن يحيدوا عنه يمينا أو يسارا لساعات فالحقيقة التى يعرفها الرجال ان هذه حالة دفاع سلبى ، فالرجل بعد أن يمر بعشرات التجارب الأليمة مع زوجته والتى ترهقه فى طلب تفسير لكل كلمة أو نظرة يقرر أن يرحم نفسه فلا يتكلم ولا ينظر سوى بإتجاه واحد هو إتجاه التلفاز استيقظت من تلك الافكار على صوت شهرزاد المحتد ..... يا سلام كل ده سرحان من ساعة ما فكرتك بالمايوه ؟وااضح جدا إنك مكنتش واخذ بالك منه .... وبعدين بأه هو أحنا حنعمل مشكلة وخلاص ما قلتلك ما شفتش المايوه ده لأنى بغض بصرى ..... نعمممممم !! بتغض بصرك ؟ دا إنت عليك بصات ، هو أنا أنسى أول مره جيت تزورنا وإإنت بتبحلق وتفصص فيه ..... أيوه بس أنا كنت جاى أتجوزك .... اللى متعود على الجرأة دى حيكون كده على طول قلت و أنا أغير إستيراتيجتى ..... اعمل إيه من ساعة ما شفتك مقدرتش اشيل عينى من عليكى ، و خلاص بلاش البيسين خلينا هنا لوحدنا أنا مش عايز اشوف اى حاجه غيرك ومش عايز غير إنى أبص فى عينيكى الجميلة طول عمرى فجأة اصبح صوتها ناعما مرة اخرى وقالت بدلال وغضب مصطنع .... يا سلام ... إضحك عليه بكلمتين ( ما أسهل الضحك عليك وعلى كل بنات جنسك بهذه الأكاذيب ) ..... كلمتين ؟ دا كلام الدنيا كله ما يكفيش يوصف أد إيه بكون سعيد وإنت قدامى ..... تعرف ان كلامك حلو ..... هو أنا لسه قلت حاجه قالت وهى تقوم وتجذبنى من يدى إلى الداخل .... طيب تعالى جوه علشان توشوشنى واوريك حاجه مهمه جداااااااا و ..... سكتت شهرزاد عن الكلام المباح و..... أعان الله شهريار حتى ينبلج الصباح |
هههههههههههههههه
قالوا تزوج قلت كلا ثم كلا ثم كلا ثم كلا قد كنت حوتا فى قاع بحر فأصبحت حوتا فى قعر حله حوت في قعر حلة يا استاذي ؟؟؟ هههههههههههه ربنا يعين شهريار اما نشوف لما يرجع من شهر الحاجات ده هيبقي عامل ازاي ومتشوق لاري كيف ستصور لقاءه مع زوجته وأولاده منتظرين استاذي |
فعلا عندك حق فى تشوقك لمشاهدة اللقاء بعد العوده من شهر العسل
وفعلا اللقاء سوف يكون غير متوقع وسشاهد ايضا مشاهد الى حد ماء مؤلمة المهم انت عرفت الى كنت بستفسر عنه بخصوص كى الملابس؟؟ شكرا لمرورك يا ميدو العزيز |
<div class='quotetop'>إقتباس(بورسعيدى @ Aug 6 2006, 02:15 PM) [snapback]182574[/snapback]</div>
اقتباس:
من كتر ما شاف حاجات :lol: شكــــــــــــــــــــــــــــــ :) ـــــــــــــــــــــــــــــرا استاذ بورسعيدى فى انتظار البقية ;) |
قالوا تزوج قلت كلا ثم كلا ثم كلا ثم كلا
قد كنت حوتا فى قاع بحر فأصبحت حوتا فى قعر حله ههههههههههههههههههههههههه بيت الشعر ده جامد اوى بجد انا متت من الضحك منتظرين البقية يا اسد المنتدى |
الستات زي ورقة البوسطة تتف عليها تلزق اكتر
هذا المثل خير مثل للمراة نعم فانها كلما كذبت عليها كلما كانت في منتهي السعادة انما ياويلك لو كنت صادق وقولتلها مثلا انتي اهملتي في نفسك ليه |
ههههههههههههههههههههههههه بيت الشعر ده جامد اوى بجد انا متت من الضحك
جميلة طبعاااااااااا الحلقة منتظرة الباقى |
| جميع الأوقات بتوقيت GMT +2. الساعة الآن 02:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.