اوكى بس بقوس قزح هربتي من اللون اللي بتعشقه عنيكي موش مشكلة كويس جدا مرهفة الاحساس


يلا بأى

السؤال التالت : من هم الشعراء المفضلين لاحلام.؟ ومين الشاعر اللي بتعتبريه قدوة ليكي ؟

الشعراء المفضلين ليا

امرؤ القيس والمتنبى وشوقى وحافظ وايليا ابو ماضى وفاروق جويدة

اما اللى بعشقه وقدوتى وبحس فيه روحى ونفسى هو الشاعر الجميل صديق روحى

( ابو القاسم الشابى )

جميل جدا انتي فعلا جبتي ناس رائعة يلا سؤالي الرابع


بم انك عاشقة لاسلوب ابو القاسم الشابي ما تعليقك على قوله في قصيدته ارادة الحياة في الابيات دي

إذا الشّعْبُ يَوْمَاً أرَادَ الْحَيَـاةَ فَلا بُدَّ أنْ يَسْتَجِيبَ القَـدَر

وَلا بُـدَّ لِلَّيـْلِ أنْ يَنْجَلِــي وَلا بُدَّ للقَيْدِ أَنْ يَـنْكَسِـر

وَمَنْ لَمْ يُعَانِقْهُ شَوْقُ الْحَيَـاةِ تَبَخَّـرَ في جَوِّهَـا وَانْدَثَـر

طبعا قصيدة ارادة الحياة من اروع القصايد اللى كتابها الشابى

لانه بيوصف فيها وخصوصا فى الابيات دى خضوع الحياة كلها للقضاء والقدر ودى لفته ايمانية منه

كمان انت عارف يا محمد ان ابو القاسم الشابى تونسى وكانت اشعاره بتنادى برفض الظلم والاستعمار والمطالبة بالحرية

واهو باين من كلماته ولابد لليل ان ينجلى ولا بد للقي ان ينكسر انه بيقصد جلاء الظلم وااستعمار

ومن لم يعانقه شوق الحياة تبخر فى جوها واندثر برضو بيكرر ان الانسان لازم يكون جواه امل وشوق للحياة فى ظل الحرية

جميل قوي قوي قوي الا صحيح انتي كنتي زملته في المدرسة ولا ايه :lol:

لا بجد انتي شرحتي الابيات بالتفصيل الممل بجد رهيب جدا اشكرك


سؤال اخر : احلام بما انك موهوبة بحمد الله وبتحبي الرسم ايه اكتر منظر يجذب عينيكي للطبيعة ؟ وايه الصورتين اللي تحبي ترسميهم؟

اكتر منظر بيجذب عنيا فى الطبيعة منظر الغروب زى ما بيقول ايليا

ياللغروب وما به من عبرة .... للمستهام وعبرة للرائى


اما اللوحتين اللى ممكن ارسه

اللوحة الاولى ورسمتها فعلا قبل كده واهديتها لانسان عزيز عليا

عبارة عن بنت مغمضة عنيها ومتكتفة تحت شجرة اوراقها متساقطة لكن بين فروه الاجار الجافة القمر فى طور البدر

منرور الكون

اللوحة التانية هرسم بحر بامواج متلاطمة بتنكسر على صخور وترجع لقوتها مرة تانية

لالالالالالالالالالالالا انا موش قدك بأى لا بجد احساسك عالي قوي ورقيق قوي وجميل ودا بيدل ع عشقك للطبيعه



اها السؤال القبل الاخير في الفقرة الاولى للبرنامج : أغمضي عنيكي لمدة 20 ثانية فكري بعقلك وبقلبك عقلك هيقول ايه وقلبك هيقول ايه؟ ومين الاصح فيهم؟

قلبى بيقول .. ماكنت اعرف والرحيل يشدنا انى اودع مهجتى وحياتى فانا يا حبيبة كل ايامى قتيلك فى الهوى



عقلى بيقول.. رفرف القلب بجنبى كالذبيح ... وانا اهتف يا قلبى اتئد

.. فيجيب الدمع والماضى الجريح .. لم عدنا ليت انا لم نعد

رائعة جدا جدا جدا جدا


السؤال الاخير في الفقرة دي


يلا بأى ايه احوال قلب احلام بيحب او مجروح او فاضي ؟ والاجابة بصراحة وليكي حق الرفض

جينا للسؤال المنيل هههههههههههههههه

يا سيدى بصراحة مع انك عارف قلبى بيحب وبرضو مجروح

ربنا يتولاه برحمته

اوكى يا حلومة هربتي برضو وقلتي اجابتين بس عادي لاني عارف المهم


ناخد وقت مستقطع ونرجعلكم تاني بعد قليل انتظرونا


فقرة اعلانية

اها عدنا


جينيا لمرحلة الارتجال


كتبت بيتين ليا وعاوز المبدعة الجميلة احلام ترد ليا عليهم باسلوب الارتجال بنفس القافيه


الابيات هي

يا طائرا للحب في دنيا الوفاء...................اشدو شدوك الجميل وغرد بلحنك الغناء

اعزف على اوتار قلبي العاشق ......................... اعزف بالحان العشق في السماء

يا طائر الحب فى دنيا الوفاء........... اشدو بشدوك الجميل وغرد بلحنك الغناء

اعزف على اوتار قلبى العاشق.......... اعزف بالحان العشق فى السماء

هيا يا طيرى غرد وغرد........... وحلق شاديا فى الفضاء

فصوتك الحانى يطرب قلبى .... ويبعد عنى كل العناء

ايا طائرى احببت صوتك... لانه يشجينى فى دنيا البلاء

ويذكرنى بايام الهوى ... وايام المجد والرخاء

فى الحب ما حققته يوما.. وذهب عنى دون ان اشاء

فاذهب اليه يا طائرى .. وحدثه بان نفسى تحمل اليه الصفاء

ههههههههههه لا انا ةبأى ابطل شعر خالص

بجد جميلة قوي قوي قوي قوي قوي قوي يا احلام ومشيتي ع القافية والاحساس والشعور رائعة بجد


يلا بأى يا بطلة الارتجال التاني والاخير

جف القلم واعلن الصمت الرهيب ................. واحسست اني في دنيا الوفاء اعش غريب
فالحب ينادي على قلبي المجروح .................. لكن قلبي لا يأبه بهذا النداء او يجيب

يا محمد مش اوى كده انت الخير والبركة برضو


جف القلم واعلن الصمت الرهيب...... واحس انى فى دنيا الوفاء اعش غريب

فالحب ينادى على قلبى المجروح......والقلب لا يابه بهذا النداء ولا يجيب

اولا ترى الايام اننى جرحت يوما..... اولا تسمع الايام صوت النحيب

فقلبى فى دنيا الهوى قد بات مقتولا.. المته جراحا لايداويها طبيب

وكيف يعود الى الحب يوما.... وقد راى فيه زمنا عصيب

ايا مشاعرى التى عصفت بها الايام... من ذا الذى يداويك ويكون لك الحبيب

هههههههههههههههههه لالالالالالالالالالالا انا بجد هنتحر

جميل جدا جدا جدا شاعرة ممتازة جدا جدا


يلا بأى فاصل ونكمل الحلقة مع الشاعرة الجميلة الرقيقة صاحبة الكلمات الرصينة احلام انتظرونا

عدنا اليكم في اقل من ثواني لنستكمل الحوار بيني وبينكم مقدرتش اوقف الحوار مع انسانة رائعة وجميلة زي احلام نشوف السؤال الصعب دا وايه رد احلام عليه


احلام امامك ثلاثة اشياء الان

باقة زهور جميلة & باقة زهور ذابلة & باقة زهور عادية

لمن تهدي كل باقة زهور ؟

باقة الزهور الجميلة هحطها على قبر ابى رحمه الله

باقة الزهور العادية هوزعها على زهريات البيت

باقة الزهور الذابلة يعنى يا محمد مك اهديهالك انت ههههههههههههههههههه

لالالالالالالالالالالالالا طبعا انت تستاغل اغلى زهور

لكن الزهور الزابلة افضل ارميها وما اهديهاش لحد

رحمة الله واسكنه فسيح جناته

ههههههههههههه وعادي هاتي الورد الذابل :P

المهم يا احلام انا هحط ليكي اربع اسئلة شعرية ليكي في سؤال واحد


اريد منكي كتابة ابيات تصفي فيها كل من

1- حزنك على والدك

2- اهداء لانسانة غالية عليكي طبعا والدتك

3- اهداء لانسان بتحبيه قوي

4- اهداء لصديق

وانجزي بأى

حزنى على والدى ..


ابتاه فارقتنى لكن قضاء ربى ... ليس بيدى فيه شىء الا دعاء

عل الله يرحمك ويهبنى صبرا... هذا رجائى من ربى نعم الرجاء.


اهداه لامى ..

امى الحبيبة كم احبك........ وكم تطوق نفسى الى لقياك

فان غيبت عن نظرى لحظة... تشتاق عينى الى نظرة عيناك.



اهداء لانسان بحبه اوى..

عهدت فيك الحب يوما .. وعهدت فيك رجولة وشهامة

ورايت فى عينيك املى .. وعلى شفتيك احلى ابتسامة

انى احبك يا ......... كفايا كده لان دى قصيدة طويلة


اهداء لصديق

يا منى نفسى احبك .... فاتى الصديقى والقلب الحانى

فان لم ارك لحظة... تبعد الافراح وتتملكنى احزانى.

موضوع ممتاز ممتاز ممتاز جدا يا نغم


اية الجمال دة بجبى منين يا نغم

اها جميل قوي يا احلام ردك الرهيب دا


اخر فقرة في البرنامج


احلام اوصفي شخصيتك في اربع ابيات


كلمة شكر لعضوة او عضو في المنتدى بتقديمها ليه

وبعدين كلمة لكل الاعضاء وكل هواة الشعر

وصف شخصيتى فى اربع ابيات ...



فانا التى اسموها باحلام ... واعظم احلامى ان ارى الناس احبابا

ليت كل حى مثلى ......... ير ى شمس الحياة بلا حجابا

ويرسم جنة فى نفسه .. بها بساتين وحدائق واعنابا

اود ان اطوف بالدنيا ... فلا ارى بها شيئا مهابا

اود ان انظر فى ليلى .. فارى بين ظلام السماء شهابا

فان حرمنا الله منه ... سيكو لنا اسوا عقابا

فها نحن البشر تمضى ايامنا ... ويظل صنع الله باقيا لاحقابا.


7 ابيات اهم مش 4 هيص يا عم


كلمة شكر لعضو او عضوة فى المنتدى


احر شكر ى اليكى يا رشا ......... يا صديقتى وعصفورتى الجميلة

فكم فعلت من اجلى الكثير ..... يا رفيقة الرحلة الطويلة

شهد الله كم احبك يا رشا..... وحبى تعجز عن وصفه كلماتى القليلة.



كلمة الى الاعضاء...

احبكم وشعرى دليل محبتى

احبكم وودكم فى الحياة غايتى

وعلو شانكم علو شأنى وكرامتى

احبكم وكلماتى هنا هى سلعتى .

كم سعدنا استضافة اجمل شاعرة ليدنا في المنتدى بكل فخر بجد انا احلام كم انتي رائعة سحرتي قلوب الكثيرين بعذب كلاماتك بجمالك الفاظك


تحيتي اليك يا اختي واهدي اليكي باقة ورد جميلة تحية مني اليكي وكم اسعدنا الحديث معكي


لو وجد في دواوين الشعر ما يوصف به شخصيتك لعجزنا عن ذلك مهما كان الشاعر المتحدث


شخصية جميلة محبوبة مهذبة صادقة العاطفة وحي كلماتك جميل يا احلام نهرك زاخر بالكثير

امنحك لقب يارب يعجبك


( أميرة الحب والاحساس)


وتفضلي مني العهدة واكملي مشوار موضوعك وحقا انتي تستحقين الكثر انتظر لكي المزيد وكل ما هو جديد يا احلام

واااااااااااااااااااااااااو بجد لقب تحفة روع كتير عليا اوى

ميرسى اى يا محمد رغم انى عايزة اخنقك بسبب اسئلتك الصعبة ده انا مبعملش كده مع حد ههههههههههههههه


يلا اللقب الجيل يغفر لك حقيقى استضافتك ليا اسعدتنى



وانتظرونى احبائى مع شاعر جديد اليكم خالص تحياتى والى اللقاء.

حبيبة قلبى (نغم)
نغومتى
تسلميلى يا رب
والله ربنا اعلم بمدى حبى ليكى وحبك فى قلبى عامل ازاى
يا بنتى ده مكلبش فيه ههههههههههههههههههههههههههههههه
ربنا يخليكى ليا يا قمر وما يحرمنيش ولا يحرم المنتدى الجميل ده منك ابدا
اختك
عصفـــــــــــــورة(رشــــــــا)

احلام يااحلام
يااميرة الحب والاحساس
الواد بري دة فعلا ساعات بيفهم
ههههههههههه

في انتظار تكلمة بقية الحوارات يا احلام والموضوع موضوعك محدش يقدر يكمله غيرك لانك محاورة ممتازة سلام

وشكرا للدوك ساعات بفهم انا فكرتها دقايق يا حبيب قلبي :wub:

مشكووووووووووووور

سيتم استكمال الموضوع باذن الله على أمل العودة لكم غدا او بعد غد باذن الله


ومع احلام ولو رفضت ميدو ولو ميدو هيكون اانا لو الاتنين رفضوا


انتظروا قلم ساحر معنا هنا وخاطف للقلوب من اول مشاركات له

انا اللي هعمل الحوار معاه

وهنشوف رأيه هيوافق او لأ؟

وانا بطالب من المشرفين محدش يلغي تثبيت الموضوع ياريت

منتظرين تكملة الموضوع بإذن الله يا محمد وبإذن الله تكمله نغم ان شاء الله وان لم يكن هتبقي انت ان شاء الله

السلام عليكم


عدنا اليكم ........................ بس مش احلام المرة دي بتعتذر بأى انا هعمل الحلقة دي بعد اذنها أكيد


هنبدأ معانا انهاردة شاعر وفعلا شاعر بمعنى الكلمة


ناقد رقم واحد في المنتدى اخي وصديقي وابن بلدي الشاعر الصامت


الاسم : عبد اللطيف محمد خيري الطحان

من ابناء محافظة البحيرة - كوم حماده

الدراسة: كلية طب جامعة طنطا

تاريخ الميلاد : 13/4/1989

البرج : الحمل


بسم الله توكلنا على الله نبدأ الحوار

جاهز يا عبد اللطيف

جاهز

ومستعد

اوكى


السؤال الأول: ما هي شخصية الشاعر الصامت ؟؟ لما اخترت هذا الاسم المبهم؟؟ ايه هي احلامك في المستقبل ؟؟؟ وايه الاحلام اللي انتا حلمتها ولم تحقق؟؟؟


الصراحة يا عبد اللطيف :huh:

الصمت مش شئ مطلق دا نسبى
الصمت انك متقلش كل اللى انت عاوز تقوله

أما احلامى
مفيش حلم والحمد لله ماتحققش

بالنسبى لاحلام واحد فى مرحلتى

أما احلامى المستقبليه

انى أكون ناجح فى أحد مجالات اهتمامى

أنا فى كلية طب
وباكتب شعر
مغرم بالساسة
بحب الفلسفة
أعشق دراسة دينا الحنيف وخاصة تفسير القرآن
ليا هوى على التمثيل
أتمنى العمل كصحفى

جميل جدا يا دكتور


انتا كدا عديت مرحلة مواهبك وهواياتك

نسأل ايه هيه هواياتك وليه بالذات الهوايات دي انتا اخترتها

وليه يا عبد اللطيف انتا مش بتحب الاخوان ومبدأهم وياريت بشرح كويس

؟؟؟

الهوايات
القراءة أولا وبشكل خاص
والاطلاع والمعرفة بشكل عام

بجانب الرياضة وكتابة الشعر طبعا


أما الاخوان

فأنا أرفض فكرة حكر الدين على مجموعة
ثانيا تاريخهم العنيف غير مشرف
ثالثا أسلوبهم غير نبيل 100%
رابعا انهم لا يسمحوا بالاختلاف معهم

تفصيل الكلام ده حنزله فى موضوع إن شاء الله

اوكى عبد اللطيف


ايه هو أقرب الالوان اليك ؟؟؟ وايه هو معنى الغروب عندك؟؟ وأكثر منظر بيهزك من جوه ؟؟؟ وتفسير كل حاجا يعني دلالة اللون والغروب والمنظر عندك

أنا مش عاوز أجاوب اجابات مطاطة

بس أنا بحب كل الألوان لما تبقى فى مكانها ووضعها الصحيح


أما الغروب بيذكرنى بعظمة الله عز وجل وبحس عند منظر الغروب بالسعادة مش الحزن


أما بالنسبة للمنظر اللى بيهزنى

ففيه حاجات كتير صعب أحصرها

وكل منظر بيهز جزء معين فيا

جميل قوي يا عبد اللطيف


ندخل على الدايرة المفتوحة في الاسئلة

عبد اللطيف ايه رأيك في قسم الشعر باعتبار انك شاعر من شعراء المنتدى؟؟؟

افكارك والمجلة اللي لغيت فكرتها تماما وليه لغيت الفكرة؟؟؟

رأيك في قسم شعراء تحت التمرين؟؟؟؟ وعلاقته بقسم الشعر والخواطر؟؟؟


رأيك في شعراء واقلام المنتدى كاملة ؟؟؟؟


وانا عارف رأيك فيا فبلاش احراج انا عارف اني مش متمكن قوي :D واني بكتب كلام هجص بس برسم مشاعري

عاوز ارائك في الاسلوب هنا في العرض والنقد كل حاجا بقسم الشعر كاملا

؟؟؟

عبد اللطيف ايه رأيك في قسم الشعر باعتبار انك شاعر من شعراء المنتدى؟؟؟


فكرة قسم الشعر هايلة بس مش متصانة

ولأن الشعراء رغم أنهم مابيتعبروش غالبا ليهم احترامهم فى المنتدى
ناس كتير حاولت تكتب شعر
وهما ملهمش فيها


-------------------
افكارك والمجلة اللي لغيت فكرتها تماما وليه لغيت الفكرة؟؟؟

لأنها ملقيتش دعم محدش عبرها واللى عبرها محاولش يساعد فيها

لكن أستثنى البرى ومساميدو وأحمديشن

-----------------------

رأيك في قسم شعراء تحت التمرين؟؟؟؟ وعلاقته بقسم الشعر والخواطر؟؟؟

المشكلة مش فى التقسيم المشكلة فى التوظيف يعن لازم واحد فيهم يبقى لشعراء المنتدى والتانى لكبار الشعراء

--------------------------

رأيك في شعراء واقلام المنتدى كاملة ؟؟؟؟

أنا مش حاتكلم على الشعراء
حاتكلم على اللى بيكتبوا شعر

أولا أنا لا احب الشعر الحر ولا اعتبره شعر لكن لما بقيمه بقيمه بمقايسه

مساميدو قريب للشعر الحر ومشكلته فى العمودى انه مابينساش الحر وعنده كمان مشكلة
أن العواطف غلبه على الافكار

نغم الاقرب لمفهوم الشعر الحر وأفكارها رائعة


البرى عنده روح واسلوب شاعر بس لازم يقرا ويعرف القصيدة اللى بيكتبها حر ولا عمودى


المسيرى بيركز على الالفاظ قوى بس مشكلته أنه بيكتب للناس مش لنفسه

عاشق الجمال هايل جدا بس عشان معانى الحب تقوى فى كلامه وميتجهش للركاكة لازم ينوع عن الحب شوية

الباقيين مايستهلوش أنى اتكلم عنهم واللى يزعل يزعل


قسم الشعر بصفة عامة مهمل واغلب اللى بيكتبوا شعر ومن ضمنهم ناس من اللى أنا كاتبهم فوق ميفهموش أزاى ينقدوا

وساعات يطلعوا عيوب فى القصيدة مش موجوة أصلا

المصيبة التانية المجاملات مفيش قصيدة بتنزل إلا وبينشكر فيها بغض النظر عن مستواها

المصيبة التالتة اللى بيتلككوا بالشعر الحر وهما حتى ميعرفهوش ولا عبروه

الرابعة ان القصايد خارج الحب والرومانسية قليلة واللى خارجهم مابتتعبرش

عبد اللطيف اوكى شكرا لكلماتك دي هتوقم علينا أمة لا اله الا الله ههههههههههههههههههه :D :lol:


يلا سؤالي اللي مقتبس من سؤالي اختي الغالية احلام


معاك لوحتين وقلم وفراشة ارسم لينا منظرين او حاجتين وايه سبب انك رسمتهم؟؟

أول لوحة حارسم مسجد ومصلى و سبحة لأن الدين هو أساس حياتنا مش جزء منها

اللوحة التانية
حارسمها زى صلاح جاهين

وردة وبيت وقلب وعلم

يعنى مودة وسكن وحب ووطن

الله عليك يا طيفا بجد انسان رائع


طيب عبد اللطيف معنى الحب عندك؟؟ ومن هي التي ترى انها تجوز في هذا الزمن كفارسة احلامك ؟؟ مواصفات فارسة الاحلام؟؟؟ وايه أخبار قلبك ناو مشغول ولا خارج نطاق الخدمة :D

معنى الحب عندى

أن أكون عايز حبيبتى تكون شريكة حياتى ولو مش حاقدر يبقى أكتم حبى لحد مقدر

فارسة أحلامى ليها مواصفات موجودة فى الحديث المشهور
الجمال والمال والحسب والنسب والاهم الدين

قلبى فاااااااااضى ولما ىأفكر اتجوز حاشغله

اوكى يا دوكتور


سؤالي ليك بأى

من هو شاعرك المفضل ؟؟

الفيلسوف المفضل؟؟

الشخصية السياسية المفضلة؟؟

الصحفي المفضل؟؟؟

المغني المفضل؟؟

المغنية المفضلة؟؟؟

الشخصية الرياضية المفضلة؟؟؟

اكثر شخصية في عائلتك تتمنى ان تكون مثلها .؟؟؟

<div class='quotetop'>إقتباس(محمد البري @ Sep 4 2006, 11:07 PM) [snapback]210672[/snapback]</div>

الوكى عبد اللطيف


جينا لفترة الارتجال


اوصف نفسك في ابيات

والحب في ابيات

ومصر في ابيات

والمنتدى في ابيات

يلا يا لورد ربنا يعينك

<div class='quotetop'>إقتباس(محمد البري @ Sep 4 2006, 11:18 PM) [snapback]210691[/snapback]</div>

اوكى يا عبد اللطيف جميل قوي قوي قوي


يلا عاوزين كلمة ليا انا

كلمة لصاحبة الموضوع

كلمة لاكرم المسيري

كلمة لمساميدو

كلمة لعاشق الجمال

لان دول زي ما بتقول انهم اللي بيفهموا شعر

كلمة لانسانة غالية عليك ؟؟ ومين هيه؟؟؟

كلمة لاعضاء المنتدى واولهم عبقرينو مدير الموقع

كلمة لمشرفي قسم الشعر

كلمة لاصدقائك

يلا بسرعة

<div class='quotetop'>إقتباس(محمد البري @ Sep 4 2006, 11:51 PM) [snapback]210769[/snapback]</div>

كم سعدنا اللقاء معك يا عبد اللطيف


وأصدرت احلام اللقب وهو المتوج على عرش الكلمات



كم سعدنا معك يا دكتور عبد اللطيف


يا من لقبت بالمتوج على عرش الكلمات



وننتظر مزيدك يا عبد اللطيف وانتظر لك هدية ستقدمها بعد قليل لكل عشاق الشعر


يلا يا عبد اللطيف انشر الرباعيات بتاعتك هدية حب لاعضاء المنتدى وقصيدة مصر


انتظر لك مزيد ابداعتك يا من تربعت على عرش الكلمات باسمى التيجان

وعجزت الكلمات عن وصف شخصية رائعة مثلك

شخصية جميلة جدا


بحور الشعر لا تقدر على وصف مدى سعادتي بلقائك لقاء جميل جدا

مع شاعر مميز ومخضرم


وان شاء الله ننتظر احلام والتكملة مع عاشق الجمال ومساميدو


القادم مساميدو وانتظرونا


شرفتنا يا دكتور عبد اللطيف ............

سلام عليكم

عبد اللطيف هدية المنتدى هتنزل النهاردة بكرة بالكتير


وعد عليك سلام يا طيفا