مهو أنا بقى اللى عايزة أقوله

ان لو كان الناس بتوع زمان اختاروه كعميد الادب العربى لغرض فى نفس يعقوب

فمش شرط احنا كمان نسلم بكده

يعنى لازم يبقى لينا رأى

يعنى مش عشان اتولدنا لقينا الناس بتقول انه عميد الادب العربى يبقى هو كده وخلاص

ونحكم على ده من خلال كتبه

واللى اكتشفته انها معظمها ان مكنش كلها بتتكلم فى هدف واحد

حتى لو تعدت المواضيع

فمثلا من خلال الكتاب الذى درسته وهو الايام

كان الجزء الثانى كله وهو مكون من 11 فصل

كان كله سب وشتمواستهزاء بمشايخ الازهر اللى اتعلم على ايدهم

لدرجة انى والله بحس بالأرف لما بقرأ الجزء ده

وأذكر انه كان مرة بيتريأ على شيخ كان بيدرسله وبيقول عليه انه بيحب ياكل كتير وانه بيحب اللحمة

يعنى بالله عليك ما علاقة الفن والادب بهذه الحكاوي الفارغة

وكتبه الأخرى بها تطاول على القران الكريم والسنة النبوية

وسأترك لك ان تفكر قليلا ما هو القاسم المشترك بين كتبه والهدف منها

عشان كده كل اللى انا بطلبه هو انكوا تقرأوا كتبه وتحكموا عليها وعدم الاكتفاء بكلام الناس والتسليم به

وانا كده تعبت خلاص :wacko:

كفاية عليا كده النهاردة

رابعاً : لازم الموضوع يكون فى حيادية أكتر من كده .. لإن لو فضل على نفس الطريقة أنا هضطر آسفة إنى أقفله

و لى عودة للدفاع عن الكاتب المحترم قاسم أمين إن شاء الله

ان شاء الله
وياريت نعرف عنه أكتر

انا اسفة جدا
اسفة جدا
مش عارفة اقول ايه
بس حاسة انى بنفخ فى قربة مقطوعة
و دى اخر مشاركة لي فى هذه الموضوع

بصراحة الموضوع شائك ولكن شجعنى للمداخلة لغة الحوار الراقى .
شائك لانه يكشف بعض سقطات الاعلام والزعماء
وهم بشر وبكل تاكيد لهم سقطاتهم كبشر
ومنهم من تراجع عن سقطاته .
والخطورة هنا انه يحدث انعدام ثقة فى الزعماء والاعلام عند شريحة من الشباب .
وثمرة النقاش لن تاتى بخير بل تاتى بشر بين
يزعزع ثقة الشباب فى قادة واعلام قد يكونوا قدوة لهم ، ودفع الضرر مقدم على جلب النفع .
واتسأل هل هؤلاء الزعماء والأعلام ليس فى ميزان
اعمالهم خير قدموه ، بالتاكيد الاجابة انهم قدموا الكثير ولهم وعليهم لانهم بشر .
واى شخصية تاريخية لها سلبياتها فاعتقد بانه لا داعى لكشف هذه السلبيات متناسين وغافلين الايجابيات حتى لا نشوه صورة هؤلاء وهم بذلك لا يكسبون ولا يخسرون فهم فى ذمة الله ، والخاسر هنا هم الشباب بعدم ثقتهم فيمن رحل من الزعماء والاعلام .
وهذا الموضوع حدث بالفعل عام 86 عندما قمت بدخول فصل اولى ثانوى انا وزميل وكنا طلبة ندرس تربية عملى فى المدرسة فقام الزميل بطرح سلبيات سعد زغلول وصفية زغلول ومن سوء حظ الزميل ان المدرسة تبعد عدة مترات من مسقط رأس الزعيم فقام احد الطلبة وناقش الاستاذ وسرد له الايجابيات وكفاح الزعيم وزوجته فما كان من الاستاذ الزميل الا ان اغلق الموضوع بقول الله عز وجل
( تِلْكَ أُمَّةٌ قَدْ خَلَتْ لَهَا مَا كَسَبَتْ وَلَكُمْ مَا كَسَبْتُمْ وَلَا تُسْأَلُونَ عَمَّا كَانُوا يَعْمَلُونَ ) 141 سورة البقرة
وترك الزميل موضوع النقاش دون تمحيص او الوصول الى نتيجة بين متشكك ومرتاب ، وهذه هى الخسارة الفادحة .
اعتذر للطالة .

إزاى هيكونوا أبطال وفى نفس الوقت من ورق
مفيش بطل من ورق وبيفضل بطل ...لازم يتكشف
مشكووووووووووووور على الموضوع