|
بصي يا رحمه لو كل واحد بص لكلام الناس مش حيخلص
يعني اولا مشكلتك مش هيفا( اوعوا تفتكروا اني بقصد هيفاء ههههههه) ولا حاجه بس مشكلتك انك بتبصي لكلام الناس ملكيش دعوه بيهم وانا عندي اقتراح انتي ممكن تغيري اللون الاسود دا وتلبسي اي لون تاني طالما لبس محترم وشكرا ع مشاركتك ف الموضوع |
بصي يا رحمة ربنا عز وجل بيقول { ولو اتبعت أكثر من في الأرض يضلوك عن سبيل الله }
مفيش حد بيسلم من أذا الناس ومادام صممتي على حاجة وحاجة صح يبقى طز في الناس وفي الي بيتكلم وكل كلمة هيقولوها انت هتاخدي عليها حسنات وده هيكون ابتلاء من ربنا والابتلاء كل ما بيزيد دليل على قوة الايمان عشان كده الانبياء اكثر البشر ابتلاء فا انت هتيجي تستسلمي عشان كلام الناس يا رحمة لا طبعا ما ينفعش البسي العباية السودة وطز في الناس ولما تلاقي حد قاعد يتكلم عليكي سيبيه وامشي واقري في سرك { وجعلنا من بين ايديهم سدا ومن خلفهم سدا فأغشيناهم فهم لا يبصرون } واحتسبي الاجر عند ربنا اما صحابك لما يعملو سين وجيم حاولي تحبيبيهم في الامر ولو ان يهدي الله عليك رجلا خيرا لك من الدنيا وما فيها او كما قال صلى الله عليه وسلم أظن كده فكرتي وضحت يا رحمة |
شوفى ما دام انتى مقتنعة برايك يبقى ميهمكيش حد
وبعدين مش لازم اسود ومش لازم الالوان الى قلتيها فى بنى بيج كده يعنى وبعدين مالها الالوان المهم انك تكونى محترمة من جوة وبره ميرسي على مشاركتك فى الموضوع :) |
ازاي بقة يا باتمان انت وقطة الالوان طبعا ليها دور مش دور كبير اي نعم ولكن ليها دور بردو واحسن الالوان للعبايات هو الاسود عشان قاتم ومش هيبين حاجة اما الاوان الزاهية فهتجذب النظر حتى لو كان اللباس ساتر
|
يا رحمة يا حبيبتي
اولا مالكيش دعوة بحد انتي مرتاحة في لبس معين يبقي الناس مالهاش دعوة انتي اللي بتلبسي مش هما ثانيا مش شرط اللبس الشرعي يبقي اسود ممكن اي لون تاني بشرط انه يكون واسع وفضفاض لايشف ومش ملفت يعني ملمع ومشخلل وكده يعني زي الحاجات اللي طالعة ممكن تلبسي خمار ممكن تلبسي طرحة طويلة ممككن قصيرة بس اهم حاجة ان الثلاث شروط دول يبقوا موجودين في لبسك مرتاحة في لبس معين يبقي انتي بتلبسي كده علشان ربنا يرضي عنك وهو اللي هيحاسبك مش الناس الناس مش هينفعوكي لو واحدة لابسة جينز ضيق وبادي وحاطة ميك اب وبارفان وماشية كده محدش هيقولها حاجة والكل راضي عن لبسها وبالعكس ممكن تاخد تعليقات اعجاب (معاكسات من الناس ) اوكي يبقي هيا كده رضت الناس لكن لبسها ده هيوديها فين ورااااااااااااااااا الشمس وساعة يوم القيامة لا اعجاب الناس ولا المعاكسات هينفعوها ولو جينا بصينا علي واحدة محتشمة (سواء عبايات سودا او غير ) وان كان الناس بتتريق عليها يبقي شوفي مين اللي مصيره هيبقي احسن ولعلمك انتي طول ما الناس بتعلق تعليقات هما بياخدوا ذنوب وانتي كل ما تمسكتي اكتر برايك بتاخدي حسنات اكتر واكتر يعني لو حد ضايقك بكلمة ماتزعليش يبقي يشوف نفسه الاول وانتي احسن منه مليون مرة فاوعي تسمعي كلامهم نهائي انتي ليكي شخصيتك ورايك المستقل الناس مش عاجبهم لبسك لكن رحمة عاجبها لبسك واهم حاجة تكوني انتي راضية عن نفسك وانتي كده بالنسبة لجماعة الاخوان المسلمين بقي يا جماعة هما ان كان عن تفكيرهم كويسين جدا وانا جنبي كتير واعرف لكن العضو اللي بقول عليه انه بيهاجمه كان بيقول عليهم معقدين ومتعصبين وانا مش شايفة فيهم ريحة التعصب لا بيقولوا الدقن ولا النقاب فرض يعني فكرهم لا غبار عليه ناس محترمة كويسة تعاملهم معاك غاية في الجمال في اي مسجد في رمضان لو هما اللي ماسكينه هما بيقدموا الطعام للناس لو سحور او فضار في الاعياد مثلا بيوزعوا اوراق مكتوب عليها ادعية ولعب اطفال تعرفهم من احترامهم ووقارهم وهما ماشين في الشارع اما بقي بالنسبة لموضوع انهم بياخدوا من وراء الدين ستار علشان ينفذوا اهدافهم السياسية فاعتراضي علي كلمة ستار كلمة ستار دي تتقال في حالة لو هما اساسا مش متدينين ومش كويسين وعاملين نفسهم كده علشان يفوزوا في الانتخابات الكلام ده طبعا مرفوض مليون في المية لاني شايفاهم وعارفة اخلاقياتهم وادبهم وتدينهم كويس يمكن ماصادفش وكنتوا تعرفوا اخوان علشان كده ندي مثال باخواني معروف الاستاذ عمرو خالد اثناء الانتخابات كان جه هنا المنصورة علشان يدي محاضرة عادي في الاستاد قفلوا الاستاد ووقفوه بره مع الناس علشان فاكرينه جاي علشان حملة انتخابية في رأيكوا كده لو فكرو الاستاذ عمرو خالد اتطبق الاصلاح اللي ياما نادي بيه لو كل واحد حط في دماغه الكلام ده ووضعه موضع التنفيذ هتبقي بلادنا احسن بلد في العالم وهو ده هدف الاخوان المسلمين عايزين اصلاح عايزين رقي وانتوا لو بتقولوا ان هما لو اتحطوا في الحكم هيعكوا الدنيا تعرفوا منين الكلام ده طب شوفوا فلسطين والانتخابات اللي حماس شكلت الحكومة فيها وحماس طبعا هما الاخوان المسلمين في فلسطين وهما الناس الوحيدة اللي بيتصدوا لليهود الباقي مستسلم وهما بيدافعوا علشان كده الشعب فرح بيهم لما مسكوا الحكومة فانتوا ماتقدروش تحكموا عن الاخوان المسلمين طالما انتوا مش عارفين حد منهم اعرفوا الاول وبعدين احكموا لو مش عاجبكم فكر عمرو خالد يبقي اوكي انتوا كده ضد الاخوان وليكوا اسبابكم والله الاعلم بنيتهم |
؟؟؟؟؟؟؟؟؟؟؟؟؟؟؟
ع فكره ان مقلتش ان الاخوان مش متدينين انا كل اللي قلته انهم بيخدوا الدين ستار ليهم ول دخلوا اي انتخابات من غير اثاره الروح الدينيه عند الناخبين حيسقطوا ولو وصلوا للحكم حيخربوا البلد اكتر ما هي مخروبه وشكرا |
يا بات مان متجمعش نصيحة بجد عشان لو على الاقل واحد بس منهم مش زي ما انت بتقول هتاخد عليه ذنوب ده اولا
ويا سارة شروط الزي الاسلامي للفتاة + الي انت قلتيه هو :- 1- فضفاض ( واسع - لايصف جسدها ) 2- لا يشف 3- الا يكون لباس شهرة ( يعني مش لابساه عشان موضة ) 4- الا يكون زينة في نفسها ( يعني لابساها عشان نيتها خالصة لربنا ) 5- ساتر لجميع الجسد ( الوجه والكفين مختلف فيهما ) |
طب ما ده اللي احنا عايزينه يا بسام
دولة اسلامية بجد لعلمك اتقال علي مصر قبل كده انها دولة علمانية انت شايف احوال بلدنا كلنا بنحلم بايام زي الخلافة دولة اسلاميه تطبق الشرع في كل حاجة في الكبيرة والصغيرة وده غرض الاخوان عارفين ان ايام ما كان الحكام متمسكين بالدين وهو اهم حاجة عندهم زي ايام صلاح الدين الايوبي مثلا كان الغرب الاوربي اخر تخلف واحنا كنا اخر تقدم ولو كنت شفت مسلسل صلاح الدين الايوبي هتعرف ان اد ايه الدين كان مهم عندهم جدا يا بسام احنا عايزين ايه اكتر من اننا نرجع زي زمان ايام الدولة الاسلامية القوية بجد اديك شايف حالنا دلوقتي عامل ازاي عاجبك اوي حالنا الشباب خريجين الجامعات عايشين في بطالة ولما نشوفهم قاعدين في السيابر ولا علي القهاوي نقول عليهم شباب فاضي ومش لاقي حاجة يعملها طب هو فعلا مش لاقي حاجة يعملها وبيستغل وقته غلط وكل اللي بيعمله اغلبه بيبقي حرام اساسا (اغلببببببببببببه مش كله ) لكن تخيل لو الاسلام رجع يحكم مصر تاني خير الدولة هيبقي ليها الشاب مش هيتعين في شغل لمجرد ان باباه لواء ولا عمه وزير لا هيتعين علشان خبرته وذكاءه ولعلمك اثبتت دراسات ان نسبة الذكاء عالية في الفقراء اكتر من الاغنياء فلما احنا يكون عندنا قدرات عقلية متفتحه يعيشوا في بطالة لغاية لما يقرفوا في حياتهم كلها واليأس يسيطر عليهم والناس اللي هما ذكائهم تحت الصفر يمسكوا هما المناصب العالية وبالرشوة والوسايط تكسب الشركات مش بالعمل او بالخبرة انت شايف ان ده عدل مصر لا تعتبر من الدول الغنية لكن رئيسها ما شاء الله عليه من اغني اغنياء العالم تفتكر فلوسه دي منين من خير مصر مصر مليانة خيرات وبيدخل لها ايرادات تكفي انها تعيش الشعب كله في غني وابسطها شركة قناة السويس ايام الخلافة كان الخليفة ممكن يكون افقر واحد او بمعني اصح كان ممكن يبقي في البلد اللي اغني منه بمراحل سيدنا عمر ابن الخطاب كان بيدي نفسه زي ما بيدي شعبه كان خير الدولة ليها ولشعبها شايف حالنا بالله عليك عاجبك اللي احنا عايشين فيه مصر مديونة باتنين مليار تقريبا ودخل مصر من قناة السويس سنويا بيوصل لسبعين مليار سنويا تفتكر ليه يا بسام الحكومة بتكره الاخوان علشان خايفين علي نفسهم لا يجي اللي يشيلوهم من المنصب ويحرموهم من الملاين اللي بتوصل لكل واحد وهو قاعد علي مكتبه يا بسام عندنا هنا في الدقهلية في بلد المطرية بالتحديد مات ساعة الاتنخابات 3 اطفال واتنين اتعموا من القنابل المسلة للدموع اللي بتوع الامن كانوا بيرموها اللجان كلها اتقفلت علشان محدش ينتخب البشمهندس محمد فرج علشان كان اساسا للمطرية والجمالية مرشحين واحد من المطرية هو البشمهندس محمد فرج وواحد تاني في الجمالية من الطبيعي ان اهل المطرية هيشجعوا ابن بلادهم وبتوع الجمالية هيشجعوا برضه التاني ابن بلدهم لجان المطرية كلها اتقفلت ولجان الجمالية اتفتحت واحنا عندنا شقة هناك وتحتنا مدرسة وماما ساعتها كانت هناك وشافت بعينها وضباط الامن بيهددوا الناس في شرع مين ده وترجع بعد كده تقول الاخوان هيعكوها الاخوان ضد الحكومة وعمايلها وعايزين اصلاح بعض مرشحين الاخوان اللي نتائجهم اتبدلت وخسروا وهما اساسا كانوا ناجحين واكتر واحد انا عارفاه الدكتور يسري هاني هنا في المنصورة قال احنا مايهمناش احنا اللي نكسب ولا لا اهم حاجة ان اللي يكسب يبقي اد المسئولية ويخدم الناس ويساعد في اصلاح البلد يبقي بتقول انهم عايزين يوصلوا للحكم من حقهم يسعوا للوصول للحكم لو هما شايفين نفسهم كفء ويستحقوا ده عمرو خالد بيقول لو انت بتشتغل في شركة مش عيب انك تثبت نجاحك وتسعي انك تكبر في شركتك لغاية حتي لما تبقي مديرها مش تقول لا عيب عليا انا كده طمعان لو كل انسان مشي بالمنطق ده انه يفكر ويعمل باجتهاد علشان يبقي رئيس كان زمان دولتنا بقت احسن دولة وانا عارفة ردك انك هتقول بعد كده هيتغيروا لا يا بسام طب ما فيه ناس بقت في مجلس الشعب اعضاء خلاص لو الاخوان كده كانوا علي الاقل اتغيروا بعد ما بقوا اعضاء في البرلمان وضمنوا مكانهم لخمس سنين ادام زي ما بتوع الحزب الوطني بيعملوا كل واحد يقول هعمل وهسوي وفي الاخر يركن علي الاخر الدليل علي كلامي شوف اي جلسة من جلسات مجلس الشعب شوف مين هما اكتر ناس بتقوم وتتكلم وتناقش وتاخد وتدي واكتر ناس بتتقاطع والريس مش بيخليهم يكملوا كلامهم هما الاخوان شوف اد ايه ارائهم غاية في الروعة لدرجة اني من غير ما اعرفهم لمجرد ان حد يقوم ويقول رأي عاجبني اسأل اخويا ده اخواني يقولي ايوة الاخوان صدقني كويسين جدا خليك انت متفائل خير وان شاء الله بلدنا هتبقي احسن بيهم او من غيرهم احسن ان شاء الله وهما ده اللي هما عايزينه يا بيهم يا من غيرهم اهم حاجة عندهم الاصلاح مغترب وبس كلامك مية مية وانا مش معترضه عليه وهو رأيي انا عن نفسي ماشية في حالي ولا مع موضة ولا بتاع |
ايه يا جماعه براحه شويه على بعض ايه دع
مالكم الاخوان كويسين وكل حاجه بس المشكله ان فيه فى كل جماعه ناس بيوسخو سمعتها واكيد الاخوان فيهم ناس كدا ويمكن ده سر كره الشعب ليها ومن اكتر الحاجات اللى مخليا اغلب الناس ضدها انهم بيلجأو للعنف على طول والسلاح قبل اى حاجه ومش بيفكرو فى العواقب بس هما كشخصيات ناس محترمه بس مش متشددين فى الدين شويه |
<div class='quotetop'>إقتباس(sara777 @ Sep 16 2006, 09:09 PM) [snapback]221947[/snapback]</div>
اقتباس:
|
نسيت اقول حاجه
انا طبعا حيكون ليا صوت انتخابات مجلس الشعب الجايه فطبعا حدي صوتي للاخوان لان اي واحد تاني حينضم للحزب الوطني عشان كدا الاخوان نجحوا مش حبا فيهم بل كرها ف الحزب الوطني سلاموز |
<div align="center">إنك يا بسام متحامل لأقصى درجة على الإخوان ، ومن الواضح أنك لم تتابع قبل ذلك موقع الإخوان ولا تعرف منهم أحداً ، ما رأيك في عمرو خالد وما رأيك في فضيلة الشيخ يوسف القرضاوي حفظه الله أما السادات الذي لمح إلى أن الشعب المصري يكره الإخوان ، أقول له كيف بالله عليك ألم تتابع ما حدث في فترة الانتخابات من استخدام غير آدمي من قوات الأمن في مواجهة المواطنين من مؤيدي الإخوان كما أشارت إلى ذلك الأخت سارة
لن أطيل كثيراً رغم أن لدي الكثير .. ولكن هيا إلى رابعاً رابعاً وأخيراً : أقترح فتح موضوع جديد نناقش فيه هذا الموضوع ( الإخوان .. بين الحقيقة ، والإفتراء ) .. حلو الاسم ده .. ونعود الآن إلى الموضوع الأصلي والمشاكل الشخصية واقعدوا بالعافية ....... </div> |
بما اننا هنقفل الجدال في النقطة دي ولحد ما يتفتح موضوع باسمها .....
بعد تردد كبير جدا ولحد لحظة ما قاعد بكتب دلوقتي متردد هل اقول المشكلة ولا لا سبب ترددي اني مش عاوز حد يعرف اساسا وسبب الي خلاني اني هقول ان محدش يعرفني وده الي شجعني عشان انا مش عاوز حد يعرفني واقولو المشكلة دي عشان زهقت من كل الي يعرفوني بجد .... مش هخش في اسباب دي المهم في البداية انا عايش بره مصر ولسه نازل الصيف ده وهستقر ان شاء الله دي مقدمة عشان محدش يسأل ومشكلتي تتلخص في ان واحدة من بنات قرايبي انا وهيا متربيين مع بعض من واحنا صغيرين اوي وفعلا اخوات واكتر كمان واكنا بنتعامل مع بعض على هذا الاساس طول حياتنا ونخرج مع بعض ونهزر ونتكلم وبراحتنا المهم نزل اجازة نص السنة الي فاتت مصر وطبعا بقة زيارات ومش عارف ايه وكلام من ده ومرة لما خرجنا مع بعض لقيتها بتقولي اني بحبك ومن الكلام الي مش بيأكل عيش ده المشكلة ان هيا كانت فاكراني بحبها والخروجات وكده على الاساس ده وانا وربنا يشهد مفيش في بالي حاجي من الكلام ده كلو بالاضافة كمان اني مش بعتبر اني في حاجة اسمها حب اساسا "غير الحب الغريزي" المهم قعدت افهم فيها وان احنا اخوات متربين مع بعض وانا مش بفكر في الكلام ده وانا عاوز انتبه لدراستي قالتلي انا بردو عندي دراسة ومفيهاش اي مشكلة وحكاية انك مش بتفكر في الكلام ده يوم ما تفكر فيه هتلاقيني قدامك . قعدت افهمها يمين وشمال انو مينفعش وكده ... الخ في النهاية الحمد الله مشينا وخلاص عادي ورجعنا للخروجات تاني والهزار والمية رجعت لمجاريها ولما خلصت الاجازة رجعت تاني وفي الصيف ده لما نزلت قعدنا نفس النظام نهزر ونخرج ونكلم عادي بس الي لاحظتو ان اي حد من عيال قرايبنا لما يشوفنا الي يضحك من تحت لتحت والي يغمز والي معرفش يعمل ايه ومكنتش فاهم حاجة اساسا .. لحد ما جه واحد منهم وهو اقربهم ليا في كل حاجة وحكالي القصة .. :angry: :angry: :angry: اتاري الست هانم وانا مش موجود جمعت عيال قرايبنا كلها وقالتلهم اني بحبها وصارحتها بالكلام ده وان انا أثر عليها وخلتها تحبني وقعدت تجيب قصص خيالية طبعا انا سمعت الكلام ده من هنا ومعرفتش اعمل ايه روحت لعيال قرايبنا وقلتلهم الحقيقة وللاسف محدش صدقني وكلهم الي يقولي وياعم وانت زعلان ليه عيش حياتك والي يقولي كل ده ومخبي علينا ... الخ ولما رجعت مع نفسي وفكرت في الي بيحصل لقيت اه اني كنت مزودها وكده بس ده كان بدافع الاخوة المهم ما علينا بالي حصل انا كان رد فعلي من تاني يوم سمعت فيه الحكاية وقفت كل حاجة لا خروج لا تليفونات ولا كلام من اساسو وبقيت اتعمد لو في اي خروجة للعيلة كلنا كده اتعمد اني احرجها اقدامهم كلهم " خروجة مع الي قالتلهم الحكاية " واعمل اي حاجة بحيث ان هيا تبان قيمتها ولا شيء بس لما برجع مع نفي بتصعب عليا واقول كانت بتعمل كده بدافع عن نفسها او مش عارف ايه بقة والله هيا عملت كده وبعدين اقول لا لازم اعلمها الادب وافضل في الصراع ده وبقيت عصبي على اخواتي والعالم كلو وبالفعل عملت كذا موقف معاها ادام العيلة بينتلهم ان هيا ولا حاجة عندي بس حاسس انهم فاكرين ان في خناقة بنا وان المية هترجع لمجاريها ...... ولما واجهتها قالتلي انا مش قلتلك هخليك تفكر فيا " مش هيا بتفكر ازاي صراحة " ولو سالتها ادام العيلة تعمل زي الي كدب الكدبة وصدقهابس ده ملخص مشكلتي انا عارف انو ملخص طويل بس اعزروني بس قولولي هل اكمل في الي انا بدأتو وأقعد احرجها كده ولا حد عندو راي تاني وياريت يا جماعة تقولو حلول انا مش عاوز اسمع عبارات مواساة وكلام ده وشكرا لسعة صدركم |
<div align="CENTER">
بسم الله الرحمن الرحيم بالنسبه لموضوع رحمه فهى من حقها تلبس اى حاجه ودا تبعا لها بس فى حدود غير مخالفة لله عز وجل ربنا فضل لبس البناطيل عن لبس الجيبات بس البناطيل الواسعه انا رأيى من راى بات مان ووالقطه الشقية ولأول مرة اتفق مع سارة </div> |
يا سادات انا مش هقول حاجة غير اني اكد علي كلام استرونج مان
اولا :ازاي بتقول ان الشعب بيكره الاخوان واضح كده انك مش عايش في الدنيا انا كنت بخرج في الشارع ايام الانتخابات كنت اشوف الكل بيدعيلهم واللي ماسك كاميرات وبيصور اللي بتوع الحزب اللوطني بيعملوه وصل بغباء الحزب الوطني عندنا انهم اجروا شوية ناس رد سجون بمطاوي ولبسوهم تيشيرتات مكتوب عليها الاسلام هو الحل وجايين في ميكروباص ونازلين بهتافات (الاسلام هو الحل ) ومن غبائهم وده حصل ادامي انهم بقوا يشوفوا صور مرشحين الاخوان الدكتور يسري هاني والاستاذ صابر زاهر ويقطعوها منتهي التخلف والله حتي لما حبوا يدربوهم ويأجروهم ماعرفوش يفهموهم كان كل الناس مع الاخوان كان في المطرية الناس كتير جنب المدرسة وبينادوا في القضاة اللي جوه انهم يحاولوا يفتحوللهم الطريق لدرجة ان القضاة جوة كانوا بينزلوا سلالم علشان الناخبين يطلعوا عليها من شبابيك الحمامات حصلت مهازل والله ومهما اتكلمت في اللي حصل ايام الانتخابات كلامي مش هيقدر يخلص دلوقتي ولي عودة |
اكتر من 70% من اللي مديين صوتهم للاخوان مديين صوتهم مش حبا فيهم بل كرها ف مبارك والحزب الوطني
ماشي ياساره ولو مش عارفه مين الاخوان راجعي التاريخ وانتي تعرفي حتعرف انهم مبيفرقوش عن مبارك كتير |
وبالنسبه لمشكله متغرب
انت احسن حاجه تبعد ع البت دي نهائي لان شكلها عيله وبتلعب وبس بقي انت اللي سمحتلها تعتقد انك بتحبها بالهزار واللعب دا اوك سلاموز |
والله انا شايفة ان مفيش فرق بينهم
دول حرامية ودول حرامية ايه الفرق يا رب محدش يشوف ردى انا عايزه انام مش اعتقل |
انا حسيب موضوع الاخوان ده لسارة وبات مان يقطعوا بعض فيه
انا حتكلم فى موضوع مغترب .... على فكرة يا مغترب انت اللى بدأت معاها ..صحيح انت نيتك كانت حلوة ومفيهاش اى شئ بس فى بنات عقلها صغير جدا بيتهيأ لها لو ولد زميلها قالها "صباح الخير" او "سلام عليكم" انه كده بيحبها ولو حتى بصلها نظرة عابرة انه برده يكون بيحبها ويمكن الاول هيا كمان ماكانش فى دماغها حاجه لحد ما الخروجات كترت والهزار وبعدين انت بتسافر وتيجى واكيد انتو الاتنين بتوحشوا بعض"على اساس قريب" المهم انو حصل وهيا حبتك وبلاش نتكلم فى الماضى خلينا فى الحاضر مادام انت قلتلها ستميت مرة قبل كده انك مش بتحبها حب حب يعنى وانكم مجرد قريب وكده وهيا مفهمتش ...بل وبالعكس ...دى قالتلك انا حخليك تفكر فيا يبقى هيا بتعيل "سورى " ومش كده خالص تقدر تكسبك .... بس المطلوب منك انك لا تشوه صورتها قدم بقية قرايبكو ولا تحرجها ولا تعبرها اساسا بأى حاجه زايده عن حدود السلام والمعامله الاسلامية وبكده انت تكون طنشتها ومهما تقول هيا من كلام عليك مع قرايبك ...قرايبك مش حيصدقوا لانهم حيشفوك مش معاها ومش بتكلمها ولا بتخرجوا ابدا\ ويا ريت تخلى بالك من نقطة انك متعملهاش حاجه وحشه ولا تحرجها دى عشان انت متاخدش سيئات + انها مهما كانت قريبتك وانت كده بتضرها فى وسط قرايبكو يا ريت ماكونش طولت عيلك يا مغترب وافدتك فى نفس الوقت وعلى فكرة آراءك بتعجبنى جدا :) أختك: هبــــــــــــــــــة :) |
<div class='quotetop'>إقتباس(بات مان 2 @ Sep 17 2006, 10:56 PM) [snapback]222454[/snapback]</div>
اقتباس:
وشكرا جزيلا يا بات مان <div class='quotetop'>إقتباس(*محبة الله* @ Sep 18 2006, 08:44 AM) [snapback]222546[/snapback]</div> اقتباس:
وشكرا جزيلا يا محبة اخوكي :- مغترب |
<div class='quotetop'>إقتباس(sara777 @ Sep 17 2006, 08:12 PM) [snapback]222346[/snapback]</div>
اقتباس:
بسم الله والحمد لله وصلى الله وسلم على رسول الله وعلى آله وأصحابه ومن اهتدى بهداه بصى انا هجبلك من الاخر انا حزب وطنى ووالدى وخالى هما رؤساء الحزب عندنا فى الدائره بتاعتنا عارف انك هتقولى انك كدا واخدها وراثه بس انا بكره العنف وطول عمرى بشوف الاخوان فى عنف واحب انبهك لنقطه حاله الترابط اللى الاخوان فيها دلوقت كلها هتتفكك بمجرد وصولهم للسلطه هيبدأ الحرب على النفوذ </div> |
يظهر ان المنتدى لما غبت عنكم شوية احلو يالا ربنا معاكم فى الرقى بهذا المنتدى
تقبلو تحياتى HaKeR MaN |
<div class='quotetop'>إقتباس(tarekalbolkeny @ Sep 18 2006, 02:22 PM) [snapback]222584[/snapback]</div>
اقتباس:
اهلا وسهلا بيك معانا يا <span style="color:#FA1442"><div align="CENTER">( HaKeR MaN)</div> </span> |
لا تعليق
انا عارفة اني عمري ما هعرف افهم ناس مش راضية او مش عارفة اساسا تفهم ربنا معاكو بس يا تيتو الرومانسي لعلمك الاخوان ناس محترمين جدا والعنف عندهم مالهوش وجود بس واضح انك من انصار التليفيزيون المصري ماكنتش بتشوف الجزيرة خالص كانوا بيجيبوا الاخبار علي حقيقتها من غير تزييف اراهن انك عمرك شفتها ولقيت اي اخواني (بجد) بيستخدم العنف ولو فيه ده بيبقي من الناس اللي مع الاخوان ومأيدينهم كان في المطرية ايام الانتخابات لما كان الامن واقف وقافل البوابات كان في ناس بتتخانق مع بتوع الامن علشان يفتحولهم لكن ماكنوش من الاخوان حتي البشمهندس محمد فرج نفسه كان بيقول يا جماعة مفيش داعي لاستخدام العنف خالص علشان ده وحش في حقنا احنا والدكتور يسري هاني وصابر زاهر يوم ما اتزورت واتبدلت النتائج (زي ما حصل في دوائر كتيرة ) الناس اشتبكت في خناق مع بتوع الامن علشان يدخلوهم جوة للقضاة لكن مفيش حاجة عملها الدكتور يسري هاني الا وقال قدر الله وماشاء فعل بعد طول وقوف ادام اللجان ودعاء كتير لله بسام انا مش هقدر اقولك حاجة غير ان الشعب بيحب الاخوان والدليل ان 88 مرشح منهم نجح في الوصول للبرلمان ده غير اللي اتزورت نتائجهم واتبدلت هتقولي مش حبا فيهم لا حبا فيهم يا بسام من المستحيل ان الشعب بيكون بيكره فئة معينة ويقول هنختارهم علشان احنا قرفانين من حكم مبارك ماانت من الناس اللي قلت انا هدي صوتي للاخوان علشان انا بكره الحزب الوطني وفي نفس الوقت قلت لو مسكوا الحكم هينيلوها اكتر طب منين انت عارف انهم هينيلوها اكتر ومنين هتنتخبهم ما الاحسن لك انك تنتخب بتوع الحزب ماهما دول حرامية ودول حرامية (زي ما نورهان هانم بتقول) لعلمك يا نورهان الاخوان دول احسن مني ومنك ومايصحش ابدا انك تقولي عليهم حرامية طالما انتي مش بتأيديهم عموما انا مهما اتكلمت انتوا مش هتفهموا علشان كده انا مش هتكلم في الموضوع ده تاني وكل واحد حر في تفكيره سلام اه نسيت حاجة يا بسام من خمس سنين كان فيه 17 مرشح تقريبا في المجلس وفي انتخابات السنة اللي فاتت ال17 مرشح نفسهم الناس انتخبوهم تاني ومعاهم باقي ال 88 اعتقد ان ده اكبر دليل ان الشعب بيحب الاخوان ماهما لو كانوا نيلوها زي ما بتقول او مالبوش طلبات الشعب كانوا هينتخبوهم تاني ليه اساسا تيتو عمر ما العنف هيرغم الناس انهم ينتخبوا اللي هما كارهينه بالعكس ده العنف بيكره الناس اكتر في الناس العنيفة لأن مفيش اي حد بيحب العنف العنف اساسا كان منين من الامن اللي مش عايز يدخل حد والناس اللي شابكة مع الامن علشان تدخل هو ده العنف اللي حصل والاخوان اكتر ناس عايزة الناس تدخل وتنتخب ولو ماكنتش الدولة عارفة ان الشعب بيأيد الاخوان عمرها ما كانت هتعمل اللي بتعمله ده علشان تمنعهم يا جماعة لو واحد فيكوا حس انه مكروه من ناس معينة ومحبوب من التانين الطبيعي انه يعمل ايه هل من الممكن انه يروح للناس اللي كارهينه ويضرب ويشتم فيهم علشان يحبوه او علشان يجبرهم انهم ينتخبوه او يأيدوه في اي حاجة مستحيل طبعا طب ليه اساسا الاخوان يعملوا كده وهما اساسا عايزين الناس ترشحهم وبالرغم من العنف اللي عملوه الا ان 88 واحد فاز طب بالله عليك بقي ده كلام يدخل العقل عموما زي ما انا قلت عمري ما هقدر اغير تفكيركم كلكم ربنا ينوركوا للحقيقة |
قلت مليون مرا الاخوان فازوا عشان كره الناس للحزب الوطني وعدم ثقتهم فييه مش حبا ف الاخوان
سلاموز |
<div class='quotetop'>إقتباس(sara777 @ Sep 18 2006, 08:41 PM) [snapback]222697[/snapback]</div>
اقتباس:
والعدل ممشى وراه شويه حلنجيه عشان يظبتوله الليله مش اكتر كلهم شويه متطرفين على نصبين على حرميه وكل واحد ساند التانى ومتفقين عشان الحكم واول ما هيمسكو هيبدأ يتفننو ازاى كل واحد منهم يخلص من التانى وساعتها بس هتعرفى مين هما الاخوانوبعدين اللى انتى متعرفهوش انهم نجحو ازاى نجحم عشان بتلاقى فى العيله واحد اخونجى يروح حالف ميت يمين على البيت كله لينتخب الاخوان وغير ان النص التانى منتخبهم بالفلوس والذى منه وبلاش معايا انا بالذات تدخلى فى حوار زى ده لان كل ده على ايدنا هنا لان خالى ووالدى هما اللى ماسكين الحزب الوطنى هنه يعنى عارف الكوسه بتحصل ازاى ولو الحكومه عايزه تشلهم هتشلهم وبكره افكرك اجبلك بقه من الاخر واقلك هما سبوهم ليه عشان يعرفو عدد الاخوان اد ايه سبلهم الحبل على اغراب وان شاء الله فى اول شوطه كل ده هيخلع ويجى الناس اللى من حقهم المنصب ده مش شويه حرميه ونصبين سلاموز بالموز وسمعنى سلام ذئاب الجبل ديب ديب :angry: :angry: :angry: :angry: :angry: :angry: :angry: :angry: :angry: |
ايه يا ساره مالك انتى قومتيها حريقه كدا ليه
شكل كدا كل اللى شارك فى الموضوع مشرف امن دوله |
لا تعليق المرة دي بجد
الاسباب اولا كلامكم مستفز ثانيا اصعب حاجة ان الواحد يكون متأكد من حاجة وعارفها كويس لأنه اقرب اليها من الاخرين ويلاقي افتراءات عليها من ناس مالهاش اي علاقة بيهم واراهن انهم حتي يعرفوهم او شافوا دليل واحد يثبت اللي بيقولوه لكن اكرر الاخوان احسن منكوا كلكوا بصراحة بقي واللي مش عاجبه كلامي يقارن نفسه بكبار رجال الدين الاخوان زي الاستاذ عمرو خالد والدكتور وجدي غنيم ويشوف حال مين الاحسن في مسألة الدين علشان اللي يقول عليهم حرامية يبقي يلم نفسه علشان عيب كده الاخوان اغلبهم ناس محترمة دكاترة ومهندسين وصيادلة يا اما دكاترة في الجامعة سلام بس اوعدكم ان دي هتبقي اخر مرة ادخلكم الموضوع ده |
<div class='quotetop'>إقتباس(sara777 @ Sep 19 2006, 06:35 PM) [snapback]223023[/snapback]</div>
اقتباس:
:angry: :angry: :angry: :angry: :angry: :angry: :angry: :angry: |
طبعا
زي ما احب طالما مش بيجي من وراكوا غير وجع الدماغ وانا اتعب نفسي واحاول ليه اساسا افهم ناس مش راضية تفهم انا هكسب من وراكوا حاجة خليكوا كده علي عماكوا احسن |
<div class='quotetop'>إقتباس(sara777 @ Sep 19 2006, 06:35 PM) [snapback]223023[/snapback]</div>
اقتباس:
يعني الخطه الانتخابيه للاخوان هي الاسلام هو الحل يعني بتوع كلام بس طب ازاي حيطبقوا الاسلام وحيكون ع اي طريقه يعني اسلام متششد ولا معتدل وايه خططهم ف التنميه الاقتصاديه والسياسيه والتعليميه برضه الاسلام هو الحل طب ازاااااااااااااي مش بقولك كلامنجيه ولسان بس |
<div class='quotetop'>إقتباس(sara777 @ Sep 19 2006, 08:44 PM) [snapback]223072[/snapback]</div>
اقتباس:
واللسكر ماشى فى ابلد اليومين دول يقف يجيلك واحنا محتجينك اليومين دول |
مش بقولكم كلامكم مستفز
انا فعلا يا زيرو كود خايفة علي صحتي من حقي يا راجل ان اي واحد يخاف علي صحته بات مان عمرو خالد من الاخوان ولو مش متأكد يبقي دي مشكلتك اتأكد وانا مش ملزمة اني افهمك او اثبت لك ولما انت قلت كويسين في الدين مش السياسة يبقي طالما كويسين في الدين هيبقوا احسن في السياسة |
بصى يا ساره وانتا يا بات مان وانت يا يا مغلبنى يا بن خلتى
يا ريت تصفو حسابتكم دى بعيد عن الموضوع انتو شوهتوه انا حاطط الموضوع ده لسبب واحد وهو نساعد بعض مش نزعل من بعض الاخوان ناس محترمه فى نظرك وفى نظر ناس تانيه وحشين والعكس صحيح كل واحد له وجهت نظر ومش هتقدرى تغيرها خلينا فى الموضوع احسن اوك يا جماعه |
طيب يا سيادة السفير انا موافقة
علشان انا غلبت من الموضوع ده حتي الانسان الوحيد اللي كل الناس عارفاها كويس وبتحبه وبترتاح لكلامه الاستاذ عمرو خالد مش معترفين بيه انه اخواني جداااااااااااااااااااااا علشان لما اقولكم انكم فاهمينهم غلط تبقوا تصدقوني يالا خلينا في المشاكل بتاعتكم فيه مشكلة فيا اتسببت في موضوع كبير اوي النهاردة ومشكلة عويصة وانا مش عارفة احلها ازاي بس انا مش هقول الحكاية لكن مشكلتي اللي اتسببت في كل ده اني من النوع اللي كتير اقول حاجات اندم اني قلتها وبعدين اكتشف اني عكيت الدنيا ومهما حاولت امسك نفسي مش بقدر طبعا مش هتقدروا تساعدوني بس اديني بفضفض علشان لغاية دلوقتي المشكلة دي تاعباني جدا جدا |
بصراحه بقه عشان اجبك من الاخر انا مش هعرف احلهالك عشان انا عندى نفس المشكله
يا ريت واحد يحلها ليا وليكى </span> |
هههههههههههههههههههههههههههههههههههه
طيب يا باشا انا قلت محدش هيعرف يحلها بس بفضفض بس بقي استحملوووووووووووووووني مش يبقي انتوا واللي في البيت عليا |
<div class='quotetop'>إقتباس(sara777 @ Sep 20 2006, 08:17 PM) [snapback]223411[/snapback]</div>
اقتباس:
عسوله زيك كدا ويزعلها ايه رأيك بقه انى ان شاء الله لو اتجوزت وده من رابع المستحيلات وخلفت وده ان شاء اله مش هيحصل مش هسميها ساره خالص :lol: :lol: :lol: :lol: :lol: :lol: |
حتي انت حتي انت مش بتحب اسم سارة
ليه كده بس الله يسامحك بس انا بحب اسم محمد لكن السادات بصراحة لا طيب انا اقولكم مشكلة تانية مضايقاني انا الحمد لله عمري ما كان ليا اختلاط بالاولاد علي الحقيقة واحدة صاحبتي كنت فاكراها الاول كويسة سبق وجه واحد شكله يعني مش مريح خالص وجه كلمها بحجة انه ياخد المحاضرة انا مش عارفاه بس هيا شاورت لي عليه وقالت ان هو ده اللي كلمها المهم من كلامها عرفت ان هيا صددته وماكلمتهوش هيا لبسها يعني مش كويس اوي بس لما قالت لي كده قلت يبقي اكيد هيا محترمة بس لبسها هو الي كده وفضلت كل يوم امشي معاها وكده وبعدين فوجئت النهاردة انها واقفة مع نفس الولد وبتكلمه انا اتضايقت جدا وبعد ما خلصت كلام معاه لقيتها متضايقة سألتها مالها قالت لي كان عايز الموبايل بتاعي بس انا مارضيتش وهو زعل قلت لها كويس انك رفضي وبعدين الموبايل رن وانا بكلمها فضلت تتكلم شوية كلام كانه مع ولد ومعانا في الجامعة علشان بتقوله انا تحت ومش عارفة ايه بعد ما خلصت قالت لي ده ولد لسه متعرفة عليه فوق كان واحد بيعاكسني راح هو عمل نفسه الملاك الحارس وزعقله شهم بقي المهم انا قلتلها طب ما ده ولد وده ولد تدي ده موبايلك ليه انتي بعد كده ممكن تلاقي النمرة وصلت للي انتي رافضاه اصلا المهم يعني انا ساعات بحس انها كويسة وساعات بحس انها مش كويسة خصوصا اني عرفت بعدها ان ده مش اول ولد تكلمه وانها كانت علطول بتكلم اولاد علي التليفون وكده وانا بمشي معاها بسمع تعليقات من اولاد تأكد انها تعرفهم يعني وانا بتضايق بس انا في نفس الوقت خايفة عليها وعايزاها تسمع نصيحتي بس هيا مش راضية وانا اساسا مش كده اعمل ايه بقي اسيبها ولا يهمني ولا افضل معاها ولا ده وحش ليا انا واللي هيشوفني معاها هيفتكر اني زيها وانا مش زيها خالص اعمل ايييييييييييييييييييييييه |
<div class='quotetop'>إقتباس(sara777 @ Sep 20 2006, 08:55 PM) [snapback]223433[/snapback]</div>
اقتباس:
|
يا رب ارحموني
انا ف كارثه عامه ولسه مفصول امبارح فاللي يتكلم ياريت يكون متأكد من كلامه عمر خالد مش اخواني اوك وانا عندي مشكله اني مفصول واللي عنده حل ليها يخليه لنفسه ويريحني اوك سلاموز |
يادي حكاية الفصل اللي قارفنا بيها دي
خلاص والله كل المنتدي عرف انك مفصول انشرها في الجرايد احسن هو الفصل دلوقتي بقي حاجة حلوة الكل بيتباهي بيه عجايب بالنسبة لكلامك عمرو خالد مش اخواني لا اخواني يا بات مان انا اعرف اكتر منك انا اعرف الاخوان لكن انت مش عارفهم والمفروض تاخد الكلام من حد قريب منهم زيي مثلا اسأل اي اخواني وهو يقولك عمرو خالد منهم لكن ماتمشيش مع نفسك كده ولا انت عارف مين الاخوان دول ولا بيفكروا في ايه اساسا بس اهو بتتكلم نفس الكلام اللي الناس بتقوله في التليفزيون والجرايد وماشي معاهم من غير ما تعرف هما صح ولا غلط عمرو خالد فكرك كده يا فصيح ممنوع ليه يدي حلقاته في التليفزيون المصري مع ان كلامه عادي ولا بيشتم في الحكومة ولا غيره علشان اخواني يا ناصح لما جه عندنا استاد المنصورة ساعة الانتخابات كان ممنوع من الدخول خوفا من انه يكون جي علشان حملة انتخابية لتأييد الاخوان افتح موقع عمرو خالد وشوف المواضيع الي اتكتبت ساعة الانتخابات وليه ماتمسحتش مادام هيا مع الاخوان وعمرو خالد ضد الاخوان كلام عمرو خالد كله في كيفية اصلاح البلد اللي انت عايش فيها والكلام ده مش بيتكلمه غير الاخوان المواضيع دي هيا اكتر مواضيع تهم الاخوان (الاصلاح) لكن لما تلاقي واحد كلامه من اوله لاخره في الدين ومش بيتكلم في الدنيا واللي بيحصل فيها يبقي تعرف انه مش اخواني بلاش تعاند في الموضوع ده كتير علشان انا اكتر حاجة بكرهها ان الواحد يعاند في مسألة ميعرفش حاجة عنها ومش معاه ادلة ولا انت بمجرد ما سمعت عمرو خالد وكلامه عجبك يبقي علطول تقول انه مش اخواني علشان لما اقولك انك فاهم الاخوان غلط تبقي تصدقني يا بسام لو معترض علي كلامي هاتلي دليل واحد يؤكد ان عمرو خالد مش اخواني اووووووووووووووووكي سلام |
انتي بالعه راديو
قرفتيتي عمر خالد من اخواني لانه ممنوع من ممارسه اي نشاط سياسي او ديني ف مصر ولو حضرتك رجعتي الجرايد او تصريحات عمر خالد نفسه حتعرفي انه اخواني ولا لأ سلاموز يا راديو |
ده الدليل كمان
يا بسام ولو بحثت عن عمرو خالد في جوجل مصحوب باسم الاخوان المسلمين هتلاقي ملايين الادلة وادي واحد منهم http://islamonline.net/arabic/daawa/...ticle07b.shtml ممكن بقي تسكت وتبطل معاندة علشان انا اللي زهقت والله http://islamonline.net/arabic/daawa/...rticle01.shtml اهو واحد تاني |
يا استاذه راديو
انا زهقت من مجادلتك اللي ملهاش معني لانك طلعتي من الموضوع وقعدتي تقولي كلام غلط عمر خالد مجرد داعيه ملهوش نشاط سياسي سلاموز |
يابني ادامك الادلة ولا انت مش شايف ولا ايه الحكاية
ادخل بس وانت تعرف وانا بقي مش هفتح معاك الموضوع ده تاني علشان انا زهقت اكتر منك وكنت قفلته وانت اللي فتحته من جديد |
بصي
انا مش متناقش مع اي حد دلوقتي عشان شكلي حتعصب ولساني حيطول اوك نكمل الموضوع دا احسن وبلاش ابوظه مع واحده مش فاهمه حاجه وبتتكلم سلامووز |
اوكي يا بسام
شكرا اوي علي ردك الذوق علي واحدة ماغلطتش في حاجة وانت عارف كويس سلام |
معلش اصلي حاليا مخنوق
وانا اسف لو كنت غلط فيكي او ف اي حد سلامووووووووز |
:angry: :angry: :angry: :angry: :angry: :angry:
كفايه حرام عليكو :angry: :angry: :angry: :angry: :angry: :angry: انا اللى اخوانى استريحتو |
| جميع الأوقات بتوقيت GMT +2. الساعة الآن 11:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.