الاخت اميره

تعبانه ويه علشان الجدةل بتاعك كدا يوم الاتين صعب شويه
طيب تعملى ايه لو كان الجدول بتاعك كله زى يوم الاتنين !!!!!؟؟؟؟؟؟؟؟

بجد لو هوا دا كل جدولك تبقى فى نعيم
انا فاكر الجدول فى سنه اولى ( طبعا جدول الناس كلها لانه ماكنش ساعات معتمده ولا بتاع)
كان الجدول يوميات من 8 الى الى 5 او
8 الى 8 تقريبا
طبعا كان يبقى مش متواصل ودى كانت مشكله كبيره
ان المحاضرات تبقى مثلا من 8 ل 10 وبعد كدا من 12 ل 2 و ساعات كانت تبقى متصله لكن المهم الجدول كان دايما مليان اوى عن كدا
هيا عموما سنه اولى قرفها كله فى الحضور

بس بجد انا هحسدكم على الجدول المريحه اوى دى

انتو فى نعيييييييييييييييييم
صدقونى وشدو حيلكم اوى

اسامه
تلفونك مقفول يا معلم
ايه العمل ؟
بص اقولك دى ايميلاتى
خش فى اى وقت هتلاقينى

mkaa-eg*************

mkaa_shar***********

الاولانى هوتميل والتانى ياهو

وابقى قابلنى ........

بقولكم ايه ؟
فيه مواقع علميه مبسطه شويه
ياريت تاخدو بالكم منها

عندكم مثلا موقع د. حازم سكيك بتاع الفيزيا
دا طبعا موقع ممتاز للفيزيا بالنسبه لطالب كلية العلوم و هتحتاجوه لما حد يطلب منكم تعملو بحث

www.hazemsakeek.com

ادخلو الموقع والمنتدى

الموقع هتلاقو فيه محاضرات الفيزيا الاساسيه يعنى الفيزيا اللى هتاخدوها فى الجامعه كلها
كل التخصصات موجوده ومشروحه كويس
يعنى لا مانع انكم تاخدو فكره
وبالنسبه للمنتديات يعنى هتلاقو فيها رغى كتير برضه
يمكن يفيدكم فى حاجه
انا برضه هناك بنفس الاسم
تلاقونى فى تخصصى فى منتدى الطاقه الجديده والمتجدده
وماحدش معبرنى طبعا خالص زى هنا يعنى

يلا روحو ذاكرو
يلااااااااااا

انا جيت يا جماعه وبشكر كل واحد\ شارك برائيه واستفادنا منه وشكرا يا اميرة على الجدول وشكرا يا محمد انك اتصلت بيا بس معلش ساعات بيبقى موبايلى مقفول وكده انت عارف دوشت الناس بس والله لو اعرف انك هتتصل كنت خليته طول اليو م جمبى انا اسف انا ضفتك على فكرة وانت برده ادينى رقمك وانا هكلمك وبالنسبه ليكى يا اميرة فى موضوع الجدول ده انا غيرت جدولى كتير والله بس طبعا بعد مشاكل وتعب لانى اعرف الحمد الله ناس كتير فى اتحاد الطلبه وربنا معاكى ويوفقك ويعدى السنه دى على خير ان شاء الله وسلميلى على ميكو كتير لو بتشوفيها عشان ليها كتير مش بتدخل وانا طبعا مش بحب اسال 8على حد فى الكليه انتى عارفه اكيد مش هقولك وكده احسن يعنى وربنا يكرمكوا يارب وياريت نشجع بعض ونذاكر انا امبارح روحت قاعه الاستذكار ب وذاكرت كيميا شويه وزى ماقوللوكوا المعيدين ان عملى الكيميا هيبقى open book يعنى ورق العملى تنظموه عشان هو الى هتدخلوا بيه الامتحان انا مش عايز اقول حاجات انتوا عارفينها بس بفكركوا والى عايز اى حاجه يقول هنقولهاله هنا ع المنتدى طبعا وياريت تفتكرى داييما يا اميرة انتى وكل ال مش من هنا اصلا ان احنا اخواتكوا الرجاله هنا فى اسيوط يعنى ماتكسفوش من اى حاجه وربنا يقدرنى يارب

مساء الخير عليكم جميعا

اقولكم اطرف حاجه ممكن تسمعوها فى حياتكم عن عملى الكيميا

أنا ما كنتش اعرف حكاية انك تدخل امتحان العملى ومعاك الكتاب (open book ) وجيت قبل امتحان العملى بيومين وقعدت احفظ فى التجارب التأكيديه اللى كلها الوان وقعدت اقول ابيض اخضر بنى مصفر بنى محمر
واخدتها حفظ لحد ما حفظت الشيت كله بجد والله مش بهزر

الموضوع دا اخد منى يومين ما طلعلت برا الاوضه
المهم انى رحت الامتحان والحمد لله اخدت معايا الكتاب علشان اراحعه المراجعه الاخيره قبل الامتحان يعنى
و سمعت واحد من زمايلى بيقول طبعا لازم ندخل الامتحان بالكتاب يعنى مش معقول هنحفظ دا كله
انا بينى وبين نفسى قلت دا باينله مجنون ولا ايه ؟
فيه حد بيدخل امتحان بالكتاب
امال يبقى امتحان ازاى يعنى ؟
وبعدين دخلت الامتحان وفوجئت بانه الامتحان بالكتاب فعلا
بصراحه ما كنتش مصدق نفسى


قلت فى نفسى برضه محدش بيتعلم بالساهل
يلا
وعدت

اللى غاظنى انى حفظت كله كله
بصراحه ما رضيتش اقول لحد
يلا
فكرتونا بالذى مضى

بس انت برده يا محمد فرحان انك خلصت ولا حاسس انك عايز ترجع للقرف ده تانى الحمد الله انك خلصت بس انا ماعرفش انت فين دلوقتى يعنى بتعمل ايه فى حياتك وعايش فين وكده

يا جماعه انا مش عارفه الناس ليه بتكره علوم وبتقول عليها اصعب كليه. انا عن نفسي مش شايفه كده يعني الكليه لذيذه وموضوع العملي ده شغال وممتع. انا كنت فاكره اني هنتحر بعد اول يوم بس دلوقتي بحب اروح جداااااااا وبستني كمان السكاشن وخصوصا سكشن نبات. وانتوا لو حبيتوا المواد والكليه هتفهموا كل حاجه:av4056bb7jp3:

ههههههه برافووووو غليكى يا totes انك حسيتى بكده والله وانا كمان حاسس ان مش فيها تعب ولا حاجه بس انتى عارفه الناس بتحب تبالغ هيا فيها صعوبه بس مش زى مابتصورها الناس وياريت ماتسمعيش للناس كتير وربنا يوفقك يارب ويوفق كل الناس وع فكرة انا بحب اوى سكاشن النبات والكيميا

دا شعور عظيم منكم يا بنات
الغريبه فى الكليه دى إنه البنات غالبا بتحبها لكن الكليه مش بتحب البنات خالص

ايه يا جماعه ؟
هوا انتو اندمجتو فى المذاكره خلاص ؟
وبطلتو تدخلو نت ؟

يا مسهل
شد الحزاااااااام
وربنا معاكم

يابنى دول اخرهم حضور بس لكن مذاكرة مفيش يارب تجيبى مجموع يا توتس

انا خريج علوم اسيوط دفعة 2003 كيمياء + فيزياء
النظام الجديد بتاع الساعات غير واضح بالنسبة لى
افضل الاقسام فى الواقع العملى بالتاكيد هو قسم الكيمياء فهو الاكثر توفيرا للفرص سواء كمياء خاص او كيمياء عام كيمياء +(فيزياء - ميكرو)
نصائح للطلاب الجد
المذاكرة منذ بدا العام الدراسى وحضور المحاضرات والسكاشن وطبعا افضل اللى يقدر يكتب لنفسة ويبيض المحاضرات بايده افضل بكتير من انك تاخدها من حد تانى
الدخول فى مود الكلية سريعا وترك مود المدرسة والفصل ومعلومة الكتب الخارجية الجاهزة او مذكرات الدروس الخصوصية والاعتماد على النفس وما فيش مانع من الاستعانة بالانترنت او مكتبات الاقسام فلكل قسم مكتبة بها العديد من الكتب التى تعين الطالب على الفهم
عدم سماع كلام السابقين عن ان هذه المادة لا احد ينجح بها او ان هذا الدكتور لا احد بيعدى فى مادته فقد حدث معى فى سنة اولى سمعت محدش بيعدى فى التفاضل فاتعقدت وما ذكرتش وفى النهاية جبت ضعيف ولما عدت السنة ذاكرت المادة وركزت فيها لقيت نفسى حليت حل امتياز وان المادة سهلة جدا جدا فارجو ان الطلبة الجدد ميدخلوش اى افكار تحبط فى راسهم لانها مش صحيحة مع تمنياتى لهم بالتوفيق
لو لم ادخل علــــــــــــــــــــــــــــوم لو دت ان ادخل علــــــــــــــوم
فمن حق كل طالب او خريج علوم ان يفخر بام الكليات واعظمها

السلام عليكم
 

السلام عليكم...

اعرفكم بنفسى اولا... محمود من سوهاج طالب كلية علوم اسيوط
وهذه هى السنة الاولى ...
انا لم اقرر حتى الان ما هو تخصصى لانى مش عارف ايه افضل تخصص...
ياريت المتخصصين يوضحو ا اى الاقسام افضل من حيث مجال العمل ؟
واحب اشكر صاحبة الفكرة الرائعة ...وشكرا

السلام عليكم...

السلام عليكم انا طالب 4 علوم

ربنا يوفقكم يا جماعة انا تالتة فيزيا الكيمياء النتيجة خلاص اهو ربنا يستر و ينجحونا بقي

احنا الخريجى المتبهدلين
احنا دايما مترمتين
فى اى شغلانة تلاقينا سادين
علوم اية بس
اتخرجنا وقعدنا نعد النجوم