|
انا هعلق علي نقاط في وجهه نظر اينشتين
انا معاه ان الثانويه المصريه اصعب من اي دوله عربيه بس انا مش معاه اللي احنا نقلل من الثانويات في الدول العربيه لانها طبعا صعبه ومش بتاعت اطفال يعني مش لدرجه الاهلي وتليفونات بني سويف |
مع احترامي انا لحضرتك
احنا بنحب مصر زيكم ويمكن اكتر لان احنا الي جربنا فراقها بس سوري يعني انتم مش راعيتم شعورنا نهائي وكمان شيلتم مننا حق دخول الجامعات هنا زيكم فطبيعي لازم نقول كلام زي دة واكتر لكن متنسوش ان احنا مصرين زينا زيكم مهما عملتم واتكلمتم |
اقتباس:
يااااااااااااااااااااااااااااااااااااه ده انت عايش في وهم كبييييييييييير اوي!!!!! امال اللي خرجو من مصر مش عايزين يرجعولها ليه؟؟ هو انت فكرك العلماء اللي انت بتقول عليهم دول من تعليم مصر!!!! ده يوم ما يخرجو ماتشوفش وش واحد منهم تاني ابدا ادخل على مواقع تصنيف الجامعات شوف جامعات السعودية { الملك سعود - الملك فهد } تصنيفها كام وشوف جامعات مصر فين!!! ما هو يا إما انت بتقول الكلام اللي كان بيسمعه اجدادك في خطابات الثورة يا اما انت من الحزب الوطني |
اقتباس:
|
والله العظيم جامعة الملك عبد الله للعلوم والتقنية دي تاني جامعة من نوعها اتعملت في العالم كله عارف يعني ايه العالم كله
|
اقتباس:
|
اقتباس:
ده مفيش حرف عنه في كتابكم محسسني انكم دارسين النظرية النسبية يا بني تعليم مصر ده خلاص انتهى انا بسمع من اصحابي هنا ان المدرسين بتوع الفيزيا حافظين المسائل بأرقامها ولا مدرس فاهم ولا طالب فاهم كل اللي بتعملوه بتحفظوا الكلمتين وتخشوا تسمعوهم ولو واحد فيكم امتحن القدرات مش هيعدي 60% |
اقتباس:
اقتباس:
افتكر الكلام اللي انت بتقوله ده لما تتخرج وتاخد الشهادة ويطلع عينك على إعارة لأي بلد عربية من اللي انت بتستهزء بيها |
اقتباس:
وفعلا لو واحد من هنا امتحن قدرات مش هينجح اصلا لانهم حفيظة |
اقتباس:
يا خوانا دي بلدكواااااا اهلا بيكم احنا بس بنقول و جهات نظر |
اقتباس:
اه انا جايب 50 فبدافع عن نفسي |
اقتباس:
شوفي انتي كده غلطتي بس احنا فمصر اكبر من ان انا نرد علي التفاهات دي لاننا واثقين في نفسنا |
اقتباس:
مفيش واحد هيبقى جايب 98 أو 99% و يحقد على غيره الأحقاد دايما بتبقى من الصغير ع الكبييييير |
اقتباس:
انت مصري يا كابتن |
اقتباس:
وطريقة التعليم في مصر مش عاوزة غير واحد بيحفظ |
اقتباس:
اعوذ بالله حقد بص يا ماو انا عمري ما حقدت علي حد لان العمليه مش مستهله و مش هدخل في نقاش مع تليفونات سوهاج |
الاخوه المصريين اللي جايين و فرحانيين انهم واخدين الثانويه من بره كلمه واحده و عايز اقلها عيب اوي لما تبقو مصريين و تقولوا الكلام ده علي مصر اللي هي مامتكم حد يغلط في مامته كده عيب يا شطار و قوموا صلوا الفجر باه |
اقتباس:
الموضوع مكتوب عليه الشهادات المعادلة مش عارف ايه نقاش فرق الدرجة العاشرة ده بس انا عاوز اقولك حاجة ممكن يكون في فعلا طلبة فاشلة وسافرت بره علشان تاخد الثانوية العامة سهلة ورجعوا دخلوا الطب والصيدلة بس متعممش على الكل انا دلوقتي لما قلت حفيظة قلت 75% انما ماقلتش 100% زيك لأن ده هيبقى ظلم لناس كتير انا لو عليا مكنتش سافرت انما ده غصب عني وشوف لو انت في الموقف ده هتعمل ايه ساعتها واتأكد ان الطلبة اللي بيروحوا علشان ياخدوها سهلة من بره راحت عليهم خلاص لأنك لو شفت نتيجة التنسيق السنة دي هتعرف بجد ان بقى في عدل كلهم يا اما استنفاذ رغبات يا زراعة يا معاهد عليا يعني مستواهم الحقيقي بان |
اقتباس:
|
انا جبت درجات 110 واحد مفيش غير 8 هما اللي دخلو طب وقليلين اوي اللي دخلوا اسنان وتقريبا مفيش حد منهم دخل صيدلة او هندسة
|
انا يا جماعة طالبة شهادات معادلة من الامارات و احب احكي لكل اللي ميعرفش ايه اللي حصل معايا في الامارات اولا في معلومة كتير
من الناس في مصر ميعرفوهاش عن الامارات و هيا ان المنهاج الاماراتية اتغيرت اينعم مش من زمان بس هيا اتغيرت و اعتقد ان معظم الدول الخليجية كده و ان المنهاج تتغير ده معناه ان مفيش بنك اسئلة تقدر تعتمد عليه و لا نماذج سابقة و لا اي حاجة مجرد اجتهادات من المدرسين و الموجهين و كمان ميجيش واحد يقول ان اصحابه كانوا فشلة في مصر و راحوا الخليج رجعوا دخلوا طب و صيدلة لان الكلام ده كان زماااااااااااااااااااااان احب اقولوكم ان مناهجنا هناك مترجمة من كتب المنهاج الامريكية و البريطانية و الكلام ده معروف هناك يعني مش مناهج اي كلام و لا حاجة ده غير ان النظام الدراسي هناك غير يعنى مش الواحد يقعد في بيته يذاكر طول النهار و ا لليل و يدي عم سيد المسؤول عن الغياب قرشين عشان يمسحوا من الكشف لا الكلام ده مش هناك هناك لازم و لا بد تحضر الحصص و تروح المدرسة لان اللي بيتعدى النسبة المسموح بيها فى الغياب بيتم فصله و مفيش و سايط و لا قرشين و هناك في نظام اعمال السنة بعني ايه يعني يعملولك 4 امتحانات تحريري لكل مادة فى الترم و 2 شفوي و 1 عملي كل تلرم و احنا اصلا بناخد 8 مواد يعني شوفوا كده كم امتحان في الترم ده معناه ان في كل يوم امتحان كل ده غير امتحان اخر السنة و نص السنه و هناك معندناش علمي علوم و رياضو و لا كيمياء في سنة و فيزياء في سنة لا كل مع بعضه كيمياء فيزياء احياء رياضيات ده غير الجيولوجيا اللي هيا هنا ادبي مع ان ليها قسم فى كلية العلوم و كمان حاجة ان هناك الامتحانات النهائية كلها ورا بعض معندناش راحة يومين و ثلاثة يعني انا مثلا السنادي جدولى كان كالاتي فيزياء احياء كيمياء اخر 3 ايام يعني عندك اقل من 24 ساعة عشان تخلص المنهج كله 20 باب و اكتر لكل مادة ده غير العملي هما هناط بيمتحنونا جزء من العملي ف الامتحان النظري و المتحتنات دي مبيحطحاش مدرس الصف و لا حاجة دي بتحطها الوزارة زي هنا بالظبط و بعد كل ده ميجيش ناس يقولوا ان انتو ماتستهلوش تدخلو و الكلام الفاضي ده لان احنا تعبنا زي اللي دخل طب و هندسة بالظبط و مش معنى ان في حالات فردية من طلاب الشهادات المعادلة فشلة و بيسقطوا يبقى نعمم الكلام على الكل تحياتي و دمتم |
اقتباس:
وبعدين انت بتقول مامتكم فين مامتنا دي دة احنا بيطلع عينا عشان ندخل كلية عند مامتنا ومصاريف الكلية اكتر من مرتب اجدع دكتور دة مامتنا اتبرت من عيالها يبقى ازاي مش نقول عليها كدة |
اقتباس:
فعلا عندك حق مكنتش هعدي ال 60% ممكن اعرف انت جبت فيها كام؟؟؟ |
اقتباس:
يا حبيب قلبي انا مش بعمم لان التعميم عمي شوف يا فندم انا قلت واحد صحبي و انا مش بفتري علي حد كذبا بص من الاخر كده الف مبروك المهم تشد حيلك في الكليه عايزين تجادلوا بخصوص نظام التعليم اوك انما واحد يدخل يشتم في مصر و الطلبه اللي في مصر ده اللي مش اوك |
اقتباس:
|
اقتباس:
يا حبيبة رسول الله ايه اللي مش عجبك لازم تفرقي بين انك تحبي تراب البلد دي و انك تحبي اللي مسكين البلد رسول الله صلي الله الله عليه و سلم في الهجره و لولا ان اهلك اخرجوني منك ما خرجت حبي بلدك و سيبك مين اللي ماسكها بالنسبه للمصاريف فده تمام العدل لان مستوي التعليم عندنا افضل و ارقي من اي منطقه في الشرق الاوسط بالنسبه ل الاخ بتاع جامعة فيصل حضرتك ممكن تكمل هناك لو تحب و لتاني مره بقول مش عايز حد يشتم مصر ام الدنيا انا ادعي علي ابني و اكره اللي يقول امين |
اقتباس:
الحمد لله وحضرتك جايب 94% واحنا مش هنعدي 60% للدرجادي حضرتك عبقري؟؟؟ |
اقتباس:
لو هتنتاقش في نظام التعليم مش هنخلص لأن التعليم باظ سواء هنا او في اي بلد عربية تانية مش محتاجة كلام كل بلد وفيها مميزات التعليم وعيوبه على العموم الله يبارك فيك يا اينشتاين مصر والله انا بحسدك انك داخل علوم :) |
اقتباس:
وبعدين انا لما كنت في السعودية قسما بالله اي حد كان بيتكلم عن مصر او المصرين عمري ما كنت بسكت وخاصمت صحاب كتير بسبب الموضوع دة على الاقل عشان نفضل في نظرهم مصر بتاعت زمان |
اقتباس:
94 % معادله يعني 300% في مصر انت معندكش خلفيه و لا ايه يا تيمو |
اقتباس:
و انت ان شاء الله ناوي تدخل ايه اعتقد انك ممكن تكون في هندسه او علوم |
اقتباس:
خلاص يا حبيبه يبقي صافي يا لبن و بلاش بقه نشتم في ارض مصر اللي احنا عايشين عليها و الله يا جماعه البلد دي جميله بس نحبها حب بلدك متكرهاش حب ترابها و ارضها حب نيلها و القرب منها دي مصر يا اخوانا |
اقتباس:
انما ممكن طالب من الثانوية العامة هنا يكون جايب 100% بس مش فاهم اي حاجة ولو خليته يمتحن القدرات مش هيعدي فيها وممكن يسقط كمان انت لو تشوف درجات السعوديين في القدرات دي هتعرف احنا مستوانا كمصريين عامل ازاي الحمد لله المصريين بيتمتعوا بنسبة iq عالية بالنسبة لباقي دول الخليج سواء كانوا قاعدين فيها نفسها او براها كلنا احفاد الفراعنة اللي بنوا الاهرامات مش حكاية عبقري انما انا قصدي انك متقدرش تقول على واحد متفوق هنا ان مستوى ذكائه عالي والعكس صحيح الامتحان ده اسمه قدرات عشان كده بقول نظام التعليم في مصر مش صح السعودية دلوقتي بدأت تطبق انظمة اختبارات بحيث ميدخلش الجامعة الا واحد يقدر على دراستها انا شفت قبل كده احصائية هنا في المنتدى عن درجات طلبة هندسة عين شمس نصهم ساقطين ليه ؟؟ لأنهم من الآخر بيحفظوا المسائل ولما جت الامتحانات بتاعة 2008 كله اتصدم لأنها جت من خارج الكتاب !!!!!!! |
اقتباس:
بس انتم الي هجمتوا علينا مرة واحدة واتهمتونا ان المناهج سهلة دة كان زمان والله لكن من السنة دي النظام اتغير ولي دخل كلية قمة من هناك تاكد انه كان هيدخلها من هنا وفي الاول والخر احنا اخوات لاننا كلنا مصريييييييييييييييييين |
اقتباس:
ايه ده هو انت معندكش خلفية ؟؟؟؟؟ اقتباس:
|
اقتباس:
بالنسبه للناس اللي سقطه في هندسة عين شمس يسعدني اني اقلك يا فندم ان هندسة عين شمس من اصعب الجامعات و احسنها في الشرق الاوسط مع رفض فكرة التعميم ان الكل ساقط و مبيفهمش من ناحيه اخري احب اقول ان حياة الثانوي غير حباة الجامعه و مش شرط ان الطالب المتفوق في ثانوي يكون متفوق في الجامعه و لا نقول ان الفاشل في ثانوي اكيد فاشل في الكليه لا طبعا دي فكره غلط انا عايز ارد ع اللي بيقول اننا حفيظه و الكلام ده كله عايز اوضح نقطتين رقم واحد احنا عندنا امتحانات قدرات برده رقم اتنين في موضوع ممكن تشوفه في قسم كلية العلوم هنا فالمنتدي عايزك تشوف كم العلماء المصريين اللي في جميع انحاء العالم مش عايزك تقلل من قدر التعليم في مصر لانه مطلع علماء هزوا العالم كله و مش عايز ااقول اسماء لان الناس كلها عارفه ده و انصحك انك متقلش انا مفيش تعليم فمصر لانك بكده زي اللي بيقول الزمالك هياخد الدوري |
good bye kol el nas wana sa3eed eny etklmt m3akm salam w msh 3ayz 7ad ykon za3lan w ramadan kareem |
اقتباس:
2- انا هسألك سؤال وجاوبني بصراحة آخر عالم طلع كان من دفعة كام ؟؟؟ يعني مثلا شفت عالم خريج 2000 او عالم خريج 1995 كلهم من دفعات قديمة ايام ما كان مدرس المدرسة بيقف يشرح وعنده ضمير والطالب مش مضطر ياخد دروس ويروح يذاكر اللي عليه زي الناس العادية انما انت شايف ان الواحد لما يقعد ليل ونهار في السنترات ويرجع من الآخر ميت وميعرفش يذاكر يبقى ده تعليم احنا ممكن نطلع علماء لأننا اذكيا والحمد لله بس البلد مش مساعدة حد للأسف بس انا عاجبني اوي تشبيهك لنظام التعليم بفرق الدوري ههههههههههه |
اقتباس:
انا هعلق علي نقطه في منتهي الاهميه الاسماعيلي اللي هياخد الدوري |
اقتباس:
|
اقتباس:
نحن برازيل العرب !!!! |
يا جماعه الموضوع مش مستاهل اصلا
وكمان انتوا خرجتوا عن الموضوع الاساسي خاااااااااالص |
اقتباس:
هو ايه الموضوع الاساسي؟؟؟؟؟ |
Baaaaaaaaaaaaaaaack |
يا جماعة انا قريت كل المشاركات اللي في الموضوع
وهقولكم رأيي : انا بعتقد ان مش كل اللي جايين من بره اغبياء ومش فاهمين حاجه بالعكس في ناس كتير منهم بيتفوقوا وبيبقوا دكاتره ومهنديسين وانا اعرف وااحد جاي من السعودية من 10 سنيين ودخل طب القاهرة وكان كل سنة مش بيقل عن جيد جدا يعني التعليم هناك مش كوسة وبالنسبة للناس اللي خدو الثانوية من بره وانا واحد منهم احنا اهلنا مطلعوش بره من مزاجهم طلعوا عشان يجيبو لقمة العيش ليهم ولاولادهم وبالنسبة للجامعات فالجامعات في مصر بتطلع ناس نابغين في العلم وده كلام اكيد بس برضوا الجامعات اللي في الخليج امكانياتها تفوق الجامعات المصريه بمراحل ارجو ان تتقبلو رأيي :) |
2009 علماء مصريين
علماء مصريون يتوصلون لتحضير مشتقات كيميائية جديدة تعالج السرطان نجح فريق من الباحثين بكليتى الطب والعلوم بجامعة المنوفية ومعهد الهندسة الوراثية بفرع الجامعة بمدينة السادات فى "تخليق" مشتقات جديدة من مادة (الثاليدوميد) ذات فاعلية عالية فى وقف انتشار الخلايا السرطانية والقضاء عليها. وقام الفريق المكون من د.طارق عبدالرؤوف أستاذ الكيمياء الحيوية بمعهد الهندسة الوراثية بمدينة السادات، ود.مجدى زهران أستاذ الكيمياء العضوية بكلية العلوم ، ود.رحاب سمكة مدرس الباثولوجى بكلية الطب بإجراء تجارب معملية على الخلايا السرطانية أثبتت فاعلية المشتقات فى وقف انتشار هذه الخلايا ووقف نموها. وأوضح د.طارق عبدالرؤوف أن المرحلة الثانية من التجارب التى تم إجراؤها على حيوانات التجارب أكدت نتائج التجارب المعملية. واضاف: "اتضح من التجارب أن المشتقات الجديدة ذات كفاءة عالية كمضادات للأكسدة وتمنع تكون الأوعية الدموية المغذية للورم بما أدى إلى الاختفاء التام للأورام. |
الموضوع الاساسي هو عنوان الموضوع ده
|
اقتباس:
اللي مسافرين بره مش بيجيبوا لقمة العيش ليهم ولولادهم بس ده لمصر كمان !!!!!!!!!!! لأن احنا نعتبر مصدر من مصادر الدخل للبلد زي السياحة والتجارة ومصدر للعملة الصعبة "الدولار" اللي من غيرها منعرفش نستورد اي حاجة |
اقتباس:
والله .....................مكنتش اعرف |
اقتباس:
دي بقى الناس اللي فاهمة |
| جميع الأوقات بتوقيت GMT +2. الساعة الآن 12:48 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.