تمام
شكرااااااااااااااا على المشاركه

ليا سؤال واحد
عدد الاعضاء اللى دخلوا على الموضوع كتيير قوى
بس هى فيين مشاركتهم
المقصود من الموضوع ليس تحصيل نسبه مشاهده عاليه
ولكن تحصيل اكبر عدد ممكن من المشاركات
طبعا علشان نعرف رايكم ايه وعايزيين مين لرئاسه الجمهوريه
ياجماعه اللى يبدخل على الموضوع ياريت يقول رأيه
وشكرااااااااااا

على فكره دى اول مشاركه ليا فى المنتدى...
طبعا الموضوع ده قريبا على كل المنتديات والمواقع المحليه ووكالات الاعلام اليهوديه والغربيه..
بس ياريت الحكايه بالسهوله دى ...ترشح مين يا ـ ـ ـ ـ ـ ـ ..
بصراحه انا خايف على زعيمنا الجديد لانه جاى فى توقيت صعب ...كله مش عاجبه حاله والمزايدات بالجمله ..
ياريت يكون عنده خلفيه عسكريه وسياسيه زى ماحنا ماشيين من 1952
بصراحه ربنا يستر الفتره اللى جايه ......صدقونى ربنا يستر
تحياتى Dr MIDO

ياريت نخلع النظارة السوده لأنها تبرأ ت من فكرنا ولم تعد تتماشى مع الموضه التى سمحت للبعض بأن يعبث بأمن الملايين
نعم للتغيير - ولكن لا لجر الوطن إلى مالا يحمد عقباه- من أدراكم إذا نجح البرادعى ستدفن الفتن ؟!!!- من أدراكم إذا نجح أى معارض أخر بأن تهدأ الفتن؟!!!-- والبديهى إذا نجح جمال مبارك لم ولن تهدأ الفتن ؟!!!!
فهنيئا لكل من ساهم فى نشرالفتنه عقاب الخالق سبحانه وتعالى - الكل يتثعلب بأرائه - الكل يتجمل بسمه القاتل - الكل يتباهى بنزع حجر من جدار منزل يحمينا جميعا من احتياجنا لأقرب الناس إلينا وقد جربنا ومنعنا رغم فضلنا عليهم جميعا- فمصيبتنا جميعا فى أن يكون هذا مسعى بعض شباب هم كل الأمل - أكررها نعم للتغيير ولكن بفكر إبن البلد المصرى الحقيقى وليس بفكر من أتى من الخارج محملا بالكثير من الطموح والأوامر
ولاأقصد الدكتور البرادعى ولكن أن نفتش عن من عادوا من الخارج طمعا فى الانتخابات النيابيه رغم هروبهم من الخدمه العسكريه
وأيضا من يحمل جنسيات أخرى مع الجنسية المصرية _ وقناص الفرص ومحترفى المؤتمرات الصحفية والتى تسرق من الشباب كل انجازاتهم فالشباب للمظاهرات والضرب -وهم للمؤتمرات والشهره العالمية- هؤلاء لا يريدون إلا كرسى مرسى فتفضلوا وامنحوه إياه ونتقابل سويا فى حرب مشابهه لعاصفة الصحراءأوحرب أهليه لاقدر الله- الحزب الحاكم لا يتخطى 20
% من الشعب والمعارضه كلها لاتتعدى 5%فاحذروا الباقى فهم الأغلبيه ولن يسمح أحد هم أن يهدد مخلوق على وجه الأرض أمن هذا الوطن أويحاول عزل المسلم عن دينه الذى يعتبره دستور حياته بأراء وفكر غريب عنا - هذا رأيى وهذا بلد الجميع -ولننظر جميعا مسار هذا الموضوع فى كل المنتديات (الانتخابات الرئاسيه) من أين بدأ (حوار حر متحضروالكل يناصر من يشاء)وإلى أين أنتهى (تعصب للرأىولمن يناصر)- وربنا يلطف بينا------

شكرااااااااااااااا على مرورك
وربنا يستر
معاك حق

الاخ بلاك بلاك 66
فعلا عنده حق فى كل كلامه
وبشكرك على مرورك
وكلامك الجميل فى معناه
وربنا يستر

الاخ بلاك بلاك 66
لم ترد على سؤالى
ممكن الرد لو سمحت

بارك الله فيك __ وأعزك بفكرك المستنير
الموضوع بمجمله (الانتخابات الرئاسيه )
بدأنا الموضوع بمنا قشة الموضوع بتقبل وتحضر وفجأة تحول لطريق هدم لكل من يعارضنا (رجال دين -- تاريخ -- إنسانيه) وهذه هى الفتنه الدسيسه لتكسير العظام
ولو عايز تتأكد راجع برنامج كان على قناة (ون تفى) الساعة العاشرة مساءأمس الاربعاءخرج علينا أحد السادة يمتدح الإقطاعين وأيام الاقطاع واللى كان ياعينى الاقطاعى بيقعد مع الفلاحين على الأرض --- طيب ييجى واسمعه حكايات أهالينا وينزل فى بير السرايا الموجود إلى الان ويامه أهالينا باتوا فيه عقابا لهم على أتفه الأسباب -- لكن ليس هذا كله مهما سوى الدعاية لحزبه
وبيمتدح الحكم الملكى ويسىء لمن شارك فى ماسماه( الانقلاب) كما ذكرعام 1952-والزحف المرعب نحو إلغاء نسبة 50% عمال وفلاحين بدلا من تنظيمها وجعلها حقيقه يريدون إغراقها فى البحر لتعود السيطرة لأصحاب الجرافتات الشيك ويموت الفلاح فى حقله والعامل فى مصنعه والحكمه تقول مستحيل من يركب سيارة بملايين أن يشعر بأصحاب الملاليم ( طبعا عرفنا هما مين - ومن أى حزب )--- وفى الفقرة الثانية فى البرنامج حدثت مشادة كلاميه بين رموز الثقافه فى البلد -- يعنى ا لمثقفين ضاع منهم أيضا التحكم فى مشاعرهم رغم النعيم المرفهين فيه-فإذا جاء المال لابد وأن يتبعه السلطان- وهذا مادفعنا لكتابة هذه المشاركة
فأرجوتفهم الامر------------ ودعواتى لك بالتوفيق

اسف ما أخد بالى
خلاص انا قرأت كلامك مره ثانيه واخد بالى من الكلام
شكرااااااااا على مرورك

بارك الله فيك
انا بستمتع والله وانا بقرأ مشاركاتك
على كل المواضيع
مش ده بس
تجد كلامك مميز جدااااااااااااااا

تمام
بس احنا عايزين رئيس يعين الجدرين بكل ده

واحنا اصلاا بعد الي بنقوله ده كله

مفيش حد هنختاره هيكسب لان

ابو 99.9 هو شور الي هيكسب

لان المسئولين الي في بلدنا ضميرهم انعدم

في رعاية الله

فعلا احنا عايزيين رئيس
عنده المقومات اللى ذكرتيها
شكرااااااااااا لمرورك

تمام
فعلا احنا عايزيين رئيس فيه كل المقومات اللى انتى ذكرتيها
شكراااااااااا لمرورك
قى رعايه الله

شكرااااااااا على مشاركتكم جميعا

حاسس إنى قوى واقدر أغير كل الكون
ورب العزة دا إحساسى --------------
تقولوا عليه مغرور تقولوا عليه مجنون
برضه إنتم أهلى وناسى ---------------بنام من غير عشا بس بتنام العيون
وكروان الأمان فوق راسى------------
و هو دا حال الملايين من المصريين
ولايهمهم لعبة الكراسى--------------
هنا حبيت وهنا اتربيت وبهنا أفتخر
إن التراب ده مسقط راسى
وقرشناتى مش مكفيه ويعلم بيناالله
بس ولائى للبلد دى أساسى
وفى العالم ميت مكان أخرها اليونان
ماقدموا زى حلنا الافتراسى
---------------(وشكرا)

شكراااااااااااااا على المشاركه

سمعتوا مبارك فى عيد العمال وهو بيقول(انا الان اكثر عزما واشد قوةواصرارا) حد يفسرلى معنى الكلام ده ايه..الراجل ده مش ناوى يتهد بقى ولا ايه.................
كُلَّمـا حَـلَّ الظّـلامْ
جَـدّتي تَروي الأسـاطيـرَ لنَـا
حتّى نَنـامْ .
جَدَّتـي مُعجَبَـةٌ جِـدّاً
بإسلــوبِ النّظـام !

شكله كده مش ناوى يتهد
انا عن نفسى اتخنقت من بدرجه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!

ارشح الرئيس مبارك لانى لا أجد غيره قائد حكيم همه الاول مصلحة المصريين
إنسان حكيم هادىء الطباع ريفى بسيط احب أحاديثه وكلامه هو إذا وعد صدق فى وعده
إنسان صادق فى كل شىء على عكس صدام حسين الذى أضاع شعب العراق
صوتي مع سيادة الرئيس وربنا يعطيك الصحة وتخطى بينا لبر الآمان
الف سلامة يا ريس
على اسم مصر التاريخ يقدر يقول ما شاء
أنا مصر عندى أحب واجمل الاشياء

شكرااااااااااااا على رأيك
وطبعاااااااااااااا كل واحد حر فى اختياره
ولكن عن نفسى لا اتفق معكى تماما
ولكى جزيل الشكر

هل نكتفى بهذا القدر

السيد الرئيس القادم هو ( جمال محمد حسنى مبارك)
بدون نزاع

شكرا على الموضوع

الله يبارك لك أستاذه منى ------------------ توقيعك أفضل من حوارات الملايين الرافضين الزعلانين الغضبانين شويه منهم ونج شمال(المعارضين) وشويه منهم ونج يمين(المسيطرين) ------ وخط النص مع أبوتريكه مهمشين ومظلومين وفى الركن البعيد مركونين----- ياويل الاثنين من غضبة غلبان بيه مستهتارين --- وعلى مستقبله متراهنين--- وعلى كرسى العرش متصارعين --- وصدقونى أخرتكم على إيديه هتبقى طين طين طين ---- قولوا أمييييييييييين

بجد الى نعرفة أحسن من الى منعرفهوش
كفاية أنه رجل سلام وبيحب السلام وبيشجع السلام

شكرااااااااااااا على مشاركتكم جميعاااااااااااااا

ارشح السيد جمال مبارك لانه رجل ديمقراطى وانه ابن الرجل العظيم قائد اكتوبر السيد الرئيس محمد حسنى مبارك ادعى له الله بالشفاء (اسلام ابراهيم عبد السلام ) المنيا

انا يا جماعة في ثانية ثانوي يعني ما ينفعش اترشح لو يتعين وا
خطة لإصلاح مصر
1-إقامة مصانع لصهر المخلفات وتصنيع مادة أقوى من الصلب .
2-اخذ الصلب الناتج وإقامة جسر يوصل بين الإسكندرية والسودان وإقامة 12جسر عرضي متفرع على جوانبه .
3-إقامة 3 منشآت نووية للصنيع عالي الجودة والعلاج المعقد.
4-إقامة وكالة فضائية عالمية وتشغيل بها خريجون العلوم قسم علوم الفضاء.
5-إقامة مستشفيات تعالج الأمراض الخبيثة وتعيين بها أطباء قسم أورام.
6-إقامة 10مصانع لتصني الأجهزة الطبية المعقدة .
7-جعل التعليم عبر الانترنت المدرسي وتوسيع نطاق المعلومات المعرفية للطلاب .
8-إقامة منشأة ضخمة تعمل على توليد الكهرباء من خلال إقامة سخانات شمسية بالصحراء الغربية .
9-إقامة مجمع جامعات لتعليم النانو تكنولوجي والطب المتطور والزراعة عالية الجودة.
10-تخريج علماء قادرين على الاستكشاف الفضائي.

حد يعمل الخطة دي مصر هتبقى احسن من امريكا:

البلاد كانت زمان بلد ديموقراطية اي يحكم الشعب نفسه بنفسه ولكن الان مافيش ديموقراطية
وبعدين هي فين الديموقراطية دي يعني ممكن لو تعاطي احد الرجال الذين ينظمون حركة الانتخابات رشوة ممكن يزور في الانتخابات
يعني مهما تكتبوا احنا في بلدنا ليس لنا كلمة واللي عنده كلمة مفيدة يخبيها واللي ما عندهوش يسكت خالص
عملوا ايه في الناس اللي نافعين البلد
يعني واحد زي احمد زويل دة معاه نوبل ولو عملها في بلده كانت ستفشل لانها نجحت لانها في امريكا وكذلك البرادعي
حاصل علي نوبل دول اللي ممكن ينفعم البلد
وانا اذا خيروني اي الرجال اختار
احمد زويل
والبرادعي
و مصطفي بكري ( لانه بصراحة من الرجال المخلصون لبلدهم )

اولا شكرااااااااااا على المشاركه
بس ده لو حصل هتبقى كارثه

شكرااااااااااا على المشاركه
دائما متألق بكلامك

شكرااااااا على الكلام
اللى انا مش شايفه صح ابدااااااااااااا

شكراااااااااا على مشاركتك

بس هو ده ديمقراطى ياراجل اذاى وهو بيحكمنا بقانون الطوارىء بقاله 32 سنه

شكرااااااااا على المرور
نورت الموضوع

والله فعلا عندك حق فى كل كلامك
واتمنى ان لا يبقى الحال كما هو عليه

والله فعلا صح

والله لو انت هتعمل كده
هرشحك علطول
شكرااااا على المشاركه

شكرااااااااااا على مشاركتكم جميعاااااااااا

صحيت الفجر منهار .....اصل امى محضرتش الفطار.........قالتلى حبه انتظار ....لاجل ما يطلع النهار...... صلتلى ركعتين وختلى خمسه استغفار....معرفش ايه الى وزنى خلانى اقرأ الاخبار......غم ورشوه وظلم واحتكار...وقبض وحجز وسحل....بدون سابق انذار.....ايه مالك يا مصر...ليه غضب عليكى الجبار...حالتك بقت ضنك....والخواجه يبصلك بأحتقار.....واهلك بيقا حكيتهم يغنى عليها المزمار.....الى كنتى زمان ورده...دايره تلفت الانظار....وكل واحد ليه شمه....مش جرفه جزار.....انا سامع صوت امى...بينده بأستمرار...شكل البيض اتحرق...واللبن الى حيلتنا فار.... الله على دى اصطباحه.....ملناش نصيب فى الفطار......يالا انزل شوف يومك....بس اوعى تبدأ.....بعمار يا مصر عمار
........................كلامي..................... .................
متشائم شويةصح .......بس اعمل ايه م الهم
المهم يعني يجماعة الموضوع دة بديهي مصر محتاجة للتغيير والتغيير لف ع الناس كلها وجاى علينا باذن الله بس احنا نعديه م الكارتة ومصر هتبقى زي الفل,انا عارف انى لو اولت نرجع نفتخر اننا مصريين تاني بالخارج انا بقول بالخارج الدنيا هتقوم عليا ومش هتقعد بس فعلا انا مفتخر انى مصري جوة مصر لكن برة مصر i don't think so عشان جوة مصر اهه كلنا مصريين لكن برة مصر ده حاجة تانية وهو ده المهم لان برة هي دي المكانة الدولية.
فانا الصراحة مش شايف ان مصر ممكن يحكمها غير طبق(قانون دولي - حقوق انسان- مؤسسات منفصلة- قضاء مستقل- ديمقراطييييييييييييييييييييية- وطنية -ليبراليه- تعددية-الحرية - رؤية مستقبلية)ومحدش في نظري بيقدم الطبق ده غير مطعم البرادعي اما مطعم الريس فهنشمعهوله باذن الله..............

انت جامد بجد

الحدق يفهم
 

واله ما اعرف مين اللى مترشح

وكعمر ما هيجى حد ذى جمال عبدالناصر وانور السادات

شكرااااااااااااا على المشاركه
ونتمنى الاصلح ان يتولى المسئوليه

الله عليك الاصطباحه دى جامده جدااااا
شكراااااااا على مشاركتك

عندك حق والله
احنا المفروض ندعى ان حد كويس يمسك البلد دى

انا لا ارشح جمال محمد حسني مبارك
جمال محمد حسني مبارك سياسي ناجح جدا
جمال محمد حسني مبارك راس مالية والغاء لطبقة الفقراء
جمال محمد حسني مبارك تعليم امريكي غربي مباشر بدون تدشين او تمهيد = انهيار كامل في مؤسسات التعليم
جمال محمد حسني مبارك انعدام التغيير لان التوريث مش تغيير وابن الوز عوام
جمال محمد حسني مبارك مش اي حد تاني لان كلمة اى حد تاني تدل على الغيبية وعدم الموضوعية والغاء التفكير او كسل في التفكير وعدم النضج السياسي.
ارجو وضع اسباب موضوعية لحكاية البلد هتتملي دم هلال وصليب وللاا ايه عشان مفيش حاجة اسمها مناصرين الحزب الوطني كله لحس نعال
معذرة دى مناقشة

تمام كل الكلام اللى قولته
ايه اللى عاجبهم فى جمال ده اصلا مش كفايه علينا ابوه
هيبقى هو والزمن وابوه
ارجو الرد من العضو محمد عبد الحكم على هذا الكلام

جمال مبارك بكل المقاييس لا يصلح لرئاسه مصر
هل يختلف احد معى فى هذا الكلام

شئ طبيعي جمال مبارك لا يصلح لانه ببساطة صورة طبق الاصل للنظام الحالي فاين التغيير؟؟
فهو زي الطفل اللي مبيعرفش يسوق لان رجليه مش واصلة للدواسات اصلا