|
نحن أقصد ( جميع المتعاقدين ) معاكم بس حددوا اليوم والساعة والمكان عشان نتجمع كلنا ونبدأ نجهز نفسنا
ويا ريت كل واحد يحدد مكان محافظته عشان نعرف كام محافظة حتشترك معانا أنا من محافظة الأقصر وسوف أنبه جميع الأصدقاء بهذا الميعاد فى مدرستى وخارج مدرستى وربنا الموفق |
مشكلتنا بجد فى السلبية و الكسل و الخضوع
فعلا لازم يكون فيه إعلام اكتر من كده.................إزاى ؟ الشوارع أمام الوزارة ضيقة, و لا تكفى أعداداً كبيرة. لو كان العدد كبير نقف أمام مجمع التحرير. هنا الوزارة http://wikimapia.org/#lat=30.0365959&lon=31.236341&z=18&l=0&m=s&v=9 و هنا مجمع التحرير http://wikimapia.org/#lat=30.0432598&lon=31.2350321&z=18&l=0&m=s&v=9 |
لالالا
ضيقة ماشي كلنا امام الوزارة لو امام مجمع التحرير الامن والمرور مش هيسبونا |
طيب بالنسبة للمعلمين المساعدين اللي لسه مش امتحنوا اساسا الكادر احنا عقدنا 1/1/2009 وعاوزين نعرف هيعملوا فينا ايه واحنا معاكم
|
اقتباس:
|
الكل لازم يشارك لان الى هيجرى علينا هيجرى بالتالى على الى لسا هيدخل
|
ياخوفي يكون الناس بتتكلمبس وساعة الجد محدش يروح
اتمنى ان الكل يبقى راجل ويلتزم بكلمته دون اي هتافات خارجة عن القانون او اي شيء مخالف فقط المطالبة بالحقوق بأساليب محترمة تنم عن معلمين مصر |
معاكم بس استقرو على يوم وفى اى وقت معاكم
|
فكرة ممتازة بس يارب تتنفذ بجد ونكون كلنا ايد واحدة
وربنا معانا |
السادة الزملاء ارجو ان يكون كلامكم جاد و تحركاتكم جادة هذة المرة لان الصمت لن يفيد و لكم منى و من كافة المعلمين المثبتين كل التأييد لاننا فى النهاية معلمين سواء اساسى او متعاقد . ربنا معاكم بس اتفقوا على يوم محدد و بلاش الاختلاف.
|
و الله الصوت واصل للمسئولين..و لكنهم ودن من طين و التانية من عجين.... المطلوب هو فضح المسئولين... إحراج الحكومة أمام كل الرأى العام.
خبر ايه يا جماعة ده احنا اللى بنسير العملية التعليمية فى المحروسة كلها فكيف يعاملونا هكذا؟ |
الغربية كمان معاكم ححاول أوصل صوتكم للجميع وربنا معانا
|
شوفوا فيه ناس كتيرة مش بتستعمل الانترنت, فلازم احنا نكلم كل اصحابنا و نقنعهم بالفكرة.
و لازم انت نفسك زميلى و زميلتى من اعضاء المنتدى تكون مقتنع بالفكرة علشان تقدر تقنع غيرك بيها لانه خلاااااااااص طفح الكيل و لا يمكن ان نعمل بدون مرتب, هو 300 جنيه دولا هيأكلوا عيش حاف حتى!!؟ الموضوع عاوز شوية وعى و ثقافة التظاهر السلمى للاسف مش عند الشعب المصرى و قد يسخر منها, لكن صدقونى ما ضاع حق وراءه مطالب يا ناااااس أين المتعاقدين ده احنا عددنا أعتقد اكبر من جيش اسرائيل ؟ احنا معلمى مصر المحروسة. و ده أهم لينك http://www.facebook.com/group.php?gi...3357265&v=wall اضغط عليه و تعالى معانا فى وقفة المعلم المساعد 25 / 7 / 2010 أمام وزارة التربية و التعليم |
انا معاكم ونظم اعتصام فى طنطا
|
هو ده الكلام يارجاله . أنا من أسوان / إدارة دراو التعليمية . إن شاء الله أسوان كلها معاكم وأنا أولهم . بس المهم نكون جادين فى الموضوع . ولازم نبلغ جميع وسائل الاعلام المرئية والمقروءة بميعاد الوقفة 25 /7 . كفاية بقى ذل ومهانة . لازم ناخد كل حقوقنا فى بلدنا يإما يبقى ملناش عيش فى البلد دى وندور على غيرها احسن . ومحدش يخاف لان احنا صلب العملية التعليمية ومن غيرنا التعليم هيوقف والمدارس ستصبح خاوية . لان جميع المدارس على مستو الجمهورية أغلبها متعاقدين . وربنا معانا. والله المستعان. وعلى بركة الله سنتوكل . وياريت نبقى ايد واحده . وارجو التواصل للاتفاق على جميع التفاصيل.
|
أنا معكم وكل محافظة بنى سويف وهو ده اللى كان لازم يحصل من زمان
|
ادخل هنا و تواصل براحتك مع ابناء محافظتك فى تبويب نقاشات
http://www.facebook.com/group.php?gi...13357265&v=wal و المهم نكون كلنا امام الوزارة الساعة 12 او حتى بعد اذان الظهر |
والله العظيم يا جماعة هو ده الكلام الصح لان ما فيش حل غير بكده بس يا جماعة ربنا يبعد عننا المخذلين واللي مرتاحين ومبسوطين كده وفرحانين بشوية الدروس الخصوصية واللي عمالين بيلخبطوا الناس في ميعاد الوقفة ما خلاص يا جماعة اي وقت ينفع ومش لازم يناسب الكل المهم انه ثابت ما تلخبطوش الناس 25 / 7 وخلاص لأن يا جماعة ما حدش حيسأل فينا غير بكدة
|
فى انتظار اليوم الموعود ..... ان غدا لناظره قريب .....
|
[quote=مايكل10;2336900]معاكم بس استقرو على يوم وفى اى وقت معاكم[/
الميعاد 25/7 فى كل انحاء الجمهوريه بالنسبه للقاهره يكون امام الوزاره نفسها بالنسبه للمحافظات يكون امام مبنى المحافظ وليست المديريات لان المحافظ هو اللى هيستدعى وكيل الوزاره وكمان هيبلغ الوزير والدنيا تتقلب وياريت اى حد يعرف صحفيين فى اى جريده يبلغهم من الان عشان يغطوا الخبر |
يارب يكون في جدوى
|
كان عمى زمان يدخل مركز الشرطة و يقول: أنا مدرس
يقولوله : أى خدمة يا أستاذ اتفضل. النهاردة هيقولولك : ايه يا اخينا عاوز ايه |
ومعلمى الازهر امام مشيخه الازهر
|
هام جداً لو سمحتم المحافظات التالية قريبة جداً من القاهرة (المنوفية - القليوبية - الغربية - الجيزة - 6 أكتوبر - حلوان - بنى سويف و ممكن السويس و بعض مراكز محافظة البحيرة) كل السابقين هم كتلة كبيرة و رهيبة من المعلمين المساعدين و لازم يروحوا الوزارة فى القاهرةلانه وقفة الوزارة هى الاهم و عاوزين فيها عدد كبير جداً, لانه الاعلام ه...يكون مسلط عليها, حاولوا تروحوا ارجوكم لانه محدش هيديك حقك و انت نايم فى بيتك, و خد معاك كل زملائك و المتعاطفين معاك لانه العدد مهم جداً فى نشر هذه القضية. عاشت مصر. أبسط شئ ممكن نكسبه من هذه الوقفة هو عدم تجاهل الوزير لنا, فانتم تلاحظون تجاهله التام لقضايانا و أحوالنا رغم انه يظهر فى التليفزيون 7 مرات فى الاسبوع. كما انه يتكلم دائماً عن تقصيرنا و عدم انضباط المعلمين لقد شوه صورتنا أمام المجتمع دون ان يتكلم عن حقوقنا أبداً. لن نرضى بهذا الذل و لكن سنؤدى عملنا بمنتهى الاخلاص و الامانة مؤمنين بقيمة رسالتنا فى تنوير و اصلاح المجتمع كمعلمين و لكن دائماً مطالبين بالحصول على حقوقنا المادية و المعنوية لان حقنا هو حق مصر. لا تنسوا 25 / 7 / 2010 http://www.facebook.com/group.php?gi...3357265&v=wall |
هام
أهم موقع يجمعنا قبل ان نتجمع امام الوزارة و المحافظين هو الفيس بوك, لازم تتعب و تكون ايجابى, ادخل و اشترك معنا http://www.facebook.com/group.php?gid=133325813357265 |
البلد دى مش عاوزه الايسكت عن حقوا ويطالب بالقوه ولا يكون ضعيف ولا يضيع حق ورائه مطالب
|
يارب تكون خطوة مهمة ومحسوبة
|
ربنا يهدى كل المتعاقدين وميكسلوش وكل واحد يعتمد على غيره والاخر منلاقيش حد عامل اعتصام الا 20 واحد
ياريت الكل يشارك |
يا جماعة المعياد اهو الاعمى شايفه يوم 25/7 ايه الاختلاف
والله يخرب بيته ويترفد كمان اللى يستطيع يروح اليوم ده من المعلمين المساعدين وما يرحش |
القاهرة الاسكندرية القليوبية الغربية المنوفية الدقهلية كفر الشيخ دمياط البحيرة الشرقية الفيوم الجيزة بنى سويف المنيا
عليكم الدرك الاكبر فى الموضوع ده |
7/25
:stickjo4::stickjo4::stickjo4::stickjo4::stickjo4: :stickjo4::stickjo4: |
الزمان :25 / 7 / 2010
المكان: مدرسين محافظات (المنوفية - الشرقية - القليوبية - القاهرة - الجيزة - 6 اكتوبر - حلوان - بنى سويف - و المراكز الجنوبية من محافظة البحيرة) هؤلاء سيكونون أمام مبنى وزارة التربية و التعليم من شارع القصر العينى بالقاهرة. مدرسين الغربية طنطا و توابعها,, فيقومون بالتنسيق معاً و يتفقوا ماذا سيفعلون و كذلك السويس. باقى المحافظات البعيدة عن القاهرة سيكونون أمام مبنى المحافظ فى كل محافظة. من لا يحضر ما يرجعشى يبكى و يشتكى. http://www.facebook.com/group.php?gi...3357265&v=wall |
اقتباس:
اول ناس يا ريس |
مش عارف رجالة سوهاج فين
|
اهم شىء يجب ان يعرفه المجتمع و الراى العام فى كل مصر هو
كذب الحكومة فى ما يتعلق بتحسين اوضاع المعلم و الاهتمام بالعملية التعليمية فى المحروسة فيقف كل المجتمع و الراى العام بجانبنا. |
ان شاء الله وقفتكم ستكون مؤثرة يوم 25/7/2010 لأن مطالبكم شرعية ولايحاسب عليها واعلموا ان انتخابات مجلس الشعب قادمة والحكومة تعلم ان المعلمين لهم تأثير كبير على فئات كثيرة من الشعب ونحن لانطلب منهم شىء سوى حقوقنا الشرعية المهم ابلاغ جميع وسائل الاعلام لفضح المسئولين بالتربية والتعليم امام الرأى العام
|
اخر خبر والله اعلم
اخر خبر والله اعلم
زملائي كانوا في فرع الاكاديمية بالقاهرة يوم الاربعاء والمدير قال لهم ان الموضوع لجمع الورق حتي نأخذ الكادر لا للتعيين والله اعلم وياريت اللي عنده اخبار جديدة يقول |
ان شاء يوم 25\ 7
معاك ان شاء الله |
هام جداً لو سمحتم المحافظات التالية قريبة جداً من القاهرة (المنوفية - القليوبية - الغربية - الفيوم - الجيزة - 6 أكتوبر - حلوان - بنى سويف و ممكن السويس و بعض مراكز محافظة البحيرة) كل السابقين هم كتلة كبيرة و رهيبة من المعلمين المساعدين و لازم يروحوا الوزارة فى القاهرةلانه وقفة الوزارة هى الاهم و عاوزين فيها عدد كبير جداً, لانه الاعلام ه...يكون مسلط عليها, حاولوا تروحوا ارجوكم لانه محدش هيديك حقك و انت نايم فى بيتك, و خد معاك كل زملائك و المتعاطفين معاك لانه العدد مهم جداً فى نشر هذه القضية. عاشت مصر. أبسط شئ ممكن نكسبه من هذه الوقفة هو عدم تجاهل الوزير لنا, فانتم تلاحظون تجاهله التام لقضايانا و أحوالنا رغم انه يظهر فى التليفزيون 7 مرات فى الاسبوع. كما انه يتكلم دائماً عن تقصيرنا و عدم انضباط المعلمين لقد شوه صورتنا أمام المجتمع دون ان يتكلم عن حقوقنا أبداً. لن نرضى بهذا الذل و لكن سنؤدى عملنا بمنتهى الاخلاص و الامانة مؤمنين بقيمة رسالتنا فى تنوير و اصلاح المجتمع كمعلمين و لكن دائماً مطالبين بالحصول على حقوقنا المادية و المعنوية لان حقنا هو حق مصر. لا تنسوا 25 / 7 / 2010 http://www.facebook.com/group.php?gi...3357265&v=wall |
يا جماعة صدقونى كده مش هينفع. الناس بتدخل تقرا الكلام و مش هاين عليها حتى تقول راى او تشارك.
اتعبوا و حركوا الماوس و الكيبورد شوية و ساهموا معنا و انشروا الرابط ده http://www.facebook.com/group.php?gid=133325813357265 ارجوكم بلاش سلبية. و عددنا فى مجموعة الفيس بوك و مشاركتنا فيها هيحرك المياه الراكدة و يخلى المسئولين يعملوا لنا حساب. و لو وقفنا بقى أكيد هيكون لينا اعتبار كبير عند الحكومة. أما الفرجة من بعيد و انتظار قضاء الحكومة و قددرها فهذا استسلام و سكوت عن الحق. الحكومة ليست اله انها وكيلنا لتنظيم أمور الشعب و املاكه. شوية وعى أرجوكم. |
يا جماعه ده كلام سليم
لازم ميعاد محدد وواضح اوكى ياريت نعرفه |
اقتباس:
بس لو مش شفتك يوم 25/7 قدام مبنى المحافظ هيبقى يومك اسود معايا ياقمر |
بجد لو اتحدنا اكيد هنعمل حاجة شوفوا
http://www.masrawy.com/moraselon/Art...aspx?AID=57264 |
صح كلاااااااااااااااااااااااااااااااااااااااااااااااا ااااااااااااااااااااااااااااااااااااااااامك
|
إقلع غماك يا تور وارفض تلف.
إكسر تروس الساقية و اشتم وتف . قال : بس خطوة كمان .. وخطوة كمان. يا اوصل نهاية السكة يا البير تجف عجبى !!!!!!! صلاح جاهين |
التركيز كله حيكون امام الوزارة بالقاهرة مش عاوزين وقفات فردية امام المحافظات علشان التركيز من قبل الراى العام والاعلام
|
يا رب حد يسمعنا
|
وقفة المعلم المساعد 25/7/2010) هذا هو اسم الجروب الذى انشأه المعلمون المساعدون بالتربية والتعليم على موقع الفيس بوك والذى يدعون من خلاله لوقفة احتجاجية أمام وزارة التربية والتعليم للمطالبة بالتثبيت .
وكان المعلمون المساعدون بالتربية والتعليم قد دخلوا امتحان الكادر 20/11/2009 وبعد ظهور النتيجة طالب المعلمون بتطيق قانون الكادر( قانون 155 لعام 2007 ) عليهم والذى يعطيهم الحق فى التعين والذى يكفله لهم القانون بعد حصولهم على شهادة الصلاحية من الاكاديمية المهنية للمعلم وذلك باجتياز اختبار الكادروالحصول على الرخصة الدولية لقيادة الكمبيوتر icdl وتقديم تقارير مدير المدرسة والموجهين وبشرط الحصول على مؤهل تربوى ولكن بعد طول انتظار واعتقاد المعلمين ان تعينهم سيكون من 1/7/2010 لم يحدث شئ وتضاربت الاقوال حول تعين المعلمين المساعدين دون وجود تصريح رسمى من وزارة التربية والتعليم أو أى جهة مختصة بخصوص تعينهم مما دفعهم إلى تكوين هذا الجروب والدعوة الى الوقفة . |
يارب نكون على قد المسؤلية
|
التجمع افضل ان يكون كلة متركز امام الوزارة لأن المحافظات ليس لها اهمية من هذا الموضوع بل التاثير كلة سيكون امام الوزارة وعلى كل المعلمين المساعدين الاستعداد الكامل وان يكون مستعد لعدم ترك المكان الا بعد تلبية مطلبنا بالتعيين
|
| جميع الأوقات بتوقيت GMT +2. الساعة الآن 06:53 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.