أنا معاك أنه ظلم
ولكن ما باليد حيلة نظام عقيم ومضطرين نتابعه
لا تقلق
أخر التصريحات ذكرت أنه الوزير سيعلن نتيجة الثانوى العام مع موعد تنسيق الدبلومات وموعد تنسيق الشهادات المعادلة أيضاً
ومحتمل يكون كل هذا غداً إن شاء الله
بالتوفيق

دا بالنسبة لاعلان التنسيق بالنسبة لحد الكليات دا الى قلقنى اكتر وخصوصا ان مفيش اى اجتماع الى الان لنا فحضرتك مستنى منك خبر حد التنسيق للدبلومات المتقدمة تحديدا لدخول كلية التعدين او الهندسة وشكرا

أين دليل الجامعات والمعاهد الحكومية لطلبة الدبلومات
 

بسم الله الرحمن الرحيم

عرفونا بس حاجة ندخلها وتكون مضمونة حتي معاهد الحاسب الالي مش كلها كويسة

اية الموضة بتاعت دلوقتي ندخل اية بس ؟؟

% الحد الأدني لتنسيق الدبلومات الفنية الاثنين 19 يولية 2010
http://www.el-wasat.com/portal/News-55590682.html http://www.el-wasat.com/portal/uploa...kkk%5B1%5D.jpg ‏60 % الحد الأدني لتنسيق الدبلومات الفنية


بعد انتهاء مكتب تنسيق القبول بالجامعات الالكتروني من تلقي رغبات طلاب الثانوية العامة يبدأ خلال الأيام المقبلة الاعلان عن بدء تحرك قطار الدبلومات الفنية في جميع التخصصات بحد أدني‏60%‏ لتسجيل رغباتهم الكترونيا أيضا لأول مرة دون تسليم أوراقهم وملفاتهم إلي مكتب التنسيق الورقي‏
وأمام طلاب هذه الدفعة سنة الفراغ فرص للقبول في الجامعات ولكنها ليست كثيرة لضعف اعداد الطلاب المتفوقين الحاصلين علي مجاميع مرتفع مقارنة بالسنوات الأخيرة‏.‏
وتصبح المشكلة أمام طلاب هذه الدفعة البحث عن مكان في الجامعات وإن كانت الأماكن متوافرة بالمعاهد العليا الحكومية والخاصة والمتوسطة للحصول علي درجة البكالوريوس بسبب الانخفاض الحاد في مجاميع معظم الاطلاب في جميع التخصصات العلمية‏
وصرح السيد عبدالحميد سلامة الوكيل الأول بوزارة التعليم العالي والمشرف العام علي مكتب التنسيق بأن قواعد قبول الطلاب لم تتغير هذا العام وهي كما كانت من قبل وأن القبول الجغرافي والاقليمي مستمر خلال تنفيذ الطلاب لرغباتهم المختلفة حتي أنه ملزم تدوين أول رغبة في الجامعة التابعة لمحافظته أولا ثم تدوين باقي الرغبات في باقي الجامعات وفقا للقواعد والشروط الخاصة للقبول ونوعية التخصص تجاري أو صناعي أو زراعي أو غيره‏.‏
وسوف يتم تاجيل إعلان النتائج بعد تقدم طلاب الدبلومات الناجحين في الدور الثاني لضم نتائجهم ورغباتهم إلي باقي رغبات الطلاب الناجحين في الدور الأول لإعلان النتائج مرة واحدة وذلك مع نهاية أغسطس المقبل‏.‏

للأسف هذا ما وجدته خلال بحثى عن أى أخبار خاصة بموضوع تنسيق الدبلومات
لا زلت أتابع البحث وسأخبركم بأى شئ جديد




أتمنى ألا تحزنوا قد تكون مجرد أخبار جرايد (شو إعلامى فقط )

مع تمنياتى بالتوفيق

تنسيق الدبلومات الفنية
 

http://www.thanwya.com/vb/life/icons/news2.gifلاول مرة يتم تنسيق الدبلومات الفنية على الانترنت هذا العام
ترقبوا فتح الخدمة على الرابط
http://www.tansik.egypt.gov.eg/application/

شكراً لحضرتك
وسيتم ضم مشاركاتك للموضوع المثبت الخاص بالدبلومات الفنية

مشكككككككككككككككككككككككككككككككككككككككككككور علي الخبر

جزاك الله خيرا
واثابك الله خير الثواب

متشكر لحضرتك جدا النهاردة الاربعاء وبعدين لسه تنسيقنا مظهرش والحل ايه؟
موقع التنسيق لسه مفتحش ولسه محدش قال هيفتح امتى ومفيش اي اخبار عنه شىء غريب جدا...

حسبى الله ونعم الوكيل دا لو حد له ام حجه فى المعاهد او الدبلومات ودعت دعوه صغيره ربنا هيكرم وزير التعليم العالى ووزير التربيه والتعليم اخر كرم هيتظبطو احلى ظبط ازاى يعنى وفيه ظلم كمان ليه يعنى يخلو تنسيقنا كل سنة مرحلة واحده اشمعنى يعنى من حقنا مرحلتين دا حرام ده

استفسار هام جدا ارجوا المساعده
 

انا خلصت فى العام السابق 2008/2009 دبلو م ثانوى صناعى نظام ثلاث سنين

هل يجوز لى عمل تنسيق هذا العام

ارجو الافاده وشكرا

ياجماعه احترام التعليم الفنى غير موجود لاننا اولاد البطه السودا


وانا اول واحد طلب تغيير هذه الصوره والحمد لله على الاقل التجاره 5 سنوات اصبح لها مناهج والجاى اجمل

لاتحزنوا التنسيق اليوم او غدا مش مهم المهم الاستعداد

انا تقدمت الى اداره المدرسه خدمه للطلاب 5 سنوات بالزقازيق ادخال رغباتهم من خلال نت المدرسه

الحمد لله عندنا 60 جهاز واولادنا 95 طالب وارجو عميم هذه الخدمه لتغيير اننا طلاب الدرجه الثالثه

وانا على استعداد مع الزملاء لاى حاجه

طبعا ليك تقديم انتا والدفعة الى قبلك ويدوب تلحق تعمل معادله عشان تلحق كلية هندسة اسحب اثتمارة ب 40 جنية وقدم اوراقك فى كليه القاهره وذاكر كام ماده هتدخل هندسة بأذن الله

انا اعد بقالى اسبوع ادام الجهاز مستنى التنيق كل مرة يدونا امل ويرجعوا تانى فى كلامهم بخبر جديد قالوا الاول ان التنسيق بتعنا هينزل بعد ما تنسيق الثانوية هيفح وحدد اليوم والك 15 بالكتير رجعوا تانى قالو مع نهاية تنسيق الثانوية العامة بعد كدا الخمس ايام خلصوا رجع تانى الك بعد ظهور نتيجة تنسيق الثانوية فورا وخد بالك من فورا دي وانا من الساعة 10 الصبح والناس بتوع الثانوية الى بيقلك دخلت طب وهندسة وانا اعد اضغط f5 لما جالى ضغط من موضوع التنسيق ده مفييش التزام بقرارات ابدا :s حسبي الله ونعم الوكيل

يا جماعة انا عايز حد يفيدنى
انا جايب 67
طبعا مليش كليات
ليا معاهد
وعايز استفسر عن حاجة كمان
انا كنت ناوى على التعليم المفتوح
بس فى ناس قالولى
انه ما بياجلش جيش للدبلومات
هوة صح الكلام دة

ارجو الرد

اخر الاخبار ميعاد تنسيق الدبلومات الفنية الاحد يوم 25
 

امتحان موحد للطلاب الحاصلين على الثانوى الصناعى للقبول بكليات الهندسة
 

http://www.thanwyaonline.com/vb/images/icons/icon1.gif امتحان موحد للطلاب الحاصلين على الثانوى الصناعى للقبول بكليات الهندسة

الى قالك الكلام ده ضحك عليك بدام فى التعليم مفتوح او غير مفتوح جيشك هيتاجل كل الى عليك تعمل اثتمارة 2 جند وتجيب مايفيد انك على قيد التعليم من المعهد وتقدمه وكله تمام جيشك يتاجل زيك زى اى حد فى التعليم دا دستور وقوانين

والله محد يعرف شى اصلا مع ان فيه طلبه جايبين 85% ونفسهم وعباقره فى مجالات كتيره فلمازا لم ينشر فى التليفزيون او الجرائد الرسميه

انا عاوز اعرف هما لو قالوا تنسيقنا هيبقى امته هيبقى حرام مثلا ؟ انا نفسى افهم دلوقتى يعنى كل الاخوه الى فى ثانويه عامه خلصوا ولله الحمد وعرفوا نتيجتهم وقدموا تنسيقهم وظهرت نتيجه تنسيقهم وربنا يوفقهم جميعا انا بقى نفسى افهم هما يعنى ناسيين ان فى طلبه اسمهم طلبه الدبلومات الفنيه ؟؟؟؟


وانا من هذا المنطلق بفكر وزارة التعليم العالى لحسن يكونوا نسيوا ولا حاجه ( يا بشمهندسين ويا دكاتره طلبه الدبلومات لسه ماعملتوش تنسيقهم لحد دلوقتى مع ان نتيجتهم ظهرت قبل الثانوى العام ) ارحمونا يرحمكم الله

ممكن تشاركو

http://www.thanwya.com/vb/showthread.php?t=230404

جزاكم الله خيرا

قالوا ان التنسيق اخرتوا النهردة وبردوة لسة ما نزلش
يا جماعة هوة لغاية امتة هيبقى صوتنا مش مسموع كدة انا شايف
صوتنا هبقى مسموع لما نتخرس

السلام عليكم ورحمه الله وبركاته
انا عندى سؤال هو تخصص الخط العربى ملوش تنسيق
بس انا عارفه انه يعتبر دبلوم فنى فده بيكون ليه تنسيق زيو زى الدبلومات الفنيه ولا لاء
ارجو الرد فى اسرع وقت

شباب الدبلومات الحل هيكون ايه عملو التنسيق الكترونى ولسه برده بنستنى

فوكس أعلم أنك حزين ولكن رجاءً مراعاة ألفاظك
أخترتم بأنفسكم التعليم الفنى
رغم أنكم كنتم تستطيعون دخول الثانوى العام
تعلمون منذ قديم الأزل أن هناك للأسف تفرقة فى التعامل
ليس بيدنا ولا بيدكم أن تتغير
نحاول وتحاولون
لا نملك إلا الآنتظار
والحال ليس حالكم وحدكم
تنسيق الشهادات المعادلة لأبناء المصريين فى الخارج حتى الآن لم يحدد لها موعد معلوم
ولم يصدروا بشأنها أى قرار
رغم أنه كان معلن إنها يوم 20 يوليو وفيه ناس حجزت ونزلت
وزى ما بيقولوا إحنا بندفع 10 اضعاف الطلبة بمصر
(القصد رسوم التنسيق )
رجاء الصبر لأنه حتى لو بدأ التنسيق وانتهى لن تظهر نتيجة إلا بعد زملائكم طلاب الدور الثانى
لأن عددهم قليل ولا يستدعى فتح مرحلة خاصة اخرى
للأسف ظروف هذا العام وقلة عدد الطلاب هو السبب فى حالة التخبط التى تحدث




ضبط النفس
والقضاء بأمر الله هو الحل الذى لا نملك غيره


قلبى معكم
وبالتوفيق

الله ينور عليكى يا استاذة ام شاهندة

يا جماعه فعلا الفتره دى لازم نتوجه بالدعاء إلى المولى عز وجل بأنه يوفقنا ويكرمنا كلنا ونخش الكليات الى انا عاوزينها ونفوض امرنا لله سبحانه

وربنا يقدم الى فيه الخير لينا كلنا

انا من الضغط عليه بتكلم كده مش اكتر الصبر كتير وتصحيحا لمعلوماتك فى مصر كلها بيضحكو على طالب الاعدادى وهمينة ان الصناعى اسهل واحسن وانه هيوصلك للطريق الصح وكله كدب وكلام يعنى الغلط من التوجيه والتعليم نفسه عايزين يقللو عدد طلاب العام فهمتى حضرتك.
وحرصا على ان فعلا كلامى كان حقيقى قوى انا بعتزر وجارى التعديل

وربنا انا شويه وهتشل نفسى كده يتساوى كل الطلاب مش اكتر

فيه معهد معتمد وكويس ووزارة التعليم العالى هى اللى ماسكه بس هو خاص
المعهد العالى للعلوم الادارية بالقطامية محترم جدا والدكاترة اللى فيه من جامعة حلوان وورقك هيبقى من جامعة حلوان يعنى اكيد معتمد http://www.hims.edu.eg/ وبجد فى تنسيق الدبلومات مش هتلاقى حاجة حكومية كويسة المعهد ده ارخص معهد فى مصر 1500 جنيه ومحترم جدا وهيديك بكالريوس نظم معلومات ادارية
يعنى بكالريوس برمجة حاسب وبكالريوس تجارة فى بكالريوس واحد

يا جماعة الموقع مش عايز يفتح عندى
هوة التنسيق اتفتح ولا اية
حد يفدنى
ارجو الرد

الموقع شغال
ولا جديد
ربنا معاكم ويصبركم

حضرتك يا استاذه ام شاهنده انا سمعت النهارده ان ممكن تنسيق الدبلومات المتقدمة يرتفع ايه رايك فى الكلام ده وايه حكاية ان نتيجتنا هتستنى لما الملاحق الدبلومات تخلص مش فاهم؟ الكلام ده معناه ان نتيجتنا هتكون فى اغسطس..
وحضرتك تنسيقنا لسه مفتحش حضرتك كنتى ذكرتى انه هيفتح قى غضون يومين عدا اكتر من 3 ايام ولسه هو هيفتح امتى بالظبط؟

ماهي فرص النجاح للدبلومات الفنيه في المسابقه المركزيه

انا تعبت امتى ياربى التنسيق تعبنا ده نحن مخلصين قبل الثانوى والثانوى نسقو قبلينا ايه التفرقه ديه ليه بنتعامل كده
ده حتى حرام

أعلن المجلس الأعلي للجامعات مواعيد امتحان المسابقة الموحدة للطلاب الحاصلين علي دبلوم المدارس الثانوية الفنية الصناعية شعبة ترميم آثار والثانوية الزراعية والتمريض والتجاري خريجي أعوام 2008. 2009. 2010 بحد أدني 70% من المجموع الكلي "عملي ونظري".
يلتحق الناجحون في هذا الامتحان بكليات الآثار والزراعة والتمريض والتجارة بالجامعات المصرية.
تحددت الفترة من 31 أغسطس حتي 2 سبتمبر لتقدم الحاصلين علي الثانوية الصناعية شعبة ترميم آثار مع عقد الامتحان في الفترة من 20 إلي 23 سبتمبر القادم.. وتقدم الطلبات إلي كلية الآثار جامعة القاهرة.
كما تحددت الفترة من أول أغسطس حتي 7 سبتمبر القادم لتقدم طلاب الثانوية الزراعية للامتحان في الفترة من 18 إلي 23 سبتمبر القادم.. وذلك في كلية الزراعة جامعة القاهرة.
أما الحاصلون علي دبلوم التمريض فيتقدمون إلي كلية التمريض جامعة القاهرة خلال الفترة من 1 إلي 15 أغسطس القادم ليعقد الامتحان في الفترة من 13 إلي 16 سبتمبر.
وتحددت الفترة من 25 يوليو الحالي حتي 5 أغسطس القادم لتقديم طلبات الحاصلين علي الثانوية التجارية بكلية التجارة جامعة القاهرة ليعقد الامتحان في الفترة من 22 إلي 25 أغسطس القادم..وللطالب الحق في التقدم بفرصتين متتاليتين فقط بدءا من عام الحصول علي الثانوية الفنية أو العام التالي عليه.
أما امتحان المسابقة المركزية فيعقد لخريجي المعاهد الفنية نظام السنتين بعد الثانوية والمدارس الفنية المتقدمة نظام 5 سنوات بعد الإعدادية التجارية والصناعية والزراعية والتجارية شعبة القانون خريجي أعوام 2008. 2009. .2010
يؤدي الحاصلون علي دبلوم المدارس التجارية الامتحان في مواد رياضة ودراسات تجارية باللغة الانجليزية وإدارة أعمال ومحاسبة بكلية التجارة جامعة القاهرة خلال الفترة من 29 أغسطس حتي أول سبتمبر القادمين.
أما الحاصلون علي دبلوم المدارس الصناعية فيؤدون الامتحان في مواد رياضة عامة. والاحتمالات والميكانيكا. ورياضة خاصة التفاضل والتكامل والجبر الخطي وذلك خلال الفترة من 22 حتي 25 أغسطس.
وتحددت الفترة من 22 إلي 24 اغسطس لامتحانات الحاصلين علي الدبلوم الزراعي في الكيمياء واللغة الانجليزية والأحياء وذلك بكلية الزراعة جامعة عين شمس.
أما الحاصلون علي دبلوم المدارس التجارية شعبة قانون للالتحاق بحقوق عين شمس فيؤدون الامتحانات في مواد مبادئ مدخل العلوم القانونية ومبادئ القانون الدستوري واحدي اللغتين الانجليزية أو الفرنسية خلال الفترة من 22 حتي 24 اغسطس القادم.
تقدم طلبات هؤلاء الطلاب اعتبارا من يوم الأحد 25 يوليه حتي الاثنين 9 اغسطس القادم مقابل سداد رسم 125 جنيها ومعهم اصل شهادة التخرج وصورة منها وصورة من البطاقة الشخصية وصورتان شخصيتان.


http://www.algomhuria.net.eg/algomhu...s/detail00.asp

لا أعتقد أنه ممكن يرتفع
يرتفع ليه ؟
وعلى أى أساس ؟
إذا كان الثانوى العام نزل
- فعلاً أعلنت الصحف أن نتيجة التنسيق ستكون بعد أداء الدور الثانى للدبلومات وإلحاقهم بالتنسيق
- وكلامى عن موعد تنسيقكم كان بناءً على ما ذكر من أنه سيفتح بعد ظهور نتيجة الثانوية العامة ولكن تم تأجيله
لمتى ؟
الله أعلم

الى كل طلاب الدبلوم التجارى 5 سنوات

الطلبه التى حصلت على اقل من 75% جميع الشعب

بشرى انك تدخل سنه ثانيه بمصروفات زهيده ومضمونه وضمن التنسيق

الاخت ام شاهنده هل من حقى كتابه اسم المعهد العالى ومصروفاته ام لا

الرجا الرد وانا تحت امركم