مفييييييييييييييييييييش اي اخبار خالص ...الواحد زهق والله

حد موجود من الشهادات المعادله دلوقت

ياعم احنا هيركنونا للخر زي كل سنه

انا متابعة الاخبار خبر خبر (طبعا ع النت)
وشوفت الخبر دا ويمكن يكون حقيقة والله اعلم بردو (مهو مبقاش في حاجة ثابتة اصلا)
المهم انا ماقراتش قوانين المنتدى بس انا بجد تعبت جدا ونفسيتي تعبت من كتر التفكير وانتظاري للموعد الحقيقي للتنسيق
ف لقيت الخبر دا ومعرفش بردو لو صح ولا غلط بس اهو نكون متابعين بردو
ولو الادارة شايفة ان المشاركة دي مخالفة لقوانين المنتدى اتمنى تتحذف (لو مخالفة :d)
الخبر من جريدة الراية (والله اعلم بالحقيقة)


الأسبوع المقبل فتح باب قبول الشهادات العربية والأجنبية بالجامعات المصرية

http://www.raya.com/site/images/spacer.gifالقاهرة- الراية - أبوالسعود محمد :
قرر مكتب تنسيق القبول بالجامعات والمعاهد المصرية فتح باب قبول تنسيق طلاب الشهادات المعادلة العربية والأجنبية الأسبوع المقبل.
وقال عبدالحميد سلامة وكيل أول وزارة التعليم العالي والمشرف على التنسيق، أن المكتب قرر فتح باب القبول خلال الأيام القليلة المقبلة على ألا تتأخر عن 30 يوليو.
وأضاف سلامة أن طلاب الشهادات المعادلة لن يتأثروا بـ»سنة الفراغ« المصرية التي لم يتعد الطلاب الناجحون فيها 35 ألف طالب، حيث سيحدد المكتب نسبة 5? من طلاب الشهادات المعادلة والأجنبية من عدد طلاب الثانوية العامة الملتحقين بالجامعات والمعاهد في السنوات الماضية وبذلك يكون عدد طلاب الشهادات المعادلة الذين سيلتحقون بالجامعات والمعاهد المصرية يقدر بحوالي 15 ألف طالب وطالبة، بينهم حوالي 10آلاف طالب من القسم الأدبي و5 آلاف طالب من القسم العلمي.

و دا المصدر:-
http://www.raya.com/site/topics/arti...&parent_id=122

ياريت يا جمااااااااعة بردو اللي عنده أي خبر جديد ومصدر موثوق منه يقولنا

انا اللي غايظني فى الخبر دا يا Eman_92 كلمة خلال الايام القليلة المقبلة على الا تتاخر عن 30 يوليو
يعنى الموضوع كدا فيه 8 ايام مجهولة محدش عارف اذا اه ولا لأ ودا ممكن يضيع ناس كتير
لان فى ناس حاجزة علي اخر شهر 7 على اساس انو التنسيق هايكون زي السنة اللي فاتت ويبدأ يوم 10 \8 يعنى ناس كتير ممكن يفوتها التنسيق

ومعلش هو ال15الف طالب دول اللى هايتقبلوا دول كدا اكتر ولا اقل من السنين اللى فاتت لان بجد مش عارف ؟

نفسي اعرف ليه التوهان اللى هما متوهينه لينا دا هو احنا مش مصريين برضو لا ايه

يعنى بجد هم لو حددوا المعاد وبعدين بدأوا بعديه حتى دا يبقى عيب ولا حرام
هانقول ايه
ربنا يسامحهم
وشكرا ليكي يا Eman_92 على الخبر وفى انتظار تأكيدات اخري

انا اللي غيظني بقي ان مفيش اي حد مسؤول يطلع يفهمنا بالظبط ايه النظام ولا اي حاجه هو كدة شكلها مش هتظهر الا علي شهر تسعه زي كل سنه

يا varios لو طلعت النتيجة على شهر 9 مش مهم المهم اننا نعرف احنا هانبتدي نقدم امتى
يعنى انا قى رأيي اننا نقدم الورق ونضمن اننا بقينا فى التنسيق وبعد كدا نسيب النتيجة على ربنا
طلعت بقى نص 8 او اخره او حتى اول 9 مش مشكلة اوي

الخوف بس انو درجات التنسيق بتاعنا تتنها فى العالي زي كل سنة ويبقى بيقبلوا من هنا من الكويت مثلا طب من 98 ويبقى هم خدوه من مصر ب 94
لان فعلا دا يبقى ظلم بين ومش بعيد ناس كتير ترفع قضايا وانا اولهم

العفو اسلام
معلش فاريوس (مانت عارف مصر :d)
في حاجة كمان بردو من بعض الاخبار اللي قرأتها بس كان يوم 28-6 تقريبا
خبر بيقول ان التنسيق بتاعنا هيكون بدري اسبوعين عن السنة الي فاتت
(السنة اللي فاتت كان 15-8)
ولو بدري اسبوعين يبقى لازم يكون بداية 8 يعني (1-8)
والله انا بجد تعبت بس بردو خلينا مع الجديد ..
وفي انتظار بردو اخبار جديدة تانية (ربنا معانا بجد ويعيننا)

لو الخبر بتاع ايمان دة صح يبقي هيجي يقولك التنسيق هيفضل زي كل سنه ...الله المستعان ...طيب حد يطلع يقول اي تصريح نعرف فيه احنا ع الخريطه السنه دي ولا لأ

الاخبار اللي في شهر سته دي كلها غيروها .....انا اخر حاجه سمعتها كان مصدفين مدير مكتب التنسيق باين علي قناه وقال تنسيقنا من 25/7 الي 1/8

والله لو كان دا صحيح يبقى كدا تمام
بس نفسي اقرا الكلمتين دول في جورنال واحد يوحد ربنا
الا كل الجرايد بتقول خلال الاسبوع القادم او اوئل الشهر القادم
اللى انا اعرفها انو اوائل الشهر القادم دي اللى هي يوم الحد اللى بعد اللى جي هايكون يوم 1\8

ربنا يرحمنا بجد ونقدم ورقنا ونطمن عليه كلنا وكل واحد تجيله الكلية اللى نفسه فيها ان شاء الله

امييييييييييييييييين يارب........بس يارب الاول يخلصونا بقي ونقدم

طب هو حد عندة اي اخبار عن موضوع الدبلومات الفنية اللى بيقولوا عليها دي
لان اللى انا قريته هنا فى المنتدي اننا بعدهم بكام يوم
فهل بعدهم دي معناهابعد مايعلنوا النتيجة ولا بعد ما يخلصوا تقديم بس

المشكله بقي ان بتوع الدبلومات الفنيه في نفس الحيرة بتاعتنا دي محدش عارف حاجه

الخبر السابق قد يكون توقعات وقد يكون حقيقي ولكن ليس له مرجع موثق ، الخبر الصادق دائما تجده مكرر في أكثر من جريدة وأكثر من موقع علي النت
ولكن مع بحثي للنت علي مستوي الشمول لم أجد هذا الكلام إلا في الراية فقط والراية في الدوحة ... ولم يتردد
وعامة نحن في انتظار الجديد

طيب بجد كده ياعني لحد النهارده مش هنبى عرفين حاجه بجد عيب اوي من الي بيحصل ده بجد والله احنا مصرين يا جماعه محنش كفار لا سمح الله بجد شوفو الدول العربيه وانا في االسعوديه بجد كل حاجه بنظام لكن احنا سيبنا ليه كده ارجوكم قولو بقى الخبر الاكيد عشان الناس تنزل وتحجز وكل واحد يعرف ويبى كده انتو اخليتو مساليتكم لكن هتيجي قبلها بيوم وتقولو التنسيق بكره ده لو هوة ايه مش هيعرف يلاقي حجز علطول ومتنسوش ورانا توثيق شهاده ومش عرفين هتاخد ديه كمان يوم لو حد وثق ياريت يقول اخدت كام يوم معاها ويارب النهارده حد ينزل الخبر الاكيد لي التنسيق يارب
والاخت الي بتقول انتو مش نزلتو ليه احب اقلها انا عندي ورق بخصوص الدوله بخلصو ولحد دلوقتي مخلصش ولو التنسيق هيبدء ولسه مخلصش همشي وامري لله نهائي مهو مش هضيع سنه من عمري واكيد الباقي بردو الي منزلش عندو ظروف ياعني مش هنقعد نوتر نفسنا من غير سبب وطلماا انتي فمصر حولي تعرفلنا خبر اكيد كوني خدمتينا

يا varios يا ريت تقولي اسم القناه وكان يوم ايه الي حصل فيها الكلام انو هيبدء يوم 25 ياريت

واسف اني طولت لكن سمحوني وحطو نفسكم مكاني وجازكم الله كل خير يارب

انا وجد الخبر في موقع اخر

كانت قناه الحياه......

ذكرنا موعد التنسيق كما ورد فى إحدى الجرائد وعلى لسان أحد المسئولين
ولكن ذكرتصحف اليوم أنه سيكون بعد تنسيق الدبلومات
أي أنه قد يؤجل عن 20/7
ولكنالأمور لم تتضح بدقة إلى الآن
بالنسبة لسؤال حضرتك عن الشرط رقم خمسة أعتقد أنه ضروري فى حالة وجود الطالب هنا
يعنى يكون يقدم بنفسه لأنه مش منطقي يطلب أصلجواز السفر لو مقدم التنسيق هو نائب عن الطالب لسفر الطالب
كيف يكون مسافروجواز سفره هنا ؟

عند بداية التنسيق مؤكد ستتضح كل تلك النقاط




اعتقد أنه مع بداية التنسيقنقدر نعرف شروط كل دولة على حدة
ومتوقع أن الرقم السري يتوفر على النت أيضاًكما حدث مع طلاب الثانوية العامة
وأعتقد أن التنسيق ممكن ينخفض لحاجة الكلياتإلى أعداد من الطلبة في ظل سنة الفراغ
حتى الآن لم تظهر نسب محددة ونتابعالأخبار
لأن التنسيق متوقع يكون من على النت من بوابة الحكومة بعد انتهاء تنسيقالدبلومات
الذي سيبدأ يوم الثلاثاء وينتهي بعدها ب5 أيام كما أوردت جريدةالجمهورية اليوم


بداية تنسيق المرحلة الأولي من الأربعاء 14/07/2010
انتهاء تنسيق المرحلة الأولي يوم الأحد 18/07/2010
الاثنين ----- أسرع نتيجة تنسيق للثانوية العامة ------
ابتداء المرحلة الثانية للدبلومات من الثلاثاء 20/07/2010
انتهاء المرحلة الثانية للدبلومات يوم السبت 24/07/2010
الأحد ------ نتيجة تنسيق الدبلومات -----------------------
الاثنين 26/07/2010 متوقع ميعاد الشهادات المعادلة إن لم يكن أول أغسطس
---------------------------------------------------------
17-07-2010
وصرح مصدر مسئول باللجنة العليا للتنسيق بان تنسيق الشهادات المعادلة يتم حالياالاستعداد له ومن المقرر أن يبدأ التنسيق الخاص بهذه الشهادات في الأسبوع الأخير من يوليو الحالي ويستمر حني إعلان جميع النتائج التي لم تعلن وفي مقدمتها الثانويةالانجليزية‏lgcse.

------------------------------------------------------------
الأهرام المسائي 20/07/2010
وأعلن بدء تنسيق الشهادات المعادلة قبل نهاية الشهر الحالي‏,‏ علي أن يطبق عليالجامعات قبول نفس الأعداد المقررة لكل شهادة في العام الماضي‏. ( د.هاني هلال وزير التعليم العالي )
---------------------------------


الأسبوع المقبل فتح باب قبول الشهادات العربية والأجنبية بالجامعات المصرية
تاريخ النشر: الأربعاء21/7/2010, تمام الساعة 06:40 صباحاً بالتوقيتالمحلي لمدينة الدوحة
القاهرة- الراية – أبو السعود محمد :
قرر مكتب تنسيق القبول بالجامعات والمعاهد المصرية فتح باب قبول تنسيق طلاب الشهادات المعادلة العربية والأجنبية الأسبوع المقبل.
وقال عبد الحميد سلامة وكيل أول وزارة التعليم العالي والمشرف على التنسيق، أن المكتب قرر فتح باب القبول خلال الأيام القليلة المقبلة على ألا تتأخر عن 30 يوليو.
وأضاف سلامة أن طلاب الشهادات المعادلة لن يتأثروا بـ»سنة الفراغ« المصرية التي لم يتعد الطلاب الناجحون فيها 35 ألف طالب، حيث سيحدد المكتب نسبة 5% من طلاب الشهادات المعادلة والأجنبية من عدد طلاب الثانوية العامة الملتحقين بالجامعات والمعاهد في السنوات الماضية وبذلك يكون عدد طلاب الشهادات المعادلة الذين سيلتحقون بالجامعات والمعاهد المصرية يقدر بحوالي 15 ألف طالب وطالبة، بينهم حوالي 10آلاف طالب من القسم الأدبي و5 آلاف طالب من القسم العلمي.
-------------------------------------------------------

بص هو في الغالب يوم 25/7 زي ما قال وكيل الوزارة المسؤول عن التنسيق ...........قولوا يا رب

طب بالذمة دا كلام
كل مصدر وبيقنتي من عنده
وكل جورنال بيقول كلام
وبعدين ايه حكاية الرقم السري اللي من على النت دا
مش هم قالوا انه هايبقى فى الملف اللى احنا( بنشتريه) ب 500 جنيه
ربنا يسامحهم كل يوم بكلام اغرب من اللى قبله وبيهدم كل اللى قبله
المهم هايرسوا علي ايه

وفي سؤال مهم
حد حاول يتصل بالرقم اللى هم حاطينه على موقع التنسيق ويحاول يعرف اي حاجة
انا حاولت اتصل من عندي بس مرضيش قالي الشبكات الاخري مشغولة
فلو ممكن حد يحاول ولووصل لحاجة يقولنا

أعتقد ان تنسيق الدبلومات الفنية هيكون قبل تنسيق الشهادات المعادلة ( حسب ما ذكر سلفا ) .... ثم يتبعها تنسيق الشهادات المعادلة ... والاعتقاد هدا يؤكده موقع الشهادات المعادلة بعد تنسيق الدبلومات الفنية في موقع التنسيق ...
http://www.tansik.egypt.gov.eg/application/

varios بليز في قناه الحياه برنامج ايه وكان يوم ايه عشان هبحث عليه وانزله هنه عشان كل واحد يشوفه ويقلي راي في الكلام ياريت تفتكري ولوسمحت اكلامك على الميل عشان الموضوع هنه مش مفتوح لي ردود كده وخلاص مفتوح للي عندي معلومه فا ممكن اكلامك هناك احسن ده

ماهو لو كدا زي مانتي بتقولي يا صفاء يبقى احنا لازم هانكون فى اول 8 زي ماتكتب قبل كدا لان الدبلومات دي حسب ماهو مكتوب هنا فى المنتدي هاتبتدي يوم 25 ولمدة 5ايام
لكن نرجع نلاقي انو فى الخبر اللى كتبته ايمان انه تنسيقنا هايبتدي فى موعد لايتعدي 30\7 معتقدش انهم يلحقوا يطلعوا نتيجة اي حد في يوم واحد
يبقى برضو انا اصدق مين
انا عايز حد يبقى الكلمة الاخيرة
باختصار لازم الوزير يطلع دا يقول يا جماعة الناس بتوع الشهادات المعادلة معادهم يوم كذا الساعة كذا
عشان كله يعرف يهدا ويستريح باله
ويتنشر دا في كل الوسائل الممكنة
مش في قناة واحدة زي اللى حصل مع السيد مدير التنسيق اللى طلع على قناة الحياة بس حسب ما varios قال

اليكم النبأ اليقين .... عسي أن يكون أخر كلام
تغير مواعيد التنسيق للمصرين..((بيان للمصرين))

بيان للجالية المصرية


1. مواعيد تنسيق الشهادات المعادلة بناء على الاتصال الأخير بسعادة أ. عبدالحميد سلامة رئيس قطاع التعليم اعتبارا من 1/8 وينتهي يوم 15/8/2010 في مكاتب التنسيق الثلاثة للشهادات المعادلة بالقاهرة – الإسكندرية – أسيوط.


2. الأوراق المطلوبة هي المعلن عنها على نوافذ مكتب التنسيق والملف الذي يشتريه الطالب، أما الأوراق المطلوبة من السعودية فهي:-
أ- شهادة السنتين ثانية وثالثة معتمدة من الإدارة التعليمية بالمملكة ثم التصديق عليها من القنصلية السعودية بمصر ثم الخارجية المصرية بمصر.
ب- شهادة الصف الثاني معتمدة من المدرسة وتقدم مع ا لملف لمراجعتها على مجموع الدرجات المدونة بشكل شامل في شهادة السنة الثالثة.
ج- شهادة ميلاد الطالب وشهادة حسن السير والسلوك وبقية الأوراق المسحوبة فى ملف المدرسة والصور الفوتوغرافية.
د- أما شهادة اختبار القدرات العامة فيكتفي الطالب بطبع نسخة لنفسه بالرقم السري وتقديمها لشباك التنسيق لمجرد الاسترشاد بها نظرا لوصول النتائج الكترونيا مع نسخة ورقية للمكتب بشكل مباشر من المركز الوطني للقياس والتقويم.
هـ - يقدم الطالب صورة من جواز سفره وجواز سفر ولى الأمر مع صورة من الإقامة لكل منهما بدون توثيق من الخارجية حيث إن رقم الإقامة مدون أصلا في شهادة القدرات وشهادة المدرسة، وقد تم إرسال التماس لرئيس مكتب التنسيق بالاكتفاء بجواز السفر والإقامة إلى حين استخراج الرقم القومي للطلاب الذين لم يتمكنوا من استخراجه.
3. الطريقة الحقيقية لحساب المعدلات والمجاميع للقبول:-
· تحذف المواد الدينية الخمسة من الحساب.
· يحسب مجموع المدرسة بمعدل 60 نقطة من حاصل ضرب درجة المدرسة ×60 ÷100= الدرجة من (60) .
· تحسب درجة القدرات العامة من 40 نقطة بمعنى، ضرب الدرجة ×40 ÷ 100= الدرجة من 40.
· يتم جمع درجة المدرسة مع درجة القدرات من 60%+40% للحصول على المجموع الاعتباري للطالب.
· لا يوجد تقديم لجامعة الأزهر بالثانوية السعودية سواء الشهادات العامة أو التحفيظ في أي من التخصصات ويقدم الطالب أوراقه للتنسيق العام في نفس المواعيد.
ويتم التنسيق على أساس التنافس الداخلي بين الطلاب وحدهم وبين الطالبات وحدهن دون تداخل أو تنافس مع طلاب الداخل بالوطن أو بقية الشهادات المعادلة وذلك طبقا للنسبة المرنة التي تحدث عنها سعادة المسئول عن التنسيق وكيل أول الوزارة رئيس قطاع التعليم..
نسألكم الدعاء ... أمانة
المصدر :
http://www.yzeeed.com/vb/showthread.php?t=105036

صفاء الكلام ده ياعني الاخير خلاص انتي نزلتي مصر ولا لسه لاني عايز اسالك شويت اساله

برنامج يحسب نسبتك المئويه ودرجتك من 410 الي حتخش بيها التنسيق باذن الله
أهم حاجة تدعولي ... نسألكم الدعاء
رابط تحميل البرنامج
http://www.mediafire.com/?nayxx69cv52dk2c

الف شكر يا صفاء على الخبر اللى يريح القلب دا
بس يارب يكون دا المعاد الاخير
ومانصحاش بكرا على معاد جديد او نفي للمعاد دا
لان دي بقت بجد حاجة متعبة جدا للاعصاب
و

الاستاذ / محمد سعد بلبل
أنا هنا في السعودية وباقي مانزلت مصر ومتوترة أكثر منكم وربنا يطمنا جميعا ويرضينا اللهم أمين ...

ولو نتكلم على الميل يكون احسن لو حبيتي لاني بس هسالك شويت اساله عشان توفيني بالاخبار علطول

اتفضل اسأل اللي تبغاه هنا ... احنا كلنا اخوات ... وعلشان الافادة تكون عامة للجميع ... ده اذا قدرت أفيد

الشكر لله يا استاذ / اسلام
أنا حاسه بمصداقية هذا الخبر ... مجرد احساس
ربنا يبصرنا وييسر لنا كل عسير جميعا ويرضينا ويرضي عنا اللهم أمين ....

شهاده حسن سير وسلوك انا هنه اختها ولما روحت اوثق قلي مش لاززم تتوثق لانك مش هتدخل هنه هل لو مش متوثقه هيبى فيه مشاكل
وتوثيق الشهاده بياخد اد ايه ويا ترا كل منطقه هنه في السعوديه الشهاده بيكون بتوثيق من اداره واحده ولا من الاداره الي تابع ليه انا ياعني من المدينه يبى من المدينه والباقي بيبو من الاداره الي تبعين ليه وفيه حاجه تانيه هتتوثق من هنه وخلاص هوة ده الخبر الاكيد ياعني اظبط الحجز عليه ولا في تغير
ولا كده خلاص انتي منين من السعوديه

موقع طباعة شهادة القدرات ( نتيجة الامتحان الأول - والثاني رجب 1431)
ولاحظ انك لازم تدخل رقم الاقامة وليس رقم الاشتراك
حاول تطبع النتيجتين ( الكلام للبنات )
وبالتوفيق ... ومصرة علي انكم تدعو لي ... نسألكم الدعاء
http://www.qeyas.com/Qdraat/Default.aspx

الطلبات المكتوبة علي لوحة في مكتب التنسيق في مصر الحبيبة :

1- استمارة النجاح مصدقة
2- شهادة الميلاد
3- عدد6صور شخصيه
4- صورة إقامة الطالبة
5- صورة جواز سفر الطالبة
6- صورة إقامة الوالد
7- صورة جواز سفر الوالد
8- طباعة نتيجة اختبار القدرات


نسألكم الدعاء .... هذه أمانة

شكرا يا صفاء وربنا يوفقنا كلنا يارب

اهلا بيك يا محمد انا كمان من قطر
زي مانت شايف عن موضوع التنسيق محدش عارف الوقت تحديدا وكل يومين يطلعولنا بتاريخ جديد للتنسيق
بس صفاء جابت اخر خبر وهو ان التنسيق هيكون من يوم (1-8) لغاية (15-8) وبردو لو قرأت الموضوع من البداية هتلاقي ان في بنت بتقول انها نزلت مصر و بتقول ان رئيس مكتب التنسيق قال انه لازم الطالب شخصيا يروح بنفسه علشان الورق
بس موضوع النسبة دي مش عارفة والله ..

وبردو يا جماعة خليكوا متابعين واللي عنده جديد يفيدنا

أيوة كدا
ربنا معاكم
أنتم أقدر على إفادة بعضكم البعض
وطبعاً نحن مستعدون لتقديم أى خدمة نقدر عليها



شكراً لكل من ساهم بمعلومة فى مساعدة الآخرين
وللأسف فيه تضارب شديد فى الأخبار والتصريحات هنا


ومفيش مخالفة ولا حاجة يا لإيمى
ما دمتى ذكرتى مصدر الخبر
إذن لا مشكلة


ربنا يوفقكم جميعاً
وبإذن الله تنوروا مصر وتدخلوا الكليات التى تتمنون

تحياتى

الف شكر

الف شكر

الشكر لله
بالنسبة لنتيجة القدرات اطبع الاثنين عادي ، و أن الدرجات موجودة في مكتب التنسيق بمصر الخاصة بالقدرات
ولكن اطبعها لتكون مستند لديك فقط ، و أن أعلي درجة هي التي يؤخذ بها ....

شهادة ميلاد مميكنة ( من الحاسب ) وانت واقف تأخذها ( من مصر طبعاً) ولا تأخذ وقت ....
أنا كلمت أخي في مصر عملها وأعطاني منها الرقم القومي عادي جدا لا تقلق ...
نسألكم الدعاء ...

طمأنتيني بخصوص اختبار القدرات، طمأنكِ الله.

من أين بالضبط تُستخرج هذه الشهادة؟

وفقكِ الله لكل خير.

عندما كتبتِ باستحسان طباعة نتيجتي الاختبارين، دخلت عليّ عوامل الاستغراب، و اعتقدت أنه يتم احتساب متوسط الدرجتين، أو شيء آخر غير أفضل درجة، الأمر الذي كان ليؤثر ضرراً على مجموعي الاعتباري.

يا خبر انهردة بفلوس بكرة يبقى ببلاش