السلام عليكم
يا جماعه انا خلص السنادي والحمد لله دبلوم ثلاث سنوات وجبت 78قسم كهرباء وانا أمبارح روحت جامعه جبت كارت خدش وحاولت ادخل من عندي في بيت علي نت ودخلت علي موقع وفي صفحه ادخال البيانات عشان أحصل علي رقم دخول وسري يقول في خط في بيانات وهل في كليات هتقبل مجموعي وشكرآ

ادخل على النت من انترنت اكسبلولر مش فاير فوكس
وستجد الموقع تقبل البيانات
إن شاء الله

وبإذن الله ستجد الكليات المتاحة لك على حسب التخصص والمجموع ظاهرة فى الرغبات
بالتوفيق

طبعاً فيه أمل
والأمل فى وجه الله خير
توكل على الله وابقى فرحنى لما تظهر نتيجة التنسيق
إن شاء الله

:)ربنا يطمن حضرتك يا أستاذة ام شاهندة فى الدنيا والاخرة ويرزقكِ الفردوس الاعلى اللهم آمين

أزيك يااستاذه أم شاهندة يارب دايمآ تكوني بخير ،انا دخلت وقبل الموقع والحمد لله
ودي الرغبات الي متاحه ليا
1_معهد فني صحي.
2‏_معهد عالي هندسة.
3‏_معهد عالي حاسب ونظم.
4‏_جامعه عمالية تكنولوجيا
5‏_معهد فني صناعي.
6‏_معهد البصريات.
7‏_معهد فني مواد بناء.
8‏_معهد عالي تجاري
9‏_فني منشأت بحرية.
10‏_معهد فنون تطبيقية.
11‏ ‏_معهد ترميم أثار بالاقصر.
12‏_معهد عالي نظم علوم ادارية.
وانا في محافظه قنا ومش عاوز ادخل حاجه في تجارة ولو حضرتكوا تعرفوا معهدعالي حكومي ابقوا قوليلي وانا بصراحه مش عارف هكتب أيه اناسجت زغبات بس أي حاجه عشان اكون سجلت وبعد كده أعدل رغباتي بعد مشاوره.

اختار الأقرب لك ويتفق مع ميولك
لازم يكون عندك هدف ونفسك تكون إيه ؟
يعنى نفسك فى هندسة ولا غاوى كمبيوتر وحاسب ألى
ولا تفضل الأثار (على إعتبار أنك فى قنا والمعهد موجود فى الأقصر)

http://www.thanwya.com/vb/showthread.php?t=235239

رابط الموضوع ده ممكن يساعدك فى معرفة الخاص من الحكومى
حسب شعبتك وتخصصك
بالتوفيق

انا ناوي ادخل كلية التعليم الصناعي جامعه سوهاج فهل ده حكومي ومدته أربع سنين وأيه فرق بينه وبين ك.ت.فني صناعي بقنا وبجد شكرآ ليكم بس ضروري أعرف وهل دا كويس ولا فيه افضل منه بنسبه للشغل أه قبل منسي هو مين الي بيطلع مدرس ثانوي صنايع.

الله يعطيكم العافية

لو سمحتم معهد فني تجاري ببني سويف
قبل من كام

ارجو الرد سريعا

لو حضرتك يتسأل عشان تنسيق الدبلوم
لا يعرف حتى الآن هو قبل من كام ؟
النتيجة بنعرفها مع ظهور نتيجة التنسيق
اما لو بتسأل عن الثانوية العامة فممكن تعرف بالرجوع للحدود الدنيا للكليات والمعاهد بتنسيق 2010

ممكن اعرف في معاهد هتقبل دبلوم صناعي 3 سنين من 50% لوسمحتم لو حد يعرف يكتبلي اية هم المعاهم وبجد مش هنسى لة الخدمة دي طول عمرى

بص يا اخى هو الى اعرفه ان التنسيق للثلاث سنوات بدأ من مجموع 60 % فانت توكل على الله وشوف المعاهد العليا الخاصه

وده دليل القبول بالكليات والمعاهد للدبلومات ومعاه دليل المعاهد الخاصه

http://www.tansik.egypt.gov.eg/tAppl...niDalil/Index1

وده دليل المعاهد الخاصه ( بيديلك معلومات عن كل معهد متاح والمصروفات الدراسيه بتاعته )

http://www.tansik.egypt.gov.eg/tAppl...el/index2.aspx

الاخ فيفا جول ابدأ بهذا المعهد لانه المستقبل لك ان شاء الله

معهد ترميم أثار بالاقصر.

حضرتك تعرف هذا المعهد وده 4سنين ولا سنتين وهل افضل من كلية تعليم صناعي جامعه سوهاج وشكرآ يا جماعه ضروري أعرف رأيك ولاستاذة أم شاهندة أيه رأي حضرتك.

ده رابط خاص بالمعهد
http://michaelmim.blogspot.com/




وهذا خبر وجدته بالبحث عن المعهد





مدة الدراسة به سنتان وهو تابع للوزارة
http://www.tansik.egypt.gov.eg/tAppl...iDalil/3-4.htm



بالتوفيق

كلية تعليم صناعي تعتبر اعلي حاجة بالنسبة للدبلومات الصناعية حطها في اول الرغبات لولا بعد المسافة بيني وبين بني سويف وسوهاج والسويس كنت حطيطهم عندي لكن انا اختارت مجمع التكنولوجيا المتكاملة بالاميرية ويارب ادخلة ولو مدخلتوش هدخل حاسب الي خاص وامري الي الله

شكراً على النصيحة أيها العميل السرى
(على فكرة هو أنت عميل لمين بالظبط )

ربنا يوفقكم جميعاً

العفو يا استاذتنا

واعذريني مقدرش ابين مصادري لانها سرية:d

وربنا يوفقنا جميعا ً اللهم آمين

انا حطيت أول رغبه كلية تعليم صناعي وتاني رغبه محتار بين ثلاثه معهد فني صناعي ومعهد فني ترميم أثار وفي ناس بتقول ان السنتين في أي معهد كأني معملتش حاجه وكنت عاوز أعرف هل كلية تعليم صناعي ممكن ادخلها بمجموع 78في مية وشكرآ وسنة الي فاتت خدت من كام.

حط الرغبات كليات تعليم صناعي

وبعديها معهد فني صناعي وتقدر تكمل بعد السنتين في الجامعة العمالية وبتدخل سنة تالتة والعمالية دي مصاريفها حوالي الفين جنية

وشوف اي حاجة حكومي عجباك حطها وارمي الخاص في الاخر وربنا يوفقك

يا جماعه انا عندى استفسار مهم جدا

انا ساكن فى محافظة القاهره وانا دبلوم صنايع خمس سنوات فنى اول ... كتبت رغباتى الاوليه كالاتى

1- هندسة القاهره
2- حلوان
3- عين شمس
4- المطريه
5- شبرا

هل هذا الترتيب صحيح بالنسبه للتوزيع الجغرافى ؟ وبعدين احنا بيتم ازاى اختيار برنامج التنسيق للكليه ؟ هل هو بيعتمد على المجموع بس ولا الكمبيوتر بيشوف الرغبات كلها ويحدد ازاى انا مش فاهم

وبعدين يا جماعه انا عاوز اعرف موضوع تقليل الاغتراب ده بيبقى ازاى ؟

وانا بعد ما كتبت كليات الهندسه كلها كتبت التربيه وبعد كده مش عارف اكتب ايه

يعنى فى حاجه اسمها تربيه نوعيه ؟ دى كليه حلوه ولا تعبانه وبيدرسوا فيها ايه ؟ وبرضو كليه التعليم الصناعى دى ايه ظروفها ؟

بالتوفيق
وربنا معاكم جميعاً

جزاكى الله عنا خير الجزاء يا استاذة ام شاهندة انا استفدت جدا من اجابة حضرتك على سؤال الاخBellsh

بس أنا يا استاذة ام شاهندة من محافظة القاهرة وكتبت اول رغبة هندسة بترول وتعدين جامعة السويس ومظهرليش الرسالة المكتوب فيها خطأ فى التوزيع الجغرافى مش عارف ليه ؟

اولا بشكر حضرتك جدا جدا يا استاذتنا الغاليه وربنا يجعلك سبب فى فرحتنا الكبيره ان شاء الله عشان انتى بجد بتتعبى معانا جامد اوى ربنا يجعله فى ميزان حسناتك ان شاء الله

بس انا ليه كمان شويه استفسارات

يعنى مثلا حضرتك ذكرتى ان الكمبيوتر بيطلعلى رساله خطأ لو انا كتبت حاجه غلط فى التوزيع الجغرافى . طيب انا دلوقتى ظهرلى كليات أ - ب - ج ولما قريت شروط التوزيع الجغرافى طبعا حطيت كليات (أ) كلها الاول وبعدين دخلت على (ب) لقيتها هندسة الفيوم هيه الوحيده الى تقع تحت نطاق (ب) ماحطيتهاش كرغبه بعد كده دخلت بقى على القطاع (ج) ورصيت كل كليات الهندسى الى تتبعه ....

هنا بقى السؤال : الكمبيوتر لما هيجى يختار مثلا ولقانى لا قدر الله مجموعى مش جايبلى اى حاجه من المجموعه ( أ ) هيخش طبعا على المجموعه (ب) وانا مش كاتبها فهل هيروح داخل على المجموعه ( ج) على طول ويختارلى منها ولا هيخش على كليه تانيه زى تربيه ويوشف توزيعها الجغرافى قريب فيخترهالى ؟ انا خايف يعمل كده لانى نفسى فى هندسة حتى لو فى السودان

السؤال الثانى : هو انا ينفع احول من كليه جبهالى التنسيق مثلا هندسة قنا وانا عاوز ارجع القاهره ومجموعى مش جايب القاهره هل ينفع احول وهل ينفع اعمل تقليل الاغتراب ولا هو شرط المجموع ؟

ودى كمان انا مستغربلها لانه برضو جايبلى هندسة بترول وتعدين جامعة قناة السويس ولما حبيت اضيفها اضافت عادى خالص مع ان ده المفروض انه ضد التوزيع الجغرافى !


السؤال الاهم جدا جدا جدا يا استاذه ام شاهندة : -

هل معنى ان الكليه موجوده ضمن قائمه الرغبات وانا حطيتها واتكتب ان مجموعة جابلى الكليه دى وهل هيه طلعت رغبه مقبوله ؟ لان لو الكلام ده صح يبقى انا ان شاء الله العلى القدير هندسة القاهره على طول

ياجماعة انا جبت لابن خالي رقم الخول و السري من مكتب تنسيق بني سويف وكله تمام ودخلت علي النت وجلتله الرغبات و21 رغبه حكومي والباقي خاص بمصروفات وهوه جايب 77واتنين من عشرة قسم تبريد ثلاث سنوات

أنا عندى سؤال هو المعهد العالى تكنولوجيا بنها يعتبر من كليات الهندسة ولا احطة بعد كتابة كليات الهندسة كلها قبل كتابة كليات التربية؟

هههههههههههه
ابنى العزيز مفيش هندسة بترول فى القاهرة
هندسة البترول والتعدين فى السويس لا تنطبق عليها التوزيع الجغرافى
زى الإعلام أو الألسن
كليات واحدة على مستوى الجمهورية


بالتوفيق

المعهد ده انا لسه من شويه كنت بسأل واحد صاحبى عليه قالى انه معهد جااااااااااااااامد جدا جدا ويعتبر زى كليه الهندسة بالظبط مافيش فرق كبير وفيه كل تخصصات الهندسة ( معمارى ومدنى وكهرباء وقوى وميكانيكا وحاجات تانية كتيره ) وبيدى بكالريوس هندسة طبعا بالاضافه انه معهد حكومى مش خاص فتوكل على الله وحطه بعد كليات الهندسة وبعد منه على طول حط هندسة إلكترونيات المنوفيه وبعد كده حط التربيه ... انا عملت كده

ينفع طبعاً لو أنت عايش فى القاهرة
وجالك هندسة قنا مثلاً
هو ده تقليل الاغتراب
بدل ما يغربك عن أهلك وأسرتك تحول لنفس الكلية فى جامعة محافظتك
حتى لو مجموعها أعلى منك شوية (بس شوية صغيرين مش شوية كتير يعنى هههههههه)



وعرفت طبعاً ليه هندسة وتعدين السويس مش فيها توزيع جغرافى أنا جاوبت إسلام على نفس السؤال من شوية

جزاكى الله عنا خير الجزاء يا استاذة ام شاهندة ورفع قدرك وغفر ذنبك وأطال عمرك واحسن خاتمتك ..اللهم آمين

جزاك الله خيرا اخىBellsh

انا مش عارف اعمل اية بصراحة
انا اتخنقت
لغاية دلوقتى
مفيش اخبار
عن تنسيقى
واتصلت النهردة
قالى انتوا ملكوش تنسيق
قدم خاص على طول
ازاى يعنى احنا مش بنادمين
زى الناس ولا احنا ملناش لزمة ولا اية

المشكلة انى معرفش حد من صنايع العادى
لو تعمليلى خدمة يا استاذة
تعرفى حد يفدنى
تبقى مشكورا جدا

للأسف يا ماجيك
بعد الدخول إلى الموقع فعلاً وجدت أن التخصصات المتاحة خريجى الثانوية الصناعية والتجارية والزراعية فقط
أما التلمذة الصناعية فهى غير مدرجة على التنسيق



عليك التوجه للمعهد الذى تريد الدخول به مباشرة



بالتوفيق

هيا مشكلتك اية

معلشي ياريت تذكرها تاني علشان نساعدك

وشوف دليل الطلاب وشوف حاجة خاصة تكاليفها قليلة وتدخلها

انا مشكلتى ان انا دبلوم تلمذة صناعية
تبع وزارة الصناعة والتجارة
للا سف روحت عشان اخد الرقم السرى
قالو ان التنسيق للتربية والتعليم بس
مع ان السنوات الى فاتت كان لينا
تنسيق
مع انى جايب
76

الثانوية العامة هذا العام كانت مرحلة واحدة
وكذلك الدبلومات
لن يكون هناك مراحل أخرى
إلا بعد ظهور نتيجة الدور الثانى
سيتم إعادة فتح باب التنسيق لهم
ونفس الشئ للثانوية العامة
إذن جميع الطلبة الناجحين من الدور الأول فى مرحلة واحدة



بالتوفيق للجميع

مساعدة منكم
 

معلش يا استاذة ام شاهندة سؤال

هل ممكن اعيد سنة انا نجحت فيها

لايجوز الاعاده فى التربيه والتعليم طالما الطالب قد نجح فى الشهاده

المشكله التى اجدها ان الطلاب لايعرفون قيمه الكليه والاجتهاد والمجموع الا بعد فوات الاوان

معك كل الحق أستاذ مصراوى


ربنا يوفق الجميع

مشكورين على الموضوع

نعمل اية بس

الكليات الحكومية دي كانت موضة وانتهت

كلة دلوقتي بالفلوس وحسبنا الله ونعم الوكيل

ياريت الان تملي الرغبات بالافضلية والاقرب ليك حتي لو خاص

وتقدر تدفع مصاريف الخاص دي علي مرحلتين او 12 شهر

وانتظر رد الاستاذ مصراوي هو اعلم بحل مشكلتك

لا شكر على واجب
أنت فين يا فوكس
مش تطمنا عليك


نتمنى تكون الرغبات التى أتيحت لك كما كنت ترغب
أبقى طمنا على نتيجة التنسيق
ربنا معاكم ويحقق لكم أمالكم إن شاء الله

شكرا لك اخى الحبيب ... ربنا يسهل ويكرمنا كلنا ان شاء الله