|
يعنى يا اخ وجدان مش رديت ع كلامى
|
اقتباس:
يا اله الكون ارحمني وعافني واعف عني يا اخت سياتي الضياء الا ترين انك بتناقضي نفسك انتي قلتي الاتي:(و فيه كلام يبقى ف حدود الضرورة) ودلوقتي انتي شايفة اني بعمل حاجة غلط أوليس من الضرورة تغيير المنكر بيدك او بلسانك او بقلبك يا أختي يعني كان لازم فعلا تبعتي رساله خاصة وتنصحي فيها (ولا دي مش من الضرورات ؟؟!!!!!!!!) وهل من المعقول انك دلوقتي بتكلميني وبرد عليكي وترفضي انك تنصحي بشكل افضل في رسالة خاصة طيب ايه الفرق ؟!!!!!!! انا هو انا وانتي هي انتي يبقى ايه الفرق ؟؟؟؟؟؟؟؟؟؟ |
السلام عليكم الحوار مش ليه فايدة لكن ايه رايكم الموضوع مش هيتفقل لحد ما نشوف مين الى غلطان انا مضطرة انى اخرج دلوقتى
|
لا فيه فرق دى مش خلوة لانها ف موضوع عااام مش ف رسالة خاصة ويا ريت يا اخ وجدان بلاش عصبية يعنى ترضى حد يكلم اختك الكبيرة بالطريقة دى
|
اقتباس:
من فضلك يا أختي التائهة انا والله مش بحجر عليكي بس عدد مشاركاتك قليلة يعني لسة جديدة إذن لاتعرفي وقائع الامر يبقى بلاش تحكمي عليا قبل ما تعرفي كويس |
يا جماعة مفيش زعل و ربنا ما يجيب زعل
احنا بنحاول نتناقش في موضوع غاية في الاهمية دلوقت و ملخصه ان كل بني ادم يعرف حدوده في التعامل مع الجنس الاخر يا رمضان كريم عيب انك تجيب ايات قرانية اتقالت علي سفهاء او مشركين متوجهة لينا احنا ماقلناش انه مش غلط لكن احنا بنحاول اننا نستعمل عقلنا في ديننا ده دين الفطرة السليمة الله يرحمه الشيخ جمال الدين الافغاني كان فعلاً بني ادم صح لما قالنا نحكم عقلنا احنا دلوقتي في موضوع المنتديات كل واحدة علي المنتدي عارفة حدودها فين بالمنطق و العقل لو في بني ادم نيته مش سليمة كلم اي حد بأسلوب غير مريح المشرفين هايتكفلوا بيه زي ماتكون في فصل مختلط ولاد و بنات الاستاذ في الفصل حد يقدر يكلم حد الا في حدود الدرساة او في حدود الحاجة ولا هايسرحوا ببعض اللي هايسرح هايطرد اعرف ان الادارة شايفة شغلها هنا و بتلاحظ اي نوع من التجاوزات و كل واحد عارف حدوده بحمد الله كويس انك وضحت يمكن اللي ميعرفش يعرف و اعرف ان دي مش طريقة كويسة للنصح و كلامك ده مش اسلوب بني ادم عايز ينصح ناس دلوقت الفكر اتغير حكم عقلك |
اقتباس:
من قال لك ان هذه هي الخلوة بمعناها الشرعي ؟؟؟؟؟؟؟؟؟ يا بنت الناس انا متأسف والله في اللي هقوله بس سامحيني انا مضطر اقول كدة والله انتي فاهمة دينك غلط وربنا يهدينا اجمعين وانا بعتذر يا جماعة عن اي بلبلة حصلت بسببي وانا فعلا متأسف والله سامحوني بالله عليكم |
اقتباس:
لا يا اخى الكريم انا صحيح مشاركاتى قليلة بس قرأت الموضوع من اوله لاخره ووحضرتك غلطان فى الرد من الاول لانك متقبلتش نصيحة عادية حضرتك خادتها بطريقة تانية خالص والرسول عليه الصلاه والسلام امرنا بالنصيحة لكن تتقبها او لا دى حاجة ترجعلك... |
|
اقتباس:
|
صلوا علي النبي يا جماعة
احنا اخوان كلنا علي المنتدي حصل خير بس ياريت الكل يعرف حدوده علشان مايبقاش في تجاوزات تؤدي لحرام لا قدر الله (اللي هو مش عارف ازاي) بس ادينا عرفنا كل حاجة و الاخو وجدان معملش حاجة غلط و ليه حق لعصبيته لانه فعلاً حس ان الكلام موجه ليه احنا مش عايزين عصبية احنا عارفين حدودنا و نحاول بإذن الله نلتزم بيها صلوا علي النبي الكريم |
خلاص كويس ان حضرتك فاهمه صح لكن حضرتك مش رديت ع سؤالى
|
احنا مسينا
من.......... ألى......... النص....... |
اقتباس:
لان كل الاعضاء هنا بيحبوكي و بيحبوا وجودك (بقولها اهه و مش قاصد حاجة علشان محدش يتكلم و يقولي حرام و مش حرام) كلامي ده بصفتي عضو بيدي رأيه في عضو تاني و واضح ان كلامي مفيهوش حاجة غلط نشغل دماغنا بقي يا ناس علشان مانفضلش طول عمرنا متأخرين كده و تقبلوا مروري الكريم علي الموضوع البالغ الاهمية ده |
اقتباس:
|
عليه الصلاة والسلام ممكن لو سمحت تبطلوا كلام بقى خلاص انا اللى كان موجهلى الكلام ووجدان ما اسأش لحد فيكم والكلام يكون منى انا لو انا شايفاه غلط مع احترامى للناس ارجوكم كفايه كلام بقا بشكرك جدا يا the coder و لسمر الف شكر ليكم وياريت مش عايزة كلام تانى انا اللى متوجهلى الكلام وياريت ما حدش يجيب سيرتى تانى والف شكر على النصيحه
|
اقتباس:
ومتأسف يا جماعة مرة تانية ومعلش يا أخت سياتي مش هرد ووالله دة مش هروب بس لما الاقي حد يفهم كلامي فورا هتلاقي الرد جاهز وانا مش بنتقص منك لا سمح الله بس واضح كدة ان طريقة تفكيرنا مش راكبة على بعض وانا متأسف مرة كمان لو كنت جرحت اي حد بكلمة وشكرا لصبركم عليا |
اقتباس:
والله يابني انت بتفهم ربنا يكتر امثالك |
اقتباس:
انتا مش هاتستني اما تلاقي حد يفهمك تناقشه انتا اللي مفروض تفهم الناس ازاي يناقشوا ممكن لو استمرين تصحح للناس فكرة غلط عندهم او تصحح اسلوبهم في النصح و الحوار دي تعود ليك لان الاهم من النصيحة هو ازاي ادي النصيحة انصحك بالبقاء و ياريت متسيبش الحوار ده لانه اهم من انه يتساب كده قبل مايتقفل |
يا عم المبرمج انا كدة رضا أوي مش عاوز حد يقتنع بكلامي
بارك الله فيما رزق انا كدة مبسووط وكل واحد عقله مريحه ولو حد شايفني مجنون يبقى دة من فضل ربنا عليا |
صباحححححححح الخير بالليل .....................
|
لا إله إلا أنت سبحــــــــــــــــــــــــــــــانك إني كنت من الظالمين
اللهم عافني واعف عني وعلى طاعتك أعنني ربي اغفر لي ذلاتي واستر عوراتي وفرج عني كرباتي واقبلني من التائبين اللهم آمين آمين آمين |
اقتباس:
بالهداوة كده ياعم الدكتور:d الموضوع دلوقت خلص و الدنيا هديت انسي الكام صفحة اللي في الاول دول و خليك معانا من دلوقت احنا هانقعد سوا كده قعدة صفاء و بالراحة خالص و بالمنطق هنجاوب علي بعض ولا خناق ولا ضرب ولا اي حاجة موافق ولا فركش؟؟ و برضه مينفعش نسيب حد بيكلمنا و نديله ضهرنا يعني برضه احنا واجهة للمنتدي نحاول اننا نكون خير وجهة للمنتدي ولا ايه؟؟ |
خلاص يا جماعه الحمد لله حصل خير
وارجوا من الاخ وجدان حنفى والاخت دكتور ميسبوش المنتدى...اى خلاف بسيط بيحصل فى اى مكان |
معلشى ياجماعه انا احب اقولكم ان الموضوع مش مستاهل انكم تدخلو فى مناقشات طويله اوى كده
وبعدين وجدان بتهيألى رد على رمضان كريم فى الاول انه اعجب بكلامه وتقبله واكيد لازم نحسن الظن بالناس وهما لما كانو بيكتبو كده اكيد كانت سهوا او كده وانا شايفه ان مفيش حد غلط فى التانى وكل اللى دخل قال وجهه نظره واللى بيثق فيها فجزاه الله خيرا وبعدين احنا هنا كل كلمه بنكتبها بتتسجل فلازم ناخد بالنا من كلامنا وجزاكم الله خيرا |
اقتباس:
لا يا عم مش فركش بس انا مش عاوز حد يكون قراله كلمتين وجمعهم ويرميهم ويمشي انا عاوز اللي يتكلم يتناقش مش يحط الفتاوى ويمشي بعدين لازم يعرف ان مش كل فتوى صالحة لكل مكان ولكل زمان وان الفتوى لصاحب السؤال بس لان كل حالة تختلف عن التانية ومبدئيا كدة انا مش هتكلم تاني الا ان طلب مني الكلام |
السؤال :
هل يجوز التخاطب مع الرجال عن طريق الإنترنت بكلام في حدود الأدب ؟ الجواب : الحمد لله من المعلوم في دين الله تعالى تحريم اتباع خطوات الشيطان ، وتحريم كل ما قد يؤدي إلى الوقوع في الحرام ، حتى لو كان أصله مباحاً ، وهو ما يسمِّيه العلماء " قاعدة سد الذرائع " . وفي هذا يقول الله عز وجل { يا أيها الذين آمنوا لا تتبعوا خطوات الشيطان } [ النور / 21 ] ، ومن الثاني : قوله تعالى { و لا تسبوا الذين يدعون من دون الله فيسبوا الله عدواً بغير علم } [ الأنعام / 108 ] ، وفيها ينهى الله تعالى المؤمنين عن سبِّ المشركين لئلا يفضي ذلك إلى سبهم الربَّ عز وجل . وأمثلة هذه القاعدة في الشريعة كثيرة ، ذكر ابن القيم رحمه الله جملة وافرة منها وفصَّل القول فيها في كتابه المستطاب " أعلام الموقعين " ، فانظر منه ( 3 / 147 - 171 ) . ومسألتنا هذه قد تكون من هذا الباب ، فالمحادثة - بالصوت أو الكتابة - بين الرجل والمرأة في حدِّ ذاته من المباحات ، لكن قد تكون طريقاً للوقوع في حبائل الشيطان . ومَن علم مِن نفسه ضعفاً ، وخاف على نفسه الوقوع في مصائد الشيطان : وجب عليه الكف عن المحادثة ، وإنقاذ نفسه . ومن ظنَّ في نفسه الثبات واليقين ، فإننا نرى جواز هذا الأمر في حقِّه لكن بشروط : 1. عدم الإكثار من الكلام خارج موضوع المسألة المطروحة ، أو الدعوة للإسلام . 2. عدم ترقيق الصوت ، أو تليين العبارة . 3. عدم السؤال عن المسائل الشخصية التي لا تتعلق بالبحث كالسؤال عن العمر أو الطول أو السكن …الخ . 4. أن يشارك في الكتابة أو الاطلاع على المخاطبات إخوة - بالنسبة للرجل - ، وأخوات - بالنسبة للمرأة - حتى لا يترك للشيطان سبيل إلى قلوب المخاطِبين . 5. الكف المباشر عن التخاطب إذا بدأ القلب يتحرك نحو الشهوة . والله أعلم . الإسلام سؤال وجواب الشيخ محمد صالح المنجد إنتهى كلامه من المعلوم أن للنت ضوابط لابد منها إذا تحققت فلا بأس أما إن لم تتحقق فإننا نقع فيما حرم الله ،أما كلمة حرام فهو حكم شرعي مباشر لا يترك لك الخيار هذا بعضا مما فتى به المشايخ والله اعلم __________________ http://www.forum.ennaharonline.com/thread2360.html |
اقتباس:
هو انا عندي غيره |
فعلا كل كلمة بنكتبها بتتسجل لكن الاخت سمر بارك الله فيها بعتت ليا رسالة بعد ما نصحتها بتقول انى اسات ليها هو انا قولت عليها حاجة لا سمح الله وبتقول انى اخر حد ممكن تقبل نصيحتى وبتقول ان ده من علامات الساعة الكبرى
انا بقى بقولها الله يسامحك اظن دى كفاية |
شكرا ليكى يا اخت سارة والله نعم الكلام
|
هاااااااااااااااااا يا جدعان اين انتي يا سياتي الضياء
ويا اخ رمضان كريم قريتم الكلام بتاع الشيخ ولا لأ ؟؟؟؟؟؟؟؟؟؟؟؟؟؟؟؟؟؟ |
اقتباس:
|
الأميـرمحمد, المسلمة الصغيرة, ياسمينايا, loving heart, سارةالنودى, سياتى الضياء, roro93, samar saad+, shimaa2009, نقاء الروح
يا اهل البلكونات الخناقة خلصت ادخلوا بيوتكوا بقي يلا فركش طالما عمنا وجدان قال فركش يبقي فركش و صلوا علي النبي و بلاش خناقات دا احنا في رمضان يلا بقي نهاركم بيضحك |
اقتباس:
المشاركة الأصلية كتبت بواسطة سياتى الضياء مش تزعلى يا سمر انتى كبيرة وناضجة لكن فيه حاجات محرمة شرعا ممكن احنا نبقى شايفينها صح بس هى غلط وانتى فعلا انسانة محترمة بصى يا سمر انا عندى حل فيه منتدى اسمه احلى حياة ف طاعة الله فيه قسم بتبعتى فيه مشكلتك وهما يجاوبكى بسرية اساليهم وشوفى الصح متشكرة ليكى بس من فضلك ما تبعتليش اى رسايل تانية بشكرك جدا ازاى ممكن اسمعلك تانى بعد لما أسأتى ليا ولسمعتى ربنا يهديكى فعلا ولازم تعرفى ان اللى انتى عملتيه ده حرام لانك أسأتى لحد ماعملش حاجه غلط لو انتى فعلا معترضة انه قالى سمورة ادخلى شوفى الكلام اللى بيتقال فى موضوع المليون رد وشوفى بيتكلموا ويتعاملوا ازاى حرام عليكى بجد انت والله بتكرهى الناس فى الدين وحرام عليكى وجدان انتوا مش عارفين هو عنده ايه وبقولهالك اهو انتى اخر واحده ممكن اتقبل منها نصيحه وياريت تقومى تستغفرى ربنا على اللى عملتيه حرام عليكى ده انا لما دخلت بقول يا ناس اغيثونى انا حاسة انى هموت تروحى انتى مزودانى اكتر وتحرقى قلبى بكلامى الف شكر ليكى بس خلاص فعلا دى من علامات الساعه ان كل واحد يفتى وخلاص وهو حتى مش عارف دينه اسال الله لي ولكى ان يرحمنا يا اختى الكريمة واسفة لو بعتى رسايل تانى مش هرد عليكى دى رسالة سمر شوفوا واحكموا |
ياجماعه انا سبت المنتدى ساعتين الاقى كل ده حصل ..
بلاش كده واستهدو بالله .. احنا في رمضاااااان.. |
ربنا يكرمك يا سارة
ويبارك في فضيلة الشيخ المنجد والله لا فض الله فاك يا شيخنا انصفتني بغير ميعاد |
ارجو ان الموضوع يهدى خلاص ،، لان الزيادة فالكلام هتأدي لزعل اكتر ،، عفا الله عما سلف،، و بتمنى ان نكون صدرنا رحب و كل واحد يحسن ظنه بالثاني ، و استعيذوا بالله من الشيطان ، و خلاصة الموضوع ، انو لازم نراعي حدود معينة عند كلامنا مع الجنس الاخر ، وان شاء الله الجميع يلتزم ،، و ربنا يبعد عنا الشيطان ، |
وانا هنفذ كلامك يا سمر وبقول استغفر الله العظيم مش لانى غلطت ف حد لانى دخلت القسم العام ده
|
اقتباس:
|
اقتباس:
معلش ربنا يسامحنا جميعا..يا جماعة خلينا نكون زى اخلاق الرسول صلى الله عليه وسلم سامحوا بعض وانسوا كل الاساءة...الرسول الكريم كان بيعمل كده بس برده ربنا سبحانه وتعالى هوا اللى كان بيجبله حقه لان اىة غلطان ربنا بيعاقبه فاحنا نسامح بعضنا وخلاص مفيش اى حاجة واهدوا بقى الحكاية مش مستاهله خالص |
طيب وهل يا أختي الكريمة من الدين انك تفضحي ما ستره الله
اولا انا مش شايف كلام غلط في رسالة سمر بس هل ينفع انها تكتبلك الكلام في الخاص وبكل بساطة حضرتك خرقتي الخصوصية دي نقلتي الرسالة للعام ارجو انك تردي عليا |
لا تعليق ليه يا سمر علقى وهينى الناس تااانى الله يسامحك
|
اقتباس:
|
ايوة ينفع انا مش خرقت خصوصيتها لانها ما ينفعش ترد هنا بكل ذوق وتهينى فى الرسالة الخاصة
|
اتمني ان كلامي ما يزعلش حد بأذن الله
اقتباس:
خير بأذن الله عموما الي حصل دا مالوش داعي وعموما احنا مش هنرمي فتوي ونمشي ولك الحق في النقاش لان احنا مسلمين لكن بالنسبة ل((بعدين لازم يعرف ان مش كل فتوى صالحة لكل مكان ولكل زمان )) والله الدين صالح لكل زمان ومكان وان الفتوى لصاحب السؤال بس ليه هو لما حد يسأل مثلا عن السنن الرواتب او يسأل في امر فقهي مش ممكن يحصلك زيه ؟؟؟ والا ما كنش في منتديات للفتوي او الاحكام التي قالها الرسول عليه السلام كانت مفروض تبقي للصحابة واحنا لا نتقيد بها لان كل حالة تختلف عن التانية ممكن فعلا لكن لما الحكم يبقي واضح وللعموم يبقي هنا الكلام يتغير ومبدئيا كدة انا مش هتكلم تاني الا ان طلب مني الكلام[/quote] رمضان كريم اخي العزيز ممكن احنا ما عرفناش نوصل الي احنا عاوزينوه لك والنقاش الهادف هو الحل السليم ممكن حضرتك تقول مختلف في ايه والي يدخل يقول رأيه من غير ما حضرتك تزعل لان دا واجب علينا لااننا مسلمين |
بجد يعنى عيب اوى كده كفاية بقى يا جماعه احنا مش صغيرين..خلاص ابتدوا الموضوع ولا اكن فى حاجة حصلت لاما انا بقى هعمل شكوى واقفل الموضوع كده مينفعش كفاية
صلوا على النبى |
هو احنا هانفضل نقتبس من بعض كده يا جماعة ولا ايه؟؟
يا جماعة الخلاف كان مع وجدان و رمضان كريم ايه اللي دخل سمر في الموضوع يا جماعة سمر معملتش حاجة ولا اي حد عمل حاجة احنا هانقعد نطلع لبعض القطط الفاطسة ليه احنا بندور علي سبب علضشان نقطع كلام مع بعض لو كان في سبب نقطع كلامنا مع بعض في 100 سبب نكمل كلام مع بعض علي فكرة الموضوع ده عمل كمية مشاركات دلوقت مش ممكن كان يعملها في شهر بحاله صلوا علي النبي الكريم يا جماعة مينفعش كده |
حضرتك مش شايف كلام غلط لانها مش غلطت فيك لكن اللله يسامحها لو معاكو حق ليه بتهربوا من اسئلتى انا غلطت ف حقك فين يا سمر واسات لسمعتك فين
|
اقتباس:
|
يالهوى فيه ايه ياجدعان اهدوا شويه
احنا فى رمضان متزعلوش من بعض ايه ياعم وجدان تعالى شوف الى بيحصل |
| جميع الأوقات بتوقيت GMT +2. الساعة الآن 04:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.