|
اقتباس:
1- السمك 2-البنفسجي 3-اصبر على كيد الحسود فإن صبرك قاتله ...فالنار تاكل بعضها ان لم تجد ما تاكله 4- أطيب أهل للشاعر الكبير فؤاد حداد 5- احمد رامي 6-الصدق 7- هو سقوطي اثناء سيري مع حى صديقاتي في مروى ماء وعدت الى المنزل يومها وانا اضحك والى الانى لا انسى ذلك الموقف 8- احمد خالد توفيق |
طيب
منى الشقية اتعرفت فى المنتدى بقلب طيب وباصدقاء لااجمل ولا اروع منى تقدر تكلمنا عن نفساه سنها دراستها بالمعنى بطاقتك الشخصية ______ |
أهلا و سهلا بالأخت مني منورة الكرسي
و ولكم باك يا مصطفي اسمك سنك هواياتك طريقه تفكيرك تميل للعقلانيه ولا طريقه هوائيه متهوره بعض الشئ بيمثلك ايه كل من الكلمات الآتيه السعاده : الجمال : الطبيعه : الاخلاق : القدوة : الفقر : السلطه : الحب : اكتر انسان عزيز و قريب لقلبك ؟ اكتر موقف اتعلمتي منه خبره مفيده ؟ علاقتك بربنا لو قويه ازاي بقت قوية و لو ضعيفه ازاي ممكن تقويها و ناويه علي ايه ان شاء الله؟ حلم كان نفسك تحقيقه و مقدرتيش ؟ حلم لسه بتحلميه و بتحاولي توصليله ؟ لحظه حسيتي فيها بالندم ؟ لحظه بتتمني ان الزمن يرجع فيها ؟ انا اسف لو طولت عليكي يا مني و رمضان كريم |
اقتباس:
كل اللي هقدر اقولهولكم اني مش بحب النفاق ولا الرياء ولا معرفة المصالح او اني ابيع نفسي أو مبدأي علشان اوصل لحاجة معينة بكرة الكدب اشكر اللي يقدملي خدمة واقف ضد اللي يحاوول يفسد جريئة جدا لدرجة ان ممكن البعض يفتكرني ولد حتى في البيت عندنا بيقولولي انتي راجل ودودة جدا بحب صلة الرحم ونفسي اتجوز :p سني بقى 19 سنة في كلية علوم كفايا بقى مش ناقص غير ان أقولكم عنوان بيتي :p |
اسيبكم انا واوعى تخلوها تاخد نفسها
هههههههه |
يا جماعة واحدة واحدة فى الاسئلة
بلاش الاسئلة الكتير دى كدا هتتعبو المتهمة معاكم اهلا بيكى يا منى فى قفص الاتهام وسؤالى موجه ليكى 1- ايه سبب اختيار الاسم المستعار 2- ايه رايك فى المنتدى 3- ايه رايك فى القسم التعليمى على الاخص 4- ايه رايك فى الاعضاء 5- ايه رايك فى العضو ادمان2 اللى منور المنتدى 6- ايه رايك فيا انا شخصيا دى شوية اسئلة كدا على الماشى على ما اجهز الاسئلة المتينة |
اقتباس:
دنا كمان ماشى امال هنسيب منى لمين بالليل والناس نيام كدا هعرفها ان الله حق |
اقتباس:
متتأسفش اخي بس انت خلتني الع كل اللي جوايا كل سؤال من دول محتاج يوم كامل أكلمك عنه لكن انا اختصرت سعدت جدا باسئلتك |
اقتباس:
|
تم الرد فى الرد اللى فوقى
|
انا جاوبت يا ميدو
|
هسال سؤال طريف كده وبعد كدا هخرج علشان رايح مشوار
كلمة توجهيها للادارة كلمة توجهيها للاعضاء كلمة توجهيها لنفسك |
اقتباس:
|
تروح وتيجي بالسلامة يا ميدو
|
هو خلاص كدة محدش هيسال تاني
عموما سعدت بيك يا مصطفى انت وميدو واحمد رضا |
الله يسلمك يا منى
انا رحت وجيت بالسلامة واخر رد ليكى اوحى اليا بسؤال ايه رايك فى المدير العام وليه عايزاه يرحل |
اقتباس:
تاني حاجة كثرة الوعود الزائفة زي مثلا بعد قليل وانتظرونا والآن وانفراد وقريبا كل دي مصطلحات بنسمع عنها بس انا شايفة في الوقت الحالي انه مهتم شوية لكن القسم التعليمي ابتدى يبقى ميت انا عارفة ان في ناس كتير بيعملوا اللي عليهم بس ايه هيكون مصير المدرسين دوول ده اللي انا عايزة اسال عنه ؟؟ هل هيكون مصيرهم زي الاستاذ جمعة ؟؟ اللي شال كتير في المنتدى واللي كان بيخدم فيه لوجه الله ؟؟؟ يا ترى انتم تقبلوا الوضع ده انتم بتسألوني من الصبح جاوبوا على سؤالي بقى هل تقبلون هذا الوضع ؟؟ كانت معكم محدثتكم من اهدى مكان في العالم ( منى الشقية ) |
منى الشقيه
ما رائيك فى كلا من عبقرينومان استاذ جمعه هيام سمير الباشمهندس زيزو واخيرا مصطفى ادمان2 |
اقتباس:
انت اللي طلبت رايي يا مصطفى وانت عارف اختك منى اللي في قلبها على لسانها :D:D |
ننتظر اسئلة الاعضاء
|
هما فين الاعضاء اللى مستنى اسئلتهم
وبالنسبة لسؤال منى انا لا اقبل هذا الوضع ولكن ماذا بيدى ان افعل فكل ما استطيع قوله لا حول ولا قوة الا بالله وسؤالى انا عمرك فكرتى تسيبى المنتدى وايه هيا الاسباب اللى دفعتك لكدا |
اقتباس:
|
ايه رأيك فى الإتهمات اللى إتوجهت ليكى إن إنتى عضويه مزدوجه ؟ بالمناسبه مش مصطفى بس اللى بيتخلى عن مبدأه بسهوله إنتى كمان بتتخلى عن مبدأ بسهوله مثال موضوع من سيربح المليون !!! مش ملاحظه بردو إن شخصيه غاليا مستفزه فى إسلوبها وفى ردوددها ؟ يا ريت متزعليش من أسألتى إحنا بس بندردش ولى عوده مره أخرى |
تمسحلى اعلق
ما انا قولت اللى ليه حاجة عند مصطفى يقول محدش ليه خير عليا مش كدا بردو يا سادات وانا بعرف ارد امتى واتكلم امتى عقلى اللى بيخلينى اختار مش حاجات تانية اما بالناسبة انى اغير مبدى فا مبدى وواحد ودا ملكى انا مش ملك حدا تانى الا بقى الا يكون ليه فضل عليا ومن حبينا حبيناه وسر متاعنا متاعه هههههههههه منتظرين الرد على السوال الموجه من الاخ الحبوب حبيب قلبى السادات يلى يا منى فين اجابتك ؟؟؟؟؟؟ |
اقتباس:
أولا أنا لم اتخلى عن المسابقة ولكن اقتنعت بالردود ان الموضوع ليس موضوعي وانه من الممكن ان يفشل وبذلك أكون قد اضعت مجهود آخرين واعترفت بخطأي أما الجميع كما اني لن استطتيع مهما حصل ان يكون اسلوبي في المحاورة هو اسلوب اساتذتي بورسعيدي وزيزو فقررت ان اتركه ... ثانيا :- بالنسبة للاتهامات اللي اتوجهت لي يا سادات انا لست مدانة أو مجرمة حتى توجه الي اتهامات فانا اعرف نفسي جيدا ولو كنت تركت موضوعي ولم تحذفه لأثبت للجميع كذب مدير الموقع وانت قد رايت بنفسك اني استطتيع ان اضع لكل رد لي اي بي مختلف كيفما اشاء ولولا انت حذفت الموضوع ووعدت برجوع حقي ما كنت تنازلت عن حقي وفعلا عاد حقي الي اما انا فلست شخصية مزدوجة انا شخصية عادية جدا في حياتي كالانتر نت تعودت الصراحة حتى ولو كانت مؤلمة ولا تنسى يا سادات اني اول من تنبأت بك بأنك ستكون اداري بالموقع وقد خاب ظني في توقعي لادمان 2 . ثالثا : انا لست مستفزة ولكني اقول الحقيقة فهذا يجعلكم يعتقدون اني مستفزة اما انت يا سادات فتحاول ان تستخدم سلطتك كاداري دون وجه حق مثل التهديد بتغيير الاسلوب واسمحلي اسألك انت سؤالا لماذ لا تغار على دينك ويكون تهديدك في موضوع ديني راجع نفسك اولا ويا ريت متزعلش انا بدردش برده |
تغار على دينك ويكون تهديدك في موضوع ديني راجع نفسك
ازيك يا منى اخبارك معلش انا كنت غايب اليومين دول ظروف والله العبارة اللى فوق دى ممكن توضيحهالى اكتر اصل انا مش واخد بالى منها وكان فى سوال ايه اكتر حاجة تعبت منى فى دنيتها ؟ |
هااااااااااااااي شلة ..
ممكن اشارك واسأل منى ( الشقية ) ؟؟!!! اكيد طبعا ؟؟ ..... اوك ماشي ازيك يا منى .. انتي في كلية ايه .. وبتحبي دراستك ولا لأ .. ويا ريت السؤال مايكونش مكرر !!!! سلاااااااااااامز .. |
اقتباس:
في موضوع وضعته اطلب فيه من مدير الموقع ان يقوم بحذف الاية القرآنية من الصفحة الرئيسية للموقع لأنه عند الانتقال من الرئيسية لاي صفحة اخرى نقطع الآية القرآنية وهذا حرام شرعا فقمت بعمل موضوع موجود في قسم مشاكل واقتراحات وكان كلامي لمدير الموقع اطلب منه ذلك وقلت له اتق الله ويبدو ان تلك الكلمة قد اثارت السادات جدا ليترك اساس الموضوع ويعلق على اسلوب العرض ويمكنك رؤية الموضوع بنفسك لترى كم هو لا يغار على دينه برده ويهدد بايقاف عضويتي ان لم اتحدث باسلوب افضل ............. السؤال الثاني : اني الصغيرة وان الكل بيديني أوامر علشان انا الصغيرة :d:d |
انا في كلية علوم
يعني مش بحبها اوي لاني كان نفسي ادخل صيدلة بس عموما اهي حاجة قريبة وان شاء الله هحاول اجتهد كتير علشان أكون معيدة وبعديها دكتورة ان شاء الله |
اللي عايز يسأل هجاوبه بكرة ان شاء لله
تصبحوا على خير |
معلش
كنت بصلى الفجر يا منى منى لو قولنا شخصيتها من بعيدة بتحب الكمبيوتر كدا اوصفلنا بقى الحاجات دى وبتقضى ازى وقتها على النت وكدا ؟ |
بص يا ادمان أنا قبل كل شيء بحب اتعلم جدا من النت وده اساس دخولي يعني عرفت ازاي اعمل صيانة للكمبيتر بتاعي وتبتديت اقرا عن مشاكل كتير في الكمبيوتر واعالجها وكل ده اكتسبته من النا
انا ببحث وادور علشان اتعلم في مجال الكمبيوتر لاني بحبه جدا وبالرغم من كدة فهو مش بيأثر على دراستي نهائي فده اول شيء ولو مفيش حاجة بعملها بدخل المنتدى يعني بعتبر النت مذاكره وترفيه المذاكرة اني استفاد واتعلم واعرف برامج وصيانة وحاجات كتير والترفيه اني ادخل المنتدى معنديش اصحاب كتير على النت علشان اقعد اتكلم معاهعم مفيش في القايمة عندي غير اربعة ولا خمسة بس ده وقتي يا ادمان |
بسم الله الرحمن الرحيم السلام عليكم ورحمه الله وبركاته اقتباس:
ده كان موضوعك صح اقتباس:
هو أكبر منك بشىء مش شويه فده يحتم عليكى لما تيجى تكلميه تقولى يا استاذ أشرف وكلمه يا راجل إتقى الله كلنا عارفين انه راجل بس الكلمه ساخره خالص يا ريت حضرتك تكونى فهمتى أنا قصدى ايه ؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!! ومفيش حد مبيغلطش يا منى وبعدين كان المفروض فى الأول خالص تقولى لو سمحت طبعا انا مش داخل اعلمك إزاى تتكلمى بس أنا بوضح وجه نظرى وعلى فكره أنا عمرى ما هددت حد أنا بصحح أوضاع خطأ أما بقه من ناحيه إنى لا أغار عليى دينى بالعكس أنا الحمد لله أعرف ربنا كويس وبخاف على دينى يمكن من اى حد بس ليا اسلوبى أنا كنت بنتظر لحد ما الآيات تخلص وكنت بفتح اللى أنا عاوزه فى new tab |
هههههههههههه
استاذ اشرف حاتر يا استاذ محمد طب ياريت بقي تقولي يا دك والنبي :p ال استاذ ال ياميدو الشخصيه هي اللي بتصنع اللقب بتصرفتها وعلمها وثقافتها واخلاقها وكفايه ان احنا نقول اشرف دا احنا كدا بنكرمه اه كنت عايز اسال ايه اممممممممم مني قوليلي انتي بتفضلي الاسلوب المباشر ولا الاسلوب الغامض ولا الاسلوب الساخر ف الكتابه :D اه صحيح اسلوب اي كاتب اللي انتي بتحبيه ....انا شخصيا بفضل اسلوب شو وانيس منصور وبتحبي تقري ف اي تخصص ولمين بقي:) |
انا بحب الاسلوب الساخر جدا لانه بيعالج كتير من المشاكل
بحل الدكتور أحمد خالد توفيق بالنسبة لي بحب قراءة الشعر وبالاخص شعر فؤاد حداد واكتر حاجة بحبها له في كل حي ولد عترة وصبي حنان ... وكلنا جيرة وعشرة واهل وخلان بالنسبة ليك يا سادات انا اقول اشرف اقول استاذ دي حريتي الشخصية أولا هو ليس استاذي غير انه لا يكبرني بكثير حتى اطلق عليه لقب استاذ وزي ما قال Daredevil الشخصية هي اللي بتجبر الكل على احترامها ثم فيها ايه لما اقول لحد اتق الله هل هذا عيب يقول الله تعالى " ومن يتق الله يجعل له مخرجا " |
ردودك في الجول بصراحة .... بس ليا سؤال يعني بتقولي
اقتباس:
واقرب مثال اسلوب ابراهيم عيسي في الدستور , محمود سعد , فردة شراب |
اقتباس:
أولا هو منصبه يحتم عليكى انك تقولى له أستاذ ودى حاجه مفهاش جدال على ما اعتقد يا عنى ثانيا من معنى كلامك انت وبسام ان شخصيه الاستاذ أشرف شخصيه مش محترمه عشان كده مأجبرتكوش على إحترامها أما الجزئيه التانيه أنا طبعا مش مختلف معاكى على كلمه اتق الله ده طبعا عمره ما كان عيب انا مختلف على كلمه يا راجل اتقى الله طب على الاقل كنت افضلى قولى يا اشرف اتقى الله عمتا هو اسلوبك مش بيعجبنى فيمكن تكون وجه نظرى أنا اللى خطأ |
اقتباس:
فمن وجهة نظري ارى انه من افضل الاساليب لعلاج المشاكل ... عفوا اقصد لتجنبها |
اقتباس:
الله اعلم بشخصيته بس ازاي اقول لواحد يا استاذ واحترمه وهو بيستهان بينا يا سادات تقدر تقولي الكدب اللي كان بيكبدوا علينا نسميه ايه ؟ لما يقول بعد قليل وقريبا ومفيش حاتجة تحصل لما يهني وهو كاذب وغير متأكد من كلامه يبقى ايه لمت يتهمني زي ما انت قلت بحاجة مش في واثبتلك ساعتها كذبه وانت اللي حذفت الموضوع خوفا على مشاعره لان انت يهمك تكون زي ما انت اداري فعلشان كدة حذفته وحذفت اتهامي ليه بالكذب عايزني بعد كدة احترمه ازاي انا هنا حرة طالما ما بضرش حد يبقى محدش له حاجة عندي واقول رايي زي ما انا عايزة وبالاسلوب اللي يريحني طالما مش بكدب واعتقد ان الصدق هو بداية الإجبار على احترام الشخصية |
واعتقد ان الصدق هو بداية الإجبار على احترام الشخصية
الله على الجمال فعلا |
اقتباس:
أنا لو سمحت عاوز شرح للحته دى بالذات يهمك تفضل زى ما انتا إدارى بعد إذنك يعنى |
يا سادات انت اول واحد غيرت مبدك علشان تكون مدير والكل عارف كدة كويس
انت كنت من محاربين الفساد بالرغم من ان انت كنت مشرف عادي لكن مرة واحد ابتديت تدافع عن اشرف وانت عارف انه مخطأ في حق الكل علشان يعينك مشرف اداري وفعلا حصل ده وانت يهمك انك تحافظ على المنصب ده فعلشان كدة حذفت الموضوع علشان الناس متشفش كذبه وادعاؤه الباطل واريد ان اعرف ما سبب حذفك للموضوع بالرغم من اني اتهمت على العام وكان يجب علي ان ارد على العامل لاثبت برائتي وكذبه اجبني انت ماذا اعتقد حينها انك تفعل ذلك من اجل الحفاظ على منصبك احنا بندردش يا سادات يا ريت متزعلش وانا قلتلكم عيبي اني صريحة |
وانا احترمتك يا سادات ولم اعقب على حذفك للموضوع
|
أنا عمرى ما غيرت مبدأى وعمرى ما داعت عن الباطل أنا يمكن أكون بطلت أعمل مشاكل لكن عمرى ما دافعت عن حد بالباطل وأنا الحمد لله لو إنت شايفه واحد فى المنتدى كله على بعضه يستاهل المنصب اللى انا فيه ده أكتر منى قوليلى عليه وأنا أولا ما دفعتش عن أشرف وعمرى ما كان خلافى معاه هو أنا كان دائما بيبقى خلافى مع أشخاص مش معاه هو ثانيا ً أنا لما حذفت الموضوع حذفته عشان الوقت مكنش ساعتها مستحمل أى حاجه خالص يعنى العمليه مش مستحمله خناقات تانيه وطبعا انتى عارفه ان فيه اعضاء بتدخل تظيط فى الظياته والحكايه مش طالبه يعنى غير كده انا قبل ما أحذفه قلتلك لو ليكى حق هتخديه ولا لاء وعضويتك رجعتلك ولا لاء دى حاجه أما بقه لو انا بدافع عن أشرف مكنتش سبت موضوع محمد البرى اللى هاجم فيه أشرف وطبعا ده معظم الأعضاء شافته على الرغم من ان البرى مش عاوز اقولك سببلى الدين وقايل كلام أنا أستحى انى أقوله هنه ومع ذلك مخدش صف أشرف قدامه يعنى وياريت قبل ما أى حد يجى يتكلم ويرمى إتهامات بالباطل يبقى يعرف هو بيكلم إزاى تحياتى |
بص يا ادمان
اختر حد تانى يقعد على كرسى الاعتراف اصل الحكاية اللى فوق دى بدات تغمق شوفلك حد تانى تتعب قلبه معاك بسرعة يا درش |
انا اسفة يا جماعة على اسلوبي بس انا صريحة
\وانا اسفة يا سادات ولك شخص قلت رأيي فيه بصراحة \ولو حد عايز يسأل تاني انا تحت أمره |
دا اسلوبك جميل جدا
يا منى بس اللى انا شوفته ان السادات مش غير من اسلوبة ان السادات عمل كدا علشان يقدر يعدل حاجات فى الموقع والمنتدى وان عن نفسى شايف دا تمام جدا والسادات يستاهل ادراة دا من اول يوم دخل ____________ س ) لو الادارة عرضت عليك انك هتبقى مراقبة اوك هتوفقى ولا لا ووضحى بالادلة نعم ووضحى ولا ووضحى بس باسلوبك الجميل |
على فكره يا منى بردو كده انتى مش فاهمانى لسه يا بنتى والله أنا مش ممكن أزعل من كلامك مهما حصل وعمتا بصى سؤالى ليكى أنا عاوزك تقولى ليا رأيك فيا بكل صراحه والله ما هزعل مهما كان أنا عاوزك تقولى كل حاجه سواء كانت إجابيه أو سلبيه بس بصراحه وبمنتهى الصراحه ؟؟ |
طيب بقى لو سمحتوا
انا اعترض على جلوس عضو واحد على كرسى الاعتراف لمدة 6 ايام وكمان ما حدش بيسأل وها تقلب خناقة ما تظبط الموضوع ده يا درش!!!!!! |
ما هو حسب الناس والاعضاء يا حودا
لحد ما تنهى الاسئلة ... |
| جميع الأوقات بتوقيت GMT +2. الساعة الآن 07:00 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.