قانون الطوارئ ده اللي بيحمينا دلوقتي
لولا قانون الطوارئ في الظروف دي كان ممكن انا وانت نكون مع الاموات
الجيش ساعتها مكنش هينزل
متقلش بقه كلنا
الموعد موعدكم
والبلد بلدنا جميعا

الرئيس فوق رؤسنا
وكرامته من كرامتنا نحن المصريين
لكن انت تتحدث عن ماضى
أين حاضرنا ؟
بل السؤال الأوجه
أين مصر ؟
أين هى
النظام لن يفعل شئ وهى وعود نقشت فوق الماء
الرئيس يلعب بأوتار عواطفنا وهو متشبث بالسلطة
نعم هناك أزمة ثقة
ونظامه هو السبب فى ذلك
قليرحل النظام وليرحل مبارك
قبل ان يذكره التاريخ بسوء

يبدو ان قانون الطورائ هذا يحمينا منذ عام 81
عما تتحدث يا رجل ؟؟

يا جدع يا عم يا باشا هو كان بيحارب لوحده يعنى كان فى الاف المصريين اشرفاء بيحربوا اكيد وتحت قياده الرئيس السادات الله يرحمه ويحسن اليه يعنى لو كانت الحرب ديه محصلتش كنا مش حنرجع سينا اصلا خدمنا فى شبابه على راسنا لكن حاليا البلد خربانه مش بنطرده من البلد والله ومش عايزين نحكمه وربنا لكن يتحنى يسيب بقى الناس الشرفاء والناس المحترمه تصلح البلد امبارح قال محدش حيتعرض للشعب ولا للمتظاهرين ابدا وشوف ايه اللى بيحصل دلوقتى فى التحرير جيابين بطلجيه ومرتزقة يقتلهم باسلحة والشرطة بحصنه وبيبهدلوا الناس وديه باوامر مين يعنى تفتكر يا جدع انت لو ماشى فى المظاهر وده شكله محصلش ابدا واخوك ولا صحبك مات جمبك برصاص الشرطة اللى بتاخد الاوامر حتعمل ايه مش حيبقى عندك ثوره فى اكتر من 300 واحد ماتوا وربنا يعين اهلهم وعايزهم يسكتوا

لا طبعا
الشعب كله يصرخ
الشعب يريد إسقاط النظام
رحيل مبارك لن يترك فراغ دستورى
وبقائه هو الخطر بعينه
فليرحل من فوق صدورنا ... ضاقت أنفاسنا

اين مصر ايه بس
مصر موجوده وموجوده بقوة
ياسيدي
البترول زاد 6% بسبب الاحداث بتاعت مصر على مستوى العالم
بورصات العالم بما فيها اليابان وامريكا انهارت بمعنى الكلمة
وده مش كلامي شوف قناة cnbc وانت تتاكد
انا دلوقتي بقول لك مبارك تنحى عن الحكم
تقول لي حاضر
الحاضر ادامك اهو مصانع واقفة وبنوك منهوبة واللي زي وزيك واقف فالشارع يحرس ممكن تجيله رصاصه تجيب اجله
والدك كان بياخد مرتبه معزز مكرم لكن دلوقتي لا
الراجل لو ركزت فكلامه هتلاقيه خلاص سلم
قال لك ان مهمتي الاولى الان هي استعاده الامن والاستقرار تمهيدا للنقل السلمي للسلطة
يعني خلاص متنحي وهيقضي بقية فترته يظبط الامن
معتقدش انها تزعل حد فحاجة
انت متضمنش دلوقتي واحد ارهابي يكون لابس حزام ناسف وواقف فالتحرير
لازم مع نقل السلطة يكون في امن

للحرية ثمن يجب أن تدفعه الشعوب
ونحن ماضون فى الطريق إلى الحرية

بعد مبارك هو الدخول فى فترة إنتقلاية وتشكيل حكومة إنقاذ وطنى تساعد فى إصلاح حال البلاد قليلا
وحينها يأتى دور صندوق الإقتراع
ومن يأتى به الناس هو الحل الامثل

تقول أن مصر موجودة وبقوة
نعم أوافقك إذا كنت تتحدث عن مصر الشعب
اما مصر النظام فلا ... فقد ولى ذلك الزمن
ثم هل لك أن تخبرنى
ما معنى أن تختفى وزارة فى ليلة
والادهى ان هذه الوزاة هى الداخلية التى طالما أرعبت الناس ... وطالما انفق عليها النظام من أموال الشعب المستكين

النظام هو المتسبب الأول والاخير فيما يحدث
ولن نعود إلى بيوتنا طالما لم يتنحى حسنى مبارك

الريس ما موتش حد
اكيد اللى اتأذوا من الشرطة كانوا مخالفين للقانون
واذا كان واحد اتظلم فاكيد مش الكل مظلومين
حرام بقى وكفاية فوقوا
عيب اللى بيحصل ده
انتوا فاكرين اللى هاييجى بعد الريس مبارك هيحترم الشعب اللى عمل كده فى رئيسهم بعد 30 سنة ؟
اللى عايز يشيل مبارك من الحكم (ربنا هيخذله ان شاء الله) عايز مصلحة شخصية ليه مش للوطن
وبمجرد ان مصلحته تخلص هيرمى البلد و الشعب وراء ظهره
ارحمونا بقى وكفاية

يبدو ان متابعى القناة الاولى هم كثر

ايوه بعد 30 سنه ظلم وقهر وفساد ورشوه
ايوه مبارك لازم يمشي هو مافيش غيره وبعدين الشرطه ضربت المتظاهرين وسابت البلطجيه
اللي هيجي بعد مبارك هيعرف ان في شعب هيحاسبه لو تجبر او ظلم

اولا هو مكنش بيحارب بنفسه فى حرب اكتوبر ده كان قائد بيرشد و بس و بيه او من غيره مصر كانت هتحارب و تفوز بالحرب و ده طبعا بفضل الخطه الاستراتيجيه لكن انا معاك بس فى جزء انه راجل كبير فى السن وكان لازم يحترم اكتر من كده لانه رمز لمصر .

والله كان ابرز نظام عربي
اوباما جه وقال له انا جاي اتعلم من خبرتك
بالنسبة للوزارة فانا اتفق معك ان هذه كارثة
طب نسيبها ولا نصلحا ونحاسب المتسببين فيها وعلى راسهم الحقير حبيب العادلي
الظباط دول بشر زينا 10 ظباط وقف قدامهم20متظاهر تتوقع يحصل ايه
وبعدين ياريت تتحاور معايا على مشاركتي كلها مش حته منها
ياترى الكلام اللي فالاقتباس ده يزعلك او يزعل حد من اللي فالتحرير

رحمكم الله يا شهداء مصر
أحمد الله أنكم لا تسمعون ما يقال عنكم وعن ثورتكم الان

انا مش عارفة شعب مصر ايه اللى جرى له
اى رئيس عندنا اما يخرج مقتول يا مسموم يا مفضوح
ايه اللى جرى
لكى الله يا مصر

شعب مصر الحر الأبى
ل يقبل أبدا ان يظلم ويغبن طول الوقت
لا بد من جلسة ووقفة يحاسب فيها كل طاغية

يا جماعة خلاينا نحكم عقلنا قبل مشعرنا احنا لما عملنا المظاهرة في الاول كان عشان الفساد اللي في البلد قلنا عاوزين تغير مطلبناش منه الرحيل وكان رد الفعل :رروحوا بيوتكم محدش هيسمعكم كلموا نفسكم والنت والموبيلات اللي لمتكم على بعض هتتقطع......لما فضلنا مصريين على كلامنا ...كانت حرب قتل فيها من قتل وجرج من جرح
متجيش بقى بعد اللي حصل وعشان خطاب في خم دقايق نسامح ..... لا اقل حاجة تحصل دلوقتي انه يرحل اذا كان هوة عنده مشاعر فالشعب اللي كان هناك واتبهدل واضرب برده عنده مشاعر

الناس اللي دلوقتي اصبحوا مع الريس عاوزة اسالكم سؤال هل هتفكر في يوم انك تنزل تضرب الناس اللي ضد الريس؟؟؟؟
ده معناه ان الناس اللي هنك مش مننا
امبارح المظاهرات كانت في منتهى السلمية في ناس روحت اللي اكتفوا بالخطاب وناس لسة مش مسمحاه وده حقها ومحدش يقدر يلومها

على مبارك ان يرحل ان كان خائفا على شعبه

اقسم اني اريد النزول للتحرير ولكن انا ابعد بكقير عنهم فهذا شرف ليس كل شخص يستحقه

اولا من اين للاهالي يا سيدي الفاضل بالجمال والخيول هل شعب مصر عنده هذه القدره الجباره

ثانيا من يريد تاييد الرئيس لمجرد التأييد لماذا يذهبون للتحرير اليس هناك مكان اخر لقول رأيهم ان كانوا فقط يريدون ذلك فقط ولكنهم منظمون يعرفون ماذا يفعلون

من اين لهم مالاسلحه البيضاء ان كانت مظاهره سلميه مؤيده فقط

الهذا الحد يستخفون بعقولنا اهذا قميص يوسف ؟؟؟؟؟؟؟؟

اليس الرئيس الذي تنادون به هو من سمح بحمام الدم من شعبه

من هي مصر؟

المنشات والنظام ؟ام الشعب؟

من تحمون والي ماذا تهدفون ايها المعارضون للتغير ام هو الجبن الذي بات يتملككم ولا تستطيعون كسر الحاجز ام بعض المنافقون


واخر الاخبار المتحف المصري يحترق

لكم الله يا شرفاء الوطن للذين في الميدان .اسمعوا مدير مكتب الرئيس محمد صبره .وساوافيكم بالاخبار

أدعوك الان إلى محاولة النزول
إن لم يكن الأن
فعلى أقل تقدير يوم الجمعة
يوم أن يهب الشعب جميعا
فالعمر واحد وكلنا لأجل معلوم
ماذا نخاف ؟ لم يعد هناك وقت ولا مجال للخوق

ماذا قدم هؤلاء الشباب للبلد

الا السهر طوال الليل أمام النت

والسماع لتامر حسنى


سامحنى يارب فان ذنوبى كثرت

نحن نتحدث عن ثورة شعب أشعلها الشباب
فالجميع فى الشوارع
أقباط ومسلمون
إسلاميون وعلمانيون
رجال ونساء
كبار وصغار
شباب وفتيات
لك ان تعلمى أن تامر حسنى هذا لم يشارك فى الثورة أصلا :d

مهما كان حسنى مبارك الريس بتاعنا ومصر بلدنا والتنظيم اللى حصل ده مخطط ولازم نحافظ ونحمى مصر بلدنا

مخطط!
كيف هذا
ومخطط من من ؟
هل لك أن تطلعنا على تفاصيل أكتر

بنحبك ياريس

وسامحني لو غلط فيك

يسقط عملاء التحرير

مش بحبك يا مبارك
ويا رب تروح انهاردة قبل بكرة

اتق الله وبلاش فبنة في الوقت الراهن

حرام عليكم انت عارف اصلا كام واحد اصيب ومات دلوقت

دم الناس دى فى رقبة مين

اين انت يا هاني


لسوء الحظ مكنتش هناك النهاردة بس كنت هناك يومين

ورايح انا والاسرة باذن الله الجمعة يا ريت اقدر اشوفك

انا مش اسف يا ريس

انا مش اسف

ولا عمري كنت اسف


ولا انا بركب موجة


ولا عمري كنت تبع حد


انا شاب مصري حاسس بنار الظلم

وانت عارف لو مشي اية هيحصل

انا عشنا من غير جهاز الشرطة لوحدة يومين عشنا في رعب

فما بالك بدون راس الدولة كلها


وممكن بقول السلطة تنتقل ازاي

ومين يصلح يكون رئيس جمهوريه البردعي ولا السيد البدوي والا الاخوان الذين بتلعبون بامن مصر الان

ياجماعة بلاش بعصب وياريت نحكم عقولنا

هيحصل ايه اكتر من كده

فى ناس شرفاء كتير

يصلحو للرئاسة

مثل عمرو موسى وناس تانية كتير غير اللى قولت اسمهم

لو حضرتك كنت شوفت برنامج 90 دقيقة على المحور كنت هتعرف ان الخراب اللى فيه مصر ده وراه تخطيط خارجى ضد مصر وتخريبها

ياراجل خليك سايب شغلك واقعد احرس بيتك كل يوم

وليه ماجوبتش علي باقي الاسئلة

وياريت يكون ردك محترم

لا كل وعاء بما فية ينضح

أهلا صديقى
أنا متواجد الأن بالقاهرة
بعد ان حاولت أسرتى كثيرا وخصوصا أمى العزيزة من منعى من العودة اليها مجددا
سأكون غدا وبعد غد متواجد بصفة دائمة بالميدان
ونرجو من الله الكريم العون
تحياتى لك وللأسرة الكريمة

انجازات الرئيس على مدى ثلاثين عاما تشهد له أنه ما استحق يوما حكم مصر
 

إنجازات الرئيس مبارك
منذ 16 أكتوبر 1981 حتى وقتنا هذا


(30 عاما من حكم مصر)


أولا– الأحوال المالية:

- إجمالي الديون: 950 مليار جنيه.
- نسبة الفقر: 35% من المصريين يعيشون تحت خط الفقر.
- متوسط الدخل: أقل من دولار يوميا.
- الأموال المهربة : 300 مليار دولار خرجت من البلاد .
- سعر صرف الجنيه المصري : 85 قرشا فى 1981، والآن خمسة جنيهات ونصف .مقارنة بالدولار

ثانيا- الأحوال الصحية:

- السرطان: تضاعف 8 مرات (أعلى نسبة فى العالم).
- الذبحة الصدرية:20 % من الحالات شباب تحت الأربعين.
- البلهارسيا: أعلى نسبة فى العالم (تقريبا اختفت من العالم إلا مصر).
- السكر: 7 ملايين مصري مصابون بالسكر (تقريبا 9% من السكان).
- الالتهاب الكبدي الوبائى : 13 مليون مصري مصابين به (حوالي 17% من السكان).
- أعلى نسبة فى العالم لشلل الأطفال موجودة فى 6 دول فى العالم فقط (منهم مصر).
-- التلوث: من أعلى النسب فى العالم (الهواء ومياه الشرب والتربة والسواحل والبيئة ...الخ) ، وتبلغ الخسائر 30 مليار جنيه سنويا.
- الإنفاق الحكومي: 10 دولار للفرد سنوياً.

ثالثا- الأحوالالاجتماعية:

- القضايا: 20 مليون قضية بالمحاكم أقدمها من 38 عام حتى الآن (بطء شديد فى التقاضي).
- العدل: مختفي تقريبا بسبب الرشوة والفساد والمحسوبية ... الخ.
- البطالة: 29% تقريبا من القادرين على العمل (حوالي 5 مليون شاب).
- الانتحار: 3ألاف محاولة سنويا.
- حوادث الطرق: 6 آلاف قتيل سنويا و23 ألف مصاب بسبب النظام المتردي للمرور.
- الطلاق: 28% من حالات الزواج تنتهي بالطلاق السريع.
- العنوسة: 9 مليون عانس (منهن 5 مليون فوق سن 35 سنة) .
- الهجرة : 4 ملايين مهاجر منهم 820 ألف من الكفاءات النادرة ، و2500 عالم فى تخصصات شديدة الأهمية.
- 6 ملايين طلب هجرة للولايات المتحدة وحدها سنة 2005.
- الأُمية (حاليا) 26% من الشعب المصري، 7% من الأطفال لا يدخلون المدارس بسبب الفقر (هذا غير المتسربين من التعليم).
- التعليم: دروس خصوصية، كتب خارجية، جامعات خاصة (للربح فقط).
- عمالةالأطفال: نصف مليون طفل.
- أطفال الشوارع: 100 ألف طفل (تقرير الأمم المتحدة).
- عشوائيات: 45% من الشعب يسكن العشوائيات (35 منطقة عشوائية بالقاهرة فقط).
- موظف الحكومة: تحت خط الفقر ويؤخذ منه ضرائب (ستة جنيهات متوسط دخل الموظف يومياً).
- المخدرات : يتم إنفاق 6 مليار دولار سنوياً على تجارة المخدرات.
- مشاكل أخلاقية: رشوة ، محسوبية ، بلطجة ، توريث المهن ، جريمة ، دعارة ، زواج عرفي ومسيار وسياحي ...الخ, قتل الأزواج، امتهان وتحرش بالنساء، ألفاظ بذيئة علنا، ، غش جماعي وجريمة وتسول...الخ.

رابعا- الأحوالالسياسية:

- تراجع دور مصر السياسي فى العالم العربي (وعالميا).
- وبسبب هذا التراجع السياسي ، ظهرت قوى إقليمية أخرى ، ودول صغرى بالمنطقة أصبح لها دور رئيسي وتجد من يستمع لها من القوى الكبرى .
- سيطرة وفساد النخبة الحاكمة.
- مراكز قوى.
- الإعداد لتوريث الحكم.
- تزوير الانتخابات.
- قمع المعارضة.
- اعتقالات.
- تعذيب حتى الموت.
- انتهاك لحقوق الإنسان.
- إلغاء دور النقابات والجمعيات الأهلية.
- مشاريع قومية متوقفة أو خاسرة.
- برامج القضاء على الأمية قبل عام 2000(متوقفة).
- المشروع الياباني لزراعة الصحراء الغربية بالقمح متوقف.
بالقرب من مرسى مطروح بالساحل الشمالي ، فهناك بعض محاسيب السلطة يريدون انتزاع ملكيتها لبنائها بالقرى السياحية .
- مشروع جامعة د/ أحمد زويل للتكنولوجيا متوقف .
- مشروع فوسفات أبو طرطور توقف بعد أن تم صرف الملايين عليه.
- مشروع توشكى وخسائره .
- خسائر شركات القطن 2-3 مليار جنيه .
- خسائر شركات الغزل والنسيج 8 مليار جنيه.
- العجز الإجمالي لسكك حديد مصر بلغ 12 مليار جنيه.
- خسائر 10 مليار جنيه بقطاع الإذاعة والتليفزيون.

خامسا- الأزمات والفساد:

- التعليم.
- الإسكان.
- الزواج.
- البطالة.
- الصحة.
- الأخلاق.
- الضمير.
- المرور.
- المياه النظيفة.
- الصرف الصحي.
- البناء على الأراضي الزراعية .
- التصحر.
- الزحام.
- الغلاء.
- انخفاض إحتياطى النقد الأجنبي .
- الأرضي الزراعية: تم تجريف مليون و200 ألف فدان أرض خضراء من أصل 6 مليون فدان.

سادسا- الأمن والشرطة:

- قانون الطوارئ .
- التعذيب فى السجون .
- ترويع المواطنين من الشرطة وأهانتهم بسبهم بأسوأالألفاظ .
- استخدام كلمات مثل : "إنت مش عارف أنا مي؟”، والحقيقة كلنا مشعارفين !!!

سابعا- قمع المعارضة:

- اعتقالات.
- تعذيب حتى الموت.
- انتهاك حقوق الإنسان.
- ضياع كرامة المواطن المصري لدرجة فى كثير من الدول ينادون على المواطن المصري بكلمة : "يا مصر" ، وكأنها سب وليست جنسية.
- تسمح الدول الأوربية بدخول رعايا معظم الدول العربية بتأشيرات بالمطار (وليست تأشيرات مسبقة من سفارات هذه الدول كما هو الحال مع كل المصريين الذين يتعين عليهم تطبيق إجراءات طويلة وعليهم إثبات أنهم سيعودون إلى مصر ثانية ، وأن لديهم أملاكا وأموالا بالبنوك ...الخ، وغالبا ترفض).

هذا غيض من فيض ولم نوف الرجل حقه فقد أثبت أنه أفشل رئيس تولى الحكم وأنه ما استحق يوما أن يكون رئيسا للمصريين .

حضرتك فى حد هيعترف على نفسه بالطريقة دى

هل فعلا انت جاد فيما تقول ؟!!
هل تبنى شخصيتك الفكرية وأرائك الخاصة على هذا النحو

الله يكرمك يا فندم


انا عارف حدود ادبي كويس والناس تشهدلي عالبوابة


وسجلي يشهد بامكانك مراجعة سجلي بس دة مش وقته خلينا في سيادة الرئيس المخلوع قريبا حسني مبارك

اطمئن يا صديقى
اطمئن يا طبيب المستقبل
النظام يحتضر
وتاريخنا الجديد يصاغ بسواعدنا الان
والحرية ستولد من رحم ثورتنا
للحرية ثمن سندفعه إن لم يكن ما دفعه المصريين ثمنا كافيا ومرضيا لرحيل ذاك الطاغية عنا