|
بكرة إن شاء الله هأمضي ال5 عقود من المديرة وتختمهوملي وأروح أوديهم الإدارة إن شاء الله يعملوا فيهم اللي عاوزين يعملوه أنا زهقت جدا والله الواحد بقاله أسبوعين تقريبا كل يوم في الإدارة وزهقت بجد بهدلونا والله وذلونا ولففونا ال7 لفات حسبي الله ونعم الوكيل فيهم ربنا يهون علينا ويصلح الحال ويجعله بفايدة يارب رغم إنه ظلم يساوي ناس ليها 10 سنين بناس شغالة السنه دي ويمضوا نفس العقد والله أعلم هيحسب اللي فات ولا لأ ياريت بس ينفذوه أساسا ده منا الورق ما يلف وبتاع نكون دخلنا في شهر 7 اللي هو المفروض بداية سنة مالية جديدة وهيكلة أجور بقى وحد أدنى يعني يتغير كل النظام أساسا بس لازم تمضي على ده عشان تضمن فعلا مكانك والله المستعان ودعواتكوا معانا |
انا عملت شهر ابريل وللاسف لم يضيفوا ال 15 % قالوا اللى بالحصة لا وشكرا يا اخت ابرار على طمأ نتى على موضوع النسخ ويا رب يكون العقد حقيقى فعلا مش مهم بقا يساوونا باللى لسه جاى ولا لا المهم الخير يعم على الكل يا رب
|
المفروض احنا متعاقدين من 2 مايو وقبض شهر مايو يكون على الجديد
|
اقتباس:
وإن شاء الله هو حقيقي بس ياريت يتنفذ بس زي ما بيقولوا أفلح إن صدق |
اقتباس:
ليه ال15% ما يتضافوش يعني للي بالحصة دي المفروض لكل العاملين بالدولة بالحصة غير حصة للكل!!!!! اقتباس:
|
النهاردة المفروض كنت رايحة أسلم الورق
بعد مامضت عليه المديرة وختمته بختم المدرسة بس عرفت إن لكل تخصص ليهم يوم محدد يسلموا فيه عشان مايبقاش فيه زحمة في الإدارة ولسة يومنا الثلاثاء بعد بكرة إن شاء الله والله المستعان |
اسمي أنس مش ايناس وعموما مش مشكلة
بس لواتنفذ الكلام ده يبقي تماااااااااااااااااااااااااااااام |
استاذة ابرار حضرتك من محافظة ايه وادارة ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
اقتباس:
معذرة ياأستاذ أنس متأسفة اقتباس:
محافظة أسيوط إدراة الفتح ليه خير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شكرا للمرور الطيب |
انا كنت بقرا الموضوع من غير ما اكون مشتركة فى الموقع
واشتركت مخصوص عشان اشكرك على المجهود الرائع ليكى يا ابرار حبيت اسئلك هو العقد دة اللى عى راس العمل الان وهما مكافاة شاملة مكملوش 3 سنين هياخدوة وانا فى الغربية مسمعناش حتى عنة والشهر قرب يخلص |
اقتباس:
ربنا يكرمك ويبارك فيكي ويعزك شرفتيني ونورتيني بتواجدك وردك الكريم جزاكي الله خيرا وبالنسبة لسؤالك القائمين على رأس العمل وماكملوش 3 سنين أه هيتعاقدوا معاهم بالعقد ده تمام كدة ومش عارفة والله أخبار المحافظات التانية إيه بس الكلام ده لازم تسألي عنه في الإدارة إنما لو منتظرة تسمعيه من المدرسة يبقى مش هتسمعي حاجة أبدا فتابعي في الإدارة اللي إنتي تابعة ليها وياريت توافينا بالأخبار والله المستعان وشكرا تاني لوجودك اللي شرفني |
عندك حق يا ابرار هما لا فى المدرسة ولا الادارة بيقولوا حاجة عدلة
دول بيتفننوا فى العكننة والاحباط ربنا ينتقم منهم لما تقدمى ورقك عرفينا بالجديد وخصوصا المرتب |
[quote=أبراار;3392506]النهاردة المفروض كنت رايحة أسلم الورق
بعد مامضت عليه المديرة وختمته بختم المدرسة بس عرفت إن لكل تخصص ليهم يوم محدد يسلموا فيه عشان مايبقاش فيه زحمة في الإدارة ولسة يومنا الثلاثاء بعد بكرة إن شاء الله والله المستعان ياترى عملتى ايه يا اخت ابرار هل سلمتى الورق |
وهل هناك اى جديد
|
الحمد لله رحت سلمت الورق النهاردة
وقالوا بعد 10 أيام ( عشان يكونوا إتمضوا كل الإمضاءات ) نسأل عشان ناخد النسختين (اللي واحدة هنديها للمدرسة والتانية هتكون معانا) وسألتهم إذا كنا هنفصل في الأجازة ولا هنفضل مستمرين قالوا لأ مستمرين إن شاء الله مافيش فصل ولما سألتهم هتحسبوا السنين اللي فاتت مايعرفوش لغاية دلوقت وجالنا الشيك شهر 4 ماعليهوش ال15% لما سألت في الإدارة قالوا كل اللي عاملين ببند 3/10 مش داخلين في العلاوة أدي كل الجديد والحمد لله والله المستعان |
مبارك يا اخت ابرار وعقبال التثبيت بس انا مش عارف العقد ده لغاية 30 \ 6 فهل في اى اجراء هنعمله فى 30 \6 ولا ايه
|
الف مبروك يا ابرار ولكل الزملاء ربنا يجعلة فاتحة خير عليكم
وعقبال الغربية اللى مش بيحصل فيها اى حاجة عدلة |
زملائي الأعزاء : لقد عانينا كثيرا ، وضاقت بنا الدنيا بدل المرة ألف ولم يشعر بنا أحد ، حتى الثورة لم تمنحنا ما كنا نحلم به ...
ولم ينتهي عصر التصريحات والوعود الرنانة الوردية وما هي إلا أسبرين مسكن للألم، فكل مسئول يلقي بالمسئولية على عاتق الآخر والضحية في النهاية هو المدرس بالحصة! السبب الرئيسي في هذه المهزلة الحقيرة هو عدم وجود نقابة حقيقية فعالة تنتزع حقوق أبنائها وتضمن لهم الحياه الكريمة . أشعر أنني قد ضيعت سنوات عمري من أجل العمل بمهنة لا يحترمها المجتمع .... كل التعازي مسبقا لمن سيختار هذه المهنة. |
اقتباس:
جزاك الله خير الجزاء ولكم بالمثل بإذن الله بالنسبة لسؤال حضرتك العقد هيتجدد تلقائي 1/7 من غير فصل يعني هنستمر في الأجازة ومن غير ما نقوم بأي إجراء حضرتك تابع بس في الإدارة إسأل لغاية ماتاخد نسختين من العقد واحدة للمدرسة والتانية مع حضرتك وإن شاء الله كل خير |
اقتباس:
الله يبارك فيكي ويكرمك ويجازيكي كل خير وإن شاء الله نباركلكوا قريب بس ماتنسيش تقوليلنا الأخبار على طول بإذن الله |
اقتباس:
هو طبعا دي مشكلة وكلامك مظبوط بس أختلف معاك في المهنة المهنة جميلة وسامية وأشرف وأعظم مهنة بس المشكلة في اللي ماسكين الوزارة والنظام اللي ماشية بيه لو إتعدلت والله حاجات كتير هتتغير ونأمل إن شاء الله في التغيير وإن ربنا يصلح الحال والله المستعان |
اعتصام مدرسى الحصة بالمنوفية للمطالبة بالتعيين
اعتصم ظهر اليوم نحو 300 من مدرسى الحصة والعاملين بعدد من المدارس، للمطالبة بالتعيين، وتحرير عقود دائمة، تنفيذا لقرار تعيين جميع المؤقتين.
أكد المعتصمون أن إبرام عقود دائمة تضمن حقوقهم طبقا لاتفاق وكيلة الوزارة، الذى يشمل شرط مرور ثلاث سنوات عمل متواصلة مع احتساب ما مضى من سنوات عمل، وكذلك زيادة المرتبات بما يتناسب مع الحد الأدنى لأجور المدرسين، مؤكدين على استمرارهم فى الاعتصام السلمى والإضراب عن العمل لحين الاستجابة لمطالبهم |
اقتباس:
|
انا سلمت العقود الجديده للموجه يوم الاربعاء المشكله انهم مش عارفين ايه اللى هيحصل بعد كده بس ادينا منتظرين
هو صحيح المرتب الجديد مش هيتقبض الا فى شهر سبعه يعنى الاشهر 5 و 6 و 7 مع بعض ؟؟؟؟؟؟؟؟؟؟؟؟؟؟؟؟؟؟؟؟؟ |
فى الغربية قبضنا مرتب شهر 5 وهو 105 جنية زى ماهو
ولا عملنا العقد الجديد ولا حد يسمع عنة لا جديد ولا هيبقى فى جديد فى المحافظة دى |
اقتباس:
أولا مبارك علينا وعلى حضرتك التعاقد ثانيا حضرتك محافظة إيه؟؟؟ بس عموما إن شاء الله اللي هيحصل ‘نها هتاخد وقت عشان تتمضي من التوجيه وبعدها الإدارة وبعدها المديرية وحضرتك تسأل بعد 10 أيام من معاد تسليمك ليها وتاخد نسختين منهم واحدة للمدرسة والتانية لحضرتك وممكن هم في الإدارة يبعتوا النسختين ع المدرسة أدي كل اللي هيحصل أما بالنسبة للمرتب فالله أعلى وأعلم مانعرفش حاجة بس كله خير إن شاء الله |
اقتباس:
قبضتوا شهر 5 إزاي وإحنا في نصه لسة دا إحنا مش بنقبض الشهر غير في نص التاني هههههههه ولا قصدك 4؟؟؟ عموما إحنا لما قبضنا 4 كان زي ماهو وماإتضافلوش العلاوة ال15% ولما سألت قالوا لا الحصة ولا المكافأة بند 3/10 داخلين في العلاوة دي فقلتلهم شكراااااااااااا أما عن العقود فتفاءلي بالخير تجديه وإن شاء الله حاسة إن هيجيلكوا قريب ونباركلك بإذن الله |
أنا نسيت أبلغكوا إن إمبارح كان آخر يوم في الإمتحانات في المدرسة
المديرة قالتلنا كل اللي عملوا العقود الجديدة جاتلنا إشارة من الإدارة إنهم مش هيفصلوا وهيستمروا معانا في الأجازة وهتطلعلهم المرتبات ومافيش فصل إن شاء الله وعملوا حسابنا معاهم في التقسيمة اللي بيقسموها دي في الأجازة نروح يومين في الأسبوع والحمد لله |
لا جديد تحت الشمس
|
السلام عليكم
يا ترى ما قالوش حاجة بخصوص عمل استمارة القبض بتاعتنا ولا نعملها ذى اللى فات وخلاص |
اقتباس:
تفاءلوا بالخير تجدوه بإذن الله خير |
اقتباس:
وعليكم السلام ورحمة الله وبركاته أهلا بحضرتك ياأستاذ إيهاب والله لسة ماقالوش الكلام ده خالص بس إحساسي وأغلب ظني هنعملها زي اللي فاتت والله أعلم |
مبرررررررررررررررروك
|
اقتباس:
ما عشان احنا مش لينا لازمة ومرتبنا حقير ومحدش بيبص لية بتاع المرتبات لما بيجيب العلاوة للمتثبتين بيخلص استمارات قبضنا بدرى بيقول انتم غلابة خدوا 100 جنية اصرفوها على المواصلات دى غير البواب بيقولى تعالى اقفى معايا فى كانتين المدرسة ونقسم بالنص احنا مش اسمنا معلمين مساعدين اسمنا معلمين مهزقين وحسبنا الله ونعم الوكيل |
اتمنى من الجميع الانضمام الى جروب ( مدرس بالقلم الرصاص )
http://www.facebook.com/home.php?sk=...913864265&ap=1 |
انا من المنيا يا جماعه وقالولنا تجيبو استمارة تامين صحى وتعملوها ضرورى الموضوع دا حصل فى محافاظات تانيه ولا فى المنيا بس
|
اقتباس:
ثانيا انا من اسيوط مركز البدارى ثالثا احنا لسه مقبضناش شهر 3 او 4 لان الادارى اللى عندنا بطئ اوى و ممل |
اقتباس:
مش عارفة الناس دي إيه؟؟؟ الذوق والأخلاق راحوا فين ؟؟؟ الصراحة أصلي ناقصاهم ياستي مانضايقيش نفسك إذا خاطبك السفيه فلا تجبه فأكرم من إجابته السكوت وربنا بإذن الله والله العظيم هيعوضنا خير ومش هيضيعنا أبدا بس علينا نثق فيه ونتوكل عليه إن كنت تحبه فثق به تماماً ومن يشفي جروحي سوى مالك روحي ماتضايقيش نفسك ياست الكل وحقك عليا أنا وتأكدي إن فرج الله قررررررررررررررررررريب |
اقتباس:
بارك الله فيك |
اقتباس:
هم كانوا طالبين من ضم الورق الرقم التأميني أصل بس كدة لكن تأمين صحي لأ وبعدين حضرتك ماوضحتش وضعك إيه؟؟؟ مدرس بالحصة ولا بالمكافأة؟ وحضرتك مضيت العقد ده ولا إيه؟ ياريت توضحلنا وأهلا بحضرتك معانا |
اقتباس:
وتشرفنا يافندم و الكلام اللي ذكرته لحضرتك هو اللي هيتم إن شاء الله بالنسبة لشهر 3 و4 ربنا إن شاء الله يكرمهم كدة ويخليهم يشدوا حيلهم ويقبضوكوا إن شاء الله بس الإداري ده محتاج زقة ربنا يعينكوا والله |
اخت ابرار لو سمحتى احنا جالنا العقد ده بس كلام ليس الا بس سؤالى هو حيبقي متأمن علينا؟ كمان قالولنا المرتب105 زى ماهو. عند حضرتك فكرةعن الموضوع ده؟
|
شكرا استاذه ابرار انا مركز المنيا وبالعقد الشامل من 1/3 وقبضت شهر 3 ال104 جنيه وقالولنا لازم تعملو تامين صحي علشان كده انا جبت الاستماره واختمها من المدرسه علشان يتحدد ميعاد الكمسيون الطبي
|
اقتباس:
بارك الله فيك |
اقتباس:
لأ طبعا مدام جالكو العقد ده مايبقاش كلام وإن شاء الله يتنفذ أما بالنسبة للمرتب لأ طبعا هيتغير لا يمكن يكون هو هو هيكون في حدود 340 أو كدة يعني طبعا لسة ماحدش خد حاجة والله أعلم الأمور هتمشي إزاي فيه ناس بتقول هناخد 5 و6 بنفس النظام القديم ومن شهر 7 هنقبض بالنظام الجديد وفيه بيقولوا مش هناخد 5 و6 دلوقت وهناخدهم على بعضهم على النظام الجديد بأثر رجعي وفي كل الحالات خير والله أعلم أما فكرة متأمن علينا فماعنديش معلومات لكن ماأفتكرش لأننا أساسا مؤقتين وحتى بالعقد ده مؤقتين برضه فهيتأمن علينا إزاي وإحنا مؤقتين ؟؟؟!!! ده تفكيري أنا والله أعلم ممكن نسأل حد بعقد معلم مساعد ونعرف هو متأمن عليه ولا لأ؟؟ ياريت تفيدونا في الموضوع ده |
اقتباس:
كل اللي طلبوه إستمارة التأمين الصحي وبس على كدة؟؟؟؟ ياريت تفيدنا بس عموما إحنا في العقد ده فيه تأمين صحي بينطبق علينا لأن فيه أجازات عارضة وإعتيادي وكدة يبقى معنى كدة لينا تأمين صحي بس إحنا ماطلبوش مننا إستمارة تأمين صحي لكن بس الرقم الـتأميني ومش عارفة ده ليه علاقة بالحكاية دي ولا حاجة تاني!! |
العقد الشامل لية تامين صحى ما احنا المفروض المرتب بتاعنا 110 وبناخدة 105 عشان 5 جنية بتاعت التامين الصحى وليا اصحابى عاملينوة بس انا معملتش كنت على امل هناخد المميز واعملة على عقد نظيف
|
اقتباس:
جديد الكلام ده بالنسبالي لو بتتكلمي على البند القديم اللي كنا شغالين عليه 3/10 إزاي الكلام ده وهو مش فيه أي حاجة خاصة بالعارضة أو إعتيادي أو أي أجازة وكمان لما بنغيب يوم بيتخصم مننا لا بيكون عارضة ولا تأمين صحي لأ مع إحترامي كلام حضرتك مش صحيح ومرتبنا المفروض 120 وبناخد 108 لأن أيام الجمع بتتخصم دي معلوماتي |
اقتباس:
يا ابرار كل محافظة وليها عقد شكل فى فوضى رهيبة فى العقود بدليل انكم خدتوا العقد واحنا مفيش عندنا اى حاجة فى الغربية انا متاكدة من ان لينا تامين صحى على الاقل فى الغربية كل اصحابى عاملوة والعارضة والاجازة الاعتيادى مش بتتحصم بالمرتب عندنا انا كنت باخد الاعتيادى كلها وباخد مرتبى كامل |
اقتباس:
فى الاسكندرية.... العقد الشامل أجازاته كالاتى:- 1- 4 أيام عارضة. 2- 8 أيام اعتيادى. 3- 10 أيام مرضية مدفوعة الاجر. 4- 10 أيام مرضية بدون أجر . ورغم هذه الاجازة المرضية ليس لنا دفتر تأمين صحى . |
| جميع الأوقات بتوقيت GMT +2. الساعة الآن 02:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.