|
اقتباس:
|
انا لو قلت اية اللي حصل محدش هيصدقنيhttp://www.elebda3.net/img/msn/gif/eLeBDa3_564.gif
|
طيب ليه خايف اوي كده اي نعم كلنا خايفين بس اللي بيخاف اوي يبقي بيعمل حاجة غلط معلش سؤال تاني عملت ايه مع الدكتور ؟
|
اقتباس:
|
سواء صدقناك او مصدقنكش لان كل شئ في الدنيا يحتمل النسبة ما بين الصدق والكذب
إلا اني احسب ان البوح والفضفضة وانك تحس ان حد شايل الحِمل معاك ده بيخفف الألم كمان خد بالك إياك والتوهم وحش اوي وبعد فترة بتصدقه وتقدر تحلف انه صحيح مع انه مش صحيح ربنا يهدينا ويهدي الجميع ويقف معاك يارب اخوك احمد |
بالنسبة للعضو (سرى جداا) اللى ف صفحة (1) و شكله هو اللى لسه موجود المهم بص انا شكلى عرفتك اصلا مش عارفة ليه لان اتحكالى الحكاياية دى من حد :d بس ما علينا اولا كده احترم كيبوردى علشان بياكل الحروف:frown: بص يا سيدى واضح من كلامك انك ف فترة ثانوية عامة ملكش صاحب قريب منك مش بتتكلم مع حد ف البيت يعنى منعزل عن اللى حواليك كلهم سواء قريب او حبيب شخصية انطوائية انعزالية الى حد ما بص بقى الفترة دى فترة اعصاب وتعب . . بمعنى انك فيها بتفكر ف مليون حاجة هتفكر ف الدراسة هتفكر ف مستقبلك كله . . هتفكر ان ف ناس كتيير زاكروا ياترى اخدوا ايه بعد كفاحهم هتفرق ف المشاكل اللى بتحصل ف البيت هتفكر ف اصحابك ان مفيش حد قرب منك ولو ليك مش بتعرف تتكلم معاه حاسة فيك انك شخصية انطوائية نوعا ما برضو شخصية مفكرة بمعنى انك لما بتيجى تفكر ف حاجة بتفكر ف مليون حاجة ف وقت واحد وده بيصعب الموقف عليك اكتر واكتر ويخليك تكره الحياة وده الل مخلى عندك انفصام ف الشخصية انك 2 ف 1 طب ليه منبسطتهاش شوية :) بمعنى انك لما تكون متضايق من حاجة تفصلها عن اى حاجة مزعلاك او انك تغير الشعور الى انت فيه انك تسمع قران او موسيقى هادية مدة قليلة او انك تزاكر مادة انت بتحبها تجذب تفكيرك وتغيره هبقى كده بالتالى غيرنا شعور الضيق والملل اللى فيك انت شخصية انطوائية مش بتتكلم مع حد تقريبا كده بالنسبة لاسرتك . . يا ف مشاكل كتير ف البيت او انك بتخاف تتكلم مع اى حد ماماك او باباك او حتى اخواتك لو ليك بتخاف يفهموك غلط او مش يقدروا يحسوا بيك ويقسوا عليك او تشعر باللا مبالاة يبقى بالتالى مستفدتش حاجة :frown: اصحابك ممكن يكونوا مش كتومين للسر . . ودى ارجحها ان يكون حصل موقف معاك ومضايقك او مش لاقى حد يفهمك كويس كل ده خلى فيك شخصة تانية انت مش حاببها واللى حواليك محبوهاش فيك وبقيت وحيد خلاك تكون منعزل . . خلاك تكون خايف تقول رايك . . خايف من راى اللى حواليك عليك خلاك تتجه للحقن ! بس الحياة ابسط من كده . .لو كلنا من مشاكلنا وهمومنا اللى فينا عملنا كده وخفنا وبقت جوانا شخصية فينا احنا مش عاوزينها يبقى مش هنتقدم ولا هنتطور لازم نبص لقدام مش نقول اللى زاكروا عملوا ايه او هستفد ايه ! يبقى بالتالى هنفضل مكاننا عدى للريح فكر ف مستقبلك . . فكر انك تكون حاجة انك تطور من ذاتك وشخصتك ان الدنا بعد ما حست فيك بالشخصية التانية اللى مش حاببها لازم تحس فيك بالشخصية الل انت مخبيها احلى شخصية جواك عبر عن رايك . . متخفش جرب ع الاقل شرف المحاولة وشوف هيكون نتيجته ايه ;) مش شرط انك تتكلم مع حد او يكون لك صديق تشكيله بس حاول انك تقرب من الناس هزر واضحك ابتسم للدنيا . .كفاية انك لما ترسم ابتسامة وتقرب من اللى حواليك هيقربوا منك وهتتردلك نفس الابتسامة ابعد عن الحقن ودى اهم حاجة مش هقولك متشربش منبهات كتير لانى كنت ف الفترة دى مدمنة شاى ونسكافيه بس هقولك انه خطر ومش بفيد الجسم غير تدميره قرب من ربنا اكتر واكتر و اقرى سورة البقرة قبل ما تزاكر او لما تكون متضايق او بتفكر ف حاجة و حاول تفصل تفكيرك مش تفكر ف مليون حاجة ومتخليش اى حاجة تطول ف تفكيرك كتير مكن تلاقى ده صعب ف الاول بس صقنى هترتاح ف الاخر اااوى ويارب اكون فاهماك صح واسفة ع الاطالة ربنا يكرمك ويوفقك ويحفظك |
احنا مستنينك تحكي ياسري
|
لا خلاص سري اللي كان موجود بقا واحد تاني خالص و الحمد لله ادعوله ربنا يثبته
|
اقتباس:
انت بتلعب من ورانا ولا ايه ياشريف :d هههههههه بهزر ع فكرة هو ده هدف الموضوع ربنا يكرمك يارب ورربنا يوفقك ياسري وشد حيلك ف مذاكرتك مش باقي غير شهر ع الامتحانات وابقى طمنا عليك من وقت للتاني ربنا يثبتك يارب:) |
اولا الموضوع فكرته فيها شوية تجديد ( واخدة نفس حركة العضو المجهول :d ) ما علينا بس عندي اقتراح صغير بما ان العضوية انتي عملتيها و المشكلة انها سايبة بمعني اننا ما نعرفش مين اللي بيدخل و مين اللي بيحكي فباقترح ان اللي ياخد العضوية يغير الباسوورد و بعد ما يخلص كلام يقول الباسوورد و العضو اللي ياخدها من بعده يغير الباسوورد لغاية ما يخلص .. و هكذا اما بالنسبة لسري جداا فانا شغال باتفرج ع الردود و بعدين هارد تحياتي :) |
انا برضه علي ما اظن زي ما شريف قال سري اتغير
وانا بدعيله بجد من كل قلبي انه يتغير |
اقتباس:
هههههههههههههههههههههه لا و الله كان كلام عادي و بعدين متسبونا بقا نشوف حالنا :d اقتباس:
فاهمك انا :d ربنا يثبته |
هههههههههههههههههههههههههه
يا سلام يا خويا لا والله هههههههههههههه انا فعلا حسيت بكده بس خلاص يا سيدي كده تعمل فينا مقلب يا شريف |
صباح الفل عليكم
مش عاوزين منى اى حاجة ؟؟ هاجى تانى ان شاء الله سلام عليكم |
ازيكم؟ انا مش عارفة اذا كان الاخ اللي قبلي مشكلته اتحلت ولا لأ و اعتذر ان كنت اتدخلت في النص , على كل حال انا هعرض مشكلتي و دة لاني مش قادرة استحمل اكتر من كده بصراحة مش عارفه ابدأ منين .. بس هبدأ و خلاص و الله يكرمكم يا جماعه اللي يعرف انا مين مش لازم يقول انا مين يخليها في سره ولا يبعت لي رسالة و يقولي انه عرفني المهم انا جايز تكون مشكلتي هبلة او مالهاش قيمة بالنسبه للي قبلي انا بنت بسيطه زيي زي اي بنت عادي , بس عيبي اني مترددة اوي في كل حاجة في حياتي , و مش بعرف اخد قرار و اي قرار اخده تلاقيني بندم عليه و ارجع اقول ياريت اللي جرى ما كان ( مع اني بكون صليت استخارة و عملت كل ده) و على طول محبطة و يائسه كده و مشتائمة و جايز يكون ده بيضايق اللي حواليا .. جايز ايه ده اكييييييييد بيضايقهم و بيقرفهم كمان !!!! المهم فبيقيت مش بحب احكي لحد حاجه و دايماً بخبي مشاعري عن كل اللي حواليا , سواء كانت مشاعر حلوه ولا لأ , مافيش حد عارف عني حاجه .. الناس بتتهمني بالغموض وفيه ناس بتتهمني بالغرور و التكبر مع ان الصفه دي يعلم ربنا مش فيا بقيت بخاف احلم , كل لما احلم بحاجه يحصل عكسها , بقيت اخاف اتخيل اني حققت حلم من احلامي , و بقيت بتخيل اني مش حققته و جالي انهيار بقى على اساس اني لما احلم بكده احققه (طبعاً مع شغلي مهو مش خيالات و بس) انا ماليش اصحاب , كل البنات اللي زيي ليهم اصحاب (و برجع و اقول بنات و مش ولاد عشان محدش يظن فيا غلط) بجد ماليش اصحاب , و لما بتحصل لي مشكله مش بلاقي حد يقف جنبي ولا يساندني و لما بعيا مش بلاقي حد يسأل عليا , اتعودت على وحدتي دي و لما بخرج مع صاحبتي و تكون جايبه اصحابها -ودي حالات نادره اوى اوى- ببقى قاعدة متضايقة و عايزة امشي , مش عشان حاجه , عشان فيه ناس معانا و انا مش بحب اللمة حتى لما بروح فرح بسيب القاعه و اقعد بره لوحدي او مع بنت اخويا -يمكن عشان طفلة و بتفكرني بنفسي و بحس معاها ببراءة و طهارة فقدتها اليومين دول- ماليش اصحاب اطلاقا , حتى الصاحبة اليتميه اللي كانت ليا , زي ماتكون فيه حد باصص لي فيها , و قال ازاي اصاحب حد و يبقى لي حد افضفض معاه , ماتت من سنة و كانها لسه ميتة امبارح و لحد دلوقتي مش مصدقة انها ماتت و يوم ما ماتت كان نفسي اروح لها و اقولها خديني معاكي ليه سبتيني في الدنيا دي لوحدي .. ولا حتى بعرف اعمل صداقات مع حد , لاني من النوع الانطوائي لابعد الحدود , مش اجتماعيه خالص , حتى لو حد اتكلم معايا برد على اد اسئلته بالظبط ولا بفتح معاه في حوارات ولا حاجة انا خوافة اوي اوي , بخاف على احلامي لا مش احققها مع اني بشتغل لها بكل ما املك , بخاف على كل اللي بحبهم لاصحى في يوم و الاقيهم مش بقوا معايا , خوفي ده كبر اوي لدرجة انه بقى خوف من الناس ماشية في الشارع بخاف اعدي جنب اي حد لا يعمل فيا حاجة , اخاف امشي في شارع ضلمة . خوف كده زي ما يكون واحد بيخاف من الحقن او الكلاب -ربنا يعزكم- اليومين دول جايلي وسواس غريب , كل شوية احس ان نهايتي قربت و اني هرجع لربنا اللي هو احن عليا من اي حد , و بفرح اوىىىىىىى لاني نفسي اروح لربنا هو احن عليا من اي حد , هو اللي حاسس بيا و بالي جوايا و عالم بحالي بس خايفة , هقابله ازاي , انا اكيد عصيته في اوقات ضعف , اكيد اغتبت ناس ياما , اكيد شتمت ناس ياما في وشهم و من وراهم , اكيد اتعصبت على والدتي كتير , اكيد اكيد اكيد , حاسه اني خلاص اتجننت بقيت مجنونه رسمي , ساعات بقعد اكلم نفسي و كأن فيه حد معايا و هو مافيش حد معايا اصلا بقيت اكره اوي حد يسألني عن حالي و اخباري , لان محدش حاسس بيها و بتحير اوي لما حد قريب مني خصوصا يسألني عن حالي , بتنح شويه و اقول ياترى اجاوبه بايه , فبقوله الحمد لله على كل حال و انا بضحك عشان مش يحس ان فيه حاجة غريبة بس لما بفرح , بفرح عادي بس بخوف , لاني متأكده اني هرجع تاني ازعل على اي حاجة او فيه حاجة هتحصل , فبفرح نص فرحة زي مابيقولوا , لاني ببساطة اتعودت على كده كتير فكرت اروح لدكتور نفسي , بس فلوسي اللي بخدها من شغلي مش هتكفي لان كشفه بـ 120 و اكيد هكشف مرتين عالاقل في الشهر لان بقية المرتب بيروح في المواصلات و خلافه , و حتى انا مش بشتغل طول السنة و مش هروح اقول لبابا عايزة اروح لدكتور نفساني لانه اكيد هيفتكرني بهزر انا فقدت كل حاجة حلوة في حياتي , حتى الحاجات البسيطة اللي كانت بتفرحني مابقتشي بتفرحني , زي ماتقولوا الكآبة طغت على كل حاجة .. جايز اللي يقرا كلامي يفتكر ان ورايا مصيبة زرقا , بس احب اقولكم ان الوحدة ممكن تعمل في البني ادم اكتر من كدة اعمل ايه يا جماعة , الله يستركم دلوني على اي حاجة خلاص انا في دوامة و مش عدت قادرة استحمل اكتر من كدة لان تعبي النفسي دة قلب بعضوي و كتر خير الدنيا الحمد لله على كل شيء |
محدش فينا مبيرتكبش معاصي اكيد كلنا عملنا معاصي بس انتي لسه بتعملي المعاصي دي ؟ انتي بتصلي ؟ ليا عودة ان شاء الله
|
اقتباس:
و بقرا قران كمان و بروح احضر دروس في المسجد |
طيب معلش هاسأل كام سؤال و لحضرتك
الحرية الكاملة انك تردي او لأ اولا حصل في حياتك حاجة شعرتي انك مسئولة عنها ثانيا حضرتك مالكيش اصحاب ع النت تصاريحهم باللي حاساه ثالثا الحكاية دي من أد ايه بالظبط ليا عودة ان شاء الله |
اقتباس:
حصل حاجة و هي ان كان فيه واحدة ضحكت عليا و عملت فيها صاحبتي و استغلتني استغلال غبي ماديا و معنويا كمان و هي اصلا مش كويسة و ياما اخويا حذرني منها و من افعالها و انا مش سمعت كلامه و انتهى كل دة في الاخر انها ضيعت مني حاجة عزيزة عليا اوى و حطمت حلم كان نفسي احققه و كان على وشك انه يتحقق ده بغض التظر انها سرقت مني مرتبي كله و كنت لسه قابضة و كان اخر شهر اشتغل فيه يعني مافيش بعده مرتبات تاني فانا مسئولة عن الحلم ده و عن مرتبي و عن اللي حصل كله و انا غبية اني مش سمعت كلام اخويا بالنسبة للسؤال التاني ليا اصحاب عالنت , بس انا مش بدخل النت كتير لا في اجازة ولا دراسة فمش بيكون فيه فرصة اكلمهم بالنسبة للسؤال التالت الحكاية دي من سنة بالظبط تحديدا من يوم 11/5 لان هو ده اليوم المشئووووم اللي حصل فيه كل ده و كتمت جوايا حزني لغاية بعد الامتحانات و في اخر يوم في الامتحانات خلصت من هم ثانوي و خلصت من هم الامتحانات و فضيت للمشاكل اللي حصلت دي لان كله حصل في يوم واحد موت صاحبتي و الخدع اللي اكتشفتها من الانسانه دي |
انتي ساعات مش بتحسي بالامان حتي لو انتي في البيت ؟ بتخافي من حاجة معينه حتي لو في البيت ؟ انتي ليه محاوليش تصاحبي اي حد تاني غير صحبتك رحمة الله عليها
|
وفين والدتك ووالدك من اللي انتي فيه ده؟
وخصوصا والدتك |
حاسس ان المشكلة كبيرة قوى
وحاسس انها حصلت قدامى هقرا الموضوع تانى وهرد على كل نقطة هنا ان شاء الله فى رعاية الله |
كام سؤال بعد اذن حضرتك
انتى كام سنة ؟ عندك اخوات بنات ؟؟ قريبين من سنك ؟؟ حصلك اى مشاكل نفسية قبل كدة ؟؟ حضرتك علاقتك بوالديتك واهلك كويسة ؟؟ بتكلمى معاهم وتفضفضى معاهم وكدة ؟؟ انتى قريبة من ربنا ؟؟ من زمان وانتى قريبة من ربنا ولا الفترة دى بس ؟؟ حاولتى قبل كدة تقربى من حد صديق يعنى وفشلتى ؟؟ انتى منعزلة عن المجتمع بطبعك ولا فية اسباب ؟؟ اخر سؤال وليا عودات ان شاء الله انتى بينك وبين نفسك حاسة اية السبب فى كل الى انتى فية دة سبب محتفظة بية لنفسك اية هوة ؟؟ امممممممممممم ملحوظة انا حاسس انى مشكلة حضرتك دى اتعرضت قدامى امبارح بس بشكل مختلف شوية عموما هتاكد واقول لحضرتك منتظر ردود حضرتك فى رعاية الله |
................. I'M SoRrY ............ |
انا مش عارفه اقولك ايه يا حبيبتي بس انتي عارفه وانا قاعده اقرأ والله استغربت لان معظم حكايتك نفس حكايتي والله العظيم ومستعده اجيبلك ناس هنا في المنتدي تساليها انا كنت زيك ولا لأ
بس الصراحه كنت زيك بس اتغيرت شويه مش قوي يعني بس شويه كتييييييييييييييييييييييييييييييييييييير قوي بقعد مع بنت اختي وبقعد اكتبلها في جوابات لانها الوحيده اللي بحسها فعلا زيي في عالم براءه ونضافه غير اللي احنا فيه ده صدقيني الموضوع مش محتاج لا دكتور نفسي ولا اي حاجه محتاج منك بس قوه واراده مش اكتر مش معني ان صاحبتك ماتت الله يرحمها يبقي اخر الدنيا مش معني ان واحده استغلتك يبقي مافيش حياه بعد كده وان الناس كلها زي البنت دي لأ والله العظيم لأ صدقيني انا كنت متشائمه جدا ووالله كتير قوي كنت بقعد اتخيل حتي حياتي بعد كده اني هتجوز واحد وحش وهيطلع عيني وانا معملتوش حاجه وكنت متخيلاه هيضربني ويبهدلني كنت متخيله اني كل ما انزل الشارع هتخطف او حد هيأذيني بس انا مقلتش الكلام ده لحد الصراحه يعني كانت حاجات وحشه كتيييييييييييييييييييييير قوي بقعد اكلم نفسي في الاوضه حتي بابا بيقعد يدخل يقولي انتي عبيطه يا بت بتكلمي نفسك اقوله لأ بغني يعني بصي والله كنت زيك بس هي كانت محتاجه مني اراده وقوه مش اكتر مش هي دي اخر الدنيا صدقيني والله مش هي دي اخرها بالعكس انتي لازم تبقي متفائله معلش تعالي في مره تخيلي حاجه نفسك فيها وحاولي باقصي جهد تحققيها افضلي وراها لغايه ما تحققيها لو محققتيهاش يبقي اعرفي انها مكنتش خير ليكي وربنا بعدها عنك الرسول قال تفئلوا خيرا التفاؤل جميل والله جميل حتي لو متحققش الي اانتي عاوزاه بس لازم يكون عندك امل في الحياه معلش تعايل علي نفسك مره واتنين وتخيلي واحلمي ومعلش خليكي متفائله متحققش متظزعليش قولي ربنا كبير وسيبي الامور لله حاولي تصاحبي واحده تانيه تبقي معاكي تسمعك تبقي معاكي وقت الشده ونصيحه مني ليكي بلاش من النت خليها من اي حته انا معرفش سنك كام بس خليها من كليتك من شغلك كده يعني حاولي صاحبي واحده حقيقيه بلاش عالم الخيال ده ليا عوده عشان بابا عاوزني |
اقتباس:
و نادر جدا لما بحكي لحد فيهم و لما بحكي لحد بيحاول على اد ما يقدر انه يساعدني بس بيبقى اجابات تقليديه (يابنتي كلنا كده) , (يا بنتي فتره و تعدي) كلام من ده يعني _____________ بالنسبه لورد انتى كام سنة ؟ 18 عندك اخوات بنات ؟؟ لا قريبين من سنك ؟؟ حصلك اى مشاكل نفسية قبل كدة ؟؟ مشاكل نفسيه ازاي يعني .. مش فاهمه السؤال اوي حضرتك علاقتك بوالديتك واهلك كويسة ؟؟ الحمد لله كويسه جدا و بيعتمدوا عليا في حاجات كتير بيقولوا بنت بميت راجل يعني بتكلمى معاهم وتفضفضى معاهم وكدة ؟؟ مش دايما نادر اوي انتى قريبة من ربنا ؟؟ الحمد لله اظنني على خير من زمان وانتى قريبة من ربنا ولا الفترة دى بس ؟؟ لالا من زمان من و انا في اولى اعدادي حاولتى قبل كدة تقربى من حد صديق يعنى وفشلتى ؟؟ لا محاولتش لاني بقيت بخاف انتى منعزلة عن المجتمع بطبعك ولا فية اسباب ؟؟ فيه اسباب لاني فاقدة الثقة في اللي حواليا كلهم تقريبا و كمان في نفسي يعني مثلا انا شاطرة في دراستي زي ما اللي حواليا بيقولوا بس مش حاسه بكده جميله اوي بس مش حاسه بجمالي طيبه بس مش حاسه بطيبتي فيه ناس بتوصفني بحاجات كتيره مش حساها اخر سؤال وليا عودات ان شاء الله انتى بينك وبين نفسك حاسة اية السبب فى كل الى انتى فية دة سبب محتفظة بية لنفسك اية هوة ؟؟ لو هتكلم هقول كتيييييير انا عمري ما فيه حد اهتم بيا ابدا من و انا صغيره , والدتي بتحبني جدااااا و لما بعيا و كده بحس باهتمامها و حبها ده , لدرجة اني في مره اتمنيت اني افضل عيانه على طول عشان تهتم بيا كده و اتعودت اني اخبي كل مشاعري سواء مشاعر حب ولا كراهيه ولا غضب ولا حزن و لا فرحه .. مش بتفرق كتير حتى المره اللي حبيت فيها خبيت مشاعري دي مع انه بادلني نفس الشعور بس انا مش بينت له و كنت بصده مع اني من جوايا مقدرش استغنى عنه ابدا و لسه بتقل عليه و بطنشه .. مش عشان حاجه لأ عشان ربنا .. حرام لو انا اديته وش يبقى حرام عليا , لو خرجت معاه يبقى جرام عليا لو كلمته يبقى حرام و ربنا هيحاسبني بحب ربنا اكتر من اي حد في الدنيا دي و لو حد ظلمني و ضايقني بتصرف معين مش بروح اوجهه لا بقف مكاني و بحس ان الحروف اتجمدت في شفتي مع اني بعرف ارد و اهزأ و اشتم و اعمل كل حاجه و هو بيستمر في تصرفه ده و يتمادى او يكمل حياته معايا و كان مافيش اي حاجه و انا من جوايا متبهدله بجد خلاص حاسه ان قلبي اضعف من انه يتحمل صدمات _______ مش هقدر ارد عليكم كلكم دلوقتي بكره بامر الله هحاول ارد عليكم |
اقتباس:
اول ما اخرج من بيتي واطلع من باب عمارتنا بييجي لي رعب فظيييع زي ما يكون فوبيا من الناس !! محاولتش اصاحب حد .. مين قالك اني محاولتش .. حاولت بس مش عرفت ابدأ منين ولا اعمل ايه اصلا و صاحبت ناس فعلا بس مش بيكلموني غير كل حين و مين و مابيتصلوش كمان غير لما انا اتصل .. يعني لازم انا اللي اتصل !! اقتباس:
انا فاكره اني الوحيده من نوعي في العالم اللي كدة .. انا بجد حاسه اني مش بقيت بني ادم زي اي بني ادم يعني , زي ما يكون ماليش مشاعر او بقيت عايشه في الدنيا عشان اتخدع في الناس او كده مش عارفه الدنيا ليه كده انا مش بعترض و مهما كان ده ربنا مقدره ليا من قبل ما اجي الدنيا ساعات بييجي في بالي سؤال مش عارفه ده شرك ولا كفر ولا ايه بس بتسعيذ بالله من الشيطان و اقوم بصلي ركعتين لوجه الله لما الاقي الدنيا معصلجه معايا بقول طيب لما هو ربنا مقدر ليا كل حاجه من قبل ما اجي الدنيا ايه لازمة اني ادعي ربنا بقى و اقوله يارب عايزه كذا و كذا و هو مش مكتوب لي؟ و ربنا يغفر لي العبط اللي بعبطه في نفسي ده |
اعمل ايه يا جماعة , الله يستركم دلوني على اي حاجة
خلاص انا في دوامة و مش عدت قادرة استحمل اكتر من كدة لان تعبي النفسي دة قلب بعضوي و كتر خير الدنيا الحمد لله على كل شيء دي بس مشكلتك دي بسيطة اوي صديقني بصي للناس الثانية هتلاقي انك نقطة من بحر مشكلهم دا كله عشان الوحدة سهلا انها تتحل اشتري كتب وقرائيها وتهتمي بشغلك زيادة عن اللازم اتكلمي مع اهلك ام الاسرار عارفة تحكيها لمين لربنا لانه الوحيد اللي هيعرف يحلها لك غير ان ربنا مش هيطلع بشر عليها اما لو حكيت لبشر ع اسرارك صدقني لو حصل خلاف مبينكم السر هيبقي ع لسان البشر كله الله يرحم الجميع مش معني ان صديقتك اتوفت يبقي لازم تقعدي كل يوم يعطي لنفسك كآبة اه الوفاء دا شيء جميع بس مش معني كدا اننا ندمر نفسي لان لما تزعلي دا هيآثر ع نفسيت ع كيان ع جسمك وكل الحاجات دي أمانة ربنا ادها لك يبقي لازم تحفظي عليها محدش مش بيتمني انه ميرحش ربنا بس اهم حاجة لازم تطعيه لازم يكون نيتك صافية وانتي تصلي او حتي بتقرائي قرآن لازم تعرفي ان محدش هيقدر يحصل مشكلتك ويخرجك منها الا ربنا محدش هيقدر يخليكي اجتماعي اللي نفسك محدش هيخليكي ذكية وبتعرفي تتعملي مع الناس اللي نفسك هاتي ورقة وقلم وشوف ايه اللي مزعلك في حياتك وايه اللي استفتي من خيانه اقرب الناس ليه اتخنتي مرة يبقي اكيد اتعلمتي دا حال الدنيا مش هتحصلي ع اي حاجة فيه اللي لما تنشكي مرة او مرتين بس مش عني كدا ان دا نهاية الدنيا دي البداية اني مش اغلط الغلطة دي تاني انت بتقول لي انك بتخروجي مع اصحابك مش لازم معني الاصحاب انك تحكي الاسرار شوفي هم بيتكلموا في ايه وتكلمي معاهم حاولي تخرجي نفسي من العالم المظلم هتلاقي ان النور في كل مكان حوالي بس الستار عايزة تترفع انتي بس اللي هترفعيها صدقيني انتي احسن من غير بكثير اغتنمي الفرصة قبل ما شبابك يضيع في الهم والغم وبعدين تقول لي يارتني بعد الشر عليكي ربنا يوفقك في امان الله |
اقتباس:
ده سؤال بيجي ف دماغ اي حد ميعرفش ان الدعاء والقدر بيتصارعان ف السماء وان مش في حاجة تغيرلك المكتوب غير الدعاء فاادعي كتير عادي |
برضه انتي لازم تغيري من نفسك انا من رايي غلط طبعا انك تفكري كده ربنا خلقنا بيشوف مين كويس ومين وحش مين هيستحمل الابتلاء اللي ربنا بيبتليه بيه بصي عاوزه اقولك علي حاجه مشكلتك تقدري انتي تحليها بنفسك تقوليلي ازاي زيي انا اصلا ظروفي تقريبا فعلا كانت اوحش من ظروفك بكتيييييييييييييييييير بس انا قدرت اتغلب علي اللي انا فيه بس لما فعلا قربت من ربنا لما قلت لأ ربنا بيختبرني لازم ابينله اني قويه واقدر استحمل اتكلمت مع دي ودي اه كنت خايفه فعلا وكنت كمان ببقي عاوزه اقوم امشي لو حد موجود غريب او اعرفه بس حتي الكلام بيننا مش قوي كنت ببقي مش طايقه نفسي بس قلت لأخليني واقفه خليني اتكلم مره في مره والله اتعودت علي كده اصلا بقيت عاديه الي حد ما بس برضه فيا صفه الهدوء بحب اقعد في هدوء اولوحدي يعني او بس بنت اختي معايا اسمها مرام فعلا مبرتاحش غير بكده يا لوحدي يا اما مع مرام دي بس غيرت شويه بقيت الي حد ما اجتماعيه بقيت عادي صحبتي اللي انا مصاحباها دلوقتي من كام يوم بتقولي انتي عارفه انا كنت مبحبكيش قبل ما اعرفك لانك كنتي لوحدك كده ومبتعمليش حاجه هزأتها بهزار ساعتها بس انا اتغيرت حبتني اكتر وقربت مني اكتر وانا نفسيتي ارتاحت اكتر من الاول وعادي خالص عايشه حياتي عادي جدا وميه ميه خالص يا باشا فهي مشكلتك دي انتي اللي تحليها تيجي منك انتي
اللي انتي بتقولي عليهم مبيتصلوش غير لما انتي تتصلي مش اصحاب اصلا مينطبقش عليهم صفه الصحوبيه ليه لانك مدورتيش عدل تستني اصبري هتشوفي دي ودي ودي وهتقابلي اصناف وانواع واشكال غريبه اللي بتطنش واللي بتستهبل واللي وحشه واللي مغروره واللي واللي واللي واللي ككتير كتييييييييييير يعني عادي بس مسيرك هتلاقي واحده كويسه فعلا زي صحبتك الله يرحمها غير كده الدنيا موقفتش لغايه هنا بالعكس انتي لسه صغيره خالص وهتشوفي وهتقابلي لازم تغيري من نفسك لان هييجي عليكي يوم وتشتغلي وتتكلمي مع ده ودي وتنزلي وتطلعي واولادك هتتعاملي معاهم ازاي هتعلميهم خوفك هتنقلي ليهم نفس الاحساس ده ازاي المفروض تخليهم اححسن ناس والمفروض تخليهم زي اي حد مهما حصلهم من مواقف وحشه او تضايق ميستسلموش وانتي كذلك يعني حاولي انتي بس باراده وعزيمه انك تغيري من جواكي يا سري فهماني حاولي هي بس مساله تعود مش اكتر والله فعلا هتلاقيها كده يلا قومي صلي ركعتين كده وادعي ربنا وعادي خالص خليكي زيي قلديني تكسبي والله اينعم انا لسه بقعد اكلم بنت اختي وبقعد اكلم منفسي والي حد ما ببقي انطوائيه بس بقيت عاديه يعني ده مع ده بقيت مع الناس عادي مصاحبه واحده بتكلم مع الناس من غير خوف مره تجرأت ورحت اتكلمت مع بابا ومره تانيه كذلك لغايه ما تقريبا بقيت احكيله تقريبا يعني مش كل حاجه طبعا بقيت احكيله علي كل حاجه يعني ان شاء الله هتتغيري يلا اتمني المره الجايه ادخل تقولي انك خلاص سمعتي نصيحتي وبقيتي زيي سلام |
تقريبا كده هما قالولك كل اللي انا كنت عاوزة اقوله
انا بس عاوزة اقولك انك جاية ع نفسك زياده عن اللزوم بتخبي مشاعرك عن الناس بتشتغلي بيقولو عليكي بنت بميت راجل ودي مش حاجة كويسة ع فكرة للبنت لازم يكون في حد شايل معاكي جزء من مسؤليتك هي دي الفطرة اللي اتخلقت عليها البنت قوتها ف ضعفها وواضح من كلامك كمان انك قدام الناس بتصطنعي الشخصية القوية عارفة لو انتي فعلا قوية كان ممكن يبقى عادي لكن كده اهو كله جه عليكي بصي حاولي تقربي من اخوكي ومن والدتك ووالدك وبالنسبة لصحاب اكيد ف يوم ربنا هيعوضك بواحده كويسة ان شاء الله بس كده ده اللي عاوزة اقولهولك انك مش تيجي ع نفسك اوي ولو حملتي والدك ووالدتك جزي من مسؤليتك اكيد هيقفو معاكي |
ازيكم عاملين ايه؟؟
انا هدخل ف مشكلتى علطول هى مشكلة معقدة ومعتقدش ليها حل بس اهو ممكن انا مشكلتى ان انا بحس ان امى بتفرق جدااااا فى المعاملة بينى وبين اختى اللى اكبر منى علطول ونفس المشكلة مع بقية اخواتى هما بيحسوا بنفس الاحساس ان هى بتحب اختنا ديه اكتر مننا بس انا برضه بحس ان انا مش اخده حقى اوى يعنى اختى الكبيرة اكيد ليها معزة خاصة فى قلب امى واكيد اخواتى اللى اصغر منى ماما مش بتحب تفرق بينهم علشان محدش يزعل انا الوسطانية حاسة يعنى ان انا فين ؟؟ مع العلم انى بحس ان انا بعمل مع ماما اللى اخواتى كلهم مش بيعملوه بجد والله ديه مشكلة بتخلينى افكر واقول ان انا مليش لازمة ف الحياة وبدعى على نفسى كتير جداااااا بجد الموضوع ده مضايقنى اوى وكمان بقول انا مش هطلب منها حاجة ولا عايزة من حد حاجة وانى لما اكبر يعنى هرد لهم كل اللى انا كلفتهم دراستى يعنى مع العلم ان المشلكة ديه انا حاساها من زمان بس بتزيد معايا دلوقتى ليه مش عارفة اليومين دول بالزات بقيت اتضايق مع ماما كتير بحب العزلة اكتر كده يعنى بس انا مش بتضايق من اختى اد ما بتضايق من امى يعى هى ملهاش ذنب ان ماما تحبها اكتر على فكرة انا كلمت ماما كتير ف الموضوع ده بس هى مش مقتنعة بتقول لى لأ مش بفرق وبتمدح فيها كتيير برضه على فكرة انا اتضايقت خلاص وان شاء اللى اشوف ردودكم بس يلا مش قادرة اكمل كلامى سلام يا ريت لو حد عرفنى ميقولش لحد اوك |
اقتباس:
وكل ماقعد مع واحده تقولي البوقين دول :d بصي ياستي معتقدش ان في ام او اب بيحبو حد من ولادهم اكتر من التاني ممكن بيبقى في تفريق ف المعاملة ودي بتبقى بظروف ممكن تكون اختك الكبيرة مش بدايقها يعني انتي بتقولي انك بتتخانقي معاها كتير وبتفتحي الموضوع ده معاها كتير ممكن يكون ده اللي بيدايقها ممكن كمان تكون اختك عندها ظروف مثلا محتاجة مامتك جنبها اكتر وهي ماماتك اللي تحدد مين محتاجها اكتر من التاني بصي انتي طلعي الموضوع ده من دماغك وحاولي تحسي من نفسك ومش تحاولي تحسسي مامتك انها بتحب اختك اكتر لان ممكن الشعور ده يتنقلها حقيقي انا بردو الوسطانية والكبيرة بنت بردو جيب ف فترة حطيت الموضوع ده ف دماغي ان ماما بتحب اختي ونفس النظام محدش تعب غيري وبعدين لما قعدت افكر وسألت ماما لقيت فعلا اختي ف الوقت ده كانت احسن مني ف حاجات كتير انا مش كان ورايا غير اني افكر ف الحكاية دي واتخانق مع ماما واختي وبعدها ابتديت احسن من نفسي مع ماما مع شوية تنفيض الحياه بقت جميلة عاتي بصي كملي كلام واحنا متابعين معاكي بس تقريبا هو ده الحل التنفيض مستنينك ياقمر:) |
كده ياجماعة حصلت لخبطة :blush: البنوتة الاولانية كانت لسة مش خلصت يااما تكملو انتو الاتنين واحنا نتلخبط المرادي:078111rg3: يااما البنوتة التانية تستنى لغاية مالاولى تخلص |
على فكره موضوع حلو اوى تسلمى يا ايمان عليه
اتصورى اول مرة اشوفه!!!!!!!! |
اقتباس:
وانا مع ايمى ف كل كلامها وعن تجربة ;) |
السلام عليكم ورحمة الله وبركاته أهلا وسهلا بيكِ يا أخت ( سري جداً .. المشاركة رقم 77 ) في البداية مشكلتك لا تقل إرهاقاً وتعباً عن مشكلة سري جداً اللي قلبك فكلاكما نوع من أنواع الرِهاب او الــ phobia لكن نتائج كل منهم بتختلف تعالي كدا نعرف كام حاجة هنستخدمهم واحنا بنتكلم عن مشكلتك القلق : شعور بعدم الاستقرار والخوف من المستقبل الشك : التردد في تصديق ما غير مرئي ( المسقبل وما إلي ذلك ) وسوء الظن بالآخرين وعدم الثقة بالنفس تعالي نعمل ميكستشر كدا بين ده وده .. هيدينا نتيجة وهي ( الصراع النفسي أو المرض النفسي ) .. دي مقدمتنا تعالي بقي نقسم الأفكار :- * حالة من الرهاب الإجتماعي * اللجوء للتحدث من خلف ستار * تردد وعدم القدرة علي اتخاذ القرار * إحباط ويأس وتشاؤم * انعدام الثقة بالآخرين وإنعدام الثقة بالنفس * الوسواس بالموت :: حالة من الرِهاب الإجتماعي :: اللي بتعاني منه يا أخت ( سري جداً ) هو حالة من حالات ( الرِهاب الإجتماعي ) الناتج عن الإنطوائية اللي انتي ذكرتيها في كلامك يمكن حالة الانطواء مش بتحصل من الباب للطق لكن دي حاجة انتي اتعرضي ليها ما بين سن 5 لـ 6 سنين اثناء بناء شخصيتك في طفولتك وبالتالي فحصل ثغور في شخصيتك أدت ان مع اول صِدام بالواقع حصلتلك أزمة نفسية عكرت صفو حياتك .. لذلك فعشان نسد الثغور دي لازم نتعامل معاها بحذر ونسدها بحاجات هتيجي أثناء رؤيتي لحل المشكلة .. :: اللجوء للتحدث من خلف ستار :: ودي اللي لجئتلها من خلال استخدامك للعضوية دي وانا أعتقد انك ممكن تكوني كلمتي ناس ع النت بردو عن جزء بسيط من مشاكلك وخصوصا مسألة ( الثقة ) لذلك فانتِ لسه مفقدتيش الثقة الكاملة في الناس وإلا أصلا إيه اللي خلاكي تحكيلنا طالما انتي مش بتثقي في الناس هتتقبلي الإرشاد او حل مشكلتك ازاي من ناس مش بتثقي فيهم وده شئ جميل اوي وهيساعدك وهيساعدنا .. وصراحة ً انا مستبشر خير فيك بجد .. لو عاجبك حكاية ( سري جداً ) أنا أو أي حد مستعد يسمعك لآخر مشكلة عندك ونقعد نفكر ونتناقش سوا لغاية ما نوصل لحلول ( وسد الثغور ) كلها اللي ممكن تكون حصلتلك في شخصيتك :: التردد وعدم القدرة علي اتخاذ القرار :: سبب التردد بيقي ممكن يكون حاجة من الحاجات دي .. اما عدم الثقة بالنفس وبالقدرة اللي جوانا .. او عدم الثقة في الظروف .. او عدم الثقة في الشخص اللي مرتبط بيه القرار .. المهم انها مسألة عدم ثقة .. ودي هنتكلم عنها في النقطة اللي بعد الجاية .. اما التردد فعايزك تعرفي حاجة مهمه جداً حالتك طبيعية جدا ً جداً جداً جداً في النقطة دي خصوصاً لانك لازم تحطي في الاعتبار ان انتي في ( سن مراهقة ) وهو الخطوة التالته تقريبا ً في مراحل النمو ودي بيحصل فيها تغيرات كتيرة جداً وخصوصا نفسية وانفعالية وفي أواخر المراهقة ( السن اللي انتي فيه ) بتبقي فيه مرحلة انتقالية وصلة ما بين المراهقة والرشد ودي بقي بينتقل الإنسان فيها من أقل استقرارا في الشخصية لأكثر استقرار ومن الأقل للاكثر في أغلب القضايا اللي كان بيواجها .. لذلك فلازم تتعاملي مع الفترة دي كمرحلة انتقالية هتفوت عن قريب ان شاء الله وهتلاقي وجهه نظرك للحياة كلها اختلفت وان شاء الرحمن الحياة كلها تبقي جميلة وتقدري تتعاملي معاها بشكل سليم .. :: إحباط ويأس وتشاؤم :: شئ طبيعي ناتج عن الوحدة والإنطواء فالإحباط واليأس والتشاؤم معناهم كلهم سلبي ومعني سلبي هو عدم وجود جانب مؤثر بالإيجاب وهو التفاعل الإجتماعي يعني هما نتائج طبيعية لكن خلي بالك دي ألأعراض الأولي للإكتئاب يعني لو فضلتي كدا هتلاقي نفسك فعلا وصلتي لحالة من الاكتئاب وهيبقي فيها العلاج صعب وهياخد وقت ومجهود أكبر فعشان كدا لازم تتفاعلي مع المجتمع وتقربي من الناس الكويسين واللي الناس بتزكيهم .. صاحبي الكويس هيعرفك ع الكويس .. :: إنعدام الثقة بالآخرين - وإنعدام الثقة بالنفس :: دي مشكلة عند المعظم .. وفعلا في مجتمعنا الحالي والناس اللي موجودين دلوقتي لازم الإنسان يبقي حرييص لكن المثل بيقول ( حَرّصْ ) ولا تخونش .. تعرفي بما إنك مؤمنة ومستبشر فيكي خير الرسول - صلي الله عليه وسلم - قال ايه .. قال " إذا قال الرجل هلكَ الناس فهو أهلكهم " صدق رسول الله صلي الله عليه وسلم .. شوفتي التعميم في الحكم بيفسد الناس .. معاملة الناس انهم غير جديرين بالثقة بيخليهم فعلا غير جديرين بالثقة .. وبعدين لما بقولك ثقي بالناس مش معني كدا انك تبقي شفافه قصاده لكن مش تسلبيه الثقة كامله لانك مترضيش ان حد يرميكي بالإتهام ده من غير ما تعمليله حاجة .. اهو نفس الشعور بردو بالنسبة للناس .. اتعرفي علي الناس والله هتكسبي كتير بس الناس الكويسين والكويسين هتلاقيهم في الطريق الصح .. هتلاقيهم معاكي في الدروس اللي بتحضريها هتلاقيهم في المسجد هتلاقيهم في الأماكن الثقافية الدينية وما إلي ذلك من الأماكن اللي ممكن تحسي فيها بالخير .. كمان كنت عايز أكلمك عن نقطة مهمة جداً الغموض ترجمة صعبة علي مخ بعض الطوائف .. تعرفي انا يمكن عشان غامض في بعض الجوانب فيه بعض الطوائف كدا بتتهمني بالغرور وده للأسف جهل منهم بطبيعة الغرور .. هما بيعتبروا أي حد مختلف عنهم او ليه رؤية مختلفة يبقي مغرور مش عايز يبقي زيهم يعني .. فهماني .. فاوي تشغلي بالك بالكلام ده .. رغم انه كان بيتعبني بس بقيت بحاول اقلل الكلام ده عشان هما بقوا بيعيشوا حياتهم وبيأثروا علي نفسيتي فياريت متشغليش بالك بالكلام ده .. وتخلي عندك ثقة بنفسك .. وثقة قوية كمان والثقة دي هتيجي بقربك من ربك لما تقعدي تناجي ربنا وتوصليله ثقتك بيه هيخليكي تثقي بنفسك .. نقطه كنت هنساها .. قابلي الاساءة بالحسنة ومتشغليش بالك استخدمي مبدأ " انما نطعمكم لوجه الله لا تريد منكم جزاءاً ولا شكوراً " الآيه دي اول مرة اقرأها كنت في القطر وحسيتها اوي سورة الإنسان علي ما أذكر وهتأكد عشان مبقاش بألف :: الوسواس بالموت :: ده نتيجة طبيعية لحالتك بردو لانك بقيتي تشوفي الخلاص الوحيد من اللي انتي عيشاه هوا الموت وفكرتك عن الموت فكرة ضعيفة وقوية في نفس الوقت .. فاللي خلاكي تفكري في الموت مش انك رايحة لربنا لاء بالعكس هو تعريف عقلك الباطن ان الموت هو حالة سكون في المشاعر وسكون في الانفعالات وسكون في كل حاجة وانتي بتدوري علي الاستقرار فاستقرارك شيفاه في الموت .. لذلك فياريت متفكريش في كدا دلوقتي لسه الحلول قداك كتييير لما تستنفذيها ياستي ابقي فكري في اللي انتي عيزاه .. وعلي فكرة مجرد اليأس من الحلول ده معناه الكفر خلي بالك ( ولا تيأسوا من روح الله إنه لا ييأس من روح الله إلا القوم الكافرون ) فعشان كدا دايما دوري علي حلول ودايما توجهي لربنا .. فيه نقطة تانيه عند التفكير بالموت وهو ان صاحبتك راحت في الطريق ده واعتبار ان صاحبتك دي كويسة وراحت في الطريق ده فمن كتر ثقتك فيها اعتبرتي ان نفس الطريق هو انها رايحة طريق كويس زيها يعني .. بالرغم من ان فكرتي عن الموت انه مؤلم للغاية لان الإنسان ممكن يعيش الموت وهوا حي مش شرط فناء الجسد بس .. ربنا يبارك فيكي يارب ويعينك واحنا كلنا اخواتك يا ( سري جداً ) وتحت امرك دايما ولو احتجتي أي حاجة انا موجود وكلنا موجودين في رعاية الله |
معلومة يمكن تفيدك .. كنت قريت كتاب اسمه سيكولوجية الألم علي ما أذكر
كان بيقول ان الألم الجسدي من نعم ربنا علينا .. لانه بيخفف الألم النفسي عننا فحاولي تصلحي النفسي بقي عشان ميبقاش فيه ولا نفسي ولا عضوي -- علي فكرة كل البشر يعتبروا زيك بالظبط بس المشكلة ان كل واحد فاكر نفسه مركز الكون لكن للأسف كلنا مراكز للكون ده احنا شبه بعض لاننا مخلوقين من عجينة واحدة وروح واحدة باختلاف انواعها وألوانها واهتمامتها بقي -- اتمني الافادة |
اقتباس:
اقتباس:
|
اقتباس:
تابعي معانا بقى:022yb4: اقتباس:
|
كلامك جميل بجد يااحمد ربنا يباركلك ويبقى ف ميزان حسناتك اقتباس:
اقتباس:
يعني شوية اختلاف مع شوية غموض بيدي شخص مغرور من وجهه نظر اناس الي هو مختلف عنهم ومش قادرين يفهموه استوعبتها اخيرا:d عموما ده مش موضوع نقاش بس حبيت اقول الكلمة دي عشان مش انسى كل كلامك تمام يااحمد والاية مظبوطة ف سورة الانسان ربنا يجازيك خير يارب:) |
معلش انا كان ليا اقتراح في المشاركة 72 عشان موضوع اللخبطة بين الاعضاء حد شافه اقتباس:
اقتباس:
معلش انا اصلا الكبير بين اخواتي فماشعرتش بشعور الاخ الصغير بصورة عامة التفرقة في المعاملة مش لازم تكون عشان بتحبها اكتر او لأ ممكن عندها ظروف خاصة .. يعني مثلا البيت اللي فيه طالب ثانوية عامة بيبقي الاهتمام اكتر بالطالب ده علي سبيل المثال اما لو مفيش ظروف فأهم حاجة ماتبعديش عن الناس.. عشان ما تقلبش بانطوائية مش عشان انسان بيتعامل وحش نسيب الناس كلها لو عندك اخت كبيرة او قريبة من سنك حاولي اتكلمي معاها في الموضوع ده .. اعتبريها زي والدتك و هي بمرور الوقت هتحس ان في فرق.. منك او من غيرك و كمان ممكن تخلي شخص من قرايبك .. جيرانك.. يتكلم معاها و اهم حاجة تصبري سلااااام |
بسم الله الرحمن الرحيم
والله زمان .........بقالي كتيير مابدخلش على المنتدى بصوا ياجماعة بقى اللي أوله شرط أخره نور الحقيقة أنا مش عارفة إيه علاقة المثل ده بالموضوع لكن حبيت أقولوه وخلاص طبعا قريت الموضوع من طأطأ لسلامه عليكو الحقيقة المشاكل دي بجد بجد يعني مش هزار بجد بجد مشاكل جميلة أوي ولاول مرة أحس أني بلخبط في الكلام لأنها بجد شبه مشكلتي الأتنين مع بعض بس يمكن الفرق شوية زي ماذكر قبل كدة التنفيض طبعا مش تنفيض مراتب يعني طنش تعش تنتعش بس بشرط أن تضع الله نصب عينيك يعني من الأخر والله يابنتي اتقيتي ربنا بمعنى عملت الصح وأظن إنها مش حاجة صعبة أومش معروفة الصح معروف وتجنبت الغلط بكل مافيه مسلسلات أغاني إلخ لازم تبقي مؤمنة إن ربنا هيبقى جنبك تخيلي بقى لما ربنا هيبقى جنبك بس أنتي لازم تتأكدي من كده يعني مش عايزة كلمة أصل أنا غلطت كتير وربنا ممكن ميسامحنيش أو الجزاء من جنس العمل أو أنا قدري كده لا يابنتي فوقي دي كلها هواااااااااجس من الشيطان مش عايز ربنا يبقى جنبك ولما تيجي تدعي ادعي وانتي متأكده من إجابة الدعاء تماما يابنتي أنا لما كنت بدرس فقه في المملكة كان أخويا بيدرس معايا وقاللي أنه ممنوع إني أقول كلمة إن شاء الله في الدعاء شوفتي وصلت لدرجة إيه من أتى إلى الله شبرا أتى الله إليه ذراعا والله أعلم بنص الحديث بصي لمستقبلك حاولي تستفيدي بكل لحظة في الدنيا دي عشان الأخرة زي ليلة الامتحان بالظبط بنبقى عايزين نذاكر كل حاجة وكوني إنسانة ناجحة مبيتهيأ ليش إنك لودورتي على الصح وعملتيه وبعدتي عن الغلط ووثقتي في الله إنك هتغلبي أكيييد هتنتصري عالدنيا والشيطان مادمت مع الله ................. والله الوفق لنا ولك ولجميع المسلمين |
والله الموفق لنا ولك ولجميع المسلمين والمسلمات
|
اقتباس:
بس كانت ظروفي الصحيه ملخبطه شويه انا مش عارفه اقولكم ايه على كل حال جزاكم الله عني خير انا مش عارفه ابدا منين اليومين اللي فاتوا بجد مقضياهم نوم و بس زي ما اكون بهرب من الواقع مش هدخل في تفاصيل بقى و اسيب اختي اللي جت بعدي تحكي مشكلتها انا كده اخدت حقي و زياده و ربنا يكرمكم :) |
اقتباس:
ومشكلتك انتى الاهم لان واضح انها مؤثرة عليكى جامد اتكلمى تانى وخلصى كل اللى جواكى عشان نساعدك برده اكتر |
اقتباس:
|
اقتباس:
يافندم احنا كلنا اخواتك انا مش عارف حضرتك ولد ولا بنت لانى للاسف مش متابع بس فى كلتا الحالتين احنا اخوات والموضوع دة معمول عشان نقرب من بعض ونشكى همومنا لبعض هقرا الموضوع من الاول وهرد تانى ان شاء الله فى رعاية الله |
بجد حبيتكم في الله
القاكم علي خير ان شاء الله ان ربنا كتب لي عمر |
اقتباس:
و هتفرح بشبابك كمان بص المنتدى هنا عبارة عن دنيا خيالية ف دنياتنا الحقيقية بتتعامل مع جميع البشر بانواعهم الوحش والحلو نفس النظام هنا اتعامل ف الخيال هنا وصدقنى هتستفاد كتير وهتتغير ف حياتك كتير وده كلام الاغلبية زى ما كتير خسر حاجات . . استفاد حاجات كتير جداا اقتباس:
انت كده هتبقى نسكافيه :d لا بجد ازاى 3 اقتباس:
طب انا قلتلك ان المنتدى عبارة عن دنيا بس خيالية بس هى هى نفس دنيتنا ما تتعرف ع ناس منه عندك محمد اللورد ;محمود طه ;محمد ناصر ;عادل ;شريف الخضرى ;محمود اوبشن و ناس كتيير جدا مش هقولك احمد رضا علشان متتعقدش ف دنيتك خليه ده ف الاخر او متخليهوش خالص :d ف شباب كويس كتير ف المنتدى اتعرف عليهم واكسب لغة حوار صدقنى هتتغير اوى اوى جرب مش هتخسر حاجة صدقنى :) الاحتمال التاني اقرب شوية اقتباس:
نفس المشكلة عندى بس مش شرط تثق ف اللى حواليك ما تمشى بمبدا او حكمة جميلة بمشى بيها شوية صاحب كتير بلا صاحب :) هترتاح اقتباس:
بدل ما بتبسطها بتصعبها اكتر واكتر ليه متقسمش تفكيرك كل مشكلة حطلها وقت وتخلصها فيه مش تطول معاك احسبها صح صدقنى هترتاح وتعيش صح :) بص عندى امتحان هروح الكلية وهرجع اكمل معاك سلام مؤقت |
| جميع الأوقات بتوقيت GMT +2. الساعة الآن 04:28 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.