|
جزاكم الله خيرا
جزي الله خيرا كل من دعا لي بالتوفيق في الجامعه وهذا العمل خالصا لوجه الله تعالي لافادتكم ومن بعدكم باذن الله
نكمل حديثنا باذن الله النسيان: ده مش مشكله عادي؟؟؟؟؟؟؟؟؟؟؟ ليه طيب؟؟؟؟ لان المخ بيحط معلومات جديده فبيحط القديمه بعيد بس خلي بالك!!!!!!!!!!!!!! لو مرجعتش المعلومات القديمه المخ هيفتكرك مش عاوزها وهيمسحها طب والحل؟؟؟؟؟؟ من ان لاخر نراجع حتي ولو الان بعيد المهم تراجع عشان متتمسحش الثقه بالنفس: لازم متقعش كل ما تيجي تقع شجع نفسك وحاول وكمل كل اماتكمل ربنا هيوفقك الاندماج :اندمج مع كتبك خليها هي صديقتك واسال مدرسينك وابعد عن اصدقاء السوء والعيال اللي همهم يخوفوك احنا مذاكرناش احنا هنضيع بص من الاخر خليك في حالك وحط اعصابك ف تلاجه قبل اما تبدا الدراسه لما يجي درس صعب عافر وذاكر واسال خلي المدرس يشرحلك تاني قفلت معاك غير المدرس المهم الراحه النفسيه والحل الكتير جدا اقصد انك تندمج في الماده لدرجه انك تحلم بيها من كتر الاندماج المراجعه الصحيحه اولا باول ومن نص شهر 3 ابدا عشان تراجع القديم حتي ولو درس قديم مع جديد برده أي استفسار انا غالبا معاكوا كل يوم هخش لحد التقديم اجاوب علي اسئلتكم |
شكرا يا دكتوره عندي سؤال بسيط احنا ابتدينا فيزيا بس حاسس انها عاديه يعنى كتاب المدرسه شايف انى مستحيل يتذاكر منه ورق الاستاذ حلو بس خايف يجي حاجه من بره مش عارف اعمل ايه
|
موضوع جميل وانا استفدت بس حكاية الفزيا من المدرسة انا بصيت على الكتاب كله دش في دش انا مذكرة + مثالي شرح وبقبل رأيك برده انا عايز افهم حكاية الحل هوا انا عشان اجيب مجموع كبير في 3 لازم احل كتييييييييييير اوي يعني في الفزيا 7 او 8 كتب وكدا انا على العموم داخل 3 وجبت 98 بس ناقص 3 انجلش مش عارف ازاي بس انا عايز احاول 25 لازم احل من اول سنة 2 واحل كام كتاب في كل مادة واشكرك مرة اخرى
|
اقتباس:
اولا كنت بحضر الدرس وارجع (في وقت مذاكرة الفيزياء ) بذاكر من الملزمه عادي ودي كانت كبيرة جدا مش مختصرة بس برده كنت بعد اما اخلصها امسك كتاب المدرسه اقري منه الدرس واجيب ورقه فلوسكاب اكتب فيها الحاجات اللي مش موجوده في الملزمه وموجوده في كتاب المدرسه وادبسها في المذكرة عادي وبرده كنت بحل الاسئله اللي فيه هو وكتاب دليل التقويم من اول السنه عقب كل فصل انا بالنسبه للكتب الخارجيه كان عندي كتب كتير جدا ومنها المثالي شرح ( مش اوي مليان دش وهيعقدك بامانه هو بينقل من الوزارة ويزود كمان امثله مش مهمه ) واسئلته مش اوي الفيزياء مش مهم تذاكر منين المهم فيها الحل والامتحان مبيخرجش صعب او سهل من حاجتين كتاب الامتحان وده معروف وكتاب الوسام بتاع الاسئله مكتوب فيه كله مسائل هو مسائل بس ومتجاوبه انا بنصح بيهم جدا بدل المثالي 7 او 8 كتب دي اوفر ولا هتحل ولا هتذاكر وانا في النصايح قلت التهويل ومنها انك تقعد تجيب كتب ملهاش لزمه الفيزياء في كلمتين (مذكرة + الناقص من كتاب الوزارة +دليل التقويم +كتاب الامتحان + مسائل الوسام) ويكون الكلام ده من الاول عشان مش هتقدر اصلا تقفل كل ده في اخر خام شهر ده كده يكفي ويفيييييييييييييييييض الانجليزي بقي ده رائع وسهل انك تقفله في 3 بالذات وحاول انك تذاكره اصلا لان باقي المواد هتاخد حقه انت بس متظلموش ذاكره وحل كتاب في الدراسه ولما توصل ليونيت 9 ابدا يكون عندك كتاب تاني بتحل مثلا 10 من هنا وواحد من هنا بتراجعه كانك اول مرة تشوفه وتحله هتيجي المراجعه والمستر يقول هاتوا كتاب مراجعه ويبدا يونيت وان تكون انت في وان من المراجعه و11 مثلا من كتابك الاضافي وعموما كتاب واحد من الاساس يغني بس انا كنت من هواه مذاكرة الانجليزي فكنت بعمل كده واوكد في 3 سهل تقفل انجليزي بس اهم حاجه يكون عندك فن التعامل مع الامتحان ده بالذات يعني هيفيد ايه لو ادربت علي سؤالين شوز وفايند ذا ميستيكس من 100 كتاب وبتدربش علي باقي اسئله الامتحان لازم تكون مدرب علي كله بالنسبه انك تزيد في مجموع 3 عادي انا كنت في 2 جايبه 99% والرابعه ع المدرسه وال 44 ع الاداره سنه 3 بقي الحمد لله اتقلبت الموازين انا جبت 99.15 + مستوي رفيع بقيت100.24 بس للاسف معظم الادارة نزلت ونقصت ببقيت الاولي ع المدرسه و3 علي الادارة اقصد انه مش لازم كله ينقص عادي لو مساله انك تزيد عندك بالنسبه لك حطها حياه او موت هتزيد وربنا هيساعدك بس اهم حاجه علاقتك بربنا تكون كويسه مساله عدد الكتب زي ما قلت كفايه واحد هيغني لكن خلصته وعندك القدرة خلاص لا مانع من الزياده ها يا جماعه حد عنده اسئله تانيه؟ |
اقتباس:
بلاش خايف ومش عارف اعمل ايه خليك قوي صارع الحاجه اللي تقف في طريقك كده هتغلبها باذن الله وبرده أي سؤال انا موجوده /اه طبعا ممكن حاجه تيجي بره الملزمه فاللي بيفهم الوزارة وينقل الزايد مش بيضيع وقت لانه اصلا ذاكر الملزمه وعارف الناقص وبيوفر علي نفسه الخوف والقلق |
السلام عليكم أجب ان أقدم خالص شكرى وتحياتى للعضوه lolododo2010 بصراحه عامله شغل أكثر من رائع الحقيقه فى التوبيك ده وبتساعد كل من يطلب منها المساعده جزاكى الله كل الخير وجعله فى ميزان حسناتك ووفقك فى حياتك المستقبليه إن شاء الله تعالى |
شكرا يا دكتورة على الاجابة وحنبدأ نشوف الكلام دا بعد العيد انا نسيت اسأل هوا علم نفس اذاكر منين احسن حاجة ؟ هوا عايز حل ؟
|
اقتباس:
أنا ممكن أجاوبك والدكتوره تيجى تكمل عليا بس يا سيدى علم النفس أنا كنت بذاكره من كتاب المدرسه أقولك ليه عشان هو عايز دش كتير ورغى أكتر فأنا لما كنت بذاكر من كتاب المدرسه كنت ببقى مطمن نفسى إنى لو نسيت حاجه ف الامتحان مش حنقص برده لانى مذاكر كم اكبر فلما أنسي جزئيه مش حتأثر ف الإجابه لكن مثلا لو مذاكر من مذكره المستر أكيد مش كاتب كل كلمه فلما أنسى حاجه ف الامتحان ممكن تأثر بقولك ممكن مش أكيد يعنى ممكن تذاكره كمان من كتاب المعلم منظمه بطريقه حلوه عايز حل بس نصيحه متحلش غير امتحانات السنوات السابقه هى دى المعيار الرئيسى لامتحانك إن شاء الله لان الكتب ساعات بتتفزلك كده وتجيب أسئله خياليه وممكن تعقدك والله |
اقتباس:
|
اقتباس:
1/ انك تذاكره من الملزمه تكون كاتبه بالنص من كتاب الوزارة بس بعناوين اقصد منظمه ثم تفتح بعد اما تخلص كتاب الوزارة تقراه وتكتب الحاجات الزياده في ورقه ودبسها في الملزمه( ده غالبا كنت بعمله في معظم المواد) 2/او تذاكر من كتاب الوزارة لو بتعرف تتعامل معاه لوحده وغالبا المدرسين ملازمهم بتبقي مليانه اسئله فمش هتحتاج كتب لان الكتب في علم النفس اما اسئلتها سطحية او متفزلكه واي حاجه تعوزها انا في الخدمه باذن الله |
اهم حاجه في 3 ثانوي
انكم تكملوا بنفس النشاط اللي هتبداوا بيه السنه لان هيواجهكم ملل وزهق لدرجه انكم هتتخنقوا ايه ده ليه بتقولي كده خضتينا؟؟؟؟؟؟؟ لا اقصد تخوفيكم ولكن تحذيركم من هذا العدو اهم من انكم تفكروا هنذاكر كام ساعه وكام ماده تكونوا حاطين في حسبانكم انكم لو واجهتكم مشكله في الفيزياء مثلا عندكم حاجه هتعملوها من اتنين اما الاستسلام وده طريق نهايته وحشه يارب ابعدكوا عنها واما انك تعافر وتغلب الماده بدل ما تغلبك هي وعشان تقدر تواجه موادك كلها لازم حاجتين ماتهربش بالنوم يعني لو هتهرب وتروح تنام اعرف انك كده بتستسلم ولا تهرب بالتليفزيون لا ذاكر وكمل واستعيذ بالله صلي اقري قران عيد اللي متفهموش مرة واتنين و3 و10 اسال مدرسك خليه يوصلهالك اعمل أي حاجه الا الاستسلام وبعدين برده بلاش تهول في قدراتك يعني اعرف انت حالتك تقدر تذاكر ولا لا والكم اللي هتقدر تفهمه في اليوم واختار الماده المناسبه من الاخر روض نفسك ع المذاكرة اعرف انك لو استهترت في اول السنه مش هتلاقي الدنيا روز وهتلم في الاخر بالعكس شوف انت عاوز كليه ايه واعمل كل ما في استطاعتك عشان تنجح تابع الحاجه اللي بتعملها اول باول بالنسبه للمراجعه ابدا من اخر 3 مراجعه مع نفسك شوف اللي ناقصك ومتراكمش حاجه ومتنسوش التوقعات المرئيه بجد دي هتريحكم في الفيزياء جدا وعلم النفس وباقي المواد اوي حاول وانت بتذاكر متغصبش نفسك اوي يعني لو خلاص قفلت معاك خالص بعد عناء طويل روح نام وابدا من جديد بكرة المهم تكمل ومتقفش في نص الطريق نصيحه: اللي معرفش يجيب اللي نفسه يجيبه في 2 سنه 2 خلاص خلصت شوط وانتهي وليسه الشوط التاني ابدا وكمل بعزيمه واراده وربنا يوفقكم أي طلب انا معاكم ربنا ييسر لاني في الدراسه مبقعدش عل النت فاي سؤال حاولوا تسالوه قبل بدا الدراسه واكيد من ان لاخر هخش اتابع اسئلتكم واكيد في الدراسه برده الاخوة في المنتدي بيساعدوكم ربنا يوفقنا ويوفقكم لما فيه الخير |
اقتباس:
تاني حاجة أنا سمعت أن في غرف صوتية تعليمية !! هل هي موجودة إلى الآن وللا بح |
ما شاء الله .. ما شاء الله
بجد موضوع اكثر من راااائع يا دكتوورة .. بجد انا ندمانة انى ماقريتوش من زماان ربنا يكرمك يارب و يجازيكى كل خيييير ** انتى شجعتينى ع الفيزيا جدااا جداااا و كمان العربى و علم النفس لانى كنت حاسة انى كارهاهم .. ب فكرتى اتغيرت الحمد لله ربنا يكرمك .. معلش انا بس عندى استفسارين واحد كان عن علم النفس و الحمد لله انتى حليتهولى و التانى بقى .. هو االانجليزى انا بذاكره من مذكرة المستر و عندنا بنحل الواجب من سيربرايز .. انا السنة اللى فاتت جبت ذا بيست و ف المراجعة المستر كان بيحل معانا من ذا بيست مراجعة ف حسيت انهم زى بعض انتى رايك اجيب ذا بيست و لا توب اسيودينت و ربنا يكرمك يا حبيبة قلبى على تعبك .. |
يسترك وينور طريقك.........
بس فى حاجة برده.....بالنسبة للمراجعة الاسبوعية او الشهرية دى نواظب عليها ازاى؟؟....بحس انى عندى وساس من ان انسى المنهج عشان كده بحتاج اراجعها كل اسبوع او شهر او كده؟؟ والمشكلة ان انا اكتشفت انى مش ليا خلق اعد عالكتاب لمادة واحدة مدة ومش بفهم الا بعد تكرار عنيف ومش بفهم الا من نفسى..... من الاخر متعبة فى المذاكرة جدا ولقيت حل يعنى مثلا انا اخدت درس الفيزيا النهاردة اول اما ارجع بقراه مرة وبكون طبعا فاكرة شرح المدرس وحركات ايديه وطريقته وكل حاجة بيكون الدرس لسه طازة فى دماغى وده تقربيا بياخد منى حوالى نص ساعة بفهم حوالى60% من الدرس تانى يوم بحاول احفظ الدرس واركز فيه اوى.... وتقربيا بياخد منى ساعة او ساعة ونص لو كان الدرس تقيل شوية...... وتالت يوم اللى هو قبل الدرس على طول بحاول احل كتييير وفعلا مفعولها سحرى جدا معايا بحس ان مالية ايدى من الدرس جدا................. حفظته وكررته ..... وكمان حليت عليه..... وثبته فى دماغى وفى نفس الوقت حليت مشكلة الزهق ومشكلة صعوبة الفهم بسرعة...... ايه رايك فى الحل ده؟؟؟ وانتى شابفة عيوبه ايه؟؟؟؟؟ |
اقتباس:
الغرف الصوتيه مجربتهاش ممكن تسال عنها في القسم بتاعها اضمن وشكرا |
اقتباس:
وربنا معاكي للعلم سوربرايز يكفي بس انا عموما كنت بحل من كتب كتير شوفي برده طبعتك وربنا معاكي |
اقتباس:
|
متشكرة اوى على ردك
ويا ريت لو عندك نصايح تانية تقوليها لانى بجد خايفة جدا من الانجليزى ده |
اولا:الف مبروك يا دوك ثانيا :توبيك جااااامد جدااا وافادني كتييييير جداااا:friendsxs3: |
مفيش ملخص انجليزي يكون ليه اجابات ؟
|
يا جماعه متحملوش هم الانجليزي 3 ثانوي اكتر نقصكم في العربي لانه مهمل حبتين من طلاب علمي خاصه و كذلك برده بتهملوا الانجليزي اهم من انكم تحلوا 100 كتاب فيه يكفي كتابين بكل ما فيهم يعني متركزوش بس علي شوز وفايند ذا ميستيكس وتسيبوا الباقي غلط كبير جدا لان اهم منهم تتدربوا علي البراجراف والمواقف والاماكن وتحلوا قطع الكومبيريهنشن بامانه ذاكروا بضمير وفي الاخر لو حد عاوز يقفل انجليزي لازم يذاكر بلاش شكوي عندك مشكله في الكلمات خلاص الحل سهل ادعي ربنا انه يوفقك لان اولا واخيرا التوفيق من عنده ابدا حط حل سهل يناسبك مثلا معاك ملزمه مقسمه الكلمات حسب المجالات شوف هتحفظ 5 او 10 كلمات منوعه كلمه من كل مجال يوميا تابع نفسك اول باول اول ماتعرف ان عندك بروبلم استوب وفكر في حله متشتكيش ولا تهرب حل مشاكلك خليك راجل معاها بدل ماتغلبك هي حط قاموس جمبك وانت بتحل قطع او جوجل ترجمه هتلاقي مليون حل ياللي خايف من الانجلش الانجليزي مشكلته معاكم هي عدم التدريب والاعتماد ع المستر وكمان عدم استمراريه المذاكرة وعدم متابعه النفس باستمرار بستنوا نتيجه الامتحان ف الاخر وتقول اتظلمت معلش انا حاده في كلامي المرة دي بس عشان تفوقوا وتعرفوا ان مهما كانت مشكلتكم مع ماده هتغلبوها لو عايزين لكن لو مش عايزين هتستمر الشكوي ولو بتتاثروا بغيركم من الطلبه اللي مستواها وحش هتتعبوا ربنا يوفقكم واستغلوا مدرسينكم واجهوهم يا مستر سمعلنا ومتتريقوش ع المستر اللي بيطحنكم لان ده في النهايه بيشتغل بضمير
ربنا يوفقكم وانا هنا أي سؤال انا في الخدمه |
شكلكم ابتديتوا دروس يارب اكون قدرت اساعدكم
|
طيب بصى يا دكتورة
انا داخلة تانية ان شاء الله بالنسبة للإنجليزى المستر بيدينا ملزمة وبنشتغل منها تمام كدا انا بقى عاوزة اجيب كتاب خارجى وانا هجيب توب ستيودينت اى رأيك ف الكتاب دا أجيبه ولا أجيب كتاب تانى ؟؟ |
الهدف الكبير ...................... حدده انت عاوز توصل لمجموع كام و تدخل كليه ايه
مشكله مشقه السير وصعوبته.....................الحل التدرج والمرونه طول الطريق ........................ حلها الصبر والانشغال الكسل................... نتغلب عليه بمجاهده النفس الالم ...................تذكر سعاده تحقيق الحلم تهن عليك حرارة الالم التحديات................كن بطلا واكسب تحدياتك حتي تستمر الاحباط والتشتت.............. نتغلب عليه بتجاهلهم والتركيز في ما نفعل للوصول للهدف الحسد والحقد من الناس................. نتغلب عليه بالاعتصام والتوكل علي الله وتكر لا تقف عند التخطيات وتخطاها ولو حد عاوز يعمل جدول ويمشي عليه صح لازم يحطله جوانب كتير وهي الروحاني(وهي الصلوات ودي بتشحنك) 5 مرات وكذلك قراءة القران الصحي (الاكل وتذكر ان غذاء العقل الماء والاكسجين ده بيزود التركيز وبيشغل المخ اطول) العلمي (ما ستذاكره) الاجتماعي (حاول تخلي الغداء مع الاسرة واتكلم حبه معاهم) عطائي (تصدق لان الصدقه دي بتزيح عنك كتير ولو عندك صديق بتساعدوا بعض مفيش مانع) الاحتمالي وده بجد لو معاك صديق قدك بتساعدوا بعض علي التنفيذ وخلي بالك انك متهولش لان هير الاعمال ادومها ولو قل وخلي بالك ان التقييم لما فعلت وما لم تفعل بينجحك في جدولك بنسبه 95% فما فوق واولا واخيرا خليك مرن وبلاش جداول من ساعه كذا لكذا ومن كذا لكذا لانه فاشل بكل المقاييس وحاول علطول لو غلطت مرة حاول الف مرة ومرة لان حلمك بجد يستحق التعب والمعافرة عشان توصله واياك والياس والمحبطين لو قالك حد هنفشل امشي وسيبه وقول فنفسك افشل انت لوحدك انا طالما بحاول وبعافر يبقي انا علي الطريق الصح وتذكر انك لو حاولت كتير واخفقت كتير ممكن ربنا يهديك بهداية روحانيه للطريق الصحيح وبرده الملل ده العدو الاكبر .............علاجه انك ترفه عن نفسك وتاخد فترات راحه وتنوع في المواد اللي بتذاكرها ولو يأست قول لنفسك انا هحاول كتير مرة واتنين و3 والف مرة اللي متعرفش تحفظه اقرا بفهم وبالفعل القرايه بفهم بتثبت وبتجيب مفعول المهم متسبش حاجه بدون مذاكرة وربنا يوفقكم |
كتاب رائع بس الانجليزي بيحتاج شغل كتير لا مانع ان يبقي معاكي سوربرايز كمان مش لازم كله يتحل مرة واحده انا عن نفسي كنت مثلا بحل كتاب لحد يونيت 5 او 9 وابدا احل في التاني من وان وانا مكله في الاولاني يعني كمراجعه
اقتباس:
|
معلش انا عارفة انى تعبتك معايا
بس يا ريت تحددى كتاب انجليزى كويس انزل اشتريه حالا وبلاش الاختيارات |
يا جماعة بالنسبة لانجليزى اولى ثانوي اجيب اكتر من كتاب ولا ايه بالضبط؟
احنا عندنا المستر عامل مذكرات روعة وهو دكتور فى جامعة المنوفية ومذكراته ملهاش حل بصراحة لكن انا عاوز اعرف هى اولى ثانوى لازم اكتر من كتاب |
الموضوع ده حلو اوى شكرا لحضرتك يا دكتورة عندى الكثير والكثير من الاسئلة 1- حضرتك بتقولى كنت بذاكر احياء وفيزياء يوميا.ممكن اعرف كل مادة كانت بتاخد كام ساعة يوميا 2- حضرتك خوفتينى اوى من ناحية وطمنتينى اوى من ناحية. _اطمنت من الاحياء والفيزياء وعلم النفس ان شاء الله اشد حيلى فيهم اوى وربنا يسهل واقفلهم بس فيه مشكلة :angry2: انا اكتشفت ان الاحياء والفيزياء بيخلصوا على اخر شهر 4 يعنى اول 5 كده.طيب انا مش هلحق اراجع فى شهر 5 واحل كتب مراجعه والدليل والامتحانات كل ده فى شهر :o:o ايه حل المشكلة دى :bosyht9: _خوفتينى اوى من العربى بتقولى عليه تقيل بس مش دى المشكلة المشكلة انك بتقولى انه هنهمله غصب عننا علشان الاحياء والفيزياء :006et4: ليه الاحياء والفيزياء هيقتلوا اليوم للدرجاتى :bosyht9: 3- حضرتك بتقولى ان انجليزى 3 اسهل من 2 وده شىء مطمئن الحمد لله. بس انا قررت ااخد فيه 3 ايام فى الاسبوع علشان اخلصه بدرى بدرى (على اول شهر 2) واقعد اراجع المنهج لوحدى 3 شهور واخلى شهر 5 للاسئلة والامتحانات وكده علشان زى ما حضرتك بتقولى المنهج كله فى الامتحان لا يتعدى 15 درجة من 25 فدا كويس ولا لاا 4-حضرتك بتقولى احفظوا 10 كلمات يوميا وانا شايف ده كتيييييييييير اوووووى :d:d انا ان شاء الله معايا مذكرة فيها 2500 كلمة .وكتاب فيه 2500 كلمة وكتاب سيربريز فيه قاموس كويس.فأنا هوصل بأذن الله لشهر 5 اكون حفظتهم ايه رأيك دول كافيين انى اقفل الE 5- ايه رأيك فى الجدول ده يومياااا فيزياء 3 ساعات أحياء 3 ساعات عربى 2.5 ( علشان 2 مذاكرة ونص نحو ) انجليزى 2.5 (علشان ساعة كلمات وساعة ونص مذاكرة) علم النفس ساعة النوم 6 ساعات الدروس 3 ساعات (درسين يوميا) الراحة (3 دروس) يوم الجمعه مراجعه الاحياء 5 ساعات الفيزياء 5 ساعات المستوى ساعتين علم النفس ساعتين والE ساعة وشكرااااااااااااااااا |
اقتباس:
بامانه عاوزة اوفر عليك لو ماده واحده ذاكرتها بضمير احسن مما تكتب مليون جدول خيالي ده التهويل بعينه يا جماعه وبعدين عقلك مش هيقدر يدخل معلومات ماديه ومعنويه في يوم واحد (لو مفهمتهاش هبقي اوضحها) حط جدول حلو وبعدين ممكن تثبت الفيزياء والاحياء بس بوقت معقول وتلعب بباقي المواد كل يوم ماده وابقي ناقشني لو عندك بروبلم:av4056bb7jp3: |
تغليقا على كلامك يا دكتورة وردك على ( داركومالفوى ) .. انا بعد اذنك كنت عايزة اقول حاجة
انا وصحبتي قبل ما ندخل تانية ثانوى كان الحماس واخدنا اوى كدة برضه .. وفضلنا نحط فى جداول وفى حاجات .. و اول ما الكتب نزلت الفجالة حتى مكنتش لسة اتوزعت على باقى المكتبات نزلنا احنا الاتنين فى عز الحر والصيام نجيبها .. وكنا بنشترى بغشومية .. كأننا داخلين مسابقة اللى هيشترى فيها كتب اكتر هيكسب اكتر .. المهم فضلنا بالحماس فى اول حوالى 3 شهور دراسة بس طبعا كان بيقل بالتدريج ..لحد ما وصلنا لشهر 1 او 2 تقريبا وبقينا زى كل الشعب المصرى بنحل من كتاب واحد بس من الكتب الكتيييير اللى كنا جايبنها .. بنام اكتر ما بنصحى فى اليوم .. بنذاكر تأدية واجب وعشان ضميرنا ما يأنبناش ان اليوم عدى واحنا ما ذاكرناش ... المهم المشكلة كانت فى ان احنا دايما حاسين اننا كدة مقصرين واننا مش عاملين الحاجة اللى المفروض تتعمل .. لما قعدت شوية مع نفسى وفكرت احنا ليه حاسيين بكدة لقيت ان الاحساس دة نابع من اننا حطينا جدول خرااافى وحاجاتفوق طاقة ابشر وكنا بنقسم اليوم من غير ما نحسب عدد ساعات النوم و الاكل والكلام دة ودة كله كان بدافع الحماس اللى كان واخدنا فى الاول لكن لما نزلنا على ارض الواقع لقينا قدامنا كل الحاجات اللى مكناش عاملين حسابها ودة اللى سببلنا احباط .. ولولا ستر ربنا الله اعلم الاحباط دة كان ممكن يوصل بينا لفين .. اسفة على الاطالة .. بس حبيت اوضح النقطة دى عشان محدش يقع فيها |
اقتباس:
|
جزاكم الله خيرا
|
اقتباس:
|
السلام عليكم ورحمة الله وبركاته
اولا شكرا على مجهودك الرائع كتير كنت بدخل مواقع تتكلم عن الدراسة وطرق مذاكرة بس انتى شرحتيها بالتفصيل وربنا يوفقك فى كلية الطب بما انك بقى تجربة والحمد لله اكيد حققتى حلمك بدخولك الكلية انا عندى مشكلة وهى الوقت انا الحمد لله بعرف انظم وقت الى حد ما بس من وقت ما دخلت اولى ثانوى وكل حاجة اتلغبطت ليه هقلك بس الاول انا علمى علوم وامنيتى انى ادخل كلية الطب وبحب اسال الاكبر منى بس احيانا بحس برده ردهم مش بيقنعنى اوى بقول لانهم مش فى نفس موقفى دلوقتى .ايه هى بقى المشكلة ولو انها مش مشكلة اوى بس مضايقنى الموضوع ده اول حاجة نظام الثانوية الجديد يعنى بجد كده حرام انا كده هاخد 8 مواد :( ومنهم الجيلوجيا انا قرات على الموقع هنا انها مقررة على علمى علوم ورياضة مش عارفة الادبى وانتوا بتقولوا انها فيها رسومات ولاتينى طيب ديه تتذاكر ازاى ؟ اها فى حاجة تانية بعانى منها من السنة الى فاتت انا دلوقتى رايحة سنة تانية ان شاء الله وهى المواعيد اولا اشرحلك ظروفى وانتى قوليلى اعمل ايه .احنا مطلوب مننا نروح المدرسة علشان اعمال السنة والشرح والانشطة يعنى لازم كل يوم وهما كل يوم بيشرحوا المواد كلهاا والله انا السنة الى فاتت كنت باخد كل المواد كل يوم والمدرس كمان مش عاتق بياخدوا حصص الالعاب والمكتبة يعنى حتى كمان الترفيه لا وممكن المستر طبعا فيه الى عنده ضمير وفيه الى لا.طيب انا مدرستى بنخرج متاخر الساعة 2ونص والمواصلات والشوارع بيتبقى زحمة طبعا انتى اكيد عارفة التوقيت ده بيبقى عامل ازاى يعنى نقول ساعة فى الطريق طيب ولو عندى درس كده ساعتين ضاعوا من يومى وبلاقى اليوم قرب يخلص مش فاضل غير 5 ساعات مثلا علشان انام كويس لان معدل النوم الطبيعى للانسان من 6 الى 7 ساعات وانتى كمان قلتى ان المراهق احيانا بيحتاج اكتر طيب ازاى اذاكر كل المواد ديه فى 4 او 5 ساعات مع العلم بقى انهم محتاجين تركيز كيمياء وفيزياء وغيره ومحتاج حل اكيد طيب هتقوليلى اكيد فى ايام مش بيبقى عليا فيها دروس فى ايام الاسبوع اها فيه بس بيبقى فايتنى حاجات لازم اقعد اخلصها وكمان واجبات الدروس والمدرسين بيعملوا امتحانات الشهر فجاة مش مثلا يجوا قبلها باسبوع ويقولوا لا ده مثلا الاقى مدرس يقول الامتحانات هتبدا بعد بكرة ده على اساس ان انا مش لازم ارتب وقتى واجهز للامتحان ده بجد والله تعبت وكان بيبقى ارهاق غير طبيعى لانى علشان اخلص حاجتى بضطر انى اسهر فى ايام الدراسة وانام ساعتين وبعديهم بقى بيبقى اليوم الدراسى الشاق لو تقدرى تفدينى بحاجة ياريت تقوليها انا جربت كل حاجة وعملت جداول اكتر منها مفيش واحاول انظم وقتى بس بلغبط تانى انا كنت منظمة جدا فى اعدادى وفى تالتة اعدادى خصوصا علشان مكناش بنروح المدرسة كتير فكان بيوفر وقت. وبالنسبة للكتب انا كنت باستخدم الاضواء انا مجربتش كتاب المثالى قبل كده تنصحينى اجيبه ولا افضل على الاضواء والانجليزى كنت بجيب teacherوالمعاصر ايه الحلو فى ثانوى والرياضة كنت بجيب المعاصر بس سمعت عن كتاب لامى انه حلووو اوووى انا عرفت طريقة حلوة للمذاكرة برده ممكن تفيدنا وهى دفتر التفوق الدفتر ده واحنا بنذاكر بنكتب فيه اسئلة مهمة من غير حل على الاجزاء المهمة الى فى المنهج فى كل المواد نقسم الدفتر ده مثلا 5 اقسام لو احنا عندنا 5 مواد وجينا نهاية الاسبوع والمفروض فيه مراجعة اسبوعية وشهرية فالدفتر ده بيفيد اننا نحل الاسئلة الى احنا ذاكرنا دروسها بدل مثلا لو فى ناس مش عندها وقت كبير للمراجعة ممكن تحل الاسئلة ديه كلها للمواد فى ساعة مثلا او نص ساعة ولو نقطة محتاجة مراجعة بيبقى من ملخص احنا بنعمله من كتاب الوزارة اسفة انى طولت عليكوا بس انا عايزة بجد حد يلاقيلى حل |
اقتباس:
تعرفى انا بردو رايحة تانية وخايفة اوى من المشكلة دى انو ميبقاش فى وقت كمان احنا بنروح 6 دروس ومدرسة بس ف سنة اولى تقريبا كان نفس الوضع 6 دروس ومدرسة وسبحان الله كنت بزاكر بردو وطلعت التالتة ع المدرسة مش عارفة كنت بجيب وقت منين بس اللى عايز يزاكر هيزاكر وأوقات كنت بقصر فى حاجات تانية عشان المزاكرة زى مثلا انى أغيب من بعض الدروس أو المدرسة واقلل ساعات نومى فأنا من رأيى الحل الوحيد اننا نقلل ساعات النوم :rolleyes: |
اقتباس:
ههههههههههههههه ليه 5 ساعات احياء و5 فيزياء مش واسعه ولا حاجة انا بقول علشان اراجعهم اول بأول علشان الوقت ثم انا حطيت الجدول ده وواثق ان شاء الله همشى عليه علشان دى السنة اللى هتحدد مصيرى للابد.:o فعلا وقت النوم قليل بس هعمل ايه .لازم كده :( وقت الراحة يشمل الاكل والصلاه والمشى لغاية التلاجة وممكن اذاكر جوة التلاجة علشان اوفر وقت المشى :cool: تعتقدى 3 ساعات كافيه للاحياء ولفيزياء؟ انا ظلمت علم النفس بساعة يوميا ؟؟ _فيه مشكلة دلوقتى انا ضميرى بيأنبى علشان مذاكرتش ولا حاجة فى الشهرين اللى فاتوا دول ( 7و8) لانى كنت عايز اخلص العربى فيهم وعايز احفظ كلمات انجليزى كتير ولكن ضااااع الشهرين. كده افضل ولا لو كنت خلصت العربى افضل :bosyht9: انا بشوف ناس جايبة درجات حلوة فى 2 وينقصوا جامد فى 3 السبب ايه بقى ؟ 3 اصعب من 2 ولا هما بيتغروا بمجموعهم وحماسهم بيقل ؟؟ _حضرتك كنتى بتذاكرى 3 بنفس مجهود 2 ولا اكتر (( وانت مالك انت:slap1qk6:) تعتقدى لو نفذت الجدول ده لاخر السنة ((:rolleyes:)) ممكن اقفل فيزياء واحياء وعلم نفس ومستوى وانجليزى .ولا صعب والمواد رخمة يعنى ولا فيه ايه :(:( (( بلاش الدعا والنبى انا داخل على سنه مهمه)) |
اقتباس:
|
شكرا لحضرتك يا دكتورة ربنا يوفقك فى الكلية وتطلعى الاولى علشان تبقى تشرحيلنا. اصل الكورسات غالية (ناس بتاعة مصلحتها) :p:p كلامك جميل ومشجع . وفعلا شكلك دكتورة فى الجامعة :friendsxs3: |
يا جماعة فى سؤال محيرنى عدد الطلبة فى 2011 اللى جايبين من 95% الى 100% اكتر من عدد الطلبة فى 2012 ب 16 الف طالب 2- 2011 اللى كان جايب 201 كان ترتيبه 20000 2012 اللى جايب 201 ترتيبه 11000 2011 اللى كان جايب 200 كان ترتيبه 30000 2012 اللى جايب 200 ترتيبه 18000 وهكذااااااا ايه اللى نستنتجه من ده ؟؟من حيث التنسيق |
ممكن بعد اذنك يا دكتورة اخد رأيك فى حاجة :blush: ان شاء الله بكرة هبتدى دروسى بس عايزة اعرف حاجة :) بالنسبة للفيزيا اعرف المدرس كويس ولا وحش فيها ازاى ؟؟ يعنى لازم يعمل امتحانات كل حصة احسن ولا يكون شرحة حلو اوى و كدة معلش انا اسفة اصل مش عندى خبرة فى موضوع الفيزيا دة خالص :( و سؤال تانى معلش :) هو المفروض من اول السنة ابتدى جامد و اشد ولا ابدأ بالتدريج اصل فى ناس بتخوفنى من الموضوع دة و بيقولوا اللى بيبدأ اوى من الاول بيزهق فى الاخر :o و اركز على الفيزيا و الرياضة اكتر من باقى المواد عشان اصعبهم :bosyht9: ؟ و شكرا جداا ليكى ربنا يوفقك يا رب :) |
اقتباس:
|
اقتباس:
|
اقتباس:
|
حضرتك الرسم البيانى فى الفيزياء دا المفروض نذاكره من اول السنه ؟
|
اقتباس:
|
الف مبروك وربنا يوفقك في المرحله اللي جايه شكرا علي المعلومات الممتازه |
اقتباس:
ربنا يخليكى يا رب بجد :) انا بحبك اوى و الله :blush: بكرة الصبح ان شاء الله اول درس فيزياء :022yb4: هعمل زى ما قلتيلى بالضبط :) و اشوفة كدة نظامة اية وبيركز على اية :) ربنا معاكى يا رب و يوفقك يا رب :av4056bb7jp3: |
شكرا ع الموضوع وع الافادات دى وكل الاسئلة اللى كنت هسالها الاعضاء سبقونى
ان شاء الله قريب نستفيد من خبرتك......... لو مفيهاش رخامة ألف ألف مليييووون مبروك دائما من نجاح لنجاح sorryع الاطالة |
ربنا يوفقكم ويارب اكون قدرت افيدكم واي سؤال اكتبوه وباذن الله هرد عليه
|
طب الف شكر يا دكتره .. انا عندي اسئلة كتير بس مش دلوقتى
المهم ابدأ مذاكرة جامد من دلوقتى و لا ايه .. اصلى مذاكرتش خالص 7 و 8 و كتاب .. senior فى الانجلش ؟؟ و ايه ف علم النفس ..؟ و الاضواء عربي ..؟؟ و الامتحان عربي ؟؟ و جزاك الله خيرا |
| جميع الأوقات بتوقيت GMT +2. الساعة الآن 09:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.