|
اقتباس:
بس انا مش فاهمه اقتراح حضرتك ازاى المشاركات مش تشوفها غير صاحبتها وباقى البنات يعنى مش يشوفها ولا اية؟؟ مش فاهمه قصد حضرتك وانا بصراحة نفسى الموضوع يتثبت نورتينى كتير:) |
يا ويلكم يا ويلكم يا ميت نهار ويلكم(welcome)
افكارنا احنا و لا افكار حضرتك يا ميس جنة انتى و ميس رانيا تنورونا اكيد و على فكرة انا كنت بطلت ادخل الموضوع دة لكن هادخله ما دام حضرتك بتدخليه شكرا بجد على المشاركة |
اقتباس:
وبعدين لو عاوزة تكلمى ميس جنة صح قوللها بون سوار ;) مش كدة ولا اية ؟؟:D |
انا مش فيا دماغ اقري الموضوع كله بس انتوا هتتحدوا علي ايه الرجالة يعني
|
اقتباس:
علشان نتحد عليكوا دة من اية يعنى احنا فى الموضوع دة اى بنت عندها مشكلة بتعرضها وكلنا بنكون واحد فى اننا نحللها مشكلتها وننبقى واحد فى ان مشكلة واحدة منا بتبقى مشكلتنا يارب تكون الرؤية وضحت ..,, |
السلام عليكم
واحنا معاكى يا نسمة لازم نتحد جزاكى الله كل خير يالا يا بنات هلموا هلموا |
http://www.thanwya.com/vb/showthread...124#post648124
اسفة يا نسمة انى عملت التوبيك بس زى ما قولتلك هناك مستنية رد ناس معينة وردهم هو اللى هايفرق معايا وباطلب منك تسيبى باس وورد العضوية زى ما هو عشان لو دخلت اضيف رد ممكن ؟ |
اقتباس:
ومش هغير الباسورد بس اول ماتخلصى ابى قوليلى علشان اغيرها |
اولا انا بشكر حبايب قلبى نسمه وايه واسماء على الفكرة دى لانها بجد هاتساعد بنات كتير اوى
بصى يا حبيبه قلبى انتى زى ما قولتى انك كنتى عيله صغيرة وفرحانه بالعريس وكده لكن الحاجات دى مش فيها هزار خالص لازم تكونى مقتنعه من جواك ميه فى الميه انك عايزاه ويكمل معاكى عشان الجواز مش لعبه دى حياة مشتركه بين اتنين ولازم تكون قايمه على الحب والاحترام بين الاتنين بصى انتى فعلا لو مش عايزاه بجد حاولى انك تقوليله كده ومش تخبى عليه بس الاول صلى صلاة استخارة عشان تعرفى تخدى القرار كويس وادعى ربنا كتير انه يوفقك لما فيه الخير بس انا اعتقد لو هو انسان كويس بجد وبيحبك وهايحافظ عليكى توكلى على الله وده مش يمنع انك تقعدى مع نفسك وتفكرى بهدوء وياريت تقوليله انت حاسه بايه عشان لو فيه حاجه غلط يحاول يصلحها وانا متهيالى انها مجرد حاله نفسيه مش اكتر وان شاء الله هاتعدى بسرعه بس لو انتى مش قوتليله وخبيتى عليه الاحساس ده ممكن يكون فيها مشكله كبيرة وفكرى براحتك اووووووووى ومش تتسرعى لانها هاتبقى حياة لاخر العمر وربنا يوفقك يارب |
بجد موضوع جامد جداااااااااااا وفعلا هيساعد بنات كتير وانا اولهم لانى حسه انكو فعلا اخواتى واكيد هاحتاج اخد رايكو فى حاجات كتير اوى وحقيقى ميرسى لكل الناس اللى فكرت وعملت الموضوع ده
وبالنسبه لاخر مشكله طبعا مفيش رد بعد الكلام اللى اتقال بس اهم حاجه تكونى مقتنعه مليون فى الميه بأى حاجه هتعمليها لان ده مستقبلك وحياتك وهتعيشى معاه اكتر من اللى عيشتيه مع اهلك وحاولى تنسى اى شئ حصل وتخيلى انه واحد لسه جاى بيتقدملك دلوقتى فى سنك ده وقيميه وشوفى انتى هتبقى مرتاحاله ولا لا وان شاء الله خير وربنا معاكى . |
انا معاكم أكييييد
وشكرا عالموضوع بجد رائع .. |
بسم الله الرحمن الرحيم السلام عليكم و رحمة الله و بركاته يا بنات انا هعرض مشكلتي بس بالله عليكم لما تقروها اوعوا حد يكرهني او يلعني .. انا بلعن نفسي لوحدي يعني .. مش عايزه حد يقطم و يكسر في مجاديفي اكتر مانا مكسراها انا ممكن اطول في كلامي و مش بعيد كلامي يبقى ملعبك و محدش يفهم منه حاجه بس اهو اخفف عن نفسي مبدئياً انا بقالي 3 سنين مش بكلم شباب على النت .. انا داخله النت من ييجي حوالي 5 سنين كده كنت اول سنتين فيه بكلم شباب كتير اوي و مش كنا بنتكلم في حاجه عيب او كده كان كل كلامنا بينحصر في السلام و الحاجات اللي موجوده اليومين دول في البلد و كده المهم انا عشان مرتبطه عاطفياً بس اللي مرتبطه بيه مش بكلمه ولا بيني و بينه اي اتصال بنحب بعض بالنظرات بس و كمان هو مصاحب اخويا اوي و اخويا بيحبه و بيستأمنه المهم قلت في نفسي ازاي اكون بحب واحد و الواحد ده بيحبني و اكلم شباب عالنت , و كمان ازاي يكون اهلي مديني ثقه و مخليني ادخل عالنت براحتي و اخون انا ثقتهم دي و اكلم شباب , ايه اللي انا بعمله ده , انا غلطانه , و قلت كمان كفايه اني بغضب ربنا اني اكلم واحد معرفوش ولا هو يعرفني و بيني و بينه مسافات كتير , و قعدت اقرا فتاوي كتير على موقع طريق الإسلام و لقيت ان الشات مع الولاد حرام لإن ده نوع من الخلوه المهم غيرت ايميلاتي و مش اديتها لحد غير صحباتي البنات اللي واثقه فيهم بس , و ابتديت اقرب من البنات الصالحات اللي معايا في الشغل و المدرسه و بقيت اكلمهم على الايميل المشكله ان فيه بنات من الصالحات دول وقفت جنبي و دايماً بتقف جنبي في كل المواقف , بس للأسف دلوقتي مش بعرف اكلمها لإنها مش بقت تدخل نت و مش بقينا نتكلم كتير لإنها اتخطبت خلاص و مشغوله مع خطيبها بقى و سابت الشغل فمش عدت بشوفها :( و هي اللي كانت دايماً تحمسني عشان ابطل الحاجات الوحشه اللي بعملها و بجد كانت صالحه بكل ما تحمل الكلمه من معنى و حتى دي حمستني اني بطل اغاني خالص , و فعلاً بطلتها فتره بس رجعت تاني لإن نفسي أماره بالسوء المهم كنت بطلت خالص اكلم شباب , و كان ليا واحده صاحبتي من اعدادي اخلاقها فاسده و كتير اوي اهلي نصحوني ابعد عنها , لإنها بتكلم شباب و بتخرج معاهم و بتشرب سجاير و مش قادره اقول بلاوي افظع من كده عشان مش تاخدوا فكره وحشه عني , لإن انا و صدقوني مش بعمل حاجه من اللي هي بتعمله المهم انا اهلي نصحوني اني ابعد عنها , و فعلاً بعدت عنها لفتره طويله جداً يمكن سنه و شويه و رجعت لها تاني , مش انا اللي رجعت لها بالظبط , لأ هي اللي رجعت لي و حاولت تقنعني انها بطلت كل الكلام اللي كانت بتعمله ده و فعلاً خدعتني لإنها كانت ادامي مش بتعمل حاجه من دي و عامله زي الملاك , لكن الواحد ممكن يخدع واحد بس لوقت طويل و مايخدعش الناس كلها وقت قصير , رجعت تاني , و اكتشفت ان هي لسه زي ما هي و يمكن بقت ألعن من الأول و أكتر بجاحه من الأول , و عشان افضل معاها قعدت تقولي لازم تساعديني انتِ واحده صالحه و انا كل اصحابي ناس فاسده و أفسد مني , قلت لها طب و ايه اللي جابرك تفضلي معاهم ما تسيبهم ان شالله يولعوا حتى , مش راح يفيدوكي في حاجه , المهم و لإني مسلمه و هي مسلمه زيي , وقفت جنبها بس للأسف مش كانت بتستمع لنصايحي ولا بتمشي باللي ربنا بيقوله و اللي هو بحاول اوصلهولها , بس للأسف لا حياه لمن تنادي .. و كل صحباتي الصالحات بعدوا كلهم لظروف الدنيا , الدنيا بتفرق بقى فمش كان ادامي غيرها , فضلت مصحباها من ورا اهلي , و عارفه انه حرام , و كل لما اقفل معاها بعد مكالمه او ارجع للبيت بعد خروجه معاها احس ان ضميري مأنبني , لما بكون ماشيه معاها في الشارع ببقى مكسوفه من نفسي , خايفه حد يشوفني يعرفها ياخد عني نفس فكرتها .. و للأسف هو ده اللي حصل المهم كانت عازماني اني اخرج معاها في شم النسيم اللي فات و بعدين خرجت معاها انا و هي و مامتها .. سابتني مع مامتها و مش قعدت معايا و راحت قعدت مع اصحابها الولاد و بجد شوفت فجور بمعنى الكلمه , و كان فيه واحد صاحبها كل شويه ييجي و يقف جنبي انا و مامتها و يقول كلام قلة ادب و يمشي فانا اتنرفزت لإن الناس هتقول عني بنت مش كويسه و كده فكنت قاعده باكل و معايا بيبسي .. و الولد ده جه فقمت راميه البيبسي في وشه .. و زعقت له لدرجة ان الناس كلها اتلمت و كنت هقوم اضربه لإني متعلمه جودو .. بس هو جري زي الأهبل .. المهم هي جت و قعدت تقولي ايه اللي انتي عملتيه ده الولد ده اخويا ده بيقف جنبي ده بيساعدني ده بيدافع عني .. زي ماتكون بتتكلم عن المحامي بتاعها فسبتها و مشيت المهم اتصلت بيا بعد الحكايه دي بييجي يومين و اعتذرت لي و انا زي الهبله بالظبط سامحتها .. المهم البنت دي طلعت كلام وحش على مامتها و قالت انها بتخون باباها مع واحد جارهم فأنا دايماً بروح اقول لمامتها عن الغلطات اللي بتعملها و لما بتقلع الحجاب و احنا خارجين بقول لمامتها فتبثور في وشي و تقولي انا بلبس الحجاب عشان خايفه من بابا مش بمزاجي فبستغرب و اقولها يعني مش خايفه من ربنا ولا بيتهيألي؟ فمش بترد المهم فأنا رحت قلت لمامتها انها قالت عنها كذا و لما هي عرفت معاملتها بدأت تتغير معايا عشان باباها ضربها كأنها صح و بقت كتير تزعق في وشي و تقولي انتِ شايفه كل اللي بعمله غلط و بقت تكدب عليا كتير لحد ما في يوم كنت عندها في البيت و سرقت من شنطتي 90 جنيه كنت وقتها لسه قابضه من شغلي و حطيت جزء بسيط من المرتب في الشنطه عشان اشتري حاجات و انا راجعه البيت المهم انا كنت بسألها في صيغة سؤال فين الـ 90 جنيه لقيتها ثارت في وشي و من يومها مش بتكلمني فقلت احسن انها جت منها لإنها بجد اتلمت على واحده مش كويسه و افسد منها و سمعت عنها كلام وحش فسبتها بس هي عشان تنتقم ادت رقمي للولد اللي رميت البيبسي في وشه و اتصل بيا عالموبايل و قعد يكلمني كلام قلة ادب فمش كان في ايدي غير اني اغير الخط عشان ارتاح من خلقته المهم لما انا سبتها , ابتديت ارجع اكلم شباب عالنت تاني مش كده وبس لأ انا كمان بقيت اقول لهم اسراري اللي مش بقولها لأي حد غير اقرب الناس ليا .. و واحد من اللي بكلمهم بقى بيكلمني في حاجات خارجه كمان !! بس انا الشخص ده عملت له جنور و مش بقيت اكلمه .. بس لسه بكلم ناس تانيه .. مش عارفه ايه اللي انا بعمله ده انا حاسه إنه أنا مش أنا .. أنا حاسه اني بقيت شيطان في هيئة انسان ما كل الناس بتمر بلحظات ضعف .. و كتير منهم بيعديها بسلام .. اشمعنى انا اللي افضل كده و اخسر حاجات كتيره اولها اخلاقي و مبدأي ؟؟ انا حاسه اني في سنه تالته ثانوي مش هفتح كتاب ولا هذاكر .. همتي في شغلي و مذاكرتي راحت في الهوا .. كل حاجه راحت .. حتى اخلاقي بتروح مني .. مش عشان كل صحباتي بعدوا عني ابقى كده .. انا حاسه اني وحشه هو انا بقرب من ربنا ولا ببعد .. انا ايه اصلاً؟ انا ولا حاجه هو انا بصلي قيام الليل كل يوم عشان ايه؟ عشان ادعي ربنا و يستجيب ليا هو انا بقرا قرآن ليه؟؟ انا والله فكرت اسيب كل الصلاه كمان بس افتكرت كلمه لواحد في مقام والدي و يعتبر مربيني و ربنا يرجعه بالسلامه كان دايماً يقولي (يابنتي .. لو مريتي بضعف اوعي تسيبي صلاتك و تنسي ربك .. ده اختبار من ربنا .. ده امتحان من ربنا .. اوعي تنسي ربنا ابدا , انتِ كأنك في لجنه لما بتمري بضعف و ربنا بيمتحنك .. شوفي انتي بتستعدي لامتحان الدنيا ازاي .. اهو المشاكل اللي بنمر بيها دي زي امتحان الدنيا .. بس دي امتحان للاخره و العبره باللي هينجح فيه و يعديه صح) يا جماعه انا وحشه اوي و مستاهلش اني اكون صاحبه لبنت صالحه .. مستاهلش اهلي اللي بيحبوني .. مستاهلش حبيبي اللي مش عايز يكلمني عشان مش يسوأ سمعتي و انا اللي بسوأها بايدي .. مستاهلش اخويا الكبير اللي نفسه ابقى دكتوره زيه .. مستاهلش اي حاجه من دي ابدا سامحوني و اعذروني للاطاله |
بصى ياستى اولا موضوع صحبتك دة الحمد لله انك طلعتى منه على خير وكويس انك بعدتى عنها وسبتيها واحمدى ربنا انك كونتى قوية فالوقت دة ومش مشيتى وراها او كدة وخلاص الى حصل معاها لازم تعلمى منه ومش تقرريه تانى
والى يعيش يامه يشوف فانتى خديها على انها درس ليكى ومش هتنسيه ابدا وبعد كدة لازم تختارى الصديقة الى بجد واحدة تكون محترمة وكويسة واحدة تحافظ عليكى وعلى سمعتك وعلى كرامتك ((المرء على دين خليه فلينظر احدكم من يخالل)) دية حاجة ......... حكاية بقى انها لما سابتك رجعتى تكلمى شباب تانى فدة لية يعنى انا مش فاهمه المفروض انك تحافظى على نفسك والمفروض ان حاجة زي الى حصلت دية تخليكى تزيدى ثقة فى نفسك وفى ايمانك وتخليكى تفضلى تعملى الاحسن دايما مش ترجعى لورا اما بقى موضوع الصلاة دة فانتى لية هتعملى كدة المفروض انك حصلتلك حاجة وحشة مين اكتر واحد هيسعدك مفيش غير ربنا فكان المفروض تقربى من ربنا اكتر مش تبعدى عنه وتقولى اسيب الصلاة وبلاش تحملى نفسك فوق طاقتها بلاش تفضلى تحقرى من نفسك وتقولى انك وحشة وانك غلط وعمرك ماهتتصلحى والكلام دة لان اكتر حاجة تأثر فالانسان كلام نفسه معاه نفسك قالتلك انك وحشة وهتفضل تقولك وبكدة هتقتنعى مليون فالمية انك مش كويسة ويوم ورا يوم هتقضى على نفسك ومش هتكونلك شخصية هتدمرى يعنى لكن انتى غلطى فى حاجة معينة يبقى تستغفرى وتوبى وتعهدى ربنا انك مش هترجعى للغلط دة تانى ((يابن ادم لو بلغت ذنوبك عنان السماء ثم استغفرتنى غفرت لك)) يعنى ربنا قالك لما هتغلطى وذنوبك تبقى مالسما للارض استغفرتى بجد وتوبتى وندمتى فثقى ان ربنا هيغفرلك ذنوبك كلها انتى مش وحشة يابنتى والله مادام اعترفتى انك عملتى حاجة غلط تبقى مش وحشة ابداا ابداا ربنا يغفرلك ويغفرلنا ويغفر للبنات كلها |
مش تخافى يا نسومة هنتحد
انا يا قمراية اسمى اسماء ولو كان ممكن ابعتلك ميلى كنت بعتة بس عشان المنتدى وكدة مش ينفع قوليلى بقا اية المواضيع الجامدة دى تسلم ايدك يا جميل |
حبيبتي احسن حاجه عملتيها انك سبتي البنت دي
مش هسالك ليه مسبتيهاش من زمان بس المهم انك سبتيها وصدقيني حلك في كام كلمه لازم تسمعيهم كويس قربي من ربنا اكتر هيبعدك عن كل مكروه قربي من ربنا اكتر نفسك هتبعدك عن السوء مش هتقربك يبقي اتفقنا اننا هنقرب من ربنا الحاجه التانيه برده بعد كل اللي انتي قلتيه عجبتني فيكي الاراده انك في موضوع انك متكلميش ولاد ده مرجعتيش ليه حتي لو فكرتي بس المهم مترجعيش خطوه لورا خلي هدفك دايما ان مكنتيش تقدمي خطوه مترجعيش خطوتين حبيبتي انا مش لاقيه كلام اقوله بجد لاني لخصتلك الحوار كله في كلمتين قربي من ربنا هتلاقي كل حاجه ماشيه تمام ومش هتحسي بالضعف ابدا قدام الشر واتمني ليكي التوفيق يا قلبي |
لالالالا ياحبيبتى انتى مش وحشه ولا اى حاجة انتى كويس خالص ورقيقة
وكل مناخطاء ياقمر وكلنا بنغلط بس لازم نتعلم من خلطنا وانتى حاجة بسيطة خالص ماتستاهلش منك ده كله وانا فى وقت معاكم يابنات طبعا عارفين انا شهدالجنة وهتشرف بأى بنوته معانا وشكراااااااااااااااااااااا للموضوع الجميل ياقمر |
ايه يا نيسو المواضيع الجامده دى ;) بس ايه برده النداله دى الموضوع معمول من شهر ولا اكتر وانا معرفش :mad: بس والله فكره جميله اوى تسلمى يا نيسو انتى وسمسم وايه :) ومعلش استفسار صغنن عشان مش قرأت الردود بس هو اللى عايز العضويه بيعمل ايه؟:D |
اقتباس:
وتدخل تتكلم |
فكرة الموضوع حلوه اووى
مشكورين كلكم |
فكره حلوه الموضوع اكتر من رائع
وان شاء الله ليا مشاركات تانيه |
اقتباس:
نورتى اقتباس:
نورتى الموضوع |
السلام عليكم
والله الفكرة دى جميلة جدا وبالاخص ان المنتدى ما شاء الله محترم واكيد كل اللى فيه محترمين وبيخافوا على بعض وانا معاكوا واي حاجة عايزاها اكيد هاجي هنا والاخت اشكوك ربي طبعا لو انت عايزة تسبيه لازم ولابد يكون عندك سبب مش لازم تفوليه لينا اكن لازم تقوليه لنفسك وتقتنعي الاول بان الجوازة مش نافعة وانك لو سبتيه دلوقتى يبقى مستبعد جدا انك تغيري رايك وبعد كده تقولي السبب لاهلك وحاولي تقنعيهم وصدقيني اهلك اكيد خايفين عليك واذا اقتنعي ان دى مصلحتك هينفذوا اللى انت عايزه بس اهم حاجة تستخيري ربنا وتدعي بجد من قلبك ان ربنا يهديك ويهدي اهلك للي فيه الخير وممكن يكون الخير انك تفضلي معاه صلى وادعي وربنا هيسهلها ان شاء الله |
انااسفة جدا مكنتش قرات الموضوع للاخر
بصي بقى مش معنى ان ملكيش اصحاب كويسين انك تمشي مع واحدة وحشة كدة والحمد لله ان ده حصل علشان يكون عبرة ليك ودايما تنقي اصحابك مش تبقى عارفة انها وحشة وتستمري معاها المهم بالنسبة لكلامك مع الولاد ع النت فده كمان غلط رهيب لازم تبقي عارفة ان ربنا شايفك ومش معنى انك مش بتقابليهم بجد يبقى عادي لاء لاء لاء لازم تخلي بالك اوي من تصرفاتك حتى لو مفيش حد شايفك لان ربنا شايفك وهيحاسبك يبقى احنا كده اتفقنا الصحبة السيئة والشات ممنوع وتبدئي بقى تعيشى حياتك من اول وجديد وكأن شيئا لم يكن ناخد العظة والعبرة ونسيب الحاجات الوحشة يبقى تتوبى وتقربي اكتر بكتير من ربنا وتنضفي عقلك وقلبك علشان تكوني انسانة جديدة مسلمة عاقلة نصوحة ودايما تعملي انفسك الحدود اللى تقفي عندها لازم تكوني انت مسيطرة على علاقاتك باي حد وبكدة متعمليش حاجة غلط ان شاء الله وكمان لازم تبقي واثقة في نفسك اللى انت عملتيه مش قليل معنى الاعتراف انك فعلا ندمانة يبقى انت كويسة وتثقي كمان في انك زى ما قدرتي تعترفي هتقدري تتغيري وتغيري حياتك وافكارك وبالتالي لازم تفكري في حاجات مفيدة تقضي فيها فراغك اقراي بس لقراي حاجة مفيدة وركزي كمان على اهداف تحققيها هدف قريب انك مثلا تغيري حاجة فيك او انك تعملي حاجة معينة ولازم تكتبي انجازاتك علشان الثقة وهدف بعيد شوية يعنى حطي لنفسك مجموع في الثانوي تطحني نفسك من المذاكرة علشان تجيبيه واما بالنسبة لخطيبك متسيبيهوش حاولي تنسى اللى فات وابداي معاه من جديد شكله كويس طالما ان السبب مكنش منه وهاقولهالك تاني انت عظيمة وشخصية قوية لازم تستفيدي من مزاياك وابقي ردي عليا وقوليلي انك فعلا بقيت كويسة علشان ابقى مبسوطة وربنا معاك مع السلامة |
جميل جدا ويسعدنى المشاركه
|
بصي يا قمر فعلا انك تمشي مع واحده مش كويسه ده غلط بس عادي اي انسان بيغلط وبعدا ده انتي مش وحشه خاالص بالعكس انتي صاحبتي واحده مش كويسه ومعملتيش الي هي بتعملوه فده اكبر دليل انك بنت كويسه اوي
وطبعا غلط اوي انتي في حكايه ترك الصلاه وبجد علشان انا مجربه متكونيش قاسيه على نفسك علشان هتجرحي نفسك صحبي بنات في اقرب وقت ممكن علشان تشوفي الدنيا بطريقه مختفه وعلشان مش تتعبي |
للا اقتباس:
ازيك عامله ايه بصي انا هقولك رايي الخاص انا في عندي بنوته زميله ليا كانت بتكلم ولاد علي النت وكتير قوي وفي حاجات خارجه وهي كانت مبسوطه بكده الصراحه بس انا لما عرفت كده تخيلت اختي مكانها او انا يعني بالتاكيد مرضلهاش حاجه زي كده او ارضي لنفسي حاجه زي كده مع اني معرفهاش ولا هي تعرفني بس رحت اكلمها وادردش معاها سمعت انا مكالمه ما بينها ومابين ولد علي الموبايل وكان عاوز يسيبها لانه حاسس ان ملابسها ضيقه ومعرفش ايه كلام عبط بيقولهولها عشان ايه يفلسع منها وكلهم كده وحياتي قلتلها انا ممكن اساعدك وحكيتلي كل حاجه عنها زي يا عيني ما صدقت ولقت طوق نجاه قدامها وطلعت من البحر اللي كانت هتغرق فيه قالتلي كل حاجه عنها وبقولك مع انها متعرفنيش ولا اعرفها قلتلها عاوزه تبطلي اللي انتي بتعمليه ومترجعيلهوش تاني خالص قالتلي اه قلتلها خلاص اول حاجه تعمليها هي النيه تبقي فعلا ناويه انك متغضبيش ربنا تبقي ناويه ان اللي ياخدك يلاقيك من غير اي غبار عليكي نهائي اه غلطتي صلحي الغلطه دي وانسيها قلتلها عاوزه زوج واولاد وبيت وتربي وتكبري لازم تغيري اسلوب حياتك للافضل من كده بكتير عاوزه جنه تلاقي نفسك عايشه عيشه كويسه هنيه ومرتاحه فيها ولا تدخلي جهنم اللي ما هتعرفي تطلعي منها طبعا ردها كله عاوزه تبقي انسانه عاديه زيها زيز اي بنت محترمه قلتلها خلاص قومي اتوضي وصلي واقعدي اشكي لربنا بذنوبك كلها اللي انتي عملتيه غلط في حق ربنا اقعدي اشكي لغايه ما ترتاحي كده وتهدي وانتي لو حاسه بالغلط فعلا هتلاقي نفسك بتعيطي وتعبانه هي دي دموع ندم فعلا بعدها بقي اديتني جيع ايميلاتها وباسوورداتها وغيرتهالها كلها طبعا ايدتهوملي علي اساس انها فعلا ناويه تتوب وموش ناويه تعررف الاشكال اللي مابتعرفش ربنا دي ورحت قلتلها الولد اللي انتي بتكلميه دا يقدر يشوف اخته بتعمل كده يبقي هو سمحلك بكده ليه وفعلا بدات تصلي قلتلها صومي وقلتلها اول ما تفكري انك عاوزه ترجعي للايميل تاني والشات اقعي استغفري ربنا كتير لغايه ما تنسي خالص حكايه الشات وفعلا عملت الكلام دا ومبقتش بتعمل كده خالص لانها خافت من ربنا اولا وبعد كده سمعتها ولو اهلها اكتشفوا حاجه زي كده منظرها وهتبقي مكسوفه هي بس محتاجه نيه موش اكتر انوي انك متعمليش كده عشان خايفه فعلا من غضب ربنا عليكي لانك متضمنيش تموتي وانتي بتكتبي رساله لواحد منهم صح ارجو ان كلامي يعجبك ومكونش طولت عليكي |
بصراحة الفكرة جميلة ينفع تكون معاكم واحدة عدت 30سنة
|
| جميع الأوقات بتوقيت GMT +2. الساعة الآن 12:12 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.