|
السلاام عليكم
انا طالبة لسه فى اولى ثانوى بس مكسله اووى والله وانا نفسى ادخل طب بس حاسه انى مش هقدر وده لان كل اهلى بيقولولى مش هتقدرى توصلى للطب !! والكلام اللى بيتقلى كله احباط * احباط اناا بصراحه نفسى حد يشجعنى وكمان نفسى احب المذاكره ونفسى اتفوق فى الثاانوى .. انا فى مواد لسه مفتحتهاش لحد دلوقتى .. وكماان بقيت بناام كتير اووى .. انا بصحى الساعه 6 كل يوم يعنى فى ايام المدرسه .. لان المدرسه بروحها بمواصلات . يوم السبت مفيش مدرسه بس عندى 3 دروس ورا بعض .. درس من الساعه 10 الى 12 ساعتين فرنسااوى وبعده الساعه 12 درس انجليزى وبعده الساعه 2 درس كيمياء .. يوم الاحد .. طبعا بصحى ارووح المدرسه وبطلع من المدرسه اما 1 او 1.5 وساعاات 2 انا عندى يوم الاحد درس بعد المدرسه عربى الساعه 3 مينفعش ارووح لانى هدووخ لو روحت فببقى قاعده لحد الساعه 3 وبرووح بوصل البيت على الساعه 4.5 كده وساعات 5 يوم الاثنين والخميس مفييش دروووووس يوم التلاثاء عندى 3 درووس فيه .. درس انجليزى الساعه 6.5 الصبح وبطلع منه على المدرسه ودرس كيمياء الساعه 2 ودرس رياضيات الساعه 4 ,, ويوم الاربعاء عندى درس عربى الساعه 3 زى الاحد بالظبط ويوم الجمعه عندى درس رياضيات الساعه 9.5 الصبح اتمنى لو تقدر تساعدنى فى تنظيم مواعيد نومى وكماان مواعيد مذاكرتى ابقى متشكره لانى والله فى الضيااااااااع خالص وبقالى يومين مفتحتش كتاب خاالص |
وعلى فكره انا اخدت الترم الاول كيمياء واحياء وتاريخ
|
ياريت تلبوا طلبى بسرعة لانى فى امس الحاجة اليه
|
انا عندي طول ايام الاسبوع دروس وبروح الساعة 10 بليبل من الدروس ويدوب اتعشي واتفرج ع التلفزيون واعمل واجب درس واحد كفابة وبعدين انام واصحي متاخر ع الساعة 11 ولا حاجة ومفيش مذاكرة الا نادرا وف 3 ث ومش عارف اعمل ايه
|
حاجة عاوز اقولها بسيطة جدا جدا معظم الناس اللى بتشتكيلى بيشتكى من حاجة واحدة بس انا خايف وقلقان مش عارف لا ازاكر ولا انظم وقتى ومش ليا نفس ازاكر. اسمع الكلام دا وبروزه عندك بخط عريض فى غرفتك انا لما كنت فى بداية الثانوية العامة كنت تحت لا افقه شئ فى اى شئ كنت ببص للثانوية من برة خوف قلق تنظيم وقت يعنى ايه ويخيل ليا انى علشان اجيب المجموع العالى دا حلم بالنسبة ليا ومش هقدر لانى الثانوية دى كتله صعوبات********* فى نفس الوقت لما كنت بحكى واشوف تصرفات الناس اللى معروف عنها انها ممتازة من الطفولة كنت بلاقيهم فعلا ريلاكس وهاديين وخطواتهم ثابتة ومش عندهم القلق. ولما ربنا رزقنى باللى بدا ينصحى زى ما بعمل معاكم كنت بقف معاه فى الشارع يوميا 3 ساعات يقولى يعنى اية المزاكرة الصحيحة والمجموع بيجى ازاى. . . . وفعلا بمرور الزمن وبعد شهور كنت الحمد لله لحقت نفسى وجبت كل الكتب اللى نصحنى بيها ورتبت غرفتى زى ما كان بيقولى وزاكرت فى المواعيد اللى رشحهالى . . . . والله زى ما بقولكم انا حسيت من جوه نفسى ان طلعت لمستوى الناس المعروف عنها بالتفوق ولاقيت نفسى تقلت وهديت واسلوبى اصبح متزن بفضل الله عرفت وقتها السر. ****************************** وهو ان المزاكرة كلام فارغ سهل جدا وصعوبة الثانوية ما هى الا اكذوبة بترعب الناس وتنفرهم من الهجوم عليها وبتشتت تفكيرهم وبتدمرهم ......وفقط فقط اللى عارف الكلام دا هما الناس المتفوقة والله هما بس اللى عارفين الكلام دا وبيستعجبوا من الطالب المسكين. ********************************** وعلشان كدا لو طلبت النصيحة من طالب اصلا متفوق بكل بساطة مش هتلاقى عنده اجابة الا ------------------------------------------- ذاكر اللى عليك هتنجح ------------------------------------------- وروح جرب والله ما هيعرف يقولك ذاكر ازاى ولا ايه ولا امتى ولا مشاكلك ايه لانه ممرش بيها ....لكنى كنت تحت وشوفت الناس اللى تحت شكلهم ايه ومشاكلهم ايه لانى كنت منهم وبسرعة تدرجت لغاية ما اصبحت بفضل الله فوق مع الناس المتفوقة. اذا لازم تزاكر بخطوات منتظمة تعرف انتا هتذاكر ايه وامتى ولو حصلك مشكلة مش تهدمك لا العكس تخليك تتدرب على حلها ذاكر بانتظام هتلاقى المزاكرة بسيطة ........هتسيب الدنيا تتراكم عليك مش هتقدر تلمها تانى الحق نفسك. فى حاجة تانية مهمه جرب تهجم على المادة بدل ما خوفها مسيطر عليك وراعبك هتدنك كدا لامتى خايف من المادة دى والمادة دى مش عارف انزل لصحبة قولى اشرحلى الحتة دى مرة واتنين مكسوف من المدرس روح لصاحبك تانى وتالت ورابع اللى عاوز شئ بيسعى زى الديب وراه بالزوق وبالعافية هسعى وباذن الله هدمر الخوف منه لكن هتسلم نفسك من اولها انتا لسة عمرة 17 سنة مكنتش تتغلب على مشكلاتك من النهاردة هتكمل عمرك فاشل عمرك ما هتعرف تتغلب على مشكلاتك وللعلم حياتك كلها هتكون عقبات ومشاكل اسهل من الثانوية العامة والشاطر شاطر ومتفوق فى كل شئ والفاشل فاشل فى كل شئ . حاجة تانية الثانوية فرصة واحدة هتحدد مسار حياتك كلها هتعب سنة وشوية فى الكلية وبعد كدا هتلاقى نفسك تقدر تتغلب على مشكلاتك بمعاونة الله ثم نفسك. يارب الناس تفهم وتقدر واللى مش حاسس يروح يكلم واحد ضاعت منه فرصة الثانوية ويسمع رايه علشان يتقى الله ويقدر النعمة اللى فى ايدة ولسة مش طارت والله الموفق والمستعان |
بوص يابشمهندز انا فى تانيه ثانوى علمى ازهر من الاخر انت بتعمل ده وانت مش محتاج حاجه من حد ياريت الناس تفهم يعنى مابتاخدشى فلوس يعنى ولا حاجه ووالله العظيم فهمت كل كلمه من كلامك والحمد لله دى ميزه فيا مش بذكى نفسى لكن انا بتعمق فى فهم الكلام عموما وفاهم كل كلمة بتقولها مقدر وجهة تظرك كلها وكله كلام على وجه النصيحه يعنى انت بتاخد الكلام ده تحطه على جنب فى دماغك تعمله خطوط عريضه وانا عارف انك قايل كدا بس بوضح وانا يعنى تقدر تقول كنت من الدحيحه فى يوم من الايا بس حصل انتكاسه وفاهم كل مشكله وكل حل يعنى سبحان الله ربنا ماخلقش اتنين زى بعض فتعاملك مع المواضيع مش هايكون زيى ودا لازم الكل يكون عارفه انت تاخد اللى يناسبك وتطبقه على الفورمه بتاعتك انت بطريقتك بس فى اساسيات لازم ماتعديهاش وهى طرق الحفظ واوقات المذاكره اللى يكاد يجمع عليها الناس كلها وهو الاوقات اللى حضرتك قولتها وعدد ساعات النوم دى حاجات مافيش عليها كلام غير كدا مش هاتلاقى اتنين زى بعض المذاكرة مش مجرد تحصيل وده اللى لازم الناس تعرفه انت لو بتقولى الكلام ده لشخصيتى الدحيحه مش هاخد بيه لانى مطبقه اصلا فى حياتى من غير ماعرف او اكتب فى ورقه انما لو بتقولى وانا مش مود الدحيح هاصدقك وانى والله اعرف زمايل افضل منى مقومات 100 مره ولكن ادارتهم للامر غير موفقه اعترض فقط على شلة الدحيحه وهى ان مش فى كله وانا مراعى انك كاتب مش فى الغالب بس انا بقابلهم فعلا وهم زمايلى بس بفقس ام المقالب دى وبتكون مكشوفه للدحيح انما انا والله لو حد وجدت فيه الخيريه للاجتهاد بدعمه وغيرى كتير انما الخبث ده اصلا سببه انه الخبيث خايف انك تكون خبيث فهو مش مصدقك عشان كدا بيخاف يقولك الحقيقه وساعات بتكون اشخاص لس الا يعنى فى طالب ممكن لو قولتله فكرة مسأله جامده وفهمتها ليه هايتجاوب معاك ويقدرك وفى واحد بيتريق عليك تحقيرا من شأنك بس بالعكس يعنى يقولك اينيشتاين الجديد وبتاع كله على وجه التريقه الموضوع اشخاص اكتر منه فئات موضوع الكتب المعلومه والله العظيم واحده انا انصح انك ماتحفظشى من كتاب الاجابه انتت كدا حماار انا فاهم نظام المعلم من ساعة ماكنت فى 3 اعدادى وعارف انه بيجيب امتحانات كتير المذاكره عموما ليها عوامل والكلام واخده من مدرسين قريبين منى وبثق فيهم اولا واخيرا التوفيق من الله امك وابوك يكونوا راضيين عنك وانت وضحت النقطه دى ثقه فى مدرسك ثقه فى الكتاب اللى بتذاكر منه وبنصح اولا بتوحيد مصدر المعلومه اثناء المذاكره لاول مره بعد كدا من كتر التكرار انت هاتكون اجابه بطريقتك بتكتسبها من الكتب وشرح مذاكرات النت وشرح اليوتيوب حتى لو سؤال اول مره تسمع عنه انت بدام اتعمقت فى المعلومه بتشربها وخليك فاكر ربنا مابيضيعشى تعب حد اخر حاجه اصلا مذاكرتك انت اللى هى بتكون معتمده على كل اللى عدى ومافيش طالب بيعمله مدرس ولا بيعمله كتاب انت لو كويس مع مدرس وحش او كتاب وحش هاتلاقى طريقتك سواء من المذكرات اللى عالنت او تشترى كتاب تانى غير كدا موضوع الطب وغيرة ضيق افق البعض حسبه تحديد وانا نظرت اليه غير ذلك انا من الارياف عموما من احدى قرى محافظة الدقهليه ابويا مبيض محارة رغم كدا متوفره فيها الشروط اللازمه لنجاح ابن الدكتور هو والحاجه برده مش مأثرين معايا المقصود انك عشان عاوز توصل لمجموع على قبل ماتجيبه بتقول عاوز طب او هندسه وصلت لبعد كدا وماجيبتهموشى بتتفوق فيه وبتكون احسن من الدكتور فى مجاله انا ذكرت ابويا عشان اقول انه رغم انه مستواه التعليمى مش كامل وده مش بايده الظروف اللى فرضت نفسها على زمنه وعلى بيئته اللى انه فى شغله وحرفته احسن من غيره وبيشهدله اهل المهنه وفى الاخر بيجيب لقمة العيش بمهنخ شريفه وبيتقنها وبيعامل ربنا فيها المقصود انت عاوز تكون ايه مش هاتفرق اهم حاجه اتقان اللى بتعمله وبعد كدا سيب الباقى لربنا هو هايودك لنصيبك اللى بيه هاتسير الدنيا واللى الحاج والله قايلهولى انا لو كنت دكتور مين اللى كان هايعمل الشغل اللى انا بعمله ولو ده ماكنشى دكتور مين اللى هايعالج انت تذاكر وربنا بيقدر مافيه صلاح العباد واخيرا ضيق الافق مرض نسأل الله ان يجنبنا ايه والاختلاف فى الاول والاخر سنه كونيه اخيرا نفسى اتواصل معاك باى طريقه لانك راجل محترم
|
منظومة بسيطة لتنظيم حركة المزاكرة .....تطوعها حسب ظروفك الحاله الاولى: الناس اللى عندهم دروس فى النهار بتبدا متاخر كلها ورا بعض مفيش فارق كبير فى الوقت دا بعد ما يخلص الدروس ياخد نص ساعة ياكل ويعمل رفرش ويبدا المزاكرة على جزئين جزئ مزاكرة دورس اليوم وحل الواجب بعدها يفصل بفترة نص ساعة ويكمل الجزئ التانى وخو مزاكرة القديم وحل الامتحانات ودا بيطول قرب الفجر . الحاله التانية: الناس اللى عندهم دورس ملخبطة يعنى فى فى النص وقت كبير يعدى الساعة بين الدروس وبعضها بشرط انه بيصحى بدرى كل يوم دا يجدول نفسة بعد الدرس بنص ساعة انه يزاكر فى النهار بن الدروس مزاكرة الدروس اليويمة وحل الواجب بعد كدا لما يرجع بالليل من اخر درس ياخد نص ساعة رفرش ويبدا يزاكر لغاية الساعة 2 مثلا او 1 حسب مواعيد صحيانة البدرى المهم ينام من 6 الى 8 ساعات يبدا يزاكر الدروس القديمة وحل امتحانات. الحاله التالتة : الناس اللى دروسهم متلخبط وبيصحوا متاخر دول الفرق عن الحاله التانية انه بيزاكر فى اللل لغاية قرب الفجر. |
ممكن يا باشمهندس تقولى ازاى اقفل الفيزيا و الاحياء
|
بالنسبة لموضوع انك تحصل الدرجات النهائية فى المواد محتاج شوية تركيز ودقة اولا تعتبر درجة 49 من 50 درجة نهائية لبعض الاحيان ان المصحح ممكن يعتمد على تنظيم ورقة الاجابة ووضوح الخط وخاصة فى مواد اللغة الفرنسية والفيزياء على العموم علشان تقدر تحصل الدرجة النهائية لازم تكون مدرب نفسك تماما على حل الامتحانات فى وقت انجازى بحيث تستطيع المراجعة لمرة اخرى على جميع الاجابات بالاضافة الى الخبرة على استكشاف الاسئلة اللى تحتوى على اجابتين من طريقة توزيع الدرجات على الاجابات وزى ما قلنا هتلاقى الكلام دا فى كتاب المعلم او دور على كتاب يكون موزع الدرجات على الاجابات. يبقى تلخيصا لازم تدرب نفسك من كرار حل الامتحانات على ضبط وقت اجابتك الكلية ودا لان الامتحانات كلها فى مستوى واحد بمعنى امتحان السنة دى تقريبا فى نفس ومقدار نهج السنوات اللى فاتت مع اخلاف درجة الصعوبة من سنة لاخرى وكمان انك تشوف طريقة توزيع الدرجات على اجابات الاسئلة. |
جزاك الله خيرااااااااااا
|
موضوع رائع ماشاء الله .
|
الموضوع جميل لكن انا مش عارفه انظم وقتى وكل ما اعمل جدول للمذاكره مش بامشى عليه وانا لسه فى 1 ثانوى يعنى المشوار تقيل وكل ما افتكر انى ازهر اتعقد
|
اقتباس:
|
لو سمحت ممكن تجمع الدروس فى ملف pdf
وكمان لو توقلنا الفيزياء الحديثه الوحده الخامسه بتتذا:022yb4:كر ازاى ؟ |
انا بكرهه الفزيا وبجد محبطه منها انا ضايعه فيها . ثانيا انا وقتي ضايع مش عارفه استغله خالص . ونفسي امشي ع جدول مذاكره :-( انا 3 ث ازهر
|
اقتباس:
نبدا من الاخر للاول وقت حضرتك ضايع ومش عارف تستغليه دا طبيعى جدا ليه؟ نفسر : لو حضرتك عرفتى حدود كل مادة بمعنى ان الواحد بيمسك كل مادة يبص عليها نظرة عامة على السريع من برة يعرف هو وصل لغاية فين ومزاكر فيها لغاية فين وامتى هيخلص المراجعة بتاعة كل جزئ ................................. اكيد مفيش وقت هيضيع. ودا شرحناه فى درس سابق واكبر دليل ذكرتة ان الواحد ايام الامتحانات مش بيكون عارف يلاحق على ايه ولا ايه ونفسة لو الوقت يتباع يشترية وينسى اصلا ان فى حاجة اسمها ملل او ضعف عزيمة وبتظهر طاقة جبارة .................. السر هو انه ايام الامتحان بيكون عرف حدود مادتة. حضرتك بتكرهى الفيزياء والكره جاى من الخوف والخوف جاى من العجز والعجز جاى من عدم ادراك نظام المادة. الحل بكل بساطة انك تعملى الطريقة العكسية ازاى؟ تشوفى امتحانات وشكل حلها ايه النموذجى وبعد كدا على اساس الاسئلة تقدرى تزاكرى على اساس صحيح لان الهدو واضح وهو تحصيا اكبر رقم فى الامتحان. |
السلام عليكم جزاك الله خيرا على هذا الموضوع
لو سمحت انا ومجموعه من صحابى فى المنتدى قررنا نعمل جدول من الاول تانى احنا كنا مذاكرين المواد قبل كدة بس انا بصراحة مش من النوع الى بلتزم بالسرية فعلشان كدة كنت بقول لاصحابى فى المدرسة ان انا بذاكر ومش بنام الا 4 ساعات فالحمد للة بعدها مش بقيت اصحى تانى |
فارجو من حضرتك تقولى المفروض فى الوقت الى احنا فيه دلوقتى علشان نحصل طب ان شاء الله ننام كام ساعه واحنا الجدول الى عملينه دلوقتى مذاكرة الفيزياء مثلا +اساسيات يوميه وهى حل قطع نحو وحفظ كلمات انجليزى
فنرجو الافاده واضافة جديد فى الجدول وشكرا السلام عليكم |
اولا : العبرة ليست بقله ساعات النوم ولا زيادة عدد ساعات المزاكرة فعلى سبيل المثال 1- فى ناس بتنام عدد ساعات قليلة مثلا 4 زيك كدا زمان ومن الارهاق اللى بتقبلة فى اليوم تلاقى انها بتضيع وقت كبير فى حجات غير المزاكرة. 2- ناس تانية بتزاكر عدد ساعات كتيرة جدا وفى الاخر المحصلة ربع ساعة. لكن الكلام الصحيح هو الاتزان والموازنة بمعنى افضل عدد ساعات نوم من 6 -8 ساعات بحيث اقل شئ متواصل 6 ساعات وممكن فى النهار ساعة فقط فقط. ثانيا زى ما قلنا سابقا وهو طريقة المزاكرة الصحيحة الفعاله اللى يقدر الواحد يحصل منها اعلى فايدة مش زى واحد بيزاكر مثلا فيزياء ورياضة فى نفس اليوم او مادة معينة طول الايام كلها. الموضوع بسيط وهو خطة محكمة قابلة للتعديل والتطوير بتمشى عليها وممكن تغيريها لغاية ما توصلى لافضل نتيجة هنام من كذا لكذا/ بكرة المفروض ازاكر الجزء دا من المادة. وعلشان ابدا صح افرغ كل اللى فى ايدى دلوقتى وامسك كل المواد مادة مادة على السريع فى ربع ساعة اشوف المدرس وصل فى الشرح لغاية فين واقسمها لاجزاء وكل جزء اوزعة على ايام الخطة مع حل اسئلة الامتحان عليه................... استحاله تلاقى وقت تضيعية لانك هتكونى عارفة ان الوقت دا مخصص للجزء دا ولو ضاع الوقت هيحصل خلل عندك يخليكى تحرمى تضيعية تانى |
موضوع شيق و الكلام فى الصميم ليه مكملتش ؟
|
موضوع جميييييييييييييييييييييييييييييييل جدا وايه نصيحتك لاولى ثانوى وشكرا
|
خلاص شهر 2 معدتش فيه حاجه وانا حسه ان كل المواد فوق دماغى مخلصتش ولا ماده مذاكره نهائى
والرياضيات معرفش فيها حاجه خالص وفى مواد تانيه كتير بردوا زى الشرعى وغيره ومش عارفه اقسم خااالص حولت كام مره المذاكره للمدرسين بتوع الدروس آآكله الوقت كله عشان كده مبلحقش اجيب اللى فايتنى فى المواد وكمان الجديد بيجى وحش جدا عشان القلق ...ومعدتش عارفه اعمل ايه نهائى |
اقتباس:
|
موضوع مهم جدا
|
اقتباس:
|
لو بدئتى صح تلحقى بجدارة كمان ............. لكن اهم شئ التركيز والتانى وتنظيم اجزاء كل مادة فى الوقت المخصص لها
|
اقتباس:
|
اقتباس:
ان شاء الله فى امل وعمر واحمد بس قولى يارب^_^ |
اقتباس:
انا املي ادخل طب عين شمس ممكن حضرتك تنصحنا |
الله يبارك فيك .. استمر :)
|
جزاكم الله خيرااا
ارجو التثبيت عشان تستفيد الدفعة الجديدة منه للرفع |
موضوع ممتاز يستحق التثبيت
|
الف شكر ونتمني ترجع للمنتدي تاني
|
رائعة جدا جزاك الله خيرا و بارك الله فيك |
شكرا جدا على هذا الموضوع
|
اقتباس:
|
رائعة جدا أستاذنا الفاضل جزاك الله خيرا و بارك الله فيك |
| جميع الأوقات بتوقيت GMT +2. الساعة الآن 02:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.