|
اقتباس:
وجودك كتير مدينى شعور بالإرتياح يا نسمه بس متشغليش بالك بيهم هما كده ومش هيتغيرو وزى ما قلت يكفينى يكون فيه عضو واحد حاسس بكلامى والحمد لله فى أعضاء كتير حاسه |
اقتباس:
|
اقتباس:
هحاول إن شاء الله |
اقتباس:
|
حكايتك فعلا مؤثره وانا حصلتلي حكايه اشبه بيها فان اكتر واحد حاسس بيك والناس دي واخده الموضوع علي اساس انه قصه ولا روايه لكنها دي شعور واحاسيس بنادمين واحسلك يا اخ محمد متكملش الا لما يفهموا انت عملت كدا ليه وفي ناس كتير غلطوا ليك ولازم يعتزلوك _ مع احترامي للجميع_
|
اكتر حاجة بتخنق الإنسان الغبي ( هيفهمها غبي بمعناها :d لإنه غبي ) انك تتجاهله تجاهل يامحمد والله تخيل انت قاعد في وسط مجموعه كدا وقاعدين تتكلموا وواحد فسل طلع يقولك اسكت متكملش وانت عمال تكمل كلامك هيبقي منظره ايه ؟ هو غالبا يامحمد لما الإنسان بيبقي بيستظرف او الكلام بيطلع من بقه كتير وملهوش لزمه بيبقي اكيد فيه دافع قووووي لكدا ( هيفهم دي غلـ:dـط عشان قليل الادب ) ---- بعيدا عن المشاكل دي يامحمد بس حبيت اردلك حقك واقولك ازاي تتعامل مع دول --- الموضوع لحد هنا ماشي عادي وكنتيجه طبيعيه يعني كلام .. ثم ثقه .. ثم تعود .. ثم حب من الوهله الاولي يعني مش حب اصلا لان المرحله اللي انت كنت فيها مكانتش تسمحلك بكدا وهستني بقيت الموضوع وياريت متردش علي حد مش عاجبك صدقني والله اخره التجاهل يمكن ده شرف له انك تتجاهله .. ابقي امسح رده بحيث ميضيعش وقتنا علي هيافته وهيافة اللي مربينه ( كل إناء ينضح بما فيه ) والأسرة الهايفه تُنتج ابن هايف او بنت هايفه :D سلام ياباشا ومستني التكمله :) |
ارجوك يا محمد كمل علشان بجد موقفك ده مؤثر و انا مريت بشبيهه بس ارجوك كمل و انا هسمعك لانى حسة بيك
|
واللى بيستظرف ميدخلش فى الموضوع اساسا
|
مستنيين الباقي
|
كمل يا محمد انا حاسه بيك , و يارب نقدر نساعدك , و سيبك من العالم اللي داخلين يهزروا دول , ربنا يهديهم
|
و بدأت علاقه حب بدأت علاقه حب بينا مبنيه على الثقه العمياء والصراحه التامه فى كل شىء والإحترام الشديد العلاقه اللى أى حد يتمناها ومع الوقت بدأت أنسى الإنسانه اللى كنت بحبها الأول بس طبعاً أنا مقدرش أنكر إنى لو عنيا جت فى عنيها صدفه كنت بحس برعشه فى جسمى وقلبى بيتنفض من مكانه وبعد ما اللحظه دى بتعدى كنت بحس إنى إنفصلت لجزئين جزء منى بيقول دى من حقك دى حببتك اللى إنت بتحبها والجزء التانى بيقولى إنت نسيت إنت حبيت إنسانه تانيه وهى حبتك مينفعش تحب إتنين فى وقت واحد حاول تختار وتقرر بسرعه إنت عاوز إيه عشان متظلمهمش وبعد فتره قصيره إستريحت من عذابى ده لما عرفت إنها فى علاقه حب مع واحد من أصدقائى فى المدرسه هنه على قد ما إستريحت على أد ما كنت حاسس إنها من حقى أنا لكن مع حب حببتى ليا اللى أنا لامسه وحاسه فى كل تصرفتها بدأت أنسى وأنسى لحد ما بقت زى أختى بالضبط أما حببتى فبدأنا مع بعض مشوار طويل كان فى البدايه كل حب علاقه يتمناها أى واحد لحد ما فى يوم طلعت رحله مع المدرسه أنا مكنتش موافق على الرحله دى لأنى مكنتش هطلعها المهم من هنه لهنه وافقت إنها تروح وبعد ما جت فات بوم وإتنين ووإحنا قاعدين أنا وهى وواحده زملتها حصلت حاجه بينهم فقالتلها لو مش سكتى هقوله لقيت وشها إحمر وجاب ألوان الطيف فأنا قلت فيه إيه أكيد فيه حاجه إيه اللى بيحصل فهمونى لقتها بتقولى أصل الهانم وإحنا فى الرحله عرفت شاب هناك وكل ما نيجى نتنقل من مكان لمكان تانى تقولو عليه وهو يجى وراها وإدتها رقمها وخدت منه صوره ومدياله صورتها أنا سمعت الكلام ده وحسيت إن الأرض بتلف بيا وحاسس إنى بحلم وهى إتفتحت فى العياط وأنا كل اللى بقوله سؤال واحد الكلام ده حصل ولا لاء ؟! :mad::mad: قالتلى ما أنا كنت والله هقولك قولتلها يعنى حصل قالت أنا قطعت كلامها وقلت لا أنا ولا إنتى إنسى كل اللى بينا ومتحوليش تكلمينى تانى وسبتها وخرجت وأنا مش مصدق نفسى هى دى فعلاً حقيقه الإنسانه اللى أنا حبتها لو بعدت عنى شويه ممكن تخونى أنا كنت سنه ونص مغفل لاء مش ممكن من اللحظه دى وأنا بشك فى نفسى وبدأت أبعد عنها وهى تحاول تتقرب من بأى طريقه كانت ساعات بتحاول تعمل حاجه غلط قدامى أنا بضايق منهاأوووى عشان أزعقلها أو أقولها حاجه عشان تحس إنى لسه بحبها وبخاف عليها لكن للأسف أنا كنت فاهم كل ده وكنت بعمل نفسى " عبيط " ولا أكنى أعرفها بس مقدرش أنكر إنى كان بيجى عليا أوقات وأبقى هموت وأكلمها نفسى أسمع صوتها ببقى لما بشوفها نفسى أجرى عليها جسمى بيتنفض وشى بيحمر الدم بيغلى فى عروقى إحساس غريب بس كنت غصب عنى بدارى شعورى وأكتم لهفتى زى بالضبط لما تحطى" ميه بتغلى فى تلاجه " وفضلنا على الحال ده أكتر من أسبوعين لحد ما جت فى يوم الشقه اللى كنا بناخد فيها الدرس كنت واقف فى البلكونه بتاعتها لقتها داخله عليا وقافله الباب وقالتلى مهو إنت هتسمعنى هتسمعنى رحت مديها ضهرى عشان ما أخدهاش فى حضنى وأقول بعلو صوتى بحبك قعدت تقولى أنا عارفه إنى غلط وعارفه إنى مستهلكش وإن اللى أنا عملته شىء فظيع بس صدقنى أنا بحبك ودى الصوره ورقم التليفون أنا مش رضيت أرميهم عشان أجبهم ليك عشان تقطعهم إنت عشان مش كنت هتصدق إنى رمتهم رحت باصص ليها وقايلها يعنى إنتى عارفه إن غلط قالتلى أه بس هو كان بيفكرنى بيك شبهك فى حاجات كتير كنت حاسه إنه إنت قولتلها بلاش نتكلم فى الموضوع دلوقتى قالتلى يعنى إنت لسه بتحبنى هزيت رأسى يعنى " آه " و رجعنا تانى لبعض *** معلش يا جماعه الحكايه لسه أطول مما تتخيلو ومش هقدر أكمل دلوقتى لأن ورايا مشوار وإن شاء الله هكمل بليل |
انا معاك للاخر بس ياريت بتحكي اكثر
عشان عايزه اعررف بسرعه ايه اللي حصل وان شاء الله يكون خير |
اقتباس:
|
بس كمل للاخر و انا معاك
|
وانا معترض علي الاسلوب بردو يامحمد
حاول بس تلتزم في الاسلوب شوية ودي مش صراحه اعذرني ياصاحبي :) |
انتا عارف يامحمد البنات دول بس ربنا لو ياخدهم كلهم ولا يتحرقه بجاز مع احترامنا طبعا لكل البنات بس يولعه برضه كان الواحد ارتاح وانا بقيت مبسوط ومع احترامى ليك لما رجعت ليها بقيت مش تمام |
اقتباس:
|
اقتباس:
|
ممكن يا جماعه تخلو عندكو شويه من الاحمر((دم يعني))
هو مش بيحكي حكاية قبل النوم عشان اللي انتو بتعملو ده ======================================== مستنيينك يا محمد وعلى اقل من مهلك ... وان شاء الله نقدر نكون معاك ونساعدك على قد ما نقدر |
ايه يا محمد .. في البلكونة ؟؟ وهي قاعدة لوحدها في الشقة ولا ايه .. :confused:
ع العموم .. قبل ماتكمل .. تعليقي لحد كده انها بنت مش تمام وهوائية ومتهيألي انها كانت عايزة تثبت لنفسها انها احسن من صاحبتها مش اكتر .. يعني انت كنت بتحب صاحبتها وهي كانت بتغير وما بقيتش تطيقك على اساس ان ( ذوقك وحش او انها مش عاجباك ) لحد ماجابتك براحة وضمنت انك بتحبها فحست انها مرغوبة لكن لو هي بتحبك ماكانتش هتعمل اللي عملته تحت اي عذر .. !!!!! ع العموم مستني بقية الحكاية http://img150.imageshack.us/img150/2030/progressqy8.gif |
محمد
واله انا حاسة بيك بجد بس فعلا ممكن يكون شعورك مش حب اساسا لانه كان وانت صغير المهم انك تتأكد و كمان انا معترضة على كام حاجة اولا تاخدها فى حضنك ازاى ولا ده مجرد احساس كان لا يمكن يتحقق ثانيا ازاى تقعد مع واحدة و صاحبتها اونت ولد اساسا ثالثا ازاى تدخل الأوضة و تقفلها كل الحاجات دى لا يمكن تطلع من بنت محترمة و عارفة ربنا هى ممكن كون جريئة و ده غلط يا محمد ولازم انت تحذرها مش تشجعها على كده عامة كمل و فعلا لو فيه عندى اى نقط اعتراض انا هقولهالك بس يارب تفهمنى صح انا مش بنتقدك كشخص بس بنتقد سلوك مش اكتر و انت مسلم وعارف كل حاجة و على فكرة انا كنت اعرف واحد وو سابنى علشان واحدة تانيه لغاية دلوقتى عمرى ما هسامحه طول عمرى ياريت انت ما تعملش زيه لان ربنا مش هيسيب حق البنات اللى انت حبيتها فى الأول لانها ممكن تكون حبت الولد التانى لما عرفت انك حبيتم عليها واحدة تانية صدقنى انا اتعرضت لنفس موقفك و الولد اللى سابنى بيحاول يرجع وانا قولتله لو هموت مستحيل و هو حاليا ندمان بس خلاص هو من سكة وانا من سكة تانيه خااااااااااااااااااااااااااااااااااااااااالص ربنا معاك يااارب و فعلا عايزة اسمع بقية حكايتك ربنا معاك |
انا متهيألى ان زى ما انت سبت البنت الأولانيه برده حبيبتك التانيه حبت واحد تانى يعنى واحدة بواحدة
رأيى يا محمد ابعد عن الاتنين التانيه بالذات مش هتنفعك و اوعى تقول انك مش هترجعلها علشان خانتك لان انت برده خنت الأولنيه انا اسفة وانا ممكن اتشتم من الأعضاء بس بجد انا دمى محروق علشان نفس الموقف انا وقعت فيه |
ok bs ya reet blel ygy quickly
3ayzen n3rf al ba2y |
اقتباس:
على فكرة كلمة جميلة جدا يعنى الى بحبها لو لقت واحد شبهى ممكن تعمل معاه حاجات كتير اهى! وكلمة تدل جدا على الشخصية وعلى الخداع ولكن الحب لما بيكون زى دة ساعتها الشيطان يستغل القلب احسن استغلال انا يمكن حكمت من قبل ما تكمل وانت قولت استنى وادينى استنيت بس عارف من قبل ما تكلم ان ما بنى على خطا فهو خطا زى بالظبط ما بنى على باطل فهو باطل دة مش حب دة غضب من ربنا انك تكون فى موقف الى انت حذفته من الكلام وعلى العموم كمل انت معاك ناس احسن منى يقدروا يردوا ويفهموا احسن منى بمراحل زى الاخ احمد رضا لانى بجد بعد الى سمعته مش هاقدر اكمل فى امان الله |
واضح اوى انها بنت مش كويسه
بس انت بتفكر بقلبك مش بعقلك فكر بعقلك هتلاقى انك المفروض تبعد عنها |
شيقه اوى الحكايه دى
بس غريبه حبتين مش علشان انت صدقتها وهى محترمتش ده لا مش علشان كده خالص كل الحكايه اننا فى مصر يعنى بلد شرقى والمفروض انها بلد اسلامى واضح ان فى اختلاط بين البنات والولاد ولو حتى كلام بس...... لازم تراعى انك مسلم لو مكانش اسمك محمد مكنتش رديت الرد ده عليك كنت ممكن اقولك سيبها وارجع للاولى او استنى واوعى تظلمها انا هقولك متظلمش نفسك ... علشان انت مسلم و اسلامنا مفيهوش الحب والاختلاط ده انا اسفه على ردى لو كان يزعلك |
اقتباس:
لاحظ انك بتتكلم عن البنات بصفه عامه وطالما كده بتتكلم عن امك واختك وكل البنات اللى تعرفهم وقرايبك كلهم ياريت تحاسب على كلامك اكتر من كده لو سمحت وكمان فى حاجه تفتكر يعنى انك فعلا هترتاح من غيرهم؟ لو ردك ايوه تبقى غلطان ومش عارف انت بتقول ايه لو ردك لاء يبقى مش كان ليه لازمه الكلام ده من البدايه وشكرا لذوقك اما انت يا محمد لحد هنا وتمام لحد دلوقتى من ناحية حبيبتك الاولانيه اطمنت عليها على ما اعتقد وعرفت تنساها الى حد ما اوكى التانيه بقى اللى انت فعلا بتحبها غلطت وغلط كبير كمان ومهما حصل حتى لو كان شبهك والكلام ده كله المفروض برده كانت تتماسك شويه وكانت تقول فى دماغها اه ده شبهه وكل حاجه لكن مش هو مش معنى كده تاخد رقمه وصورته وتديه صورتها كمان يعنى كان عندها استعداد تكلمه هى كده غلطانه جدا جدا كمان بس انا شايفه ان انت كمان حاسبتها كويس اوى واسبوعين كتير برده مش شويه على اتنين بيحبوا بعض بالطريقه دى وطالما عرفت غلطها وجات اعتذرت مش فيها اى حاجه خلاص الموضوع انتهى جابتلك كمان رقم التليفون والصورة تقطعها بنفسك وكويس انها عملت كده ومش عايزة اقولك حاجه تانيه علشان مش ادخل الشك جواك بس خلاص عديها المرة دى بس مش تنسى الغلطه كبيرة يعنى مرة كمان والموضوع خلاص لو بنت تانيه مثلا انت مش واثق فى اخلاقها كنت هقولك انساها فورا ده رأيى لحد هنا ان شاء الله لما تكمل هقدر افهم اكتر علشان لو كنت غلطانه |
طب انتو ممكن تصبرو وتشوفو هو عمل ايه
|
اقتباس:
هو قال البنات دول قصدة على الفئة او المجموعة الى زيى محمد اتكلم عنها مش قال نساء العالم ولا المراة ولا عمم ولا حاجة وعلى فكرة البنات الى انا عن نفسى بشوفهم والى واخدين الواحد طول النهار ذنوب بسبب لبسهم الغريب وتقليدهم للغرب لو اتحرقوا كلهم كدة مرة واحدة هايبقى اكيد افضل لينا بس حرق او الكلام دة مش اد ان المرأة الى بنشوفها كلنا فى الشوارع عموما والى عاملة زى ما فى الحديث الشريف (نساء كاسيات عاريات) يكفى ان نعرف انهم اصلا لا يجدن الجنة ولا يشمن رائحتها واسف على المقاطعة لموضوعك بس انا متأكد ان فيه ردود غريبة لان الشيطان ملك القلوب وبقى مش مهم عند الواحد الاسلام المهم راحت العقل ونسيان الروح التى لا ترضى الا ببارئها فى امان الله |
انا برضوا بقول نستني للنهايه عشان نقدر نحكم
لجد دلوقتي معرفناش ايه اللي حصل هل هو سبهاولا لا يبقي بسمع للاخر وبعد كده نحكم براحتنا |
بص يا محمد انا الصراحه مقدرش استحمل لغايه كده موش متعاطفه معاك لا يا محمد الانسان عنده عقل يفكر بيه دلوقتي انت ترضي تتجوز واحده قالتلك اني بحبك ماهو اخر الحب اللي انت فيه هتكلله بالجواز صح ولا لأ؟ انت ترضي تتجوز واحده سوري يعني زيها يا محمد انا موش عاوزاك تزعل مني ايوه عارفه فعلا ان الواحد بيمر بشعور غريب قوي في الحاجات دي بس انا الصراحه اتعلمت ان الواحد يفكر ببعقله موش بقلبه يا محمد انت ترضي تتجوز واحده زيها ترضي انها هي دي اللي تشيل اسمك بعد كده وتجيب منها اولاد يا محمد لما تروح رحله وتقابل واحد هناك وتديله صورتها ونمره تليفونها انا موش عارفه ازاي انت تسامحها ايوه فعلا انت يبقي نفسك تاخدها في حضنك تاني نفسك تسمع صوتها وانا بقولك ايوه لازم هتحس الاحساس دا لو انت محستهوش بس لازم هتحسه ليه يعني وانت رحت فين يا محمد هه انا عاوزاك ترد تقولي بجد ترضي انك تشوفها دا يوم راحت هي فيه الرحله ورجعت تاني يحصل دا كله وانت رايك ايه يعني في مبرراتها طبعا لازم هتقولك انه شبهك وانه معرفش ايه زيك لان سوري يعني البنت اللي زي دي انا اسفه يا محمد هي كده واسالني انا علي البنات دي انا بنت وشفت بنات كتير قوي من النوع دا وسمعت كتير قوي غير كده الحب في السن دا يا محمد حب وهمي قوام ما هتنساه انت تستاهل انسانه محترمه تقدرك وتخاف عليك وتحبك انت وانت اللي تروحلها موش هي اللي تروحلك وتجيلك تقولك انا بحبك غير كده يا محمد برضه انت ترضي لاختك انها تمر باللي انت مريت بيه ترضي لاختك انها تعرف واحد وتكلمه علي الموبايل وتقوله كلام حب وغراممعتقدش يعني يا محمد ان في حد يوافق علي حاجه زي كده فيا محمد مكنتش ترضاه للبنت اللي هي دلوقتي محيراك وتعباك يا محمد محمد ربنا عرفوه بالعقل الظاهر انت فاهم قصدي كويس يا محمد لو هي كانت كويسه يا محمد مكنتش سمحت لنفسها بكده انها تعرف واحد واتنين وتلاته انت ايه اللي عرفك انها مثلا مبتكلمهوش في تليفون البيت عندها ايه اللي عرفك انها مبتقابلش واحد تاني من وراك صح موش كل دا جايز ومتحاولش تجيب مبررات يا محمد البنت اللي عرفت قبلك واحد وعرفت وانت معاها واحد تاني والله اعلم هي عرفت قد ايه والله اعلم هي عملت ايه مع دا كله بالتاكيد هتديك قلمبس بيجرح قوي طيب انا هقولك حاجهالولد اللي كانت عارفاه في الاول دا اللي هي سالتك عليه كان بيتسلي بيها ليه وسابها ليه فكر كده ليه ايه السبب هتقولي هو انسان وحش هقولك اه وهقولك كمان هي اوحش محمد انا عارفه اني كنت دبش في كلامي معاك بس انا موش عاوزاك بجد تتعذب بسبب بنت متستهلش اي شفقه خالص ولا احسان بص يا سيدي لو هي البنت دي تابت بعد كده في بقيت قصتك يا محمد انا من رايي ملكش دعوه بيها برضه لو لقيتها جت هي قالتلك يا محمد انا اتعدلت عشانك انا اتغيرت عشانك اعرف انها لسه علي الحال بتاعها لانها لو فعلا تابت اولا هتلاحظ من تصرفاتها وكمان لازم متلكش هي بنفسها ماهي معني انها تابت انها موش هتكلم اولاد تانيين يبقي هتكلمك ازاي بص دا رايي لو موش عاجبك يا محمد يبقي علي ا\راحتك بس خلي بالك يا محمد ان ربنا مراقب تصرفاتك وكل اللي انت بتعمله يا محمد دا ذنوب علي الفاضي واظن انك كبرت وعقلت وفي كليه وان شاء الله هتتعرف علي بنت جميله وحلوه ومتدينه وبتحبك وبتحبها وهتنسي القديم بس كمان هيبقي في الحلال وتجيب منها عيال ساعتها بقي هتضحك علي اللي كنت بتعمله زمان يا محمد علي العموم يا محمد لو معجبكش ردي احذفه وانت موجود اهه دلوقتي ولو عاوزني احذفه قوللي يتحذف ازاي وانا هحذفهولك بس يارب اللي في المنتدي ميحذفوش عضويتي وربنا يا محمد يهديك للصواب
|
اقتباس:
بس برضو يا محمد احنا لسه موصلناش للمشكله كل دي تقلبات عاطفيه طبيعيه في سن المراهقه اعجاب علي احساس بالانتماء انما الاساس اللي هو الحب لسه مفيش علي العموم نشوف بقيت الموضوع مستنيينك |
ولعلمكوا الكلام دا موش لمحمد وبس لا ليكوا كلكم وليا انا برضهدايما حطوا ربنا قدامكم وقدام تصرفاتكم والا هتندموا ندم كبير قوي استنوا لما الموضوع ييجي في وقته لبنتتستني لغايه ماييجي نصيبها لغايه عندها في البيت والولد يتاني شويه في اختياره للبنت اللي هيتجوزها للبنت اللي هتشيل اسمه وتحفظه وتحفظ كرامته كلنا بنمر بمرحله المراهقه دي بس الحدق والجدع بقي اللي يعرف يستغلها استغلال صح وبرضه لازم الولد يحط في باله انك لو اذيت بنت من بنات الناس ربنا هيطلعه عليك في اختك او مامتك او بنتك او بنت خالتك او اي حد من قرايبك ومحمد انا موش عاوزاك تزعل ارجوك انا كنت بنصحك وبقولك علي اللي هتعمله البنت دي صدقني دي عمرها ما هتنفعك
|
مش قادرة ارد على كلامك علشان لسه مخلصتش حكايتك ولا عرفنا فين المشكله الاصليه بس انا شايفه انك فعلا فى ازمه ومحتاج وجود ناس جنبك يساعدوك يارب نقدر نعمل ده وعلى فكرة واضح من كلامك انك انسان حساس اوى فربنا يستر من المشكله اللى انتا بتواجهها دى علشان انا نفسى حسه ان قلبى بيرتعش وبجد ربنا معاك ومستنيه الباقى علشان نقدر نساعدك وتاخد مننا راى يمكن يفيدك ولو شويه .
|
بصراحه يا محمد
قصتك دى وجعت فلبى اوى وانا حاسه بيها اوى ياريت تكمل عشان اشوف الباقى واقدر اساعدك |
اقتباس:
اللى على رأسه بطحه ثانيا انا بعرف اتكلم كويس ولو انتا هتدخل فى الام والاخت صدقنى هغلط وهغلط جامد كمان وبالنسبة لموضوع هترتاح اها هرتاح ومرتاح وشغل المراهقة ده يتعمل مع حد غيرى انا بعرف اتكلم وبعرف كويس كمان ومش انتا اللى هتعلمنى الكلام ودكدم حضرتك مبتفهمش فى اسلوب الكلام اللى بيكون مكتوب ومعانيه خليك فى رد حضرتك ومتعلقش على ردود الناس فائق احترامى :) |
انا هقول رايى بعد ما اعرف القصة كلها
|
انا انا مستنيه بقيه القصه
|
ايوه يا عم شغال علي ودنه
|
جميله يا محمد القصه
تابع تابع ما تخليش اى تعليق او اى حاجه توقفك ماانا عاوزك تبقى عارف ان قصتك دى فى ناس كتير جدا متابعاها وخاصا اصحابى اللى ملمومين حواليا وبيقروا دلوقتى |
أولا انت عجبنى اسلوبك جدا فى الحكاية وعجبنى اختيارك للكلام اللى انت بتقوله لكن بجد انت اللى بتعمل ده فى نفسك انا اعتبر فى نفس حكايتك بس من زمن بعيد انما انا بقالى سنة وشهر انا منتظر الكمالة وبقية ردى فى نهاية الحكاية |
اقتباس:
لسه الحكايه فى البدايه لسه مخلصتش بس رجاء أخوى يا إسلام متنفعلش خلى الموضوع يخلص على خير |
اقتباس:
إن شاء الله يانور ههكمل دلوقتى على أد ما أقدر وشاكر جداااً لوجود معايا |
اقتباس:
إن شاء الله هكمل كمان شويه |
بسم الله الرحمن الرحيم برضو مستنيه للنهايه عشان أحكم , و يارب أقدر أساعدك أنا بجد حاسه بيك , انا مريت بحاجه زي كده , بس عدت على خير الحمد لله |
اقتباس:
يــــــــــــــــــــــــــــــــــــــاب |
اقتباس:
هكمل كمان شويه ونشوف |
اقتباس:
هكمل دلوقتى يا على متخفش كلمتى واحده |
اقتباس:
أوك AS U LIKE |
اقتباس:
|
| جميع الأوقات بتوقيت GMT +2. الساعة الآن 04:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.