ليك كده بس ياهند ده احنا الجيل الجديد اللى داخل تجارة بلاش تعقدونا ياجماعه واكيد تجارة مش هتبقى اصعب من ثانويه عامه واللى شوفناه فيها والسنه دى بالذات ولا ايه رايك ؟؟؟؟؟؟

هند مين ؟! .. اللي اسمه هند يا جماعة يرد احسن انا عارفها دي شرانية !!

لا طبعا .. الثانوية دي شر لابد منه .. اما بالنسبة للجامعة فابتبقي استراتيجية التعامل معاها مختلفة

اختلاف جذري ..

وزي ما Miss Car!sma وحلوة اوي رمز التعجب اللي في النص دا .. جديدة برده !!

ززي ماقالت .. خدعوك فقالوا ان تجارة 4 سنين .. عشان ساعتها مش هاتبقي 4

لإنك بمصطلح الكلية كدا .. هاتدبلري .. يعني هاتاخدي السنة في سنتين

سنة تفهمي فيها وتسقطي .. وسنة تذاكري اللي انتي فهمتيه وتنجحي

عجبي عليك يا زمن !!

على فكره انا مش جديده ولا حاجه
انا بتكلم بناء على خبره سنه فى تجاره انجلش واكتر من 3 سنين فى المنتدى ده
المهم انا مش بعقد حد
تجاره اللى مبيذاكرش فعلا مبيعديش فيها
دى البوينت وانا مش شرانيه على فكره
وللا حضرتك قديم وف يوزر جديد..!?

طب كويس .. شكلك كدا تجارة انجليش تانية

طب كويس والله .. انا اعرف ناس داخلة تجارة انجليش عندك .. بس اولي بقي

ابقي شدي حيلك معاهم والنبي ..

بس انتي اه اوكي انا معاكي في الكلام بتاع ان تجارة لو ماحدش ذاكرلها مش هايعدي

بس الكلام دا انا قولته قبل كدا

والاستراتيجية شرحتها قبل كدا .. واكيد انتي معايا في كدا

اكيد ده كلام جميل
وربنا يسهل بس ونعمل بيه كلنا بما فيهم اللى بيتكلموا

قولي يارب .. وياتري انتي عملتي ايه بقي السنة اللي فاتت ؟؟؟

تجارة انجلش نصها بيبقى دخلينها علشان اسمها وبس
انا قدمت فيها مقبلتش حولت انتساب واحتمال ابقى انتساب اول 3 سنين واحول انتظام بأذن الله
وهى فعلا تجارة بكل تخصصتها عايزة مزاكرة مش عايزة طنش ونفض وكده
بس فى نفس الوقت سهله ومش معنى كده تتركن مذاكرتها لقبل الامتحان

عندك حق يا wanda تجارة انجلش اسمها حلو بس انا مقدم فيها عشان الاقى شغل لما اخلص بس انتى لية حولتى انتساب

معلومة غلط على فكرة يا wanda ..

الناس اللي بتفكر صح .. تخش تجارة انجليش ..بس يمكن البروبليم فيها انها مصاريفها عالية شوية

بس من المتعارف عليه انه فعلا مطلوبة في سوق العمل .. واللي يقول غير كدا يبقي راجل دماغه مش موزونه

تجارة انجليش زي تجارة عربي في المنهج .. لكن اللي بيفرق اللغة ..

وسوق العمل بيفضل تجارة انجليش عن تجارة عربي طبعاً ..

================================================== ==

وانا دي يمكن تاني مرة اشوفك فيها يا احمد .. انتا معانا في تجارة القاهرة ولا ايه ؟؟؟

هااااااااااااااى يا جماعة انا لسا اول سنة تجارة السنة دى ايه نظامها صعبة ولا ايه وع فكرة انا كنت علمى رياضة بس للاسف دخلت تجارة ولو لم ادخل تجارة لوددت ان ادخلها انا اصلا مش شيفا نفسى غير ف التجارة ههههههههههههههه..بس المشكلة ان فى ناس بتقولى انها صعبة يا ترى التجارة صعبة فعلا ولا ايه!!!!

صعبه على اللى هينام فى الخط وسهله على اللى هيعرف اللى ليه واللى عليه
ويبص على المادة اول باول

وبالنسبه لتجارة انجلش انا مقبلتش فيها اصلا اساسا
حولت بقى انتساب وبفكر اشوف بس اول سنه وبعدين هكرر ارجع انتظام تانى ولا اكمل انتساب

تقرري ؟!!

احلى حاجة انك بتقولي اشوف اول سنة واقرر ..

تقرري ايه بس .. هوا انتي فاكرة انه بمزاجك

دانتي عشان ترجعي لانتظام تاني اصلا .. لازم تطلعي صافي وتكوني جايبه على الاقل جيد

وغالبا مابتتحققش الا اوبشن واحد فيهم ..

بمعني انك ممكن تجيبي جيد .. وتبقي شايلة مادة

او تطلعي صافي وتجيبي مقبول .. الا اذا كنتي بقي من حزب الدحيحة !! :d

ان شاء الله مش جيد امتياز والاولى على الدفعه بكر تقول
نور قالت وتفتكرنى بالخير متستقلش بيا يا جدع
وان شاء الله ان ناويها جد مش لعب على طول :d

ههههههههههههههههه

بتفكريني بصاحبتك ريناد !!

برده عندها امل انها تطلع الاولي ع الدفعة ..

خليكوا في احلامكوا الهوائية دي !!

ما احنا هنذاكر مع بعض
وهتشوف يا فامبير

ههههههههههههههه

عارفه يا wanda بتفكريني بمثل ظريف اوي بيقول ..

جيبتك يا عبد المعين تعني .. لاقيتك يا عبد المعين عايز تتعان !!

وداكمان بيفكرني بمثل تاني بس مش هاقوله حفاظاً على الروح الرياضية اللي لازم تبقي جواكي اول ماتخشي الجامعة

شئ طبيعي ان الروح الرياضية دي تروح اما تخلص اول سنة ..

عموما .. ادي دقني اهي ان اتحقق اللي في بالك .. سواء انتي او ريناد !

وبيني وبينكوا انتوا الاتنين سنة دراسية كاملة .. وادي دقني اهي برده ان حولتي من انتساب

مش احباط .. بس اعتبريه تحدي .. وبيني وبينكوا ..

الايام

اية يا عم vampire عمال تعقد فى الناس لية هما الى بيطلعو اوائل احسن مننا ولا اية هو بالمناسبة الاول على تجارة دة بيبقى جايب كام فى المية تقريبا على فكرة انا معاكم فى تجارة القاهرة واحتمال ادخل انجلش قول يا رب

هههههههههههه .. انا مش بحبط .. بس هوادا الواقع

انتا عشان تجيب جيد جدا بس .. لازملك شوية عوامل تتجمع معا بعض عشان تجيب التقدير دا

اهمهم عاملين لازم يتوافقوا معا بعض

مذاكرتك الجامدة .. وان الدكتور اللي بيديك يكون كويس في تصحيحه

ناس كتيييييييييره جدا بتدح في مادة بس للاسف يكون دكتور المادة دا زبالة ومايديش التقدير المظبوط

دا شئ معروف اوي خاصة في تجارة يعني !!

اما الاول على تجارة فدا بيتحسب بنظام التقدير التراكمي العام

بمعني انك في السنة الواحده المجموع بيبقي من 200 .. اضرب 200 في اربع سنين

يعني المجموع كله من 800 ..

الاول السنه دي بتاع شعبة المحاسبة باعبارها اصعب شعبة يعني .. جايب 735 من 800

وهوا واحد على فكرة مش واحده ..

والاول في دفعة المحاسبة انجليش .. واحده جايبه 741 من 800 ..

شوفت الدح ؟! .. يعني لو قسمتها بالمتوسط هايطلع انها كانت كل سنة بتجيب على الاقل كدا

185 .. يعني 92% .. امتياز ..

شوف بقي انتا هاتيجي في دول .. وقولي ..

ولو عايز جدول الاوائل واوريهولك .. عنيا اجيبهولك ..

بص يا فامبير هقولك حاجة لوجه الله
الدفعه بتاعت سنه اولى السنه دى
طالعين مطحونين من الثانويه
وعاملين تحدى مع نفسهم وده المعظم
قليل اوووى لما تلاقى حد منفض
ام هند:d

ان شاء الله هنجيب تقدير:p

ومش جيد ولا مقبول ان شاء الله:p

معاكي ربنا و 10 ملايكة يحرسوكي !!

او اقولك .. خدي ندي وعلا في خط الدفاع .. باعتبارهم ملايكة يعني !

قال مطحونين قال .. ماكلنا بنتطحن .. عادي يعني نوبروبليم

سيبك انتي من اللي بيتقال مطحونين ولا مش مطحونين .. الكلية غير الثانوي نهاااااااائي

واما يعدي الشهر الاولاني عليكي في الكلية .. هاتفتكري كلامي وتقولي كان عندك حق ..

وتقعدي انتي وريناد على سلم معهد الليزر تعيطوا لبعض

وتقولوا كان يوم اسود يوم مادخلنا الكلية دي !!

هههههههههههه
لا انا بقولها من دلوقتى كان يوم اسود لما قدمت فى الكليه ديه
ربنا يستر طبعا الكليه غير الجماعه انا قصدى ان فى كتيرر
كان نفسهم فى حاجة تانيه وامالهم اتحطمت فقالوا
هنثبت نفسنا ان شاء الله ونورى للعالم اننا ننفع فى اى كليه
بس هتبقى ارحم شويه من الرعب اللى كان متربلنا واحنا فى ثانوى :p

حلو التفاؤل دا ..

نوري نفسنا اننا قد اي كلية .. ياسلااااااااااااام

ما احلاه كلام .. كلام موزون وحلو وظريف

بس يقتصر على المنتديات وبس !!

هاااااااااااى ميدو طبعا انت عارفنى ايه اخبارك..وايه اخبار التجارة وان شاء الله التجارة حتعلى بينا احنا هو احنا شوية فى البلد ولا ايه..وكل سنة وانت طيب ورمضان كرييييييييييييييييييييييييييييييم

ميدو هاجر من الموضوع خلاص !!

هاى ياجماعه كل سنه وانتم طيببين وعلى فكرة ياواندا انا معاكى جدااااااااااااااااااااااا وان شاء الله هنعمل احلى شغل فى تجارة وربنا مش هيخذلنا لاننا بجد اتبهدلنا وربنا هو اللى عالم باننا تعبنا بجد وان شاء الله خير وهنبقى من الاوائل كمان ونغيظ فامبير يا وانداا

شوفت بقى يا فامبير مش بحلم ولا حاجة
وكل سنه وانتم طيبين رمضان بكرة :p

وانتي طيبة

بس برده مش هاتعرفي تجيبي التقدير

وادي دقني لو عديتي من انتساب !!

حرام عليك يافامبير انا انتساب قول ان شاء الله اجيب تقدير
عشان لما انجح فى تجاره
اصل انا مش اول مره ادخل جامعه

رمضان كريييييييييييييييييييييييييييم

رمضان كرييييم ياجماعه وان شاء الله بنا هيكرمنا بالعند فيك يافامبير
ونغيظك انا وواندا هى الاولى فى جامعه القاهرة وانا فى جامعه المنصورة

ان شاء الله ربنا يوفقكم
----
بس هى ليه كل الناس المقبلة على الكليات- مهما كانت الكلية- عندها حماس وتفاؤل بانهم يطلعوا الاوائل مش يجيبو تقديرات وبس الا انا
عندى احساس بانى فاشلة فى الكلية دى ومش ادها !!!!

:d
ربنا يستر
==========
ربنا يزيدكم حماس وتفاؤل ان شاء الله والحماس دا ميضيعش ، لا يزيد ان شاء الله
ويوعدنا احنا كمان :rolleyes:

وحياتكوا عندي ماهاتجيبوا تقديرات .. وانسوا !!

هيا ان شاء الله hkk-happy اللي هاتجيب ! .. وماتسألونيش ليه

احساس مش اكتر ..

الناس الدحيحة بتبان من ردودها .. وانا شايف ان بقية الناس مش باين عليها يعني !

ماتخافيش يا hkk-happy .. انا مش بنق ولا حاجة ..

وكلكوا مقبوووووووول باذن الله ..

وكل سنة وانتوا طيبين ..

هههههههههه
تصدق ضحكنى الكومنت بتاعك فى وقت الواحد كان شايل هم الدنيا فوقيه

آآآآآآآآآآآآآآآآآآآمين

يارب يطلع احساسك صح لانى مرعوبة بجد
دحيحة ؟؟ :d
من اى نوع؟
لو قصدك انى غاوية اقعد ع الكتب واحفظ وادش بنغير ما افهم وكدة فدا مش حقيقى
انا عموما ايام الامتحانات كنت ببقى اون لاين عادى :d

وكما متقفلهاش فى وش اخواتنا كدة
اديهم امل :d
ارفع روحهم المعنوية زى رفعت روحى المعنوية شوية

بلاش احباط :d

وانت طيب وبالصحة والسلامة

احباط ؟؟ ..

مين بينده يا جماعة ؟!

على فكرة يا hkk-happy انا كنت بهزر !!

انتي كمان هاتجيبي مقبول باذن الله ..

والشلة كلها هاتجيب مقبول بعون الله ..

اي حد هنا في الموضوع دا .. اخره كدا جيد ..

وبعدين احنا مش قاعدين معا بعض ؟ .. بيني وبينكوا السنة ..

ولا لأ .. سنة ليه ؟ نروح بعيد ليه ؟ .. بيني وبينكوا نص السنه

اما بالنسبالك يا hkk-happy .. بيني وبينك نتيجة اول كورس تخلصيه ..

ان الـ GPA بتاعك ماتجاوزش الـ 2.5 بوينت .. مابقاش انا !!

ههههههههههههه
شكلك مضايق اووى ومحبط جدااا
من تجارة يا فامبير
ربنا يكون فى عونك
بس انا باردة ومهما هيحصلى فيها من صعوبة دراسه
او صعوبة تكييف معها
بردو فية امل وتفاؤول :p
انت بس اللى واخدها افش حبها
هتحبك تكرهها تشوطك لبعيد:d

تشوطني ؟ .. دا باعتبار اني كورة بقي ؟!!

على فكرة .. والله العظيم تلاته انا ما بحبطكوا .. بس الكلام دا فعلا اللي انتوا هاتكتشفوه

انتوا لسه مادخلتوش الكلية ولسه ماتعرفوش الدكاترة ولا طرق التعامل ولا كل دا

انتوا كل دا مجرد سمعتوا بس .. او قريتوا شوية معلومات عنها .. سواء مني او من غيري

انا دلوقتي حاليا .. كل اللي يهمني في الامر .. اني ببص لما بعد التخرج

مصيبة تجارة .. انها لا تتوقف على انها تجارة بس .. لازم تبقي تجارة ومشتملاتها ..

بمعني انك بالبكالريوس بتاعك دا .. تروح تشتغل سواق تاكسي على رأي اخويا !!

صراحة .. كلامه صح في ظل الوضع الحالي اللي احنا فيه دا

عشان تلاقي شغل معقول .. ولاحظوا كلمة معقول دي .. لازم يبقي معاك على الاقل

كام كورس انجليش .. على كام كورس محاسبة .. على كام دبلومة ادارة .. على كام دبلومة في الـ hr

على كام كورس في الشبكات .. طبعا دا غير شهادة الـ icdl اللي هيا بتبقي زيها زي شهادة التخرج معاك !!

كل داااااااااا .. وياعاااااااالم هاتشتغل ولا لأ ..

انتي لسه داخلة جامعة .. كل طموحك في الثانوية العامة انك تخشي كلية حلوة

ربنا رزقك ورماكي في تجارة .. مش هاقولك اكرهييها واشتميها وسبي والعني في اليوم اللي دخلتيه فيها ..

لأ خاااالص .. بس بعد ماتعدي السنة الاولي .. (دا ان عدت) .. هاتكتشفي ان طموحك اتغير .. وبدأتي تبصي للأمام وهاتحسي انك بدأتي تشيلي هم .. تدريجيا لغاية ماتوصلي لرابعة .. هاتحسي انك خلااااااااص على اخرك ..

كل دا وانتي بنت يعني الشغل مش اساسي بالنسبالك .. مابالك بالولد اللي هايتحمل المسئولية ..

انا يمكن اكون محبط شوية .. بس ممكن يكون احباطي وصلكم غلط ..

حاجة اخيرة اقولها ..

امشي على مبدأيين في الكلية دي .. وانتي ربنا يوفقك ويوفقنا احنا كمان ..

1- التقدير ثم التقدير ثم التقدير ثم التقدير ..
2- اي كورس خلقه ربنا وقع في طريقك خديه .. بس يكون كورس حاسه انه هايفيدك ..

كفاية كدا بقي .. عشان انا فعلا احبطت دلوقتي وربنا !!

مهو ده صح
مفيش حد بيشتغل بعد ميخلص اربع سنين الكليه

لازم كورسات ودراسات ولغاة تانيه وثالثه علشان ينفع

وشكرا على ردك الطويييييييييييييييييل اوووى :d

طويييييييييل ؟! .. لو عايزاه نقصره ..

ولو عايزة .. مانردش خاااااااااالص

مش قصدى انا قصدى ان ردودك
بتعجبنى اووى ووبصراحة بكون عايزة اقلدك
ومبعرفش اطول ف الرد :d

هاااااااااااى وند انتى فى جامعة اية

تجارة القاهرة :d

وانت

تقلديني ؟ .. لا بلاش

خليكي بطبيعتك احسن ..

وبلاش تقلديني .. عشان لو قلدتيني هاتحبطي وهاتحبطي اللي حواليكي

انا دلوقتي بقدر الامكان بحاول اني اقلل من مدي الاحباط اللي سببتهولكوا

ولككن تلك هي الحياة .. وتلك هي كلية التجارة اللي ربنا رزقنا بيها !!

اوك خلينى

مع انى رغايه فى الطبيعى

مش عارفه هنا مش بعرف اتكلم ليه :p

هههههههههههه .. انا اعرف ان معظم الناس .. بتبقي بربنط في المنتديات والشات ..

اما في الحقيقة فا ياعيني .. تتلاقيهم الكلمة بتطلع منهم زي اللي بيعد فكة شلن !!

بس عادي .. مسيرك هاترغي كتييييييير اوي اوي في الكلية دي ..

ايه يا جماعة احنا هنقلبها حروب

كان معكم خالد عبدالعال
نشرة اخبار موقع ثانوية

منى السلالالالام
 

منى السلام
سيبك من فامبير ده راجل خبره فى مجاله اللى هو الشات اكيد والكتابة اكيد اكيد بيستخدم برنامج انطق وهو يكتب ههههههههههههه

بعدين مش معنه التقيرات فى الجامعة صعبة اووووووى ليه دى حاجة كتير بسمع عنها ان التقديرات صعب وانت بتحلم لو بتفكر ان انت تجيب تقدير حتى ولو مقبول انا بسمع ان هى صعبة برضو بس ليه يعنى مشمعن كده
وبعدين انا ليه اخواتى كلهم اكبر منى 2 فى تجارة واحد خلص والتانى هيخلص السنه دى و1 فى صيدله بس خلص السنه اللى فاتت
اللى خلص فى تجارة بتقدير جيد بس ده كان بيذاكر ومن الناش الدحيحه بس بقاله اربع سنين مخلص وبتاع صيدله خلص بتقدير جيد جدا السنه اللى فاتت من جامعة القاهرة ولله ما بهيس اما الباشا الكبير اللى هو داخل رابعه فدى معقد بابا فى عشته من سنه اولى وهو كل سنه بيطلع بمادتين لحد دلوقتى وبابا مش متعود حد يشيل مواد مننا خالص حتى ان بابا بقى يشك ان هو اساسا مش بيروح الجامعة بس لاقه بيروح
الباقى والدور عليه ان واعوذ بالله من كلمه انا ممكن اخد السنه فى سنتين ويلاته لو عجبك يا فامبيرباشا
المهم انت عامل ايه يافامبير سيبك من اللك ده والى عايزين نعمل موضوع يضم كليات التجارة على مستوى الجمهورية ايه رايك فى الفكرة دى واقولى صحيح كنت عايزاسألك سؤال
هو تجارة القاهرة احسن ولا عين شمس دى رقم واحد
اما رقم 2 هو فى تجارة خارجية فى القاهرة وعين شمس ولا هى بس فى حلوان العزيزة ارجو الرد على عضو انضم مجددا الى حزب المعارضة
سلالالالالالالالالالالام فامبير وwanda

ايه ياشباب كله تجارة القاهرة مفيش عين شمس ولا ايه