|
طب انت انتظام ولا انتساب يا ميدو؟؟؟؟؟؟؟؟
وهتلاقى ناس كتير اوى من هنا معاك ف الكليه انا حاسة ان المنتدى كله تجارة القاهرة |
لا انتي مش تحسي انتي اتاكدي انه كل اللي في المنتدي تجاره بجد والله العظيم انا اكتر من تلاته ارباع المدرسه بتاعتي ياعلا دخلت تجاره القاهره بالذات
|
بقولكو ايه هيا التحويلات لسه شغاله ولا ايه
هههههههههههه |
هل من الممكن الانضمام الى المنتدى
هااااى
انا اسمى بندق من المرج وليه ان انا ادخل جامعة القاهرة او عين شمس بس الدنيا حظوظ انا مش كنت اتوقع ان يجيلى تجارة بنها مع انى كنت عندى امال كتيرة او بمعنى اصح كان نفسى ادخل تجارة خارجية او على الاقل تجارة انجلش بس الدنيا حظوظ اعمل ايه على العموم انا ليه اخويه معاكم فى القاهرة طالع تالتة انا هضى سنه فى بنها واحول السنه اللى جاية القاهرة ممكن نكون اصحاب لحد منا اجى |
وانا كمان تقريبا مدرستنا اتنقلت كلها لتجارة اكتسحوا المدرجات
انتظام وانتساب ومش رحمين ههههه والتحويلات انا معرفش كونت عايزة اسئل |
انت طبعا اخونا يا بندق
بس مشوار جامد عليك اوى ده انا ساكنه ف عين شمس بس ف جامعه القاهرة والمشوار بيهدنى |
لا بيهد ولا حاجة
من محطة الدمرداش لجامعة القاهرة مافيش بس غير انك تغيري في محطة السادات مش اكتر هوا يمكن عشان زحمة المترو بس .. تيك ايت ايزي .. |
المترو مسهل كل حاجة انا كنت هروح عين شمس
بس النصيب بقى وبابا موافقش علشان زحمة المترو يلا اكيد هيبقلى خير فى تجارة القاهرة حلوة المهم اثبت نفسى فيها |
يا جماعة متعقدونيش صحيح تجارة هى كلية الشعب وناس كتير من مدرستى دخلوها لكن ليها فرص عمل واللى عايز يتأكد ممكن يفتح موقع الوسيط هيلاقى مطلوب محاسيبن كتير صحيح هما بيتشرطو فى الطلبات لكن اهى فرص وخلاص على فكر انا معاكم فى تجارة القاهرة
|
ايه يا فامباير انت مش متابع ولا ايه
انا ساكنه ف عين شمس يعنى محطة عين شمس من اول الخط الدمرداش دى ف العباسيه وبعيدة عن عين شمس يعنى نص ساعه مترو انا مشوارى ساعه من عين شمس للجامعه |
هلالالالالالالالالالالالال
شكرا 3ola على الاخوة الجميلة اللى انتى عملها
وعموما انا هسكن فى الشرقيه على كده يعنى مش هتبقى متعبة اوى انشاء الله اعمل ايه قضاء ربنا عموما شكرا على موافقتك على ان انا اكون عضو فى المنتدى الجميل ده ويريت بقيه الاعضاء ممكن تقول رايها فى الانضمام |
منور طبعا طالما دخلت هنا يبقى انت عضو معانا
لا وكمان اخ لينا واهلا بيك يا احمد معانا فى تجارة هو انت انتظام ولا انتساب؟؟ |
اقتباس:
بس انا اعرف ناس بقي من المعادي ساكنه هناك .. بياخدوا مشوارهم في ساعتين.. احمدي ربنا .. |
ليه يعنى ده المعادى قريبة م الجامعه بالمترو
بس يمكن الناس دول بعيد عن محطة المترو وبياخدوها مواصلات والزحمة بقى انت عارف يلا الحمد لله ان مشوارى ساعه وبس |
والله ماعرف ..
وبعدين حد قالكوا تعالوا القاهرة ؟ .. زحمة هيا وخلاص ؟! وبعدين تيجوا تشتكوا !! مافيش احسن من الناس اللي زيي .. نص ساعة وابقي هناك في الجامعة .. لا تقوليلي مترو ولا يحزنون .. |
ما بلاش الكلام اللى م النوع ده
هدعى عليك ما تلاقيش مواصلات وتعد ساعتين تلاته على ما توصل وبعدين لو مكنتش رحت جامعه القاهرة كان مين هيرخم عليك انت ناسى اننا دفعه وحدة مع انى انتظام بس هنطلك ف مجموعتك وارخم عليك ومش هتخلص منى |
هههههههههههههه ..
نطي يا علا ووريني نفسك .. على الاقل مجموعة (ز) معروفة في الكلية انها اروش مجموعة في تجارة كلها اهو تيجي تتسلي شوية عندنا وبلاش الادعية والنبي عشان انا الادعية بتتقبل عليا مش عارف ليه ؟!! .. بس الحمدلله ماتخافيش مش هاتأثر عشان انا اساسا ساكن في الهرم يعني يعتبر الجامعة جنبيا .. يدوبك مواصلتين بالظبط وببقي في الجامعة اتغاظي بقي .. مش بقعد ساعة زيك !! |
وانا معاك يا فامبير (ز)بس انا مجنونه اووى هههههه
بس طبعا هخف شويه مينفعش ده فى الجامعه انا بقى مشوارى ربع ساعه لو فى مواصلات بالمترو لو مفيش يبقى ساعه ماشي ولونى مبفضلش كده :D |
ربع ساعة ؟!!
شوفتي يا علا .. اهي ربع ساعة اهي .. شمتي فينا الناس مش بعيد يطلعلنا واحد تاني ويقولنا انا ساكن في اوضة العميد !! طب اقولك .. انا اتجمع انا وانتي يا wanda ونهجم عليها في مجموعة (ب) عموما كدا كدا الجدول احتمال كبير ينزل بعد اسبوع اول ماينزل هابقي انزلهولكوا هنا .. ونبقي نتفق انا وانتي نهجم عليها فين ... |
اخس عليك يا فامباير
تهجموا عليا ده انا بقولك دفعه وحدة وعلى فكرة انا هبقى (د) ان شاء الله انا مش اسمى علا انا بحرف النون وحكاية المشوار الساعه ده ساعات بيريحنى اصل انا من هواه اللى بيعدوا ع الارض يعنى تدخل المترو تلاقينى فارشة ف الارض وحلو ف الامتحانات اعد اراجع براحتى وانا ع الارض بتبقى اعده مريحه والله ده غير ان فى ميزة تانية بقعد اتصاحب ع الناس ف المترو اهو الواحد بيتسلى ويتعرف على ناس تانية |
هههههههههه .. ضحكتيني والله يا علا ياللي ماسمكيش علا !!
بسايه تفرشي على الارض دي .. بقي عايزة تقنعيني انك انتي بتقعدي على الارض في المترو ؟! دا ايه دا يعني .. والله انا عمري ماعملها لو بموت حتى .. اما عن انك تراجعي في المترو فدي عندك حق فيها .. فيه ناس كتيره والله قالتلي احنا ماكناش بنراجع الا في المترو ناس فاضية بصحيح !! خليكي انتي بس كدا اقعدي اتصاحبي وخلاص .. مش قولتلك ناس فاضية ؟! اما بالنسبة لإني اهجم .. فانسي .. اي نعم اه انتي دفعتي بس انا مجموعة وانتي مجموعة .. والمجموعات لا تتناسق معا بعضها البعض يا ماي فير ليدزي على رأي محمد سعد !! وبعدين انا و wanda مجموعة واحده .. ائا ائا ! :p .. يالا يا بتاعة مجموعة (د) .. وعلى فكرة انا ليا صحاب فيها .. وبيقولولي انها مجموعة خنيقة .. وبيحسدوا بتوع مجموعة (ز) كمان !! اتغاظي اتغاظي .. :p |
السلام عليكم ورحمة الله وبركاته
انا ياجماعة سنة تانية انتظام بس كنت فى اولى انتساب والله كنت كارهة نفسى كنت حاسة انى هاكمل انتساب وباقول مع نفسى يعنى كلية تجارة وكمان انتساب بس فجاة لاقيت ان معظم صحابى اللى فى كليات تانية عازين يجوا تجارة فصراحة ارتحت شوية بس هى مش وحشة بس برضه عايزة شوية مذاكرة وانا ماعرفش كل حاجة عن الكلية لانى يعتبر ماصاحبتش حد كل واحدة تيجى تقعد جنبى ازيك واسمك وساكنة فين والموضوع بينتهى بانتهاء اليوم ولو شوفتها بعد كدة والله باكون ناسية اسمها بس نفسى السنة ادى اتعرف على بنوتات قمرات كدة يسلونى ويسلوا وحدتى خصوصا ان نظام المجموعات فرقنى عن صاحبتى ربنا يسامحهم واسفة على الرغى |
يا عم اجرى بقى
والله العظيم بقعد ع الارض ف المترو ومستغربش انى بعد على طول ع الارصفه ف الجامعه ده انا مشهورة بالحكاية دى اوى و ف المترو مش انا لوحدى اللى بقعد ع الارض فى ناس كتير بيلاقونى قاعدة بيعدوا جنبى ونضرب صحوبيه بتبقى مريحه والله وساعات بلاقى ناس معايا ف تجارة كمان عادى يعنى بس حصلى موقف رخم مش قادره انساه انا مرة كنت مروحه المغرب كدا وقاعدة ف الارض عربيه السيدات وناسية ان هى هتقلب رجاله بعد شوية قلت اغمض عنيا شويه عشان كنت على اخرى وتعبانة وعلى ما وصلت عين شمس انت عارف بقى 17 محطة بعيد عنك قمت من ع الارض لقيت كل العربيه مليانه رجاله كان حته موقف بس عادى اهو عدى وخلاص وحكايه ان انت و واندا (ز) انا (د) يعنى احسن ناس مش دفعه خنيقة زى ما بتقول وكنت (ج) سابقا ده انت لو جربت تحضر عندنا محاضرة هتشوف اللى عمرك ما شفته ومين صحابك دول اللى معايا قول اساميهم كدا يمكن اكون عارفاهم |
فيه ياستي اعرف ناس من عندكوا
هالة .. و نورهان .. وهدي .. ونجوى .. و3 محمدات .. و2 وليد .. وناس تانية كدا مش فاكر اساميهم .. لا متخافيش .. احنا ناس لينا علاقات جامدة داخل وخارج الجامعة .. ماتستقليش بينا يعني واهو جالك واحده اهو شكلها كدا معانا في تجارة القاهرة .. بس الله اعلم هيا في مجموعة ايه بقي ماعلينا .. خليكي انتي في مغامراتك بتاعة المترو الفاشلة دي .. وبرده هاتفضل مجموعة خنيقة .. ومافيش احسن من مجموعة (ز) .. ولغاية دلوقتي ماعرفش فين wanda بقيلها فترة مابشوفهاش يعني كانت تيجي تساندني ضدك .. بس يالا .. قدري ومكتوبي اني اقعد اناقر في الناس بعدين كفاية ان دكاتركوا السنة اللي فاتت خنقه .. انا شوفت كتاب القانون بتاعكوا كان خنيق كدا وبعدين بذمتك فيه حد ينزل تطبيقات للقانون ؟!! .. دا ايه هوا دا ؟! مجموعة غريبة بصحيح .. |
ايه رأيك بقى ان انا مشترتش ولا كتاب لأى مادة
ولا حتى تطبيقات وانا اعرف محمدات كتير على فكرة واعرف ناس بالاسامى اللى انت قلتها ما عدا نجوى ووليد يعنى ممكن يطلعوا صحابك يلا مش بعيد اكون عرفاك انت كمان وخليك كدا لوحدك ولا مش هتعرف تتكلم من غير ما حد يساعدك يا بتاع (ز) حتى الحرف ده رخم اوى ايه ده ياى حد يدخل مجموعه اسمها (ز) الايام دى؟؟!!!!! |
على فكرة انا معرفش حد خالص وانا مرعووووووووووووب
مفيش حد اعرفة دخل معايا ابداااااااااااا |
اغص عليكى يا علا كده مجموعة ز خنيقه واسمها وحش
ههههههه احسن ما اكون واو متعرفيش مدى كرهى للمجموعه دى يلا وانا فامبير مجموعه ز ئائا وحلوة حكايه الرصيف ديه وانا كمان بقعد على الرصيف بس اعتقد الجامعه مبقاش فيه رصيف فيه حتة كده مش عارفه انتوا بتسموها ايه خويا قالى ديه بتاعت حبييبيه الجامعه متجيش هنا قولتله طيب بس غير كده مقعدتش على رصيف خالص جوة الجامعه ولما كونت فى ثانوى فى المدرسه وبس احلى مغامرات على السلم يا كانت ايام حلوة... وانا وفامبير مجموعة (ز) ئائا هههههههههه هى فعلا المجموعه روشه يا فامبير انا كنت غايبه علشان حاجة كده مش لازم تتعرف يعنى وادينى رجعت |
حمد اللة على السلامة يل wanda بقالى كتير مبشوفش ردودك
|
كويس انك رجعتي .. حمدلله ع السلامة ..
اولا كل سنة وانتي طيبة :) ثانيا .. مناطق الحبيبة كتير في الجامعة .. عندك المدخل الرئاسي بتاع القبة .. عندك ممر العيوطي .. عندك ممر حورس عند حقوق .. عندك دقة في علوم .. عندك Love Street الموازي لدقة عند علوم برده .. عندك ناحية مباني الامتحانات من ورا .. عندك السلم بتاع معهد الليزر .. عندك قدام اثار .. عندك مجمع الذنوب العالمي (ملحق اداب) .. ويسألونك عن اداب فقل انها مقر الفسق !! تقريبا .. الجامعة كلها منيلة وربنا .. بس اللي الواحد يرتكب فيه ذنوب صح فعلا .. الشبابيك اللي قدام مدرج العيوطي .. لإنك بتلقطي اللي رايح واللي جاي في الجامعة كلها .. يالا عشان ماتقوليش فامبير حارمك من حاجة .. معرفك كل حاجة عن الجامعة اهو .. بحلوها وبمرها .. وبالحاجات الكويسة اوي اللي فيها ;) !! |
ميرسى يا فامبير بس ايهه كل دده انا بقول فى تجار وبس ههههههههه
وايه اللى ييودينى اداب انا اساسا كلهم بيقولولى اداب احسن من تجارة وانا اثول تجارة احسن وداخلها بمزاجى يعنى تيك ات ايزى وهشوف الحلو والوحش هههههههه وربنا يستر بقى وكل سنه وانتم جميعا طيبين رمضان كريم |
مش عاوز حد يغمى عليه ولا حاجه طبعاً واحد خفيف هيقول ليه اقوله عشان انا معاكم فى تجارة شوفتوا اهوه واحد مات اهوه :d |
تجارة القاهرة يا جينرال؟؟؟
|
اقتباس:
أيوه بس اوعى يحصلك حاجه انتى كمان كفاية الى مات :d |
ممكن تعرفونى على نفسكم عشان بصراحة مكسل أقرأ الموضوع من الأول :d حد يلخصلى الموضوع من الأخر ههههه :d |
طبعا مينفعش اقول اسمى الحقيقى ده اكيد بس قولى نور مجموعه(ز)
فامبير وعلا فى تانيه علا انتظام وفامبير انتساب ريناد فى اولى انتساب مجموعه (هـ) رويال مش معانا فى القاهرة احمد معرفش ظروفه جينرال معرفش عنه حاجة غير انه معانا عرفنا بنفسك معرفش حد تانى |
اقتباس:
مش فاهم حاجه من الملخص ده ؟؟؟؟؟؟؟؟؟! :eek: |
ازاى يعنى دول اللى فى الموضوع وشويه فى اولى وشويه فى تانيه
ز - و- ه - ......... الخ دول مجموعات التجارة ام هند فهمت حاجة |
اقتباس:
يعنى شوية :d بس سؤال مين ام هند ؟؟؟؟؟؟؟؟ |
مين ام هند دي صحيح ؟!!
|
بقولها لما بكون عايزة اخلص الكلام اللى بتكلم فيه
وادخل فى حاجة تانى ام هند فهمة يا فامبير ايه النظام اعطيله نبذة |
|
ايه اللى انت كاتبه ده
فامبير بكرة يفهمك سلام بقى |
وربنا مانا فاهم منك حاجة !!
ماعلينا بص ياعم الحاج من الاخر كدا .. فيه واحد ماعرفوش كان قاعد فاضي قام قالك اعمل موضوع زي دا وراح وماعرفناش راح فين .. المهم بدأنا كلنا نتلم فيه واحده واحده لغاية ماكونا مجموعة كل اللي في المجموعة دول شوية ناس كدا معدودين على الصوابع وبيزيدوا واحده واحده انا vampire1188 تانية انتساب مجموعة (ز) 3ola تانية انتظام مجموعة (د) Wanda اولي انتساب مجموعة (ز) Rinad اولي انتساب مجموعة (هـ) وكان فيه ايام زمان nada تانية انتساب مجموعة (ز) بس مش عارف راحت فين .. دي ياسيدي المجموعة اللي هنا .. كل يوم بيزيدوا واحد واحد .. ابقي تابع بقي عشان تعرف طبعا انتا مش عارف اي حاجة في اي حاجة في تجارة بالمختصر المفيد .. النظام في تجارة كالاتي .. الكلية كبيرة .. فطبعا مش هايحطوا الناس كلها معا بعض .. والا هاتبقي زيطة .. عشان كدا متقسمة مجموعات .. فيه تقسيم قديم وتقسيم جديد لسه هايطبق السنه دي سيبك من القديم وخليك في الجديد .. النظام الجديد يتلخص في ان انتظام ليها 4 مجموعات .. وانتساب ليها 3 مجموعات انتظام تضم >>> مجموعة (أ) .. تضم جميع البشر اللي اساميهم بتبدأ بحرف الالف مجموعة (ب) .. تضم جميع البني ادمين اللي حروفهم الاولي مابين حرف الباء لغاية حرف الظاء مجموعة (جـ) .. من حرف ع الى محمد محمد مجموعة (د) .. من محمود الى ى اما انتساب بقي بتضم >>> مجموعة (هـ) .. من أ الى ر مجموعة (و) .. من ز الى محمد ل مجموعة (ز) .. من محمد م الى ى دا الملخص العام .. يارب تكون فهمت .. وياريت ماتكسلش واقرا الموضوع من الاول .. هاتسفيد برده .. |
اقتباس:
شكراً يا باشا فهمت كويس جداً هى ديه الملخصات ولا بلاش :d |
انا موجودة يا فامباير
بس تقدر تقول ان انا وعلا واحد احنا انتيم اصلا وكل شويه بخش واقرا وساعات برد بدل علا عادى يعنى وانت مش بتاخد بالك |
ههههههههههههه
محدش واخد باله اصلا وحمد الله على سلامتك ام هند :p كويس انك فهمت يا جينرال |
ايه دا ؟!!
خدعة ؟ .. احنا بنتخدع يا بشر !! على كدا بقي الواحد مايأمنلوكوش .. لانتي ولا علا اللي هيا طلع ماسمهاش علا اصلا ! ومش بعيد تكوني يا wanda تبعهم .. واكيد طبعا معاكي ريناد .. خونة .. كلكم خوووووووووونة .. :mad: :mad: كلكوا مظبطين معا بعض وسايبني وحيد .. وااااااااااااااااااء :( .. ومعا ذلك .. انا برده هافضل زي مانا .. هه بس .. :rolleyes: وبيني وبينكوا التقديرات بقي !! واما نشوف .. ;) |
الله يسلمك يا قمر
بس انا متابعه مع علا مش مختفيه ولا حاجة ع العموم ميرسى ليكى يا قمر وبالنسبة ليك يا فامباير يا عم ده البنات دى ملاك مش بيعرفوا يخونوا واطمن احنا مش مع واندا ومش عاملين حزب عليك اطمن يعنى وانا اسمى ندى بجد والله بس علا عندها سبب معين مينفعش تقول اسمها ف المنتدى ده بالذات والله انا شاكة فيك انك جايب جيد اصلا مش باين عليك |
ملايكة ؟!!
انتي هاتقوليلي ؟ .. دانتوا مظبطين الجامعة ومروقينها .. دانتوا من كتر مانتوا ملايكة .. ناقصين تطيروا !! وبعدين شاكه اني جايب جيد ليه ؟ .. فيه دبوس ولا حاجة ؟! عادي نصيبي اني اجيب جيد .. اعمل ايه بقي ؟؟؟ مسيري ان شاء الله وبعون الله ويأذنه .. هاتتلاقيني جايب جيد جدا السنة الجايه وهاتتلاقوني ناططلكوا في مجموعتكوا الخنيقة دي .. دا لإني هاحول طبعا ومش بعيد اخش مجموعة المتفوقين .. واسيبكوا كدا معذبين في الارض !! معلش بقي سامحيني .. اصلي مغلول ومعلول وعلى اخري فامش لاقي حد اطلع فيه غلي غيركوا ! استحملوني بقي .. وبعدين داحنا ولاد دفعة واحده .. على رأي انتيختك !! ولا مش بعيد تكوني انتي اللي قولتيها .. مانا مابقتش عارف رجلي من قفايا .. وزي ما المثل بيقول .. رجلين النملة مش قد بعضهم .. ولا ايه ؟!!!!! |
لاء انا وريناد اتعرفنا على بعض هنا وخلاص بقينا اصحاب
وظبتنا مع بعضينا ومش خونه زى مانت فاكر ولا حاجة وبعدين دا انا فى مجموعتك اقف ضدك يعنى ده ينفع فهمت بقى خلاويص :p |
| جميع الأوقات بتوقيت GMT +2. الساعة الآن 06:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.