وزعلان اوي ؟! .. ماهي طبيعي ماتتوزانش اصلا ..

ياحبيب قلبي انا حليت ميزانيات وقوايم دخل بالهبل .. ومافيش ولا ميزانية اتوازنت !

وعمري ماشوفت قايمة دخل وميزانية من اللي حليتهم قبل كدا بالشكل اللي جالنا في امتحان (ز) الزفت دا

والله العظيم المحاسبة المالية دي شكلها هاتبقي عقدة منيلة بالنسبالي .. وربنا يستر واعدي فيها بس

اني واي .. الحمدلله طبعا ربنا ستر في امتحان محاسبة شركات سنة تانية (ز)

الامتحان جيه بجد هديييييييية .. وعوض كآبة محاسبة اولي اللي كنت انا فيها !

والامتحان جاي نصاً من المحاضرات وملزمة المراجعة النهائية .. وبالأرقام كمان ..

واهو المحاسبة الوحيدة اللي ان شاء الله اجيب فيها تقدير ..

ربنا يستر بقي في الانتاج .. عشان هوا دا فعلا عنق الزجاجة

لو عدينا فيه .. يبقي كدا الحمدلله ربنا ستر في الترم دا

الحمد الله امتحان مجموعه د كان متوسط السؤال الاول اولا اختر الاجابه الصحيحه المفروض انه سهل ولكن احمد الصباغ معرفش جابه منين بس كل الامتحان الحمد الله بس لا يخلي من التركات بس السؤال الاول مايتحلش

:stickjo4:اوعه حد يسمع الدعوه يارب..........................................اميي ييييييييييييييين وكلنا كمان

لا يا فمبير ان شاء الله هتنجح مع اني محرومه من الدعاء من الشيخ نائل بس هتنجح ان شاء الله هتنجح وهتجبلي حاجه حلوه:romarioxp6:

مصطفي وشوشو عملتوا ايه وفمبير عملتوا ايه في المحاسبه وعلي طمطومه اعتقد كمان انها تانيه ونائل عملت ايه في المحاسبه ومين تاني كل 2تجاره وانا معرفش عملتوا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ايه اخباركم كوين دونه وساره وبرنسيس يويه ولومه وmollyومحمود ومحمد فرسان الجحيم والناظر صلاح الدين و رونالدينهو متشغلش بالك كله بيعدي المهم ركز في الجاي ساعات الواحد مش بيحل ويجيب تقدير سبحان الله وa_2007 وreal man يارب مااكون نسيت حد ربنااااااااااااااااااااااااااااااااااااااااااااااا معاكم كلكم

طمطومه اه انتي تانيه عملتي ايه يا طومي في المحاسبه

شوشو ابقي طمنيني

السلام عليكم ورحمة الله وبركاته

ميرسى يانسومة على سؤالك

احنا مجموعة (ج)
مش فاهمة الدكاترة عايزين مننا ايه النقود جت زفت قولنا ماشى كنا متوقعين
والمحاسبة كمان حرام والله ومين اللى يعمل كدا احسن دكتورة عندنا د/هالة الخولى
ماحدش كان يتوقع النهاردة كدا ماحدش خارج من الامتحان اصلا عارف يتكلم كله حزين
ربنا يستر التقدير السنة ادى شكله اوت
ربنا معانا فى الانتاج وربنا يهدى علينا د/ايمان

ازيكوا يا جماعة وازيك يا نسومة ميرسي يا حبيبتي علي السؤال

اهلا ب a_2007
دي يا جماعة تبقي لولو حبيبة قلبي وصديقة عمري وصحبتي من ابتدائي ايام ما كنت في المنصورة ولسة صحاب لحد دلوقت ومهما فرقتنا الايام بنلاقي بعض في اي مكان حتي هنا ربنا ما بيعدنا عن بضع ابدا قولوا آمين

ومعلش يا فامبير ولا يهمك لو انتا شيلت محاسبة اولي يبقي انا شايلاها معاك عشان ربنا علي القوي والمفتري "صبري العطار وتوأمه شوقي بشاي بما ان التاني عطار " والمهم انك عديت محاسبة تانية وان شاء الله تجيب تقدير

انا عارفة ان دة مش مكان الموضوع دة بس يا جماعة لو احنا مش عارفين نعمل حاجة لغزة علي الاقل نشارك في الحرب الالكترونية ضد اسرائيل وممكن طلب صغير تدخلوا هنا http://www.israel-vs-palestine.com/gz/ وتصوتوا لفلسطين ضد اسرائيل
وابقوا قولولي النسبة

مسااااء الخير عليكو كلكو
نهاركو ابيض زى الفل ان شاء الله
الحمد لله النهارده حليت كويس والامتحان كان حلو..بس انا عكيت شويه فى قايمه الدخل ..يلا بقى مش مهم
الحمد لله على قد كده

هو شئ كويس اننا نصوت فى الاحصائيه دى لكن مش كفايه انا من راى ان واجبنا نحو المشكله دى حاجتبن
اولا ان الواحد ينشر فيديهات و صور للفلسطنين و جيوش الاحتلال الصهيونى يقلهم فى المنتديات الغربيه مثل موقع high five
علشان نشارك فى الحرب الاعلانيه الموجوده و ده شئ مهم قوى
ثانيا و الاهم ان الواحد يتبرع للفلسطينين بالفلوس او الهدوم او البطاطين او بالدم لو هو كمل ال18 سنه
ده راى و ده اللى بحاول اعملها بالنسبه للقضيه الفلسطينيه
لكن الناس اللى بتمشى فى مظاهرات دى على الفاضى الا بس لو كانت قدام اجهزه حكوميهللضغط على الحكومه لاتخاذ موقف من اسرائيل

معرفش ليه انا حاسس ان النسبه اللى موجوده مش صح50.4%لاسرائيل!!!!..ليه يعنى
دا انت لو اتفرجت على قناه الجزيره فى اى وقت هاتلاقى مظاهرات فى جميع انحاء العالم
يعنى محدش راضى عن اللى بيحصل ابدا ..يعنى المفروض النسبه تبقى 99% لفلسطين

انا معاك يا محمد بس كل واحد وعلي قد ما يقدر يعني مش عارفة اتبرعلهم ازاي بفلوس او بطاطين لكن بنشر فيديوهات وصور وبقول اللي بجد بيحصل في غزة لان الاعلام الغربي والاسرائيلي مضللهم خالص عشان يبرروا لنفسم اللي بيعملوا


ولله انا كمان حاسة كدة عشان سالتكوا علي النسبة عشان اعرف بتتغير ولا لاء انا حاسة انها ثابتة حتي لو عشرة بس اللي مصوتين لاسرائيل

ومعلش دة موقع تاني ياريت تخشوا برضه وتصوتوا http://www.petitiononline.com/gaza28...tion-sign.html?

الحمد لله
وشكرا على سؤالك

لا بجد كل مره ادخل لازم اكتب مشاركه جديده ده علشان اشوف الكلام الجديد وكده ومش عارفه اول مره تحصل معايا

مييييرسى يا نسمة على سؤالك انا والله ماكنتش هرد المرة دى عشان ما اخنوقكوش معايا وكنت مكتئبة جداااااااااااااااااا
:(:(:(:(:(:(:eek::eek::eek::(:(:(:(:(:(:wacko::wac ko::wacko::wacko::(:(:(
بس الحمد لله الامتحانين اللى فاتوا واحد جه كويس شوية والتانى طويل شويتين
المرة دى امتحان زفتتتتتتتتتتتتتتتتتتتتت وبجد حسبى الله ونعم الوكيل فى البنى ادم المعقد اللى حط الامتحان
ويارب بس انجح فيها انشالله حتى بالرافة بس ما اشيلهاش لانى كنت بحبها جدا وكنت مذاكراها كويس اوى
بس نقول ايه بقى انا جالى اسئلة عمرى ماشفتها ولا هشوفها جايبلى اجاية وعايز سؤال وحاجات تانية ربنا ما يوريكوا ده غير سؤال النظرى 10 صح وغلط

حسبى الله ونعم الوكيل

اولا شكرااا ليكى يا نسمه ع السؤال ازيك عامله ايه يارب تكونى بخير ثانياااا انا والله معرفش ايه اللى حصلى بجد انا رحت الامتحان ومذاكره وكل حاجه وامتحانا مجموعه ب كان حلو بس انا مش فاكره كأنى والله مختش ولا شفت الحاجات دى قبل كده ولانى كنت تعبانه ومش بنام كمان كويس بقيت مش عارفه اكمل ولا سؤال والبدايات كلها طايره منى احساس غبى قوى والله بس كل اللى اقدر اقولو وانا واثقه كده انى هشلها لانى يعتبر محلتش حاجه وعقبال ما التعب راح شويه كان الوقت جررررررررى والحمد لله انكم كلكم حليتو كويس وسلامى لمصطفي وفامبير وفرسان الجحيم ونائل وانا عارفه انت تقصد ايه هاااا خلاص ياعم مش هنبصلك في الدعوه تانى اللى نسمه هتدعيها

بجد يا جماعة انا متشكرة جدا لكل اللي اهتم ودخل صوت وعلي فكرة يا مصطفي النسبة اتغيرت فلسطين 51.6 % وعلي فكرة ممكن تدخل تصوت تاني ليك تصوت كل ساعة تقريبا فياريت اللي اهتم ودخل صوت كل يوم يدخل يصوت تاني

انا لازم اكتب كل مره كده قبل ما ادخل ده ايه ده

لا لا ما خلاص نسومه هادعيلى فى سرها

وبلاش الحقد الطبقى ده :abdoog8:

اوعه حد يقول ان امتحان المحاسبه كان رخم ده كان سهل جدا لكل المجموعات

وياله شدوا حيلكم للصعقه الانتاج

اه الحمدلله ربنا ستر في المحاسبة .. المصيبة السودا بقي في الانتاااااااااج

مادة استغفر الله العظيم .. لا تطاااااااق

15 فصل مقررين كلللللللهم .. وحوالي 15 مسألة عملي ..

منهم 3 جايين في الامتحان .. اللي هما مين ؟! .. الله اعلم !!

لا والدكتور ماشاء الله .. مالوش امتحانات سابقة .. يعني متسوحين اخر حاجة !

اانا رايئ معاكوا ماشي يا يويه نصوت وماشي يا محمد نتبرع بس كمان يا جماعه نقاطع المنتجات الامريكيه هتستغربوا اني وقفت النهارده في سوبر ماركت كبير عندنا ادور ع المنتجات المصريه ومالقبتش معظمها امريكيه بجد صعب صعب

15 فصل مقررين كلللللللهم .. وحوالي 15 مسألة عملي ..

منهم 3 جايين في الامتحان .. اللي هما مين ؟! .. الله اعلم !!


وزعلان اوى طب احمد ربنا انا عندى كل فصل حوالى 15 مسالة والله اعلم اذا كان هييجى منهم اصلا ولا لا
ده غير النظرى
وربنا معانا كلنا :(

طبعا لازم نبقى زعلانين
الدكتور مالوش امتحانات سابقه ..:(
انا متسوح على الاخر فى الانتاج .. مش عارف اخد خطوه ايجابيه

معلش بقى كلنا لها ربنا معاكوا
طب انا امتحانى بعد يومين ولسه ملزمة المراجعة مانزلتش :angry2::angry2:
ربنا معانا كلنا يارب ويعدينا على خير

وانا كمان معاكي يا نسومة دي من اهم الخطوات نبظلهم اقتصادهم اللي بالعائد بتاعه بيقتلوا اخواتنا

وبالنسبة للتصويت النسبة ارتفعت لفلسطين ونفسي تبقي اسرائيل 0.1% عشان نثبت للعالم كله ان الحق معانا ومعلش ادخلوا صوتوا علي الموقع الاول ولو مرة كل ما تقعدوا علي الكومبيوتر

وربنا معاكوا كلكوا يا جماعة ويسترها في الانتاج واعدي انا بس السلوكية الامتحان بعد بكرة ولسة رايحة افتح ملزمة المراجعة هي مادة حلوة ولذيذة بس الدكتورة نفيسة معقداها خالص ومكرهاني فيها ادعولي

ربنا يستر فى الموارد وفى السلوكية اللى جايين الحمد لله الادارة اللى كانت ليه يوم الخميس كانت كويسة عقبال المواد الباقية اللى فاضلة

انا الحمد لله الامتحان بتاع الرياضه جه النهارده معقول و جه كله من المحاضرات زى ما الدكتور ما قال و طلع صادق معانا مع انه من اول السنه و هو مش طايق دفعتنا خالص لكنه طلع رجل محترم و قد كلمته
الامتحان الجاى عندى اداره اغلس ماده بالنسبه عندى مع العلم ان اللى بيدولنا الماده دى دكتورين دكتور زى ما تقولوا كده عملاق فى علم الاداره اول عربى يضع نظريه فى الاداره نظرية التعتيم الادارى اسمه عبد المحسن جوده والتانى نفسيه على الاخر اسمه عبد الحكيم نجم ده بقى بحلات فى اول السنه كان بيشجع الطلبه ان هما يهيصو المحاضره و كان بيقول انا دارس علم نفس و عارف انا بعمل ايه و كان بيقول تعليقات مش ظريفه كتير فى المحاضره و معجبتنيش و فى الاخر اتقلب و بقى بيطلع اى حد يفكر انه يتكلم بس و شكله من نوع الناس اللى بيحبوا يبقوا مختلفين و قال لنا ان نظام تصحيحه للسؤالين بتوعوا ان السؤال الخطئ هيتحسب بالسالب
يعنى مثلا الصح و الخطا خمس اسئله لو اجبت سؤالين اجابه غلط و 3 اسئله اجابه صحيه هيقوم يحسب 3-2=1 و يدى واحد من خمسه تصوروا جبروته وصلت لفين ربنا يستر غير انى بحظر كل اللى فى المنصوره ان محدش يشترى ورق اداره من مكتبة تميمه لان الدكتور ده كان قال ان فيه مذكره تبع مكتبه t.hو نظامها سؤال و جواب الامتحان هيجى خارجها و انا اكتشفت ان هى تميمه لما ذاكرت من مذكرتها بتاعت الاقتصاد لقيت نظامها س و ج + ان اسم المكتبه بيبدا ب T و بينتهى ب h
و يا جماعه انا روحت و اشتريت مذكره بتاعت الاداره المعيد تامر العشرى المراجعه اتضيت لما لاقيتها عباره عن 6 ورق وش و ظهر مع ان منهج الاداره عباره عن 10 فصول اتلغى منهم 3 فصول يعنى 7 فصول يتلخصوا فى 6 صفحات وش و ظهر بس مع العلم ان تامر العشرى ده احسن واحد بتاع اداره فى المنصوره و مش عارف اعمل ايه انا همتحن يوم الاربعاء القادم بمشيئة الله
هل اعتمد على المذكره دى و احاول احفظها بالرغم انى بكره حاجه اسمها الحفظ و بستلس الاداره دى علشان حكاية الحفظ و بقيت بعشق الاقتصاد علشان الفهم

على فكره يا نسمه انتى سبقتينى لانى كنت لسه هتكلم فى موضوع المقاطعه + ان انا بنوه ان فى بعض الشركات اللى فى اوربا بتخصص جزء من ايراداتها زى شركة مارلبورو لاسرائيل بتخصص 12.5 % من ارباحها + ان شركه زى دى ارباح بمئات ملايين الدولارات فى الابوع الواحد فانا كان نفسى تيجى الشركات العربيه و الاسلاميه و تخصص حتى 5% من ارباحها لصالح دعم فلسطين و ان احنا مش بس نقاطع المنتجات الاسرائيليه و الامريكيه نقاطع منتجات الشركات المتعاطفه مع اسرائيل

ان شاء الله ابقي اطمن عليكم كلكم بعد الامتحااااااااااااااااان

الحقوووووووووووووونى
انا هاشيل الانتاج
الامتحان كان زززززززززززززززفت
والامتحان طويييييييل
امتحان منيل بـ60 الف نيله

ايه الاخبار يا جماعة عملتوا ايه فى المادة الرائعة اللى اسمها الانتاج
طبعا انا كالعادة امتحاناتى والحمد لله كلها تحفة
الامتحان برضه كان طويييييييييل والورقة اتسحبت ومالحقتش احل والمادة دى انضمت لاخواتها
وغالبا هشيلها :av4056bb7jp3:
ربنا يسترررررررررر علينا كلنا

معلش بقى ربنا يسترها ان شاء الله وماتشيلهاش
كلنا امتحاننا كان وحش
انا ليا اصحاب كتير فى عربى كلهم بيقولوا الامتحان وحش ومن مجموعات مختلفة
ربنا هيسترها ان شاء الله

وطمنونا عليكم يا جماعة

النهارده امتحان الانتاج كان زفت بمعني الكلمة http://l.yimg.com/us.yimg.com/i/mesg/emoticons7/14.gif..

امتحان طويل .. وغير مباشر .. واسئلة النظري كللللها مرتكزة على حتة واحده بس في المنهج

يعني اللي مش مذاكر الحتة دي .. هايشيل النظري شيلة منيلة http://l.yimg.com/us.yimg.com/i/mesg/emoticons7/109.gif!!

وطبعا العملي ماشاء الله .. الدكتور مدي مسألة عليها 4 درجات .. ومعظم الناس تقريباً حلوها غلط

من الاخر .. حسبتها يمين وشمال .. اتلاقيت ان انا بعون الله لن اقل عن 8 ولن ازيد عن 12

وربنا يستر http://l.yimg.com/us.yimg.com/i/mesg/emoticons7/17.gif

هاى ياجماعه ازيكم كلكم سلامى ليكم واحد واحد وبعدين ياايه انا معتدش عارفه اجيبك كل لما افتح مش الاقيكى....المهم نتشاكل بعدين انا النهارده كان عندى امتحان ادارة والصراحه الامتحان كان زبااااااله واللى الدكتور قال عليه مجاش خالص ربنا يسامحه بقى عبد المحسن ده وبصراحه انا حليت فالجزء التانى بتاع الدكتور الرخم احسن من الدكتور الطيب(بتحصل فى احسن العائلات) ياريت حد من الى امتحنوا ادارة اولى جامعه المنصورة يقولى عمل ايه بس ان شاء الله هعدى يعنى منها يلا لسالى المحاسبه واخلص بقى ربنا يستر

ماشي يا لولو مش هنتفاهم هنا علني كدة هستناكي بكرة ان شاء علي الساعة 8 كدة

ومعلش يا جماعة هارد لك خيرها في غيرها وان كان غيرها اشر يبقي ربنا يعوض علينا

الامتحان بتاع الموارد كان تقيل شوية بس الحمد لله حليت كتبت كلام فى الشرح والمفاهيم كله من عندى يعتبر

مش من الكتاب بس اللى فرحان ليه انى مش سبت حاجة زى المواد التانية

بس احسن حاجة ان لسه امتحان سلوكية اللى فاضل وابقى خلصت من الحكاية دى

انا يا دوبك يعنى على النجاح فى الاداره فى الامتحان المهبب ده منه لله عبد المحسن كان طول السنه عامل فيها سانتا كلوز و قاعد يرمى فى هدايا علينا لغاية ما غرقنا و فى الاخر ميجيش حاجه من اللى قالها و الله الواحد بينخدع بالمظاهر و قال ايه فى اخر محاضره واقف يقول بسم الله ماشاء الله انا شايف وجوه لربها ناظره و يقول ولادى و الكلام المنافق بتاعه ده و الله عبد الحكيم طلع احسن منه و يالا منه لله الظالم
انا مفيش غير المحاسبه الحمد لله انا عندى ارتياح من ناحية المحاسبه لان الرجل اللى بيدينا ده رجل محترم و امتحانه ما بيخرجش عن تمارين الكتاب و بعون الله عوض بالمحاسبه اللى جرى فى الاداره جراء افعال عبد المحسن الظالم فينا

عملتو ايه فى الانتاج
عملتى ايه ياشيماء و يانسمه

منهم لله الدكاتره اللى بيعملو فينا كده
حاجه تقرف

ازيك يا نسمه يارب تكونى حليتى كويس معلش بقي يا مصطفى هنعمل ايه بقي مش احنا اللى عايزين نتعلم نشرب بقي وبعدين يا فامبير بوس ايدك وش وضهر قووول الحمد لله وان شاء الله هنعدى خليى عندكم امل ومعلش انت كمان يا فرسان الجحيم معلش بقي خيرها فى غيرها وان شاء الله تتعوض يالهوووى داحنا على كده بقي كلنا في الباي باي

انا مجموعه ب كنت داخله والنظرى مش ضمناه لانى مرجعتوش والعملى يعنى فدخلت النظرى الفت فيه والحمد لله والعملى يعنى كويس بس الاجابات النهائيه حاسه انها مش صح ربنا يستر بقي

ذاكر تنجح غش تجيب تقدير

صدقت!!!


باقى الامثال
نام و ارتاح ياتيك النجاح
من طلب العلا و سهر اليالى بات للعام التالى

ايه الفشل دة هي مش ناقصة الواحد اتخنق من كل المواد اللي بيحبها واللي مش بيحبها وفضلنا مادة واحدة عايزين نشجع بعض شوية خلينا نخلص فاضل تلت ايام علي امتحان الموارد ومعرفش لحد دلوقت غير ان المادة دي المفروض اراجعها باني اتفرج علي برنامج سر الارض ومجبتش ملزمة المراجعة بتاعتها ومليش نفس اذاكرها ها امشي بالمثال بتاعكوا ولا في حل تاني عشان ان شكلي اتجننت:romarioxp6: امال هكمل الاربع سنين ازاي :confused:

نسمه ازيك محدش بيسمع عنك حاجه ليه انتى فين

شكرا يا مصطفي علي سؤالك انا امتحاني كان طويل لدرجه اني خلصت من هنا واخدوا الورقه من هنا والعملي اللي كنت بظبتها كان السهل والمصيبه انه كان سهل من كتر ضيق الوقت خربت في اخر مسالتين ياله بقي هنعمل المكتوب علي الجبين لازم لازم تشوفه العين

جات مصدومه من حلي نمت والله يا شوشو