بالنسبه للفرنساوى جابوا الايميل بدل الرسالة القصيرة
ورفعوا درجات موضوع التعبير ل 7 درجات كدا فى ناس هتتظلم فى التصحيح

ماهو اصلا كان عليه 7 درجات
ال sms و ال sujet عليهم سوا 10 ال sms 3 وال Sujet 7
هم بدلوا sms ب mèl وبرضو عليه 3 درجات يعني من الاول الموضوع كان 7 درجات

https://s12.postimg.org/6jvnoi9nh/physics.jpgimage hosting no sign up
مسألة فيزيا دامجة قوانين الفصل الاول و قوانين الفصل التاني

يا جماعة انا لو عايزة اقفل فزياء اعمل ايه ، انا التوتر وخوف من امتحانات آخر السنة هتضيعني، عايزة ابقي مطمئنة من ناحية الفزياء

لا موضوع التعبير كان عليه 5 درجات بس ...ممكن اكون ملخبطه بس هتاكد

هيطلع 2×10 اس -٣ ؟

الله ينور يا محمد اكتب الحل بقى عشان حاسس ان طريقتي اصعب
جبت n = a سلك / a دائرة ؟

أسئلة كويسة للناس الي خدت كيمياء عضوية

س1: كيف تحصل علي الإيثلين جليكول بطريقتين مختلفتين؟
س2 : كيف تحصل علي كحول أولي من كحول ثانوي ؟ والعكس ؟

-
http://dc21.arabsh.com/uploads/image...414c6cf60d.jpg

- دامت تحيـاتى لگ :)

السؤال الاول انا مش عارفة غير طريقة واحدة . ان اجيب الايثين واعمله اكسدة تفاعل باير . بس السؤال مش محدد ابدا من مين . ممكن ابدا من الايثانول اعمله نزع ماء يبقى ايثين . ممكن ابدا من ايثوكسيد صوديوم . ممكن ابدا من السكروز او الفركتوز ممكن من كحول ثانوى او ثالثى احوله لايثانول وبعد كدا ايثين ومن ثم ايثلين جليكول. ممكن ابدا بحمض الاسيتك فالموضوع مفتوح
بس متهيالى كل دا طريقة واحدة وهو ان اجيب الايثانول واحوله لايثين وبعد كدا ايثلين جليكول

السؤال التانى
http://d.top4top.net/s_320f75hz1.jpg

حليتها نفس طريقة MrLooka تقريبا مع اختلاف طريقة التعويض مش اكتر
و ايه القانون ده ؟! اول مرة اشوفه

لا طريقتكوا اسهل طبعا
لا ده مش قانون ده كده لو عندي سلك وقطعتوا لاجزاء مساحة الجزء حتبقي مساحة السلك على عدد الاجزاء :d

سؤالين الكيميا
الايثيلين جليكول اكسدة للايثين باير او h2o2
مش هلعب بالايثين كتير السؤال مفتوح مش حتعب نفسي واجيب ايثانول وكده

كحول اولي من كحول ثانوي والعكس
يعني 1- بروبانول من 2- بروبانول والعكس
حشيل h2o و احطه تاني :d

Natsome

الله ينور عليك .
وفي الحصول علي كحول ثانوي من اولي:-
كان ممكن من بعد اول معادلة
تعمل للبروبين هيدرة حفزية وحسب قاعدة ماركينكوف وبما ان الماء متفاعل غير متماثل هيتكون 2-بروبانول علطول

بس طريقتك فعلا بعيدة عن اللخبطة دي شوية ممتاز

السؤال الاول تفاعل باير صح
الطريقة التانية جرب كدا اعمل هلجنة للايثين وحضر كحول باستخدام koh\naoh وكدا هتحضر الايثلين جليكول في خطوتين

لو خلصتوا الكيمياء العضوية دا سؤال حلو اوي :-
c8h8o2 صيغة جزيئية لمركبان من الهيدروكربونات الاروماتية a , b وضحهما ووضح طريقة تحضير كلا منهما.

السؤال دا عن نفسي غبت فيه كتير بس مجاوبتش الا علي مركب واحد صح . بس عرفت اجابته والمركبان موجودين في كتاب المدرسة

الحل
http://c.top4top.net/s_3225y2u61.jpg

انا مخدتش عضويه خاالص

natsome
الله ينور عليك بتحل بسرعة ازاي ! :d
ولا انت حله قبل كدا ؟



والله الكيمياء العضوية ممتعة وسهلة اوي انا عن نفسي بفضلها عن اول اربع ابواب بتبدا معاكي من الصفر لحد ما تبدائ تحلي الاسئلة الي بتحتاج تفكير وتركيز كتير

عاوزة تعبيرات للترجمه وابيراجراف

انا مفكرش بمجرد التفكير ان احل حاجة شكل دى . مستحيل حاجة شكل كدة تيجى فى امتحان . دا مش هيكون غيرها فى الامتحان هتملا الصفحة كلها

هو فى التعريف كاتب ان v بتتناسب طردى مع i مع ثبوت الحرارة بس نفى كلامه فى الملاحظات. ممكن يقصد لو عايزين ندخل المقاومة فى الحساب
ف ال i هتتناسب عكسى مع r مع ثبوت v مش هتتناسب طردى معاه .فى الحالادى

انا كنت محملا المذكرة دى فيها كلمات حلوة للترجمة وفيها تعبيرات بردو ومعايا بردو مذكرة احمد سعيد
http://file:///G:/Users/hosam/Deskto...8%B1%D8%AF.doc

تمام الف شكر لردك
معلش سؤال هو انت علمي علوم ؟ كنت عايز اعرف بس انتوا فين في المنهج لاني حاسس اننا ماشين مع المدرس بطئ في الاحياء لسه في الدرس الثالث في الفصل الثالث مخلصين الحصة الي فاتت . والجيولوجيا والفرنساوي ؟ والكيمياء انت اكيد بدات بالعضوية زينا طب انت فين في اول اربع ابواب ؟

بصراحة مش هتلاقى حد متاخر شكلنا

الاحياء احمد ربنا .احنا لسة مبداناش بالدرس التالت فى التكاثر
الفرنساوى خلصنا الدرس التانى من الوحدة التانية
احنا الكيمياء مخدناش الا عضوية بس على بداية الشهر كدة هنبدا فى الفصول الاولى
الجيولوجيا خلصنا الصخور

هتلاقى الناس الى هنا متقدمين شوية عننا .لو عايز تسالهم

الكميا لصنا اول 3 ابواب وسبنا الرابع وبدانا فالعضوية الحصة اللي فاتت
الجيو خلصنا اول درس فالرابع
الاحياء بدانا فالتكاثر فالانسان
الفزيا هنبدا فالدرس التاني فالفصل الثالث الحصة الجاية

ما شاء الله . انا هعيط على نفسى
حرام المدرسين الى بيعملوه فينا دا منيمينا فى العسل

انا عندى سؤالين فى مدرسة الديوان (كتاب المدرسة رقم 3 و4)
3- الى اى مدى تختلف لغة الشعر عند مدرسة الديوان عنها عند الشعراء فى المدارس السابقة ؟ دعم رايك بالامثلة كلما امكن ذلك
هى اكيد الاجابة . انهم استخدمو لغة العصر وتخلصو من تاثير الاداب القديمة كما تتسم القصيدة عندهم بتماسكها وتحدثها عن موضوع واحد ولاتتعدد فيها الاغراض فيما يعرف بالوحدة الفنية ولم يبالو بشعر المجاملات والمناسبات غلبة الجانب الفكرى على عاطفتهم.كفاية كدة ولا اكمل باقى الخصائص فى الاجابة ؟ يعنى ايه دعم رايك بالامثلة كلما امكن ذلك؟؟ اجاوب من النص ولا ايه ؟

3- يصف العقاد موقف ادباء مدرسة الديوان من الثقافة الشرقية والغربية بقوله انهم يشعرون بشعور الشرقى ويتمثلون العالم كما يتمثله الغربى . ماذا يقصد بذلك؟
السؤال دا عايز تفسير الى مكتوب ولا الاثر على كدا ؟ ايه رائيكو؟
هو الكتاب شارح الاثر بس مش مفسر المعنى

حسره عليا انا الي مش مذاكر الا الاحياء والبعث والرومانتيكيه

انا بدات اذاكر المدرسة من امبارح مش من بعيد يعنى قريت النص. مختلف عن النصوص الى متعودين ناخدها فذاكرت المدرسة حبا فى النص يعتبر اسهل نص ومدرسة . ابشرى

هو انتوا بتذاكروا عربي منين وخاصة النصوص اصل حاسس ان الاضواء مفتري شويتين

انا بذاكرها من الاضواء
بس التعليق كبير الاستاذ ملخصه بحفظ بتاع الأستاذ بقي واشوف لو مزود حاجه من المدرسه بقي
دي خطه مكنتش بحفظ تعليقات
هو النص بياخد منك قد ايه؟؟

انا بطئ جدا فالحفظ وسريع جدا فنسيان اللي بحغظه ودي مشكلة بعاني منها

اصل انا النص بياخد معايا كتييييير جدا

جرب تحمل مذكرة مستر رضا الفاروق وتجيب كتاب الرسالة مراجعة نهائية مراجعة مش بتاع اول السنة
المذكرة حلوة جدا و كتاب المراجعة ده جايب تمارين كتير جدا على كل نص او درس او فصل ومتجاوبين و قطع بلاغة ونحو كتير جدا متجاوبين و بيتهيالي ان شاء الله العربي حيبقي اسهل كتير

ماشي بس الرسالة ده بينزل امته

سألت اليوم عليه ملقتهوش
بس ف ناس جابته

يا جماعة انا عندي استفسار
هو انتو الاساتذة بتوعكم بيشتغلوا معاكو من الكتب الخارجية بس ؟ يعني مفيش مدرسين عندكو بيعملوا كتب او ملازم بتوعهم و كدا ؟

احنا عندنا ماشية بالبركة مفيش حد بيعمل الكلام ده الا قلة قليلة

الرسالة مراجعة ده موجود من شهر او اكتر
المدرسين بتعمل مذكرات محدش بيشتغل من كتب خارجية احنا بنشتغل من الكتب و اللي مبنعرفهوش وكده بنروحلهم

انا افضل الكتب عن المذكرات

تقريبا كله كدا.
..قولتى قبل كده هنزل قوانين عن اول 3 دروس فى التكاثر ها

اصل انا ملاحظ ان كله بيجيب اسئلة من الكتب الخارجية اللي احنا عارفينها او يإما سؤال من ملزمة مدرس علي البوابة هنا
عمري ما شوفت حد مثلا قال السؤال ده من كتاب المدرس بتاعي !!

مش مشكلة انا كنت بسأل مش اكتر اصل عندنا 90% من المدرسين بيعملو كتب بتاعتهم و بنشتريها من اول السنة و احنا بنحجز
و الواجب كله بيبقي منها
و ده اللي مش مخلي عندي وقت احل في الكتب الخارجية مع اني ببقي عايز كدا
انتو ايه رأيكو ؟

حاضر هكتبها ...

انا أفضل الكتب الخارجيه
بس هما عندكوا هيجيبوا منين

مش فاهمك !
هيجيبوا منين ازاي ؟

يعني لو دورت هتلاقي كتب مدرسينك زي الخارجين مس هيخترعوا اسئله

انا بقول كده برضو
بعدين ايه الفرق بين ان المدرس يعمل كتاب او يعمل مذكرة
احنا عندنا اه بيعملوا مذكرات وبندفع تمنها حجز من اول السنة بس ايه الحاجة اللي تميز المذكرة دي تخلينا نقول عنها كتاب مش مذكرة فاهمني ؟

فعلا اغلبها من الكتب الخارجية لو مكانتش كلها ، معادا العربي بس عشان مش جايب فيه كتب خارجية و المدرس محذرنا من كدا عشان بيقول اسئلتها فيها قديم و مابتجيش في امتحانات و فيه منها و بعضها فيه فزلكة شوية ..و بعضعا فيه اخطاء كتير في الشرح
فهو عامل كتاب له في كل فرع في العربي و يعتبر كتاب فعلا عشان فيه شرح و اسئلة نفس نظام الكتب الخارجية معادا القصة و الفراءة مش جايب س و ج و حذرنا برضه اننا نحفظ س و ج

تصدق انا لحد دلوقتي معرفش يعني ايه مذكرات اصلا :rolleyes: كلكو بتقولوها و ناس بتقول علي الكتب الخارجية مذكرات !! فاتلخبط بصراحة :d

انا مابتكلمش انها تتميز عن الكتب الخارجية ف ايه ، انا قصدي ان كتب المدرسين دي فيها شرح و فيها اسئلة زي ما قولت معظمها من الكتب الخارجية

و ده اللي مخليني زي ماقولت عشان بنشتغل و بنحل الواجب من الكتب دي ، معنديش وقت احل في الكتب الخارجية التانية زي الامتحان و كدا